Biblia/Vetule Testamento/Psalmos/Psalmos 142

From Wikisource
Jump to navigation Jump to search
Le Biblia in Interlingua
Psalmos

Psalmos[edit]

142. Io clama al Senior, con mi voce io supplica le Senior pro su misericordia[edit]

Le psalmista lamenta su condition de homine persecutate e pete al Senior de liberar le ab su inimicos.

1Un canto ben scribite (Maskil) de David, quando ille esseva in le caverna. Precaria. Io clama al Senior, con mi voce io supplica le Senior pro su misericordia. 2In su presentia io effunde mi lamentation. Io le parla de tote mi tribulationes. 3Mesmo si mi fortias me quita, tu, oh Senior, cognosce le sentieros per le quales io cammina. Sur le via in le qual io ambula, mi inimicos ha ponite trappas pro sasir me. 4Reguarda a dextera e vide: nemo me recognosce. Io ha nulle via de fuga: nemo se interessa de mi vita. 5Io te clama, oh Senior; io dice: “Tu es mi refugio, mi securitate[1] in le terra del viventes”. 6Ascolta mi deprecation, quia io ha essite nimis humiliate. Libera me de les qui me perseque, quia illes es plus forte que me. 7Libera me de iste prision a que io pote render gratias a tu nomine. Propter me se congregara illes qui se confide in te, quia tu me vindicara.

Notas[edit]

  1. O “le portion de mi hereditate”.