Dat grote Höög- und Häwel-Book/Fallhood

   Wy van uns sülvst, möögt ydel Goods man läsen,
D'rüm jagen wy de Wahrheid vaken foort.
Doch möögen wy nu lütj, nu boomlang wäsen;
Wy kömen eenmal doch to'm  ersten Woord.

   Dat  tweede Woord is bald van Tüüg, van Ledder,
Van Stroh, van Haar, ook woll van Syd un Band;
Rund is't, ook kantig, ook mal ruug un wedder
Mal schyr, un denn mal mit, mal sünner Rand.

   Tohoop de  beiden Wörd: För lütje Kinnder
Ward't week un warm foold't, prüünt un steppt un nei't,
Man männig groten Minschen däd't nich minner
Hoog nödig, wenn hee sick dwasköppig, huddlig drei't.