El mio paisc

El mio paisc.

El mio paisc l se clama Fodom
e l é n scito bel e bon.
Ven tres sciori a l vijité
e duc volëssa resté,
i se ferma pa cuà e là a cialé intorno
fin ch’ i ven debota ciourgn
che rive nʼ on pa assè
e debita da sté a pulinè.
Amez la val passa el stradon de le Dolomiti
en pruma el passa per Reba, un dei plu bei sciti,
e po el rua ja Renac
ilò on l
foreign:campo sportivo
da fè duc i ac.
Ilò l é ince na picola capela
che de le Madone l’ é ite la plu bela.
En fro plu in avánt se rua a l albergo
che Bosco Verde l é scrit sul tergo.
A sté ilò sul parapet
se veiga Col de Lana de rimpet,
se se outon verso mesdì
vedon chële aurone che i assa tánt da ne dì.
Ju de chële aurone davánt en per de agn
l é vignù ju na boa che l é marevoia se son ancora sagn.
Dapò se rua fora al forte e se chi se ciala su dërt
se veiga su Chierz e po se tira dërt.
Prëst ruon pa fora La Plie, che l’ é la capital
de la nostra bela val.
A mán dërta de La Plie
l è Ornela se volon ie cialé;
e se s’ ëssa na teleferica per strada
se ruássa giust via la Marmolada.
Defora da Ornela l è Sotil e Davedin
che ie bel sun nost confin.
Delà da La Plie l è Salejei, Andrac e Larcionei
e plu en n’ avánt no ocor savei.
Sot a La Plie ju
l è ja Plán dinongia ru.
Plu n ju no voi rué
che Fodom no nʼ è.
Ades ve salude e dighe adio
Che a rué fin chilò n’ è bù en pio.