Biblia/Vetule Testamento/Psalmos/Psalmos 4

←Psalmos 3

Le Biblia in Interlingua Psalmos

Psalmos 5→

Psalmos

4. Quando io te invoca, exaudi me

Le psalmista pete a Deo de exaudir su precaria e exprime su fiducia que le Senior intervenira. Ille exorta su inimicos a repentir se e confider in Deo Ille conclude con un altere precaria ut Deo interveni e affirma su confidentia absolute in le protection de Deo.

¹Pro le magistro del choro: un psalmo de David a accompaniar se per instrumentos a corda. Quando io te invoca, exaudi me, oh Deo de mi justitia^[1]! Ligamines de tribulation me constringe, ma tu me portara libere in locos late e aperte. Habe compassion e exaudi mi oration! ²Vos, qui me persecuta^[2], usque quando essayara ruinar mi reputation^[3]? Usque quando vos me accusara sin ration^[4]? Usque quando vos continuara mentir^[5]? [Interludio]

³Comprende que le Senior manifesta su favor a qui es fidel a ille^[6]. Quando io invoca le Senior, ille me exaudi. ⁴Non permitte al ira de inducer vos a peccar! Quando vos jace in vostre lectos, pensa re isto e remane silente. [Interludio]

⁵Offere sacrificios con un juste spirito; confide in le Senior! ⁶Multes dice: “Qui monstrara nos tempores melior?”. Oh Senior: que tu facie ante nos se illumina con un surriso! ⁷Tu me dava un gaudio plus grande que illes qui ha recoltas abundante de grano e de vino nove. ⁸In pace io me ponera a jacer e io dormira, quia tu, oh Senior, me rendera san e secur.

Notas

1. O “Oh Deo qui me vindica”, o “qui declara mi innocentia”
2. Litt. “Oh, filios del homine”.
3. Litt. “transformar mi honor in vergonia”.
4. O “amara le vanitate”.
5. O “querera quid es mendace”.
6. O “a su sanctos”.