El cavall de bara
| El cavall de bara (1932) by |
| L'è el dì di Mort, alegher! |
III
El cavall de bara
(Il cavallone da tiro)
Andà a torna per Milan
a cert’or, l’è on testament!
car, vicciur, on rabadan
de tramvaj, gent sora gent,
rebuttònen, pesten caj,
«aj! ch’el guarda in dove el va!»
se te gh’ee de traversà,
no te disi, poeu; l’è on guaj!
Mi che son già de natura
spauresg e, minga assee,
son tobis anca, segura!
guardi innanz, de part, de dree,
slonghi el coll de chì e de là
come i ors in di gabbiott,
disi on pàter e poeu... sott!
ciappi el slanz e me troo là
giusta quand, se la ven fada,
me ven contra on cariagg
automobil de volada...
- aj, aj, aj - Gesù, che scagg!
salta indree!... ghe giughi el coo
che foo rid i capellon!
Benedett qui pantalon
che se cascen nanca on poo
e scarlighen via quiett...
quand mi, inscambi, fioeuj! de tratt
in tratt, ciappi sù on scaggett
che me fa andà via el latt!
... e ghe n’è de sti pan poss
che se tiren mai de banda
e s’impipen de l’Olanda,
che ghe poden borlà adoss
i colonn de San Lorenz
e no fan on pass in là:
per esempi; quell melenz
d’on me amis, quell mostafà
in poltrona d’on Antoni
Galbarin l’è vun de quist,
sissignor! e ier n’oo vist
giusta on olter; on demoni
d’on cavall de bara! Gh’è
no de rid, perchè anca i besti
gh’han el so carater... gh’è
qui cattiv: «guai se me intesti,
lassemm stà, tiri pesciad!»;
gh’è qui pover turlurù
che se làssen pestà sù,
pamposson nè frecc nè cald,
ma zucconi, cristianin!
come quell cavall de bara
che passava in via Turin.
«Tutt sta gent la gh’à magara
pressa, e mi coss’óo de facch?»
- me pareva ch’el disess -
«Anca a cor per mi l’è itess...
poeu son stracch, no poss pu dacch!
cicch e ciacch e tira e tira,
mi voo adasi: pesta pur!
tant, quand gh’è giò ’l sô l’è sira!
mi voo pian: ti pesta pur!
cicch e ciacch e pioeuv e pioeuv...
su sti prej quand l’è bagnaa
borlà giò l’è subit faa...
porti i cann per l’orghen noeuv
a ona gesa de Milan...
son mazzaa... gh’óo nanca famm...
picca pur che mi voo pian!...
vedi l’ora de butamm
là! son mort! hin trenta mja
con sta carega de cann
in sul goeubb... e inanz tutt l’ann
con sta vita: trenta mja
come incoeu... doman des mja,
postdoman, magara, nient,
poeu anmò des... quindes... e via!
in dov’ell sto sacrament
d’ona gesa? tiremm là,
cicch e ciacch... fin che gh’emm fiaa...
che slusciat! Son mazzaraa...
de che part gh’óo de passà?
Chì gh’è on car... là gh’è on tramvaj
che me ven sui corni... sona!
sfoghet pur!... voo sui rotaj
per fatt cicca... varda! sona,
sona pur che no me moeuvi!...
anzi... tè, me fermi; ciappa!
l’è già on poo che la me scappa...
vuj pissà, segura, proeuvi!»
E lì, saldo! el s’è inciodaa,
e in del mezz lì della strada,
slarga i gamb! el gh’à mollaa
on slavesg d’ona pissada!
«Va t’impicca! vèdet nò
che gh’è el tramm denanz?... va là!
uuh... va là! ... no ’l pò speccià
on moment? che pressa!» e giò
bott! giò «Maladetta ciolla!»
giò col manech della frusta!
«T’ee finii de svojà l’olla?
porscell vacca... uuh... mò giusta
chì fermass! propi chinscì,
malarbetto, sui rotaj!...
oeuh che furia! forza, daj,
poggia... tira... forza...» oh sì!
oh dess! nanca pinco! L’eva
saldo lì, e nanca on sgris
l’à poduu fall moeuv; pareva
che l’avess miss giò i radis!
Finalment, dopo on bell poo...
quand l’à avuu finii i so coss,
quell beato requia-poss
l’è andaa là scorlend el coo
lu e la bara: «cicch e ciacch...
gh’avii furia? tanto mej!
no me casci: mi son stracch
e voo pian che su sti prej
se fa prest, adess ch’el pioeuv,
a ciappà ona scarlighetta!»
... L’è andaa giò de via Lupetta
lu e i cann per l’orghen noeuv!
A girare per Milano in certe ore è un affar serio! carri, vetture, una confusione di tram, gente su gente, urtano, pestano calli, «ahi! ma guardi dove va!» se poi devi attraversare non ti dico... sono guai! Io che sono già per natura pauroso e, non bastasse, sono anche debole di vista, sicuro! guardo innanzi, ai lati, dietro, allungo il collo di qua e di là come gli orsi nelle gabbie, dico un «Pater» e poi... sotto! prendo lo slancio e mi butto a capofitto proprio quando, se càpita, mi viene contro un camion a tutta velocità... - ahi, ahi, ahi - Gesú, che spavento! salta indietro!... ci scommetto la testa che faccio ridere i Vigili! Benedetti quei paciocconi che se la prendon comoda e se ne vanno via tranquilli... mentre, viceversa, io, ragazzi miei! di tanto in tanto, mi prendo uno spavento che mi fa rientrare il latte!... e ce ne sono di questi posapiano che non si scansano mai e se ne impippano dell’Olanda, che possono cascare loro addosso le colonne di San Lorenzo e non fanno un passo in là: per esempio; quel melenso di un mio amico, quel mustafà in poltrona di un Antonio Galbarini è uno di questi, sissignore! e ieri ne ho veduto proprio un altro; un tremendo cavallo da bara! non c’è da ridere, perché anche le bestie hanno il loro carattere... ci sono le cattive: «guai se mi intesto, lasciatemi stare, tiro calci!»; ci sono quei poveri turlurù che si lascian pestare, bonaccioni indifferenti, ma cocciuti, vivaddio! come quel cavallo da bara che passava in via Torino. «Tutta questa gente magari ha fretta, ma che ci posso fare io?», - mi pareva che dicesse - «Anche a correre per me è lo stesso... poi sono stanco, non ne posso piú! cicch e ciacch e tira e tira, io vado piano: pesta pure! tanto e tanto quando cala il sole è sera! io vado piano: tu pesta pure! cicch e ciacch, e piove e piove... su queste pietre quando è bagnato si fa presto a cadere... porto le canne per l’organo nuovo a una chiesa di Milano... sono sfinito... non ho neppure fame... picchia pure che tanto io vado adagio!... non vedo l’ora di buttarmi giú! son morto! sono trenta miglia con questo carico di canne sul groppone... e avanti tutto l’anno con questa vita: trenta miglia oggi... domani dieci miglia, posdomani magari niente, poi ancora dieci... quindici... e via! ma dove è questo sacramento d’una chiesa? tiriamo avanti cicch e ciacch... finché c’è fiato... che rovesci! Son tutto fradicio... da che parte ho da passare? Qui c’è un carro... là c’è un tram che mi viene sulle corna... suona! sfogati pure! ... vado sulle rotaie per farti dispetto... guarda! suona suona pure che tanto non mi muovo!... anzi toh! mi fermo; prendi su! È già da un po’ che mi scappa... voglio pisciare, proprio, provo!» E lí, fermo! si è piantato e in mezzo alla strada, ecco allarga le gambe!, ha lasciato andare un diluvio d’una pisciata! «Va’ ad impiccarti! non vedi che c’è il tram davanti?... va’ là! uuh... va’ là!... non può aspettare un momento? che fretta!» e giù botte! giù «Maledetto bischero!» giú col manico della frusta! «Hai finito di svuotare l’olla porco vacca!... uuh!... proprio qui fermarsi! proprio qui, maledetto, sulle rotaie!... Oh! che furia! forza, dài, poggia... tira... forza...» oh sí! macché! manco il diavolo! era fermo lí e neppure di un pelo ha potuto smuoverlo! pareva che avesse messo le radici! Finalmente, dopo un bel po’.... quando ebbe terminato le proprie faccende, quel beato pantalone si è avviato crollando la testa lui e la bara: «cicch e ciacch... avete fretta? tanto meglio! non mi scaldo; io sono stanco e vado piano che su queste pietre si fa presto, ora che piove, a fare uno sdrucciolone!»... Ha svoltato in via Lupetta lui e le canne per l’organo nuovo!