Biblia/Vetule Testamento/Samuel/1 Samuel 8

←Capitulo 7

Le Biblia in Interlingua Samuel

Capitulo 9→

1 Samuel

8

Israel require un rege

¹Samuel senesceva, assi ille appunctava su filios qua judices super Israel. ²Le nomine de su primogenite esseva Joel, e le nomine de su secundogenite Abia. Illes compliva lor servicio de judices in Beersheba. ³Su filios, tamen, non esseva tan honeste como lor patre^[1]. Al contrario, illes esseva avide de pecunia. Illes acceptava offertas de corruption e perverteva le justitia.

⁴Assi, tote le ancianos de Israel se congregava in Rama pro discuter iste question con Samuel. ⁵Illes le diceva: “Ecce, tu senesceva e tu filios non es tan honeste como tu; nunc, ergo, appuncta super nos un rege qui nos rende justitia, como il ha in omne altere nationes. ⁶Iste requesta, tamen, displaceva a Samuel, quia illes diceva: “Da nos un rege qui nos rende justitia!”. Alora Samuel submitteva in precaria iste question al Senior.

⁷Le Senior diceva a Samuel: “Face tote lo que le populo te require! De facto illes rejectava me, non te. Illes non vole plus que io sia lor rege. ⁸Justo como illes ageva desde le die que io les faceva sortir de Egypto usque a nunc, illes me rejectava e serviva altere deos. Isto es lo que alsi illes te face. ⁹Nunc ergo, exaudi lor requesta, ma tu debe prevenir les e facer les comprender como un rege governara super illes!”. ¹⁰Itaque Samuel reportava al populo que ille habeva petite un rege, tote lo que le Senior le habeva dicite. ¹¹Ille diceva: “Istos essera le politicas del rege que governara super vos: ille conscribera vostre filios e les ponera in su fortias de carros e cavalleria; illes les facera currer ante su quadriga. ¹²Alcunos de illes essera appunctate qua tribunos e centurios^[2], alcunos essera fortiate arar su agros e recoltar su messes, alteres forgiara su armas de guerra e le equipamento de su carros. ¹³Le rege prendera vostre filias e las fortiara cocinar, panificar e producer perfumos pro ille. ¹⁴Illes prendera ab vos le melior productos de vostre agros, vinias e olivetos, e los dara a su officieros. ¹⁵Ille reclamara le decimo de vostre semines e del productos de vostre vinias pro distribuer los a su officieros e attendentes. 8¹⁶Ille prendera vostre servos e servas, e requirera vostre melior bestial e asinos e los empleara pro se. ¹⁷Ille vos petera le decimo de vostre greges, e vos ipse devenira su servitores. ¹⁸Quando ille die venira, vos me rogara de esser liberate del rege que vos habeva petite de me, ma tunc le Senior non vos exaudira”.

¹⁹Le populo, tamen, refusava audir le advertimentos de Samuel. Al contrario, illes insisteva: “No! Nonobstante, que nos habe un rege! ²⁰Nos essera justo sicut tote le altere nationes. Nostre rege rendera nos justitia, conducera nos e combattera nostre battalias”. 8²¹Assi Samuel reportava al Senior lo que le populo habeva dicite, ²¹e le Senior replicava: “Face lo que illes require e appuncta un rege super illes!”. Alora Samuel consentiva e les faceva retornar cata un a su urbes”.

Notas

1. Litt. “Non ambulava secundo su vias”.
2. O “commandantes de milles e commandantes de cinquanta”.