Biblia/Vetule Testamento/Psalmos/Psalmos 138
Psalmos[edit]
138. De tote le corde io te rende gratias, oh Senior[edit]
- Le psalmista promitte regratiar le Senior pro su actos de liberation e protection..
1Un psalmo de David. De tote le corde io te rende gratias, oh Senior; coram le assemblea celeste[1] a te io canta laudes[2]. 2o me inclina ante tu templo sancte e rende gratias a tu nomine, propter tu misericordia e tu fidelitate[3], quia tu magnificava tu parola[4] e tu nomine super omne altere cosas. 3Quandocunque io te invoca tu me exaudi; tu me rende hardite e multiplica mi fortias. 4Que tote le reges del terra te rende gratias, oh Senior, quando illes audi le parolas de tu bucca! 5Que illes canta re le actos del Senior, quia magne es le gloria del Senior! 6Quamquam le Senior es excelse, ille respice le humiles e de longe ille humilia le superbes. 7Mesmo si io debe ambular in le medio de tribulationes, tu me vivifica; tu extende tu mano contra le ira de mi inimicos; tu mano dextere me libera. 8Le Senior complira pro me omne su planos, quia tu misericordia, oh Senior dura pro semper. Non relinque le obra de tu manos!