Cialëde tanc che ncuei s' à abinà ntëur

From Wikisource
Jump to navigation Jump to search
Cialëde tanc che ncuei s' à abinà ntëur
by anonim
grafia moderna

Poesia gardenese in occasione delle nozze d' argento sacerdotali del M. Rev. Don Angelo Comploi, Parroco di S. Ulrico ‒ Ortisei.


Cialëde tanc che ncuei s' à binà ntëur
A nosc Seniëur Pluvan per i fé drët unëur
N unëur che l s' à tan bën merità
Do 25 ani de preve y dut chël che l' à fà.

25 ani bele che preve sëise stat
Chësc lonch tëmp de gran bel che ëise fat
Cun gran zelo sëise stat nosc Seniëur Caplan
Y da ot ani encà nosc bon Seniëur Pluvan.

Vo v' ëis curà de nosc bën spirituel
Y suvënz nce per tanc del bën materiel
Vosta cunferenza de S. Vincenzo ai pueresc à tan judà
Y de mantenì dlonch la pesc v' ëis dagnëura purvà.

La curtina y la dlieja ëise drët bën abelì
Acioche stajons n vita y do mort plu saurì.
Per l' azion catolica l gran Oratorio ëise fabricà
Do 25 ani de preve chi pudrà dì dut chël che ëise fà?

Cun tan de dutrines, perdiches, nsegnamënc
Che vo v' ëis purvà, che restonse biei valënc.
Ma tan suvënz vosta amunizions a puech juvà,
I co v' aral pa po tel cuer muià!

Ma Chël Bel Die tën pa de dut cont
Y paia pa autramënter che chësc mond
Y do la fadies y l lëur de chisc puec dis
De premio ve donel pa l bel paravis.

Ma no mo prëst, mo giut messëise sté
Pra nëus y purvé de nes custemé
Ulessan nce nëus lassù ve fé cumpania
Scebën che nosc merit sarà pitl o nia.