Biblia/Vetule Testamento/Cantico/Cantico 5

←Cantico 4

Le Biblia in Interlingua Cantico

Cantico 6→

Le Cantico del canticos

3

[Le amato a su amata:] ¹Io ha entrate in mi jardin, oh mi tresor^[1], mi sposa! Io collige mi myrrha con mi species e mangia le favo con mi melle. Io bibe vino con mi lacte! [Le poeta al copula:] Mangia, amicos e bibe! Si, inebria vos, oh amantes!

Le proba del amor

[Le amata in re su amato:] ²Io dormiva, ma mi mente soniava. Audi! Mi amato colpa al porta!”.

[Le amato a su amata:] Aperi me, mi tresor, mi columba, mi immaculate! Mi capite es saturate de rore, mi capillos con le humiditate del nocte”.

[Le amata a su amato:] ⁵Io me disvestiva de mi tunica: esque io deberea vestir me de novo? Io jam lavava mi pedes: esque io deberea polluer los de novo? ⁴Mi amato mitteva su mano per le foramine e mi corde fremeva in me. ⁵Io saliva pro aperir a mi amato; mi manos stillava de myrrha; mi digitos escolava de myrrha sur le ansa del pessulo. ⁶Io aperiva a mi amato, ma ille jam habeva tosto declinate de entrar e vadeva via. Io cadeva in desperation quando ille partiva. Io le quereva, ma non le trovava. Io le vocava, ma ille non me respondeva. ⁷Le custodes me trovava durante que illes patruliava le citate. Illes me percuteva e me vulnerava; illes lacerava mi mantello, ille custodes del muro!

Le triumpho del amor

[Le amata al juvenettas:] ⁸Io vos adjura, juvenettas de Jerusalem, si vos trova mi amato, que dicera vos a ille? Dice le que io langue de amor pro ille!

[Le juvenettas al amata:] ⁹Esque tu amato es melior que alteres, oh bellissime inter le feminas? Proque deberea tu amato esser melior que alteres que tu adjura nos in iste maniera?

[Le amata al juvenettas:] ¹⁰Mi amato ha un splendor cecante e es rubicunde; in comparation con altere homines ille excelle in toto. ¹¹Su capite es sicut le auro le plus pur. Su capillos es crispe - nigre como un corvo. ¹²Su oculos es sicut columbas super rivos de aqua, lavate con lacte, incastrate como joieles. ¹³Su genas es como areas de jardin plen de herbas aromatic que emana parfumos. Su labios es sicut lilios que distilla guttas de myrrha. ¹⁴Su brachios es sicut virgas de auro incastrate de beryllium. Su ventre es sicut ebore lustrate e incrustate de sapphiros. ¹⁵Su gambas ec sicut columnas de marmore fundate super bases de pur auro. Su apparentia es sicut le Libano, electe como su cedros. ¹⁶Su bucca es dulcissime; ille es del toto desiderabile. Talmente es mi amato! Ille es mi companion, oh juvenettas de Jerusalem!

Notas

1. O “mi soror”.