El ourador nte la vigna
El ourador nte la vigna
N patron, dijëva n dì Gesù a suoi Apostoli, ava na vigna, e l é jù fora a bonora a cherì ouré per i mandé nte sua vigna col pato, che lori ciapássa na monëda. Tre ore plu tert l é jù ndavò fora sun chëla plaza, e l n à ciapé de autri, che i stava ilò a no fè nia. Jì ence vos nte mia vigna a laoré, dijëval a lori, che ve darè na cosa giusta! Da mesdì, e da le trei davomesdì l à fat encia cojì, e duc jiva a laoré. En ultima dël é jù fora davánt che l sorogle vade a florì, e n à ciaté de chi, che stava ilò zenza fè nia. Percié steiso ilò a fè nia? disc il patron a chisc. E lori i respon: Degugn n' à domané. Ben, jì ence vos nte mia vigna a laoré, che ve darè na cosa giusta.
Cánche l eva sté l' ora de fè veie à comané a suo agente che l dessa a ogniun egual, cioè na monëda. I pruns a tò l paiament eva chi, che ava laoré demè n' ora, e perchël chei, che ava laoré dut l dì, ëi se aspetava velch deplù. Ma anche chisc no n' à ciaté deplù, che na monëda. Sun chëst lori scomencia a brontolé, e se lamentáva e dijëva: Percié i à ciaté tant chisc, che nos, che on soporté l ciaut e la fadia de dut l dì, ulache lori à me laoré un' ora! E l patron i à respost: Non ve feje de tort; nos sonve a d' acort de na monëda, toleve chël, che ve ven, e jì, che se voi dé a chisc tan' che a vos, son patron de fè chël che me plesc e me per.