Biblia/Vetule Testamento/Isaia/Isaia 6
Isaia
[edit]6
[edit]Le commission de Isaia
[edit]1In le anno del morte del rege Ozias[1], io videva le Senior sedente sur un throno excelse. Le orlo de su roba replenava le Templo. 2Seraphines stava juxta ille. Cata un de illes habeva sex alas: con duo alas illes se coperiva le visage, con duo illes coperiva lor pedes, e con duo illes volava. 3Illes clamava le unes al alteres e diceva: “Sancte, Sancte, Sancte es le Senior del universo! Le terra integre es plen de su gloria!”. 4Le sono de lor voces soccuteva le pivotes del portas, e le Templo esseva replete de fumo. 5Inde io diceva: “Guai a me: io es perdite! Quia mi labios es polluite de peccato, e io habita inter un populo cuje labios es polluite de peccato. Mi oculos videva le Rege, le Senior del universo”. 6Uno del seraphines tamen, volava verso me. In su mano il habeva un carbon ardente, prendite del altar con un forcipe. 7Con illo ille tangeva mi bucca e diceva: “Iste carbon ardente ha tangite tu labios. Tu iniquitate ha essite removite; tu peccato es pardonate!”. 8Deinde io audiva le voce del Senior qui diceva: “Qui io mandara? Qui vadera pro nos?”. Io respondeva: “Ecce me, manda me!”.
9E Ille diceva: “Vade e dice a iste populo: ‘Vos audi, si, ma sin comprender; vos reguarda, ma sin discerner’. 10Rende indurate le cordes de iste populo; rende surde lor aures e cec lor oculos. Alteremente illes poterea vider con lor oculos e audir con lor aures; lor mentes poterea comprender e illes poterea repentir se e esser sanate”[2]. 11Io replicava: “Usque quando, Senior?”. Ille diceva: “Donec le citates essera desolate e sin habitantes, e le domos non plus habitate, e le terra essera relinquite deserte, 12e le Senior habera ducite le populo a un placia lontan, e le corde ipse del terra essera completemente abandonate. 13Mesmo si solmente un decimo del population remanera in le pais, illo ancora essera destruite, justo como le grande arbores sacre o un pertica de Asherah, quando un columna sacre sur un alte loco es abattite. Ille columna sacre representa un familia special electe”.