Biblia/Vetule Testamento/Ezra/Ezra 1

←2 Chronicas 36

Le Biblia in Interlingua Ezra

Ezra 2→

Ezra

1

Le rege persian Cyro autorisa le reconstruction del Templo

¹In le prime anno^[1] del regno de Cyro, rege de Persia, a que se compliva le parola del Senior pronunciate per le medio de Jeremia^[2], le Senior suscitava in Cyro, rege de Persia, le intention^[3] de emitter un edicto concernente le templo de Jerusalem. Iste edicto, publicate per tote su regno, sia de vive voce que per scripto, ²diceva: “Ciro, rege de Persia, face saper isto: ‘Le Senior, Deo del celo, que poneva in mi manos omne le regnos del terra, me ha comandate que io le edifica un templo in Gerusalem de Judea. ³Quicunque inter vos pertine a su populo - que su Deo sia con illes! - es permittite retornar a Jerusalem de Judea, pro edificar le templo del Senior, Deo de Israel - ille ipse es le Deo que habita in Jerusalem. ⁴Quicunque supervive in qualcunque del placias ubi es un residente estranie, debe esser adjutate de su vicinos con argento, auro, provisiones e bestial, insimul a offertas voluntari pro le templo de Deo que es in Jerusalem”.

Le exiliatos se prepara retornar a Jerusalem

⁵Alora le chefes del familias de Juda e de Benjamin, le sacerdotes e omne le levitas, se disponeva partir. Illes esseva tote illes al quales Deo suscitava le spirito^[4] a que tornava a Jerusalem pro reconstruer le templo del Senior que esseva a Jerusalem. ⁶Tote lor vicinos adjutava les^[5] in donar les objectos de argento, auro, provisiones, bestial e multe altere benes, insimul a offerta voluntari pro le templo.

⁷Le rege Cyro mesme faceva restituer les le objectos^[6] del templo del Senior que Nabuchodonosor habeva prendite de Jerusalem e exponite in le templo de su deos. ⁸Per ordine de rege Cyro de Persia, le tresorero Mitridathe faceva de illos un inventario e los confideva a Sasabassar, le governator^[7] de Judea. ⁹Le inventario esseva isto: trenta bassinettos de auro, mille bassinettos de argento, vinti novem utensiles de argento; ¹⁰trenta scutellas de auro, quatro centos dece altere bassinettos de argento, e mille altere cupas. ¹¹Omne le vasos de auro e de argento esseva un total de cinque mille quatro centos. Sasabassar faceva portar tote iste objectos insimul al deportatos qundo illes retornava de Babylonia a Jerusalem.

Notas

1. Non in le prime anno de su regno super Persia, proque ille habeva regnate durante multe annos ante le evenimento hic reportate, ma super Babylon e le dominios que lo pertineva, que ille conquistava (cfr. Daniel 10:1). Ergo: “In le prime anno del domination de Cyro super Babylonia”.
2. O “per bucca de Jeremia”, Jeremia 29:10; 25:11-14.
3. Le Senior suscitava in le corde (mente) de Cyro le intention de...
4. O “moveva le corde”.
5. O “reinfortiava lor manos”.
6. O “vasos”.
7. O “prince”.