D'ora in ora, I°
Jump to navigation
Jump to search
| ←Mi sì, te daris l'anima | D'ora in ora, I° (1894) by Passion |
D'ora in ora, II°→ |
No, no, voo minga.... hoo patii assee
E coragg ghe n'hoo pù, nanca on ciccin!
Vuj pù vedell. Mœuri puttost, vardee,
Che cercà d'incontrall, de stagh vesin!
Mi ghe vardi, mi 'l scolti e pensi a lee...
A lee che gh'ha el sò cœur, el sò basin,
E geli, brusi dalla testa ai pee,
Spasimi tutta come fuss sui spin.
Vuj pù vedell.... adess!.... quand sentiroo
La sua man in di mè senza tremà,
E i so œucc inscì bej mi vardaroo
Senza sentimm el cœur a deslenguà,
Quand, a lu, senza piang, mi pensaroo....
Allora sì, che l'andaroo a cercà!