Dat grote Höög- und Häwel-Book/De Bookstav L

   In'm Häwen is hee nich, doch dubbeld in der Höll,
Du hest äm nich an'm Oord un hest äm doch to'r Stell;
Du laavst mit äm Dyn'n God, doch sünner äm to prysen;
Dat Königryk kann nich, doch kann Dy't Land äm wysen;
Du hörst äm nich in'm Sang un hörst äm doch in'm Leed;
Un weer Dyn Sweet ook Blood, Du hest äm nich in'm Sweet;
Dem Düwel hangt hee an, de Satan mütt äm missen;
Dyn is hee, wenn Du lockst, man nich wenn Du wullt hissen;
Winnt ook Dyn Loff, so is hee doch nich in Dyn'm Winst;
Du hest äm, wenn Du luurst, nich wenn Du denkst un sinnst;
Du bruukst äm wenn Du fleutst, doch nich wenn Du wullt pypen:
Nu segg my, let so'n Snack, so'n dwadschen, sick begrypen?