Cumbater dl' Ana
Jump to navigation
Jump to search
Cumbater dl' Ana
Giuani Piazza
(Bozen, am 9.3.1917)
L ie per dut n gran cumbater
Nce l' ana y l corp ne se vën
Un via un ca trajëssa gën
Y la descordia mei desmëter
Sce l' ana vënc po vala bën.
L spirt dassëssa avëi plu forza
Y cumandé sëura la cërn
Avan pur dant l dur linfiern
Bel plan l fuech che se smorza
Y l spirt giape n bon guviern.
L foss bën for n bel luné
Dal ciel ju lunel scialdi for
Nes luna su cun gran amor
La bona scela mei lascé
A ulëi ruvé sun som la tor.