Biblia/Vetule Testamento/Psalmos/Psalmos 5

Psalmo 5

Al chef del cantores. Per le flautas. Un psalmo de David.

1 Presta le aure ad mi verbo, oh Eternal, ascolta mi gemitos!

2 Siavattente ad mi critos, mi rege e mi Deo, es ad te que io ora.

3 Eternal! Le matino tu audi mi voce; le matino io me torna verso te, e io attende con expectation.

4 Nam tu non es un Deo qui prende placer con lo mal; con te, malefactores non son benvenite.

5 Le arrogantes non pote star coram tu presentia. Tu odia omnes qui committe iniquitates;

6 tu destrue celles qui dice mendacios. Tu abhore le homines de sanguine e de fraude.

7 Ma io, per tu grande misericordia, pote venir in tu casa; in reverentia io me prosterna verso tu sacrate templo con timor.

8 Guida me, oh Eternal, in tu justitia propter mi inimicos— face tu via recte ante me.

9 Nam nulle parola ex lor bocca pote esser fidite; lor corde es plen de malitia. Lor guttere es un aperte sepulcro; per lor linguas illi dice falsitates.

10 Declara les culpabile, oh Deo! Lassa lor intrigas esser lor ruina. Precipita les intra lor innumerabile peccatos! Nam illi se ha revoltate contra te.

11 Tunc omnes qui se confide in te se gaudera; Illi semper cantara in allegressa e tu protegera les; Nam tu sera un thema de joia pro celles qui ama tu nomine.

12 Certemente, oh Eternal, tu benedice le justo; tu circumfere le per tu favor como con un scuto.