Introduction a Exodo 20

Iste capitulo del libro del Exodo es le corde del fide hebraic e christian. Illo contine le leges del “charta constitutional” del populo de Deo. Iste dece commandamentos (o “parolas”) forma le preambulo; illos es sequite per le decisiones (judicios). Pois, in le capitulo 24 le Pacto essera inaugurate. Assi, quando Israel subsignava le Pacto con Deo, illos acceptava un theocratia per exprimer lor voluntate de submitter se a Su autoritate. Iste Lege esseva le Constitution vinculante del nation de Israel sub Yahweh, lor Deo. Le momento e le loco de su proclamation non esseva irrelevante.

Le Commandamentos establiva como Israel debeva viver pro esser benedicite per Deo e empleate per Ille como un nation de sacerdotes. In le processo de regular lor conducta e lor rituales religiose, le Lege revelava Deo. Illo revelava le sanctitate de Deo como le norma o standard pro omne culto e servicio, e in revelar lo, illo revelava o discoperiva lo que es a considerar peccato. Le Lege non solmente condemnava le peccato, ma illo provideva alsi le via del reconciliation con Deo per le medio de sacrificios e de rituales, le quales prefigurava le obra del redemption del Christo a venir.

Le Nove Testamento insenia que iste Lege es inscribite per natura in le corde (conscientia) de omne esser human. A causa del peccato iste inscription esseva disfigurate e subjecte a un constante tentativa de suppression. Le Lege de Deo, esseva tamen clarmente publicate a que tote le mundo lo vide. Le lege que Deo donava es bon, perfecte e sancte. Ma illo anque insenia que Christo es le fin (le objectivo) del Lege, proque ultimativemente illo conduce a Ille. Illo esseva un pedagogo, le apostolo Paulo diceva, pro portar a Christo, non como un impossibile medio dee salvation. Pro le christianos, lo que le Lege de Israel revela in re Deo e Su voluntate, ha valor eterne e ancora autoritative pro nostre fide e conducta.

Le dece Commandamentos es un summario del Lege. Illos revela le essentia del Lege e esseva alsì respeculate in le NT proque illos de facto revela le natura sancte e juste de Deo. Le Nove Testamento los eleva a un standard plus alte pro proteger sia le spirito que le littera del Lege.