Ciántia del Còl de Lana

From Wikisource
Jump to navigation Jump to search
Ciántia del Còl de Lana
by anonim
grafia moderna

Ciántia del Còl de Lana.


Col de Lana - Col de Sánch,
ria mort - tʼ as bù vedù!
Per redime - nos Ladins,
ma curt temp se nʼ on giaudù.

Ti splaiada - fin sunsom,
martoriada - dut intourn:
bel istes - de nos Fodom
despoiei - da som a pe...!

On perdù - ence nuosc bosć.
Chin tel animo - spartis!
Ci sonso! - Mèi plu nos?
Ci sàralo mo - doman?!

Col de Lana - Col Sánt!
Te perion - duc auna:
dei avi nuosc - mostron la fè
e no manciarà - fortuna...

“Zent ladina” - lʼ é vegnuda!
Toca a nos - se mëte n nòta.
“Libertà” che la siebe - cugnisciuda!
Ven pa ence che - ...la “Badiota”...

La ne mbracia - nte cinch Val.
Siebe un sol - el nost “volei”!
Un sol siebe - el giurament!
Per el di - che on da vedei.