Enjignà n bon let a chest brao tous
Enjignà n bon let a chest brao tous
Enjignà n bon let a chest brao tous, l'à dit chel che l'aea menà, perché l'à intenzion de dormir chiò.
Volede dormir chiò, eh? L'à domanà l'ost al forest
- (Renzo di nome)
te se arvejinèr al desch.
Se sà che, l'à responet Renzo: N let a la bona voi, bèsta che i lenzei sie de lesciva nec, perché son n pere tous, ma usà a la netijia. Oh per chest po (l'à dit l'ost) e l'é jit vin banch che l'era te n piz de cèsa da fech, e l'é vegnù de retorn, con n calamèr e n toch de papier bianch te na man, e na pena te l'autra. Che vélel pa dir chest,
- (grida Renzo)
dut sperdù, entant che l magnèa n bocon de rost, che l camerier ge aea portà, e dapodò grignan e pien de marevea l'à dit, él chisc i lenzei de lesciva, eh?
L'ost senza responer parola, l'à pojà sun desch l calamèr, e l papier, e dapò sul medemo desch l'à pojà sù l brac cianch e l comedon dret, e co la pena per aria utà encontra Renzo, e con na vista da scerio l'à dit, ades cognede me dir l vosc inom e cognom, e da olà che siede. (Dapò l'à responù Renzo) chest posse ben fèr, ma del rest m'é sperdù, perché cherdee, de cogner sotscriver scric de debìtes. (Dapò l'à dit l'ost) Oh, oh bela, sion ben galantomegn te Fascia, chest l'é demò per conservèr na recordanza, perché no vedon mai forestieres.