Isaia

50

¹Isto es lo que le Senior dice: “Ubi es le certification de repudio^[1] de vostre matre per le qual io la dimitteva? O al qual de vostre creditores io vos vendeva? Ecce, vos esseva vendite propter vostre iniquitates. Il es propter vostre scelerate actos que vostre matre esseva dimittite. ²Quare il habeva necuno ibi quando io ha venite? Quare nemo respondeva quando io vocava? Esque il es quia io ha nulle poter de salvar? No, illo non es le ration. De facto io pote parlar al mar e facer lo exsiccar! Io poterea transformar fluvios in desertos coperite per pisces morte pro manco de aqua. ³Io poterea vestir le celos con vestes de lucto. Io poterea coperir los con vestes de sacco”.

Le Servitor obediente del Senior

⁴Le Senior Deo me dava le capacitate de esser su portavoce, ut io sape dar un parola de consolation a illes que es lasse^[2]. Ille me evelia cata matino, mane ille me rende allerte^[3] ut io le presta le debite attention como face omne discipulo con su magistro. ⁵Le soveran Senior me ha parlate clarmente. Io non me rebellava, io non me reverteva. ⁶Io offereva mi dorso a les qui me percuteva e mi genas a les qui me evelleva le barba. Io non averteva mi facie ante a insultos e sputos. ⁷Le Senior Deo es mi auxiliator: io sape que io non essera avergoniate. ⁸Juxta me es ille qui me justifica: qui osarea portar accusationes contra me? Ubi es mi accusatores? Que illes se approcha! ⁹Ecce, le Senior Deo es mi auxiliator, qui poterea condemnar me? Tote mi inimicos essera destruite sicut vetule vestimentos mangiate per tineas! ¹⁰Qui es inter vos qui time le Senior e obedi a su servitor? Si ambila in le tenebras sin un sol radio de lumine, que ille spera in le Senior e se confide in su Deo. ¹¹Face multe attention, tamen, vos omnes qui vive in vostre proprie lumine^[4] e recalida vos con vostre proprie foco^[5]. Isto es quid vos va reciper de me: tosto vos cadera in grande tormento.

Notas

↑ O “divorcio”. Le question non es que un tal documento non existe e que nulle repudio eveniva. Plus tosto, le question pete que ille certification sia monstrate ut le accusator pote vider clarmente le ration del ripudio. Le Senior non dimitteva Israel arbitrarimente.
↑ O “fatigate”.
↑ Litt. “Ille excita mi aures”.
↑ O “Qui accende un foco”.
↑ O “inter le flechas inflammate que vos igniva”.

[1] O “divorcio”. Le question non es que un tal documento non existe e que nulle repudio eveniva. Plus tosto, le question pete que ille certification sia monstrate ut le accusator pote vider clarmente le ration del ripudio. Le Senior non dimitteva Israel arbitrarimente.

[2] O “fatigate”.

[3] Litt. “Ille excita mi aures”.

[4] O “Qui accende un foco”.

[5] O “inter le flechas inflammate que vos igniva”.

[1]

[2]

[3]

[4]

[5]