Epistola II al Thessalonicenses Capitulo 1

 1 Paulo, Silvano e Timotheo, al ecclesias del Thessalonicenses, que es 
   in Deo nostre Patre e in le Senior Jesus Christo, 

 2 gratia a vos e pace ab Deo Patre e ab le Senior Jesus Christo. 

 3 Nos debe render sempre gratias a Deo pro vos, fratres, como es ben juste que nos face, perque
   cresce summemente vostre fide, e abunda semper plus le amor de cata un de vos pro le alteres; 

 4 de modo que nos nos gloria de vos in le ecclesias de Deo, a motivo del vostre 
   constantia e fide in tote vostre persecutiones e in le afflictiones que vos sustene. 

 5 Iste es un proba del juste judicio de Deo, a fin que vos sia recognoscite
   digne del regno de Deo, pro le qual vos etiam suffre. 

 6 A fin que le justitia de Deo recompensa illes qui vos afflige, con afflictiones; 

 7 e vos qui es affligite, reposara con nos quando le Senior Jesus apparera 
   ab le celo con su potente angelos, 

 8 in un foco flammante, pro vindicar se de illes qui non recognosce Deo,
   e de qui non obedi al Evangelo del nostre Senior Jesus. 

 9 Le quales essera punite con eternal destruction, bannite ex le presenta 
   del Senior e le gloria de su potentia, 

10 quando ille venira pro esser in celle die glorificate in su sanctos e admirate per tote 
   illes qui ha credite, e in vos etiam, perque vos ha credite al nostre testimonio. 

11 E assi nos ora sempre pro vos a fin que le Deo nostre vos considera digne de un tal 
   vocation e compli con potentia omne vostre bon desiderio e le opera de vostre fide, 

12 a fin que le nomine de nostre Senior Jesus sia glorificate in vos, e vos in ille,
   secundo le gratia de nostre Deo e del Senior Jesus Christo.

1 2 3

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud

Rev