Biblia/Glossario/b

Retorno

---

Biblia Glossario biblic

A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z

B

• Banco del impostos. Un banco del impostos (τελώνιον, pedage o doana) esseva locate a un porto o al limite de un citate pro perciper impostos de commercio. Iste impostos esseva un forma de doana (derecto del stato de perciper moneta) applicate al movimento de benes e productos portate in un certe area pro vender los. Como tales, iste pedages esseva un sorta de "impostos de vendita" pagate del venditor, ma obviemente cargate sur le emptor in le forma de un precio augmentate. On se refere aliquando a iste systema come "impostos-cultura", quia un contracto pro le perception de iste impostos pro un integre districto haberea essite vendite a un adjudicatario que haberea pagate in avantia (anticipate le pagamento), ingagiate le empleatos pro facer le obra del perception (τελώνης, le perceptor, pedagero, doanero, o publicano), e pois recuperate le investimento e le extra expensas taxante commissiones supra le impostos. Benque ratas e commissiones esseva regulate per le lege, il habeva abundante loco pro abusar del systema per valutationes subjective del benes del perceptores, e mesmo con le practica commun del corruption. Supervisores de impostos e lor empleatos obviemente non esseva amate. Il habeva un pedage a Capharnao, que esseva super le via de commercio ab Damasco al Galilea e al Mediterraneo. Il es hic que Jesus incontra Levi (vocate alsi Mattheo, cfr. Mattheo 9:9) le qual, benque indirectemente empleate dal Romanos, esseva plus directemente responsabile verso Herodes Antipas, le tetrarcha del Galilea appunctate de Roma. Il esseva le carga de Levi perciper pro Roma le derectos doanal, e assi ille esseva dispreciate de su compatriotas judee, multe del quales le haberea considerate un traitor.