Cuntlujion y fin
Cuntlujion y fin.
La storia de Sëlva foss fineda!
Chël ch'é scrit, ie urità senza vester laudeda;
Da scrì essi bën abù mo zeche pro,
Ma per no bravé massa spizi pro,
Y spizi pro cun n raim o poejia
A unëur dla Madona de Santa Maria.
O bon oma dl aiut
pagina:28
Che da seculi nca y da giut
Judà ëise nëus Salvans.
Judenes mo per se paré dai malans,
Che ulëss nes tenté
Y nes mpedì de nes salvé!
O bon'oma de Santa Maria
Che a tanc de nëus nsenià ëise la vëira via
A deventé fanc de vosc divin fi,
Opur sci tel cunvënt a ve servì;
Judëde fort, judëde mo y minechie
De chëi de Sëlva a sci n teologia
Per deventé nce ëi fanc de Chël Bel Die
I bon prevesc de Santa Maria!
Judede chisc, mo judede duc i Salvans
Vedli, jëuni, mutons y mutans,
Judi fort, judi giut,
O nosta bon'oma dl aiut.
Judi dlonch da Linacia.
Nfin ora Racia
Da Daunëi nfin ju a Piciulëi!
O bon'oma divina
Che dant a vo duc se nchina
Nëus duc dant a vo se nchinon
Y de cuer aricëulmënter ve prion,
De judé duc vosc devoc,
Sibe Fascians, sibe Badioc!
Judëde sci te Sëlva i Salvans,
Ma judëde nce chëi che ie n mez ai Talians,
Dai Tudësc, te Franzia a Paris, judede nsciuma
Duc, nëus oradecà, o bon'oma!
Acioche pudons daniëura, jì per chëla via,
Che nes à nsenià la Madona dl aiut de S. Maria;
Acioche duc nëus Salvans jì pudons n Paravis,
A sté ilò no n'ena no 15 dis,
Ma fort eternamënter giut,
A goder per fort nost'oma, LA MADONA DL AIUT!