Bregostana e le budele
Bregostana e le budele
Na uta l'era na fémena che jìa a lavar budele. La cognea jir dò na costa via te n crep a lavarle. Sora n pech la veit vegnir na bregostana ju del casch e la é vegnuda jù apede chista fémena e l'à dit che faste chiò? L'à dit lave budele. E la bregostana à domanà:
"Aste cian?"
Chista fémena à dertura petà trei scìgoi.
"Perché scifli?", à domanà la bregostana. La fémena l'à dit percheche feide stae a magnar.
"Scì, scì", la disc la bregostana, "dant magnaré le nete budele e dò le paze".
Te chist moment rua l cian. La bregostana, apena che la l'à vedù, la é coreta su per ste crepe e l cian dò, e l'é stat fora trei dis e l'é vegnù dut nsangonà a forza de sbregar bregostanes.