Dut fum hejwuł kymt maj Jasiü

From Wikisource
Jump to navigation Jump to search
[ 40 ]

Düt fum hejwuł kymt maj Jasiü

Düt fum hejwuł kymt maj Jasiü siun gyryta, ryta,
Ejwer ynzer śwełła ys kliny hytła tryta, tryta.
Ych fur frajyt śpryng ych raojs, śpryng ych raojs.
Łö dich siun du mir ny raojs, łö dich siun fu mir ny raojs.

Der Jasiü zuł dö błajn by yns wii ym łengsta, łengsta.
Ych ho ja fir dos łiw myt oła wii ym besta, besta.
Ym faod gaower ychta hee, ychta hee, ychta hee.
An ym Jasiü maochwer tyy, ym Jasiü maochwer tyy.

Dy ełdyn zajn zir fruł do der Jasiü ej gykuma, kuma.
Dy weła gaon dy śteł myt der hyt cyzoma, zoma.
Wir müsa denkia fu ynzer fröed, ynzer fröed, ynzer fröed.
Ych kon ny błajn a aołdy miöed, błajn a aołdy miöed.



This work is licensed under the Creative Commons Attribution-ShareAlike 3.0 Unported license.