Cara Marianna

by Gustavo Venturi

Cara Marianna  (1882)  by Gustavo Venturi ladin Cazet

grafia moderna

Cara Marianna.

Cara Marianna
dàme ristore,
se no ie more
da la passion.
Da la passion
negun è mort
nienze sta outa
no morirè.
No no vaer,
morosa mia,
se vaghe via
restornarè.
Se vaghe via
mi vaghe en Franza
co la speranza
de restorner.
Se vaghe via
col passaport,
o vif o mort
restornarè.
Canche i monts
sutarà a tera
alora o bela
te sposarè.