Isaia

12

Canto de laude pro le salvation

¹In celle tempore tu dicera: “Oh Senior! Io te laudara, quia, nonobstante que tu esseva irate contra me, tu furor se appaciava e tu me consolava. ²Ecce, Deo veniva salvar me^[1], io confide in ille e non time, quia le Senior me da fortia e me inspira cantos de laude: ille deveniva mi liberator”. ³Con gaudio vos haurira aqua ab le fontes del salvation. ⁴In celle tempore vos dicera: “Deo sia laudate! Invoca su nomine! Face saper a tote le populos quomodo Deo nos salvava! Que omnes sape que su nomine es excelse! ⁵Canta al Senior, quia ille faceva cosas magnific! Que isto sia cognoscite in tote le mundo! ⁶Exulta e lauda, vos qui habita in Sion^[2], quia magne in vostre medio es le Sancto de Israel!”.

Notas

↑ O “Deo es mi salvation”.
↑ Jerusalem.

[1] O “Deo es mi salvation”.

[2] Jerusalem.

[1]

[2]