Epistola a Tito Capitulo 3

 1 Recorda les que ille sia subjecte al magistratos e al autoritates, que sia obediente, prompte 
   a facer omne opera bon, 
 
 2 que illes non parla mal de alcuno, que non sia contentiose, que sia benigne, monstrante
   omne mansuetude verso tote le homines. 
 
 3 perque etiam nos era un vice insensate, rebelle, disviate, servos de varie concupiscentias 
   e voluptuositate, conducente le vita in malitia e invidia, odiose e odiante le unes le alteres. 

 4 Ma quando le benignitate de Deo, nostre Salvator, e su amor verso le homines se manifestava a nos,
 
 5 Ille nos ha salvate non per operas juste que nos ha facite, ma secundo su misericordia, mediante
   le lavage pro le regeneration e le renovation del Spirito Sancte, 

 6 que Ille ha copiosemente spargite supra nos per medio de Jesus Christo, nostre Salvator, 

 7 a fin que, justificate per su gratia, nos deveniva heredes secundo le sperantia del vita eternal. 
 
 8 Certe es iste parola, e iste cosas io vole que tu affirma con fortia, a fin que illes qui
   ha credite a Deo ha cura de attender a bon operas. Iste cosas es bon e utile al homines. 

 9 Ma evita questiones stulte, genealogias, contentiones, e disputas circa le lege, perque illos es inutile e van. 

10 Le homine sectari, post un prime e un secunde admonition, evita le, 

11 sapente que un tal homine es pervertite e pecca, condemnante se ipse. 

12 Quando io te habera mandate Artemas o Tychico, cerca de venir a me a Nicopolis, 
   perque io ha decidite de passar hic le hiberno. 

13 Provide con cura al viage de Zena, le legista, e de Apollo, a fin que nihil les manca. 

14 E que le nostres apprende etiam  a attender a bon operas pro provider al necessitates, 
   a fin que illes non sia infructuose. 

15 Tote illes qui es con me te saluta. Saluta illes qui nos ama in le fide. Le gratia sia con tote vos! 

1 2 3

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev