Biblia/Vetule Testamento/Psalmos/Psalmos 124

From Wikisource
Jump to navigation Jump to search
Le Biblia in Interlingua
Psalmos

Psalmos[edit]

124. Si le Senior non habeva essite con nos[edit]

Israel recognosce que il es Deo qui les salva ab le continue attaccos de un mundo que les odia.

1Un cantico del peregrinos que ascende a Jerusalem. Un psalmo de David. “Si le Senior non habeva essite con nos,” que Israel lo dice nunc, 2“si le Senior non habeva essite con nos, quando homines surgeva contra nos, 3illes haberea ingurgitate nos vive, quando lor furor irasceva contra nos. 4Le aquas nos haberea inundate; le currentes nos haberea tosto submergite. 5Si, aquas rabiose haberea facite nos necar.

6Sia benedicite le Senior, que non permitteva a lor dentes de eveller nos. 7Nos escappava como un ave ab le rete del chassator. Le rete se lacerava e nos es libere nunc! 8Nostre adjuta veni del Senior[1], qui faceva Celo e Terra.

Notas[edit]

  1. O “es le nomine del Senior”.