Biblia/Vetule Testamento/Reges/2Reges 1

←1 Reges 22

Le Biblia in Interlingua Reges

2 Reges 2→

2 Reges

1

Elijah confronta le rege Ahaziah

¹Postquam le morte de Ahab, le moabitas se rebellava contra Israel.

²Ahazia habeva cadite del cancello de un fenestra in su camera superior del palatio que ille habeva in Samaria e isto habeva causate le grave lesiones. Alora ille inviava messageros pro consultar Baal Zebub^[1], le deo de Ekron, e peter un oraculo re su restablimento. ³Ma le messagero angelic^[2] del Senior diceva a Elija le Tishbita: “Leva te e va incontrar le messageros del rege de Samaria e dice les: ‘Es il proque il non ha ulle Deo in Israel, que tu vade consultar Baal Zebub, le deo de Ekron? ⁴Pro isto le Senior te face saper que tu non te levera unquam plus del lecto ubi nunc tu jace, proque certemente tu morira”. Pois Elija vadeva delivrar le message.

⁵Quando le messageros retornava al rege, ille les peteva: “Proque retornava vos?”. ⁶Illes le respondeva: “Un homine veniva incontrar nos e ille nos diceva: ‘Retorna al rege que ha vos inviate e dice le: ‘Isto es lo que le Senior dice: ‘‘Es il proque il non ha ulle Deo in Israel, que tu vade consultar Baal Zebub, le deo de Ekron? Pro isto le Senior te face saper que tu non te levera unquam plus del lecto ubi nunc tu jace, proque certemente tu morira”’. ⁷Le rege les peteva: “Como esseva le aspecto del homine que sortiva pro incontrar vos e que diceva vos tal cosas?’”. ⁸Illes le respondeva: “ille esseva un homine vestite con un mantello pilose^[3] e con un pelle al cinctura”. Le rege alora exclamava: “Il es Elijah, le Tishbita!”.

⁹Assi le rege inviava un officiero con su cinquanta homines pro apprehender Elijah, le qual montava ubi se trovava Elijah, e le trovava sedite sur le culmine de un montania. Le officiero le diceva: “Homine de Deo! Le rege te comanda descender”. ¹⁰Elijas le respondeva: “Si io es un homine de Deo, que descende un foco del celo a consumer te e tu cinquanta soldatos!”. Alora un foco descendeva del celo e consumeva ille e su cinquanta soldatos.

¹¹Ahaziah alora mandava un altere officiero con su cinquanta homines pro apprehender Elijah. Stante lontan de ille, le officiero le diceva: “Propheta, le rege te commanda de descender immediatemente!”. ¹²Elijah le respondeva: “Si vermente io es un propheta, que descende foco del celo a consumer te e tu cinquanta soldatos!”. Descendeva, ergo, le foco de Deo del celo e consumeva le officiero e su cinquanta soldatos”.

¹³De novo le rege mandava un tertie officiero con su cinquanta soldatos. Iste tertie officiero montava e cadeva su su geniculos ante a Elijah. Ille le peteva misericordia e le diceva: “Propheta, io te preca, respecta mi vita e le vita de iste cinquanta tu servientes. ¹⁴Ecce, foco descendeva del celo e consumeva le duo officeros que veniva ante me, insimul a lor homines. Sed nunc, io te preca velle haber respecto pro mi vita”. ¹⁵Le messagero angelic del Senior diceva a Elijah: “Descende con ille. Non le time”. Assi Elija se levava e vadeva con ille a incontrar le rege. ¹⁶Elijah diceva al rege: “Le Senior te face saper isto: ‘A causa que tu mandava messageros pro consultar Baal Zebub, le deo de Akron, como si Israel non haberea ulle Deo, tu non te leveras plus de tu lecto e certemente tu morira”.

¹⁷Assi Ahaziah moriva just como le Senior le habeva dicite per bucca de Elijah. Durante que ille non habeva filios, le succedeva su fratre Jehoram in le secunde anno del regno de Jehoram^[4], filio de Jehoshaphat, rege de Judah.

¹⁸Le resto del evenimentos que reguarda le regno de Ahaziah, includite su complimentos, es registrate in le libro titulate: le Annales del Reges de Israel.

Notas

1. Baal Zebub esseva un manifestation local del deo Baal in le citate philistea de Ekron.
2. O “le angelo del Senior”.
3. O “un homine capillute”.
4. Il ha hic duo Jehoram: Ahaziah e Jehoram esseva filios de Ahab (rege de Samaria) e le rege de Judah esseva Jehoram filio de Jehoshaphat.