Biblia/Vetule Testamento/Exodo/Exodo 24

←Exodo 23

Le Biblia in Interlingua Exodo

Exodo 25→

Exodo

24

Israel accepta le pacto con Deo

¹A Moses, tamen, le Senior diceva: “Ascende hic ad me, e porta con te Aaron, Nadab e Abihu, insimul a septanta del ancianos de israel. Tote vos debe adorar procul. ²olmente a Moses es permittite ascender al Senior. Le alteres non debe approximar se, e a necun altere del populo es permittite ascender al monte con ille”.

³Ergo Moses descendeva al plebe e reportava les tote le instructiones e regulas que le Senior le habeva date. Omne le populo a illo respondeva unanimemente^[1]: “Nos va facer tote lo que le Senior ordinava”. ⁴Moses poneva diligentemente per scripto le instructiones del Senior. Le die sequente, mane, Moses se levava e erigeva un altar al pedes del monte. Ille erigeva alsi septe columnas lapidee pro cata un del dece-duo tribos de Israel. ⁵Deinde ille mandava alicun juvene israelitas a presentar holocaustos e sacrificar tauros qua offerta de pace pro le Senior. ⁶Moses faceva escolar le medietate del sanguine de iste animales in bassinos. Le altere medietate ille lo aspergeva super le altar.⁷Inde ille prendeva le Libro del Pacto e lo legeva in alte voce al populo. De novo illes respondeva: “Nos va facer tote lo que le Senior ordinava. Nos obedira”. ⁸Assi Moses prendeva le sanguine e lo aspergeva super le populo e diceva: “Isto es le sanguine del pacto que le Senior establiva con vos conformemente a tote iste parolas”.

⁹Moses e Aaron, Nadab e Abihu, insimul al septanta ancianos de Israel ascendeva al monte. ¹⁰Ibi illes videva le Deo de Israel. Sub su pedes il habeva alco simile a un pavimento de sapphiro, clar como le celo ipse quando illo es seren. ¹¹Quanquam iste israelitas electe videva Deo, ille non esseva destruite. De facto, illes habeva ibi un repasto celebrative: illes mangiava e bibeva in su presentia!

¹²Le Senior diceva a Moses: “Ascende ad me super le monte e remane ibi, e io te dara le tablettas lapidee con le leges e le commandamentos que io ibi scribeva, ut docer los”. ¹³Assi, Moses con su adjutante Josua ascendeva al monte de Deo. ¹⁴Ille diceva al ancianos: “Expecta hic, donec nos retorna ad vos. Quicunque ha questiones de disputation, se debe consultar con illes”.

¹⁵Moses, ergo, ascendeva al monte, e le nebula coperiva le monte. ¹⁶Le gloria del Senior se establiva super le Monte Sinai e le nebula lo coperiva per sex dies. Le septime die, ille vocava Moses ex le medio del nebula. ¹⁷Ora, le aspecto del gloria del Senior esseva simile a un foco devorante super le monte ante le oculos del Israelitas. ¹⁸Deinde, durante que ille ascendeva al monte, Moses dispareva in le nebula. Ille remaneva sur le monte per quaranta dies e quaranta noctes.

Notas

1. Litt. “con un sol voce”.