Biblia/Vetule Testamento/Psalmos/Psalmos 74

←Psalmos 73

Le Biblia in Interlingua Psalmos

Psalmos 75→

Psalmos

74. O Deo, ha tu repellite nos pro semper?

Le Salmista, que veniva de facer le experientia del devastation del invasion babylonian de Gerusalem in 586 a. C., pete a Deo de considerar le suffrentias de Israel e de intervenir in favor de su populo. Ille describe le templo ruinate, recorda le obras potente facite del Senior in le passato, implora misericordia e advoca le judicamento super le inimicos de Deo.

¹Un canto de contemplation scribite de Asaf. O Deo, ha tu repellite nos pro semper? Proque le foco de tu ira tanto arde contra nos, le grege de tu pastura? ²Rememora tu congregation, que tu possedeva desde le initio; tu tribo, que tu redimeva; le monte Sion, ubi tu habitava. ³Hasta te e va a vider su ruinas irremediabile e tote le devastation que illes faceva in tu sanctuario! ⁴Tu inimicos rugi intra tu sanctuario e in illo leva in alto su standardos de guerra. ⁵Illes es simile a foresteros que balancia con fortia lor hachas contra un arbore nodose pro abatter lo. ⁶Con hachas e con piccos ille ha fracassate le belle pannellos sculpite del templo. ⁷Illes ha incendiate tu sanctuario e le foco lo ha consumite completemente; illes ha profanate le loco que porta tu nomine. ⁸Illes se diceva in lor corde: "Vamos destruer toto!". Assi illes ha comburite tote le locos sancte ubi le Senior esseva adorate.

⁹Nos non vide plus tu signos miraculose; le profetas ha disparite e nos non sape quanto iste situassion ci potera durar. ¹⁰Quanto longemente permittera tu que tu inimicos te insulta? Lassara tu que illes dishonora tu nomine pro semper? ¹¹Proque refrena tu le mano, tu mano dextera? Extrahe la del pectore e colpa les!

¹²Totevia, tu, o Senior, es nostre rege desde longe tempore; tu accompli victoriosemente actos de liberation^[1] sur le terra. ¹³Qui findeva le mar in duo esseva tu, e solmente tu poteva trenchar le capite al monstros marin. ¹⁴Tu fracassava le capites del Leviatan^[2] e lo dava como nutrimento al bestias^[3] del deserto. ¹⁵Tu faceva surger fontes e torrentes, ma etsi siccar fluvios que se pensava eterne. ¹⁶Tu es le domino del jorno e del nocte, ille que poneva in lor position tanto le sol que le luna. ¹⁷Tu ha establite le terminos del terra: tu ha facite tanto le estate que le hiberno.

¹⁸Senior! Non oblida le invectivas que le inimico te adressa e como un popolo insipiente dishonora tu nomine! ¹⁹Non livra le vita de tu turtures a bestias selvage, non oblida pro semper tu pauperos. ²⁰Recorda te del promissas del Alliantia, proque le pais es plen de locos obscur dominate de violentia e iniquitate. ²¹Non lassa que le opprimitos sia de novo humiliate, ma que le pauperos e le indigentes lauda tu nomine.

²²Surge, o Senior nostre! Defende tu causa! Recorda como iste insipientes te affronta tote le die! ²³Non ignora lo que tu inimicos dice o le critos incessante de illes que te defia.

Notas

1. O "de salvation".
2. On non sape precisemente lo que esseva le Leviathan, o un creatura mythologic o na creatura prehistoric disparite.
3. O "le gentes".