Ban/tutur-raga-sarira
Deskripsi[edit]
Bahasa Indonesia[edit]
Bahasa Inggris[edit]
Naskah[edit]
[ 1 ]Judul : TUTUR RAGA SARIRA
Pnj : 40 cm. Lb. 3,5 cm. Jl. 47 1b.
Asal : Griya Kecicang, Kr. asem. [ 2 ][᭑ 1B]
᭛᭜᭛ᬑᬁᬅᬯᬶᬖ᭄ᬦᬵᬫᬲ᭄ᬢᬸᬦᬫᬰᬶᬤᬀ᭛ᬦᬶᬳᬦ᭄ᬩᬩ᭄ᬮᬲᬦ᭄ᬢᬸᬢᬹᬃ᭞ᬲᬮ᭄ᬯᬶᬭᬾ᭝ᬧ᭄ᬦᬲᬶᬂᬢᬸᬢᬹᬃᬉᬢ᭄ᬢᬵᬫᬮ᭄ᬯᬶᬄ᭞ᬩᬩ᭄ᬮᬲᬦ᭄ᬰᬭᬶᬦ᭄ᬢᬵ᭞ᬗ᭄ᬳᬶᬂᬲᬫᬚᬕᬲᬶᬭᬮᬯᬦ᭄ᬳᬫᭀᬂᬫᬲ᭄ᬫᬡᬶᬓ᭄᭞ᬧᬶᬮᬶᬄᬉᬢ᭄ᬢᬵᬫᬇᬓᬶ᭞ᬮ᭄ᬯᬶᬃ
ᬦ᭄ᬬ᭝ᬓᬥ᭄ᬳ᭄ᬤᬵᬧᬢ᭄ᬕᬸᬫᬶ᭞ᬫᬗ᭄ᬤᬤᬶᬭᬯ᭄ᬭᬸᬄᬭᬶᬂᬓᬢᬢ᭄ᬯᬦ᭄ᬬᬓᬩᬾᬄ᭞ᬮ᭄ᬯᬶᬃᬤ᭄ᬬᬢᬗ᭄ᬕᬸᬗᬸᬫᬶᬦᬾᬓᬳᬶᬦ᭄᭞ᬢ᭄ᬮᬧᬓᬦ᭄ᬮᬶᬫᬦᬾᬢ᭄ᬗᭂᬦ᭄᭞ᬢᬗ᭄ᬕᬸᬦ᭄ᬕᬸᬫᬶᬦᬾᬓᬯᬸᬄ᭞ᬢ᭄ᬮᬧᬓᬦ᭄ᬮᬶᬫᬦᬾᬓᬶᬯᬵ᭞ᬢᬗ᭄ᬕᬸᬫᬶᬦᬾᬓᬚᬵ᭞ᬢ᭄ᬮᬧᬓ
ᬦ᭄ᬩᬢᬶᬲᬾᬢ᭄ᬗᭂᬦ᭄᭞ᬢᬗ᭄ᬕᬸᬗᬸᬫᬶᬦᬾᬓ᭄ᬮᭀᬤ᭄᭞ᬢ᭄ᬮᬧᬓᬦ᭄ᬩᬢᬶᬲᬾᬓᬶᬯᬵ᭞ᬢᬗ᭄ᬓᬳᬾᬫᬤ᭄ᬬ᭞ᬇᬓᬇᬬᭂᬧᬓ᭄ᬦᬵᬲᬫᬶ᭞ᬦᬾᬳᬤ᭄ᬧᭂᬫᬶᬍᬄ᭞ᬦᭀᬭᬤᭀᬄᬭᬶᬂᬰᬭᬶᬭᬦ᭄ᬢᬵ᭞ᬓᬮᬶᬳ᭄ᬗᬦ᭄ᬬᬰᬵᬲ᭄ᬢ᭄ᬭ᭞ᬗ᭞ᬫᬾ
ᬫᬾ᭞ᬩᬧ᭞ᬗ᭞ᬕᬸᬭᬸ᭞ᬕᬸᬭᬸ᭞ᬗ᭞ᬳᬚᬶ᭞ᬳᬚᬶ᭞ᬗ᭞ᬇᬬᭂᬧ᭄᭞ᬲᬫᬓᬢ᭄ᬫᬸᬤᬾᬦᬶᬂᬇᬬᭂᬧ᭄᭞ᬮ᭄ᬯᬶᬃᬦ᭄ᬬ᭝ᬓᬥ᭄ᬥᬧᬢ᭄ᬭᬕ᭞ᬭᬶᬲᬫ᭄ᬧᬸᬦ᭄ᬲᬶᬭᬫᬯᬓ᭄ᬢ᭄ᬯᬵ᭞ᬳᬭᬦ᭄ᬜᬫᬦᬾᬫ᭄ᬯᬄᬤᬾᬯᬾᬓ᭄ᬭᬕᬦᬾ
[᭒ 2A]
ᬯᬵᬃᬡ᭄ᬦᬧᬢᬸᬄᬭᬶᬂᬰᬭᬶᬭᬦ᭄ᬢᬵ᭞ᬮ᭄ᬬᬸᬦ᭄ᬪᬸᬱᬡᬵ᭞ᬓᬮᬶᬗᬦ᭄ᬬ᭞ᬳᬶᬧᬾᬦ᭄ᬳᬮ᭞ᬓᬳᬶᬦ᭄᭞ᬫᬸᬗ᭄ᬕᬸᬄᬭᬶᬂᬧᬧᬸᬲᬸᬄ᭞ᬳᬪᬸᬱᬡᬵᬰ᭄ᬯᬾᬳ᭄ᬣᬵ᭞ᬳᬶᬗᬓᭀᬤ᭄ᬭᭀᬓ᭄ᬮᭀᬦ᭄᭞ᬫᬸᬗ᭄ᬕᬸᬄᬭᬶᬂᬳᬢᬶ᭞ᬪᬸᬱᬡᬵᬳ᭄ᬩᬂ᭟ᬳᬶᬰᬭᬶ᭞ᬓ
ᬯᬸᬄ᭞ᬫᬸᬗ᭄ᬕᬸᬄᬭᬶᬂᬉᬩ᭄ᬲᬶᬮᬦ᭄᭞ᬪᬸᬱᬡᬵᬓᬸᬦᬶᬂ᭞ᬢᬶᬳᬲᬺᬧ᭄᭞ᬓᬚ᭞ᬫᬸᬗ᭄ᬕᬸᬄᬭᬶᬂᬳᬫ᭄ᬧ᭄ᬭᬸ᭞ᬪᬸᬱᬡᬵᬇᬋᬂ᭞ᬤᬾᬯᬓ᭄ᬭᬕᬦᬾᬳᬶᬓᬹᬝᬫᬗ᭄ᬕᬵ᭞ᬫᬸᬗ᭄ᬕᬸᬄᬭᬶᬂᬲᬕᬭᬵ᭞ᬪᬸᬱᬡᬵᬧᬜᬩ᭄ᬭᬦ᭄᭞ᬲ
ᬕᬭ᭞ᬗ᭞ᬢ᭄ᬗᬳᬶᬂᬯ᭄ᬗᬶ᭞ᬇᬓᬇᬬᭂᬧ᭄ᬲᬕᬭᬳᬕᬸᬂ᭞ᬲᬶᬭᬭᬶᬂᬲᬦᬓ᭄ᬢᬵᬧᬢ᭄ᬧᬢ᭄᭞ᬫ᭄ᬯᬄᬭᬕᬦᬾ᭞ᬳᬚᬓ᭄ᬮᬸᬈ᭞ᬗᬶᬤ᭞ᬫᬗᬦ᭄᭞ᬗᬶᬦᬸᬫ᭄᭞ᬳᬳ᭄ᬲᬸ᭞ᬓ᭄ᬯᬲᬬᭂᬓᭀᬦ᭄ᬤᬾᬦᬶᬂᬲᬢ᭄ᬭᬩᬮᬶ᭞ᬬᬦ᭄ᬲᬶᬭᬮᬸ
ᬗ᭄ᬳᬵ᭞ᬯᬸᬲ᭄ᬤᬢᭂᬂᬭᬶᬂᬧᬮᬮᬸᬗᬬᬦ᭄᭞ᬲᬮᬄᬢᬸᬗ᭄ᬕᬮ᭄ᬬᬓᭀᬦ᭄ᬫᬮᬶᬄ᭞ᬳᬫ᭄ᬭᬶᬓᬵᬳᬸᬫᬄᬫ᭄ᬯᬄᬳᬦᬓ᭄ᬧᬓᬸᬋᬦᬦ᭄ᬢᬵ᭞ᬢᬸᬦ᭄ᬤᬾᬦ᭄ᬩᬳᬦ᭄ᬲᬢ᭄ᬯᬩᬮᬶ᭞ᬳᬗ᭄ᬕᬾᬦ᭄ᬯᬫ᭄ᬩᬫ᭄ᬯᬂᬳᬗ᭄ᬕᬾᬦ᭄ᬫᬶᬓᬸᬓᬸᬳᬶᬦ᭄ᬳ᭄ᬭᬶᬂᬓ᭄ᬯᬱᬵ᭞ᬳᭂ [ 3 ][᭒ 2B]
᭒
ᬫ᭄ᬩᬸᬲ᭄ᬧᬲᬸᬓ᭄ᬯᭂᬢ᭄ᬯᬂ᭞ᬤᬾᬦᬶᬂᬩᬬᬸᬲᬩ᭄ᬤᬇᬬᭂᬥᭂᬧ᭄᭞ᬦᭀᬭᬳᬦᬬᬵᬳᬦ᭞ᬦᭀᬭᬓᬢᭀᬦ᭄᭞ᬬᬵᬓᬳᭀᬦ᭄᭞ᬦᭀᬭᬫᬲᬩ᭄ᬤ᭞ᬬᬵᬫᬲᬩ᭄ᬤ᭞ᬓᬤ᭄ᬬᬗ᭄ᬕᬦᬶᬂᬳᬗᬚᬶᬂᬯᭀᬂᬯᬯᬾᬲ᭄ᬢ᭄ᬭᬶ᭞ᬇᬓᬵᬲᬦ
ᬓᬾᬳᬸᬤᬸᬄᬓ᭄ᬦᬵᬲᬶᬦᬮᬶᬄᬢᬸᬗ᭄ᬕᬮ᭄᭚ᬦᬶᬳᬦ᭄ᬳᬋᬧ᭄ᬳᬗᬸᬲᬤ᭄ᬥᬵᬦᬶᬦ᭄᭞ᬓᬶᬤᬾᬦ᭄ᬜᬸᬲᬸᬧ᭄ᬭᬶᬂᬯᭀᬳᬕ᭄ᬭᬶᬂ᭞ᬬᬦ᭄ᬳᬋᬧ᭄ᬭᬶᬂᬯᭀᬂᬇᬲ᭄ᬢ᭄ᬭᬶ᭞ᬳᬗ᭄ᬕᬦᬶᬂᬯᭀᬂᬇᬲ᭄ᬢ᭄ᬭᬶᬓᬯᬲ᭞ᬫᬜ᭄ᬚᬶᬂᬭᬶᬂᬲᬭᬶᬭᬦ᭄ᬢᬵ᭞ᬫᬧᬦ᭄ᬲᬦᬓᬾ
ᬧᬳ᭄ᬧᬢ᭄ᬓ᭄ᬯᬧᬵᬫ᭄ᬢᬸᬲᬳᬶᬥᭂᬧ᭄ᬢᬵ᭞ᬬᬓᭀᬦ᭄ᬩᬸᬮᬢᬶᬯᭀᬂᬇᬲ᭄ᬢ᭄ᬭᬶ᭞ᬳᬾᬮᬶᬗᬓ᭄ᬦᬵᬳᬸᬗ᭄ᬕ᭄ᬯᬦ᭄ᬥᬤᬭᬶᬦᬾᬭᬶᬂᬲᬭᬶᬭᬦ᭄ᬢᬵ᭞ᬗ᭞ᬯᬶᬤ᭄ᬬᬥᬭᬶᬳᭀᬯᭀᬓ᭄ᬭᬸᬫᬯᬓ᭄ᬢ᭄ᬯᬓ᭄᭞ᬫᬸᬗ᭄ᬕᬸᬄᬭᬶᬂᬧᬸᬧᬸᬢ᭄ᬢᬶᬲ᭄᭞ᬥᬦᬭᬶᬰᬸ
ᬮᬲᬶᬄᬫᬳᬓ᭄ᬬᬄ᭞ᬫᬸᬗ᭄ᬕᬸᬄᬭᬶᬂᬚᬚᭂᬗ᭄ᬓᬸ᭞ᬥᬤᬭᬶᬢᬸᬜ᭄ᬚᬸᬂᬩᬶᬭᬸ᭞ᬫᬯᬔᬸᬬᬄ᭞ᬫᬸᬗ᭄ᬕᬸᬄᬭᬶᬂᬯᬵᬃᬡ᭄ᬦᬰᬭᬶᬭᬵ᭞ᬥᬦᬭᬶᬰᬸᬧ᭄ᬭᬪᬵ᭞ᬫᬯᬓ᭄ᬦᬲᬶ᭞ᬫᬸᬗ᭄ᬕᬸᬄᬭᬶᬂᬥᬥᬵ᭞ᬭᬶᬂᬲᬸᬲᬸ᭞ᬕᬶᬕᬶᬃ᭞ᬥᬤ
[᭓ 3A]
ᬮᭀᬢ᭄ᬢᬵᬫ᭞ᬫᬯᬓ᭄ᬳᬸᬮᬫ᭄᭞ᬫᬸᬗ᭄ᬕᬸᬄᬭᬶᬂᬧ᭄ᬭᬪᬵᬧ᭄ᬭᬘᬶᬧ᭄ᬢᬵ᭞ᬥᬥᬭᬶᬲᬸᬘ᭄ᬘᬶᬭᬸᬫᬯᬓ᭄ᬢᬗᬦ᭄᭞ᬫᬸᬗ᭄ᬕᬸᬄᬭᬶᬂᬳᭀᬢᭀᬢ᭄ᬓᬩᬾᬄ᭞ᬥᬥᬭᬶᬕᬕᬃᬫᬬᬂ᭞ᬭᬸᬫᬯᬓ᭄ᬳᬭᬓ᭄᭞ᬩᬺᬩᬶᬸᬫ᭄᭞ᬫᬸᬗ᭄ᬕᬸᬄᬭᬶᬂᬭᬫ᭄ᬩᬸᬢ᭄ᬦᭀᬓ᭄ᬮ
ᬧᬜ᭄ᬚᬂ᭞ᬇᬓᬵᬳᬗ᭄ᬕᬾᬦ᭄ᬳᬶᬥᭂᬧ᭄ᬯᭀᬂᬇᬲ᭄ᬢ᭄ᬭᬶ᭞ᬫ᭄ᬯᬄᬲᬦᬓᬾᬧᬢ᭄ᬧᬢ᭄᭞ᬲᬶᬦᬮᬶᬄᬢᬸᬗ᭄ᬕᬮ᭄᭞ᬧ᭞ᬢᬦ᭄ᬧ᭄ᬕᬢ᭄ᬲᬶ᭞ᬯᭀᬂᬇᬲ᭄ᬢ᭄ᬭᬶᬭᬶᬂᬓᬶᬢ᭞ᬳᬧᬓᬭᬡᬦᬶᬂᬫᬗ᭄ᬓᬦᬵ᭞ᬳᬧᬦ᭄ᬳᬦᬗᬤᭂᬕ᭄ᬩᬯᬶᬰᬾᬱᬭᬶᬂᬘᬓ᭄ᬱᬸᬓ
ᬭᭀ᭞ᬗ᭞ᬭᬶᬂᬓᬶᬯᬵ᭞ᬧ᭄ᬭᬪᬹᬫᬢᬭᬫ᭄᭞ᬭᬶᬂᬢ᭄ᬗᭂᬦ᭄ᬧ᭄ᬭᬪᬹᬫᬢᬳᬸᬦ᭄᭞ᬤᬾᬯᬢᬦ᭄ᬬᬭᬶᬂᬓᬶᬯᬵ᭞ᬳᬶᬢᬸᬓᬸᬧ᭄ᬓᬶᬯᬵ᭞᭐᭞ᬭᬶᬂᬢ᭄ᬗᭂᬦ᭄ᬇᬓᬵᬭᬶᬢ᭄ᬧᬸᬕᭂᬃ᭞ᬇᬓᬓ᭄ᬭᬡᬦᬾᬢ᭄ᬭᬦ᭄ᬢᬵᬭᬸᬫᬕᬓᬾᬓᬾᬃ᭞ᬗᭂᬓᭂᬃᬲᬦᬓ᭄ᬢᬵ
ᬧᬢ᭄ᬧᬢ᭄᭞ᬫ᭄ᬯᬄᬯᭀᬂᬲᬶᬦᬤ᭄ᬬᬦ᭄᭞ᬫᬧᬦ᭄ᬓᬸᬯᬲᬓᭀᬦ᭄ᬳᬫᬢᬾᬦᬶᬦ᭄᭞ᬓᬶᬦᬾᬦ᭄ᬳᬗᬸᬭᬶᬧ᭄᭞ᬲᬓᬋᬧ᭄ᬢᬲᬶᬦᬤ᭄ᬬᬦ᭄᭞ᬫ᭄ᬯᬄᬲᬃᬯ᭄ᬯᬰᬢ᭄ᬭᬸᬫᬯᬶᬰᬾᬱᬵ᭞ᬢᬦᬵᬦᬯᬦᬶ᭞ᬬᬦ᭄ᬲᬶᬭᬳᬾᬮᬶᬂᬭᬶᬸᬂᬲᬦᬾ [ 4 ][᭓ 3B]
᭓
ᬫᬸᬗ᭄ᬕᬸᬄᬭᬶᬂᬘᬓ᭄ᬱᬸᬓᬮᬶᬄ᭞ᬫ᭄ᬯᬄᬇᬥᭂᬧ᭄ᬪᬝᬭᬶᬤᬹᬃᬕ᭄ᬖᬭᬶᬂᬢᬸᬂᬢᬸᬗᬶᬗ᭄ᬳᬢᬶ᭞ᬬᬦ᭄ᬯᬸᬲ᭄ᬳᬾᬮᬶᬂᬘᭀᬮᬾᬓ᭄ᬢᬸᬓ᭄ᬢᬸᬓ᭄ᬳᬶᬮᬝᬤᬾᬦᬶᬂᬮᬾᬓ᭄ᬓᬶᬯᬵ᭞ᬪᬱ᭄ᬫᬳᬓ᭄ᬦᬭᬶᬂᬲ᭄ᬮᬕᬦᬶᬂᬲᬶᬭᬵᬢ᭄ᬫᬬᬵ᭞ᬬᬦᬦᬵᬓᬢ᭄ᬫᬸᬭᬶᬂᬯ᭄ᬗᬶ᭞ᬚᬢ᭄ᬫᬵᬲ᭄ᬓ
ᬮᬵ᭞ᬳᬾᬮᬶᬂᬳᬓ᭄ᬦᬭᬶᬂᬓᬢᬢᬢ᭄ᬯᬦ᭄ᬬᬓᬩᬾᬄ᭚᭜᭚ᬦ᭄ᬬᬦ᭄ᬳᬋᬧ᭄ᬳᬗᬹᬱᬦ᭄ᬟᬵᬦᬶᬦ᭄᭞ᬲᬮ᭄ᬯᬶᬭᬶᬂᬯᭀᬂᬮᬭ᭞ᬇᬓᬶᬢ᭄ᬧᭂᬢᬓ᭄ᬦᬤᬾᬦᬧᬕᭂᬄ᭞ᬳᬗ᭄ᬕᬾᬦ᭄ᬳᬫᬶᬢ᭄ᬲᬭᬶᬭᬦ᭄ᬢᬵ᭞ᬲᬗ᭄ᬳ᭄ᬬᬂᬢᬶᬕᬚ᭄ᬜᬦᬵᬲᬸᬓ᭄ᬱ᭄ᬫᬵ᭞ᬗ᭞ᬳ᭄ᬬᬂᬢᬸ
ᬗ᭄ᬕᬮ᭄᭞ᬳ᭄ᬬᬂᬢᬸᬤᬸᬄ᭞ᬳ᭄ᬬᬂᬢᬬᬵ᭞ᬇᬇᬓᬵᬢᬶᬕᬚ᭄ᬜᬦᬵᬲᬶᬦᭂᬫ᭄ᬩᬄᬤᬾᬦᬶᬂᬲᬢ᭄ᬭᬸᬫᬯᬶᬰᬾᬱᬵ᭞ᬬᬦ᭄ᬮᬸᬗ᭄ᬳᬵᬳᬫᬲᬂᬢᬫ᭄ᬩᬵ᭞ᬗᬢᬶᬓ᭄ᬱ᭄ᬦᬦᬶᬂᬯᭀᬗᬕ᭄ᬭᬶᬂ᭞ᬳᬾᬮᬶᬂᬳᬓ᭄ᬦᬳᬸᬗ᭄ᬕ᭄ᬯᬦᬶᬂᬳ᭄ᬬᬂᬢᬶᬕᬚ᭄ᬜᬦᬵᬲᬸᬓ᭄ᬱ᭄ᬫᬵ᭞ᬭᬶᬂ
ᬲᬭᬶᬭᬦ᭄ᬢᬵ᭞ᬬᬦ᭄ᬳᬦᬵᬰᬢ᭄ᬭᬸᬢᬗᬤᬂᬭᬶᬂᬤᬮᬦ᭄ᬭᬶᬂᬫᬵᬃᬕ᭄ᬕᬳᬕᬸᬂ᭞ᬍᬲᬸᬲᬭᬸᬧᬦ᭄ᬬᬓᬩᬾᬄ᭞ᬫᬧᬦ᭄ᬲᬗ᭄ᬳ᭄ᬬᬂᬢᬶᬕᬚ᭄ᬜᬦᬲᬶᬦᭂᬫ᭄ᬩᬄᬤᬾᬦᬶᬂᬲᬗ᭄ᬳ᭄ᬬᬢᬶᬢᬵ᭞ᬩ᭄ᬭᬳ᭄ᬫ᭞ᬯᬶᬱ᭄ᬡᬸ᭞ᬇᬰ᭄ᬯᬭᬵᬦᬾ
[᭔ 4A]
᭞ᬓᬮᬶᬄᬕᬸᬭᬸ᭞ᬰᬶᬯᬵᬕᬸᬭᬸᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬦᭂᬫ᭄ᬩᬄᬤᬾᬦᬶᬳ᭄ᬬᬂᬢᬶᬕᬚ᭄ᬜᬦᬲᬹᬓ᭄ᬱ᭄ᬫᬵ᭞ᬇᬓᬵᬓᬭᬡᬶᬂᬲᬓᬮᬵᬯᬢᭂᬓ᭄ᬢᬦᬾᬫᬢᬸᬡᬵᬫᬗ᭄ᬲᬵ᭞ᬦ᭄ᬬᬦ᭄ᬲᬶᬭᬮᬸᬗ᭄ᬳᬵᬳᬧᬦ᭄ᬮᭂᬓ᭄ᬓ᭄ᬩᬸᬲ᭄ᬤ
ᬮᬦᬾᬭᬶᬂᬫᬵᬃᬕ᭄ᬕᬳᬕᬸᬂ᭞ᬇᬓᬓᬭᬡᬶᬂᬲᬓᬮ᭄ᬯᬶᬭᬡᬶᬂᬫᬧᬜᬶᬯ᭄ᬬᬦ᭄ᬭᬶᬂᬲᬗ᭄ᬳ᭄ᬬᬂᬫᬦ᭄ᬟᬶ᭞ᬦ᭄ᬟᬶᬳᬰᬶᬄᬭᬶᬓᬶᬢ᭞ᬓᬮᬶᬗᬦ᭄ᬬ᭞ᬳ᭄ᬬᬦᬸᬤᬸᬄᬤᬤᬶᬢᬸᬗ᭄ᬕᬮ᭄᭞ᬢᬸᬗ᭄ᬕᬮ᭄ᬦᬸᬤᬸᬄᬫᬯᬓ᭄ᬢᬬᬵ᭞ᬳᬮᬶ
ᬢ᭄ᬭᬸᬫᬕᬳᬕᬸᬂ᭞ᬳᬕᬸᬂᬭᬸᬫᬕᬵᬳᬘᬶᬦ᭄ᬟᬶ᭞ᬘᬶᬦ᭄ᬢ᭄ᬬᬳ᭄ᬦᬶᬂᬢᬦ᭄ᬧᬢᬮ᭄ᬢᭂᬄ᭞ᬓᬬᬓᬜ᭄ᬘᬦᬵᬧᬶᬦᭂᬚᭂᬄᬧᬶᬂᬲᬧ᭄ᬢᬵ᭞ᬰᬓ᭄ᬢᬶᬉᬢ᭄ᬢᬵᬫᬮ᭄ᬯᬶᬄᬦ᭄ᬬᬦ᭄ᬓᬮᬦᬶᬂᬯ᭄ᬗᬶᬲᬶᬭᬮᬸᬗ᭄ᬳᬵ᭞ᬇᬓᬶᬧᬗᬶ
ᬥᭂᬧ᭄ᬦ᭄ᬬᬵ᭟ᬕᬸᬭᬸᬦᬶᬂᬧ᭄ᬢᭂᬂᬫᬸᬗ᭄ᬕᬸᬄᬭᬶᬂᬩᬸᬗᬄᬭᬫ᭄ᬩᬸᬢ᭄᭞ᬅᬢ᭄ᬫᬵᬦᬶᬂᬧ᭄ᬢᭂᬂᬭᬶᬂᬫᬤ᭄ᬬᬦᬶᬂᬭᬫ᭄ᬩᬸᬢ᭄᭞ᬤᬾᬯᬦᬶᬂᬧ᭄ᬢᭂᬂᬭᬶᬂᬢᬸᬂᬢᬸᬗᬶᬂᬭᬫ᭄ᬩᬸᬢ᭄᭞᭚᭟᭜᭟ᬦ᭄ᬬᬦ᭄ᬓᬮᬦᬶᬂᬍᬫᬄ᭞ᬤᬾᬯᬦᬶᬂᬍᬫᬄ [ 5 ][᭔ 4B]
᭔
᭞ᬭᬶᬂᬩᬸᬗ᭄ᬓᬄᬘᬓ᭄ᬱᬸ᭞ᬅᬢ᭄ᬫᬵᬦᬶᬂᬍᬫᬄ᭞ᬫᬤ᭄ᬬᬦᬶᬂᬧᬦᭀᬦ᭄᭞ᬕᬸᬭᬸᬦᬶᬂᬍᬫᬄᬭᬶᬂᬢᬸᬂᬢᬸᬗᬶᬂᬦᬾᬢᬺ᭞ᬳᬾᬮᬶᬂᬳᬓ᭄ᬦ᭞ᬳᬧᬦ᭄ᬲᬶᬭᬜᬢ᭄ᬬᬦᬶᬂᬩᬮ᭄ᬬᬦ᭄ᬰᬓ᭄ᬢᬶ᭞ᬰᬭᬶᬡᬶᬂᬉᬢ᭄ᬢᬵᬍᬯᬶᬄ᭞ᬳᬧᬦ᭄ᬲᬶᬭ
ᬫᬤᬾᬦᬶᬦ᭄ᬩᬮ᭄ᬬᬦᬾᬭᬶᬂᬰ᭄ᬯᬃᬕ᭄ᬕᬦ᭄᭞ᬯ᭄ᬭᬸᬄᬭᬶᬂᬓᬢᬢ᭄ᬯᬦᬶᬂᬩᬮ᭄ᬬᬦ᭄ᬫ᭄ᬯᬂᬢᬫ᭄ᬩᬵ᭞ᬲᬶᬦᭂᬫ᭄ᬩᬄᬤᬾᬦᬶᬂᬕ᭄ᬭᬶᬂᬫᬯᬶᬰᬾᬱᬵ᭟᭜᭟ᬇᬓᬶᬯᬶᬦ᭄ᬟᬸᬰᬸᬦ᭄ᬬᬵ᭞ᬫᬭᬕᬳ᭄ᬬᬂᬢᬸᬗ᭄ᬕᬮ᭄᭞ᬳᬗ᭄ᬕ᭄ᬯᬦ᭄ᬬᬭᬶᬂᬢ᭄ᬮᭂᬗᬶᬂᬦᬵᬪᬶ᭞ᬳᬾ
ᬮᬶᬗᬓ᭄ᬦᬵᬤᬾᬦ᭄ᬧᬕᭂᬦᬄᬓᬤᬶᬇᬓᬶ [image] ᬇᬓᬶᬯᬶᬡ᭄ᬥᬸᬰᬸᬦ᭄ᬬ᭞ᬫᬭᬕᬳ᭄ᬬᬂᬳᬸᬤᬸᬄ᭞ᬢᬸᬗ᭄ᬕ᭄ᬯᬦ᭄ᬬᬭᬶᬢ᭄ᬮᭂᬗᬶᬮᬶᬤᬄ᭞ᬳᬾᬮᬶᬗᬓ᭄ᬦᬤᬾᬦᬧᬕᭂᬄ᭞ [image]ᬇᬓᬶᬯᬶᬡ᭄ᬥᬸᬰᬸᬦ᭄ᬬ᭞ᬫᬭᬕᬳ᭄ᬬᬂᬢᬬ᭞ᬳᬸ
ᬗ᭄ᬕ᭄ᬯᬦ᭄ᬬᬭᬶᬢ᭄ᬮᭂᬗᬶᬂᬭᬫ᭄ᬩᬸᬢ᭄ᬓᬩᬾᬄ᭞ᬳᬾᬮᬶᬂᬗᬓ᭄ᬦᬵᬤᬾᬦᬧᬕᭂᬄ᭟[image]ᬦ᭄ᬬᬦ᭄ᬯᬸᬲ᭄ᬳᬾᬮᬶᬂᬭᬶᬂᬳᬸᬗ᭄ᬕ᭄ᬯᬦᬶᬂᬳ᭄ᬬᬂᬢᬶᬕᬚ᭄ᬜᬦᬵᬲᬹᬓ᭄ᬱ᭄ᬫᬵ᭞ᬯᬳᬸᬲᬶᬭᬫᬮᬓᬸᬗᬸᬲᬤ᭄ᬟᬦᬶᬦ᭄᭞ᬓᬮᬶᬗᬦ᭄ᬬ
[᭕ 5A]
ᬩᬮ᭄ᬬᬦᬾᬭᬶᬭᬕᬦᬾ᭞ᬗ᭞ᬳ᭄ᬬᬂᬕᬸᬭᬸ᭞ᬩᬸᬗ᭄ᬓᬳᬶᬂᬮᬶᬤᬄ᭞ᬳᬗ᭄ᬕᬯᬓᬬᬸᬓᬲ᭄ᬢᬸᬪᬵ᭞ᬲᬂᬫ᭄ᬧᬸᬦ᭄ᬭᬤᬄ᭞ᬫᬸᬗ᭄ᬕ᭄ᬯᬭᬶᬂᬫᬤ᭄ᬬᬦᬶᬂᬮᬶᬤᬄ᭞ᬳᬗ᭄ᬕᬯᬚ᭄ᬭᬸᬓ᭄ᬮᬶᬂᬮᬂ᭞ᬪᬕᬯᬦ᭄ᬓᬲ᭄ᬬᬧᬫ᭄ᬕ᭄ᬯᬭᬶᬂᬢᬸᬂᬢᬸᬗᬶᬂᬮᬶᬤᬄ᭞ᬳᬗ᭄ᬕᬯᬢᬶᬃᬢ᭄ᬢ
᭞ᬕ᭄ᬲᭂᬂᬇᬓᬵᬓᬢᭀᬦ᭄ᬮᬸᬯᬶᬄᬩᬩᬭᬸ᭞ᬦᬾᬫ᭄ᬮᬄᬕᬸᬡ᭄ᬦᬵᬧᬗᬦᬾ᭞ᬤᬳᬢᬶᬂᬮᬸᬳᬸᬂ᭞ᬇᬓᬵᬦᬾᬗᬤᭂᬕ᭄ᬭᬶᬂᬮᬶᬤᬄ᭞ᬳᬾᬮᬶᬗ᭄ᬳᬓ᭄ᬦᬵ᭞ᬫ᭄ᬯᬄᬢᬫ᭄ᬩᬦᬾᬢᬶᬕᬵ᭞ᬇᬥᭂᬧ᭄ᬫᭂᬜ᭄ᬘᬸᬃᬓᬢᬸᬂᬢᬸᬂᬧ᭄ᬭᬘᬓ᭄ᬱᬸ᭞ᬳᬗ᭄ᬕᬾᬦ᭄ᬮᭂᬂ
ᬯᬂᬗᬕ᭄ᬭᬶᬂ᭞ᬨᬮᬦ᭄ᬬ᭞ᬳᬾᬗ᭄ᬕᬮ᭄ᬯᬭᬲ᭄ᬯᭀᬗᬕ᭄ᬭᬶᬂᬓ᭄ᬦᬢᬫ᭄ᬩᬇᬓᬵ᭞ᬫᬧᬦ᭄ᬲᬶᬭᬯ᭄ᬭᬸᬄᬭᬶᬂᬩᬮ᭄ᬬᬦ᭄ᬢᬶᬕ᭄ᬕᬵ᭞ᬫ᭄ᬯᬄᬢᬫ᭄ᬩᬢᬶᬕ᭄ᬕᬵ᭟ᬲᬮ᭄ᬯᬶᬭᬶᬂᬧᬧᬵᬦ᭄ᬭᬓ᭞ᬠᬡ᭄ᬟᬳᬢ᭄ᬧᬢ᭞ᬲᬓᬮᬵ᭞ᬦᬶᬲ᭄ᬓᬮᬵ᭞ᬲᬶᬦᬸᬧ
ᬢ᭄ᬚᬾᬦᬶᬸᬂᬦ᭄ᬬᬧ᭄ᬭᬸᬄᬭᬶᬂᬓᬢᬢ᭄ᬯᬦᬶᬂᬫ᭄ᬭᬕᬰᬸᬦ᭄ᬬ᭞ᬳᬸᬲ᭄ᬢᬶᬩᬸᬄᬢᬢ᭄ᬯᬚ᭄ᬜᬦᬵᬲᬹᬓ᭄ᬱ᭄ᬫᬵ᭞ᬳᬘᬶᬦ᭄ᬢ᭄ᬬᬲᬶᬭ᭞ᬇᬓᬢᬫ᭄ᬩᬵᬢᬶᬕᬦᬾᬇᬥᭂᬧ᭄᭞ᬳᬗ᭄ᬕᬾᬦ᭄ᬜᬶᬭᬢᬶᬦ᭄᭞ᬯᭀᬗᬕ᭄ᬭᬶᬂ᭞ᬇᬥᭂᬧᬓᬶᬦᬸᬫ᭄ᬭᬶᬂᬘᬗ᭄ᬓᭂᬫ᭄ᬦ᭄ᬬ᭞ [ 6 ][᭕ 5B]
᭕
ᬬᬦ᭄ᬢᬦ᭄ᬲᬶᬤ᭄ᬟᬯᬭᬲ᭄᭞ᬫ᭄ᬯᬄᬲᬦᬓ᭄ᬢᬓᭀᬦ᭄ᬢᬦᬫ᭄ᬩᬦᬶᬦ᭄᭞ᬲᬓᬶᬂᬧᬹᬃᬯ᭄ᬯᬵᬳᬦᬸᬢ᭄ᬧᬳᬶᬤᭂᬃᬳᬶᬤᭂᬭᬦᬾ᭞ᬬᬦ᭄ᬭᬶᬂᬫᬦᬶᬲ᭄᭞ᬳᬶᬧᬾᬦ᭄ᬳᬮ᭞ᬯ᭄ᬢᬸᬳᬓ᭄ᬦᬓᭀᬦ᭄ᬳᬦᬫ᭄ᬩᬦᬶᬦ᭄᭞ᬳᬶᬥᭂᬧ᭄ᬫᬜ᭄ᬚᬶᬂᬭᬶᬂᬦᬾᬢ᭄ᬭᬦᬾᬯᭀᬂ
ᬳᬕ᭄ᬭᬶᬂ᭞ᬳᬶᬥᭂᬧ᭄ᬢ᭄ᬭᬸᬲ᭄ᬭᬶᬂᬧᬧᬸᬲᬸᬄ᭟ᬬᬦ᭄ᬭᬶᬂᬧᬳᬶᬂ᭞ᬳᬶᬗᬓᭀᬤ᭄ᬭᭀᬯ᭄ᬢᬸᬳᬓ᭄ᬦᬳᭂᬥᭂᬧᬫᬜ᭄ᬚᬂᬭᬶᬂᬘᬗ᭄ᬓᭂᬧ᭄ᬦᬾᬯᭀᬂᬗᬕ᭄ᬭᬶᬂ᭞ᬳᬶᬥᭂᬧ᭄ᬢ᭄ᬭᬸᬲ᭄ᬭᬶᬂᬗᬢᬶ᭞ᬬᬦ᭄ᬧᭀᬦ᭄ᬳᬶᬰᬭᬶᬯ᭄ᬢᬸᬳᬓ᭄ᬦᬵ᭞ᬳᬶᬥᭂᬧ᭄ᬫᬜ᭄ᬚᬶᬂᬭᬶᬂᬓᬃᬡ᭄ᬦ
ᬦᬾᬯᭀᬂᬗᬕ᭄ᬭᬶᬂ᭞ᬳᬶᬥᭂᬧ᭄ᬢ᭄ᬭᬸᬲ᭄ᬭᬶᬂᬳᬸᬗ᭄ᬲᬶᬮᬦ᭄᭟ᬬᬦ᭄ᬭᬶᬂᬯᬕᬾ᭞ᬳᬶᬳᬲᬺᬧ᭄᭞ᬯ᭄ᬢᬸᬳᬓ᭄ᬦᬵ᭞ᬳᬶᬥᭂᬧ᭄ᬫᬜ᭄ᬚᬶᬂᬭᬶᬂᬇᬭᬸᬂᬗᬯᭀᬂᬗᬕ᭄ᬭᬶᬂ᭞ᬇᬥᭂᬧ᭄ᬢ᭄ᬭᬸᬲ᭄ᬭᬶᬂᬳᬫ᭄ᬧ᭄ᬭᬸ᭟ᬬᬦ᭄ᬓᬮᬶᬯᭀᬦ᭄᭞ᬇᬓᬹᬝᬫᬗ᭄ᬕᬯ᭄ᬢᬸᬳᬓ᭄ᬦ᭞ᬇ
ᬥᭂᬧ᭄ᬫᬜ᭄ᬚᬶᬂᬭᬶᬂᬰᬶᬯᬵᬤ᭄ᬯᬭᬦᬾᬯᭀᬂᬗᬕ᭄ᬭᬶᬂ᭞ᬇᬥᭂᬧ᭄ᬢ᭄ᬭᬸᬲ᭄ᬭᬶᬂᬦᬵᬪᬷ᭞ᬓᬬᬵᬇᬓᬓᬢᬢ᭄ᬯᬦᬾᬳᬦᬫ᭄ᬩᬦᬶᬦ᭄ᬯᭀᬂᬗᬕ᭄ᬭᬶᬂ᭞ᬯᭀᬂᬮᬭ᭞ᬲᬮ᭄ᬯᬶᬭᬶᬂᬮᬭᬕ᭄ᬭᬶᬂᬧᬹᬃᬡ᭄ᬦᬵᬤᬾᬦ᭄ᬬ᭞ᬜᬫᬦᬾᬧᬢ᭄ᬧᬢ᭄ᬲᬯᬶ
[᭖ 6A]
ᬚᬶᬳᬭᬳᬶᬦᬵ᭞ᬓᬯᬲᬦᬾᬲᬯᬶᬚᬶᬢᬶᬡᬬᬂᬧᬶᬂᬧᬢ᭄᭞ᬇᬓᬹᬝᬫᬗ᭄ᬕᬵ᭞ᬓ᭄ᬯᬱᬵᬢᬶᬩᬧᬶᬂᬮᬶᬫᬵ᭞ᬢᬫ᭄ᬩᬢᬶᬕᬦᬾᬢᬶᬩᬬᬂᬧᬶᬂ᭞ᬑ᭞ᬯᬸᬲ᭄ᬢᬦᬾᬂᬢᬫ᭄ᬩᬵ᭞ᬇᬥᭂᬧ᭄ᬯᭀᬂᬳᬕ᭄ᬭᬶᬂᬯᬭᬲ᭄ᬓᬬᬂᬤᬗᬸ᭞ᬦᬵᬗ᭄ᬳᬶᬂᬇᬥᭂ
ᬧᬓ᭄ᬦᬭᬸᬫᬸᬦ᭄᭞ᬓᬮᬶᬗᬦ᭄ᬬᬳ᭄ᬬᬂᬫᬾᬗᭂᬢ᭄᭞ᬳ᭄ᬬᬂᬲᬩ᭄ᬤ᭞ᬳ᭄ᬬᬂᬫᬦ᭄ᬟᬶᬫᬕ᭄ᬦᬄᬭᬶᬂᬩᬸᬗ᭄ᬓᬳᬶᬂᬮᬶᬤᬄ᭞ᬳᬾᬮᬶᬂᬳᬓ᭄ᬦᬵ᭞ᬳ᭄ᬬᬂᬢᬸᬢᬹᬃ᭞ᬳ᭄ᬬᬂᬩᬬᬸ᭞ᬳ᭄ᬬᬂᬓᬾᬥᭂᬧ᭄ᬫᬕ᭄ᬦᬄᬭᬶᬂᬫᬤ᭄ᬬᬦᬶᬂᬮᬶᬤᬄ᭞ᬳᬾᬮᬶᬂᬳᬓ᭄ᬦ᭞ᬳ᭄ᬬᬂᬫᬾᬮᬶᬂ᭞ᬳ᭄ᬬᬂᬇ
ᬥᭂᬧ᭄᭞ᬳ᭄ᬬᬂᬰᬶᬤ᭄ᬟᬶ᭞ᬫᬕ᭄ᬦᬄᬭᬶᬢᬸᬂᬢᬸᬗᬶᬂᬮᬶᬤᬄᬇᬓᬦᬾᬫᬸᬮᬗᬸᬭᬶᬧ᭄ᬳ᭄ᬬᬂᬩᬬᬸᬳᬚ᭄ᬜᬦᬵ᭞ᬢ᭄ᬮᬲ᭄᭟ᬇᬓᬶᬕ᭄ᬮᬭᬶᬂᬭᬕ᭞ᬲᬓᬮᬵᬦᬶᬲ᭄ᬓᬵᬮ᭞ᬭᬳᬶᬦᬵᬯ᭄ᬗᬶ᭞ᬢᬦ᭄ᬓᬾᬯᭂᬄᬭᬶᬂᬲᬧᬭᬦᬶᬂᬮᬓᬸ᭞ᬫᬵᬦᬸᬱ
ᬧᬥᬮᬯᬦ᭄ᬤᬾᬯᬵ᭞ᬳᬭᬄᬦᬤᬶᬍᬯᬶᬄ᭞ᬢ᭄ᬭᬸᬲ᭄ᬢᬸᬫᬸᬲ᭄ᬭᬶᬂᬲᬧ᭄ᬝᬵᬮᬗᬶᬢ᭄᭞ᬫ᭄ᬯᬄᬭᬶᬂᬲᬧ᭄ᬝᬧᬢᬵᬮᬭᬢ᭄ᬦᬵᬤᬶ᭞ᬲᬶᬦᬂᬇᬓᬂᬕᬸᬫᬶᬲᬧ᭄ᬝᬵ᭞ᬮᬗᬶᬢ᭄ᬲᬧ᭄ᬝᬵ᭞ᬫᬲᬹᬃᬬ᭄ᬬ᭞᭕᭞ᬗ᭞ᬲᬹᬃᬬ᭄ᬬ᭞ᬲ᭄ᬬᬸ᭞ᬧ᭄ᬭᬪᬹ᭞ [ 7 ][᭖ 6B]
᭖
ᬧ᭄ᬭᬪᬹ᭞ᬭᬶᬂᬦᬶᬲ᭄ᬓᬮᬦᭂᬫ᭄ᬩᬄᬭᬶᬂᬳ᭄ᬬᬂᬢᬬᬵ᭞ᬫᬲᬹᬃᬬ᭄ᬬᬲ᭄ᬬᬸ᭞ᬫᬧᬦ᭄ᬢᬦ᭄ᬓᭂᬦᬾᬂᬭᬸᬭᬸᬄᬩᬸᬗ᭄ᬓᬄᬫ᭄ᬯᬂᬢᬸᬂᬢᬸᬂ᭞ᬇᬓᬵᬓᬭᬦᬶᬂᬭᬵᬢ᭄ᬦᬵᬤᬶ᭞ᬲᬸᬓ᭄ᬮᬦᬶᬃᬫ᭄ᬫᬮᬵ᭞ᬲᬭᬶᬦᬶᬂᬲᬧ᭄ᬝᬦᬶᬂᬓᬵᬫᬵᬦᬸᬱᬦ᭄᭞ᬲᬶᬤ᭄ᬟᬵ᭞ᬢ᭄ᬫᬦᬾᬂᬇᬮᬗᬶ᭠
ᬦ᭄ᬕᬸᬫᬶᬲᬧ᭄ᬝᬮᬶᬗ᭄ᬕᬵᬲ᭄ᬢᬦᬵ᭞ᬫ᭄ᬯᬄᬮᬗᬶᬢ᭄ᬮᬶᬗ᭄ᬕᬲ᭄ᬢᬦᬵ᭞ᬬᬦ᭄ᬲᬶᬭᬵᬳᬗ᭄ᬭᬗ᭄ᬲᬸᬓ᭄ᬧᬦ᭄ᬗᭂᬦ᭄ᬢᬚᬶᬇᬓᬶ᭞ᬳᬩᬺᬲᬶᬄᬲᬶᬭᬭᬸᬫᬸᬳᬸᬦ᭄᭞ᬭᬶᬂᬲᬂᬉᬕᬶᬰ᭄ᬯᬭᬵ᭞ᬳᬩᬺᬲᬶᬄᬲᬶᬭᬧᬶᬂ᭞ᬑ᭟ᬲᬦᬸᬗ᭄ᬕᬶᬮ᭄ᬲᬶᬭᬯᬸᬲ᭄ᬳᬩᬺᬲᬶᬄ
ᬳᬯ᭄ᬟᬓ᭄ᬘᬦ᭄ᬟᬦᬵ᭟ᬬᬤ᭄ᬬᬧᬶᬦ᭄ᬲᬶᬭᬵᬯ᭄ᬭᬸᬄᬳᬗ᭄ᬮᭂᬩᬸᬃᬧᬧ᭞ᬲ᭄ᬩᭂᬮ᭄ᬓᬦ᭄ᬤᭂᬮ᭄ᬭᬶᬂᬲᬭᬶᬭᬵ᭞ᬢᬦ᭄ᬓᬮᬸᬕ᭄ᬭᬇᬓᬵᬓᬾᬯᬮ᭞ᬫᬧᬦ᭄ᬲᬂᬧᬡ᭄ᬟᬶᬢᬮᬶᬦᬸᬕᬺᬜᬸᬃᬬ᭄ᬬᬦᬶᬦ᭄᭞ᬅᬓᬵᬱ᭞ᬧᬺᬢᬶᬯᬶ᭞ᬢᬦ᭄ᬓᬾᬯᭂᬄᬭᬶᬂᬫᬃ
ᬕ᭄ᬕᬦᭀᬭᬳᬦᬫᬗ᭄ᬕᬸᬄᬩᭂᬜ᭄ᬘᬦᬵ᭞ᬬᬦ᭄ᬲᬶᬭᬳᬩᬺᬲᬶᬄ᭞ᬢᬦ᭄ᬓᬯᬱᬵᬲᬶᬭᬳᬕᬕᬵᬯᬦ᭄᭞ᬘᬶᬦ᭄ᬟᬶᬚᬸᬕᬇᬥᭂᬧᬾᬭᬶᬂᬚ᭄ᬭᭀᬦᬶᬂᬦᬮᬵ᭞ᬫ᭄ᬯᬄᬦ᭄ᬕᭂᬦ᭄ᬦᬶᬓᬸᬮ᭄᭞ᬫ᭄ᬯᬄᬜᬸᬳᬸᬦ᭄ᬢᬦ᭄ᬓᬮᬸᬕ᭄ᬭ᭞ᬚ᭄ᬭᭀ
[᭗ 7A]
ᬦᬶᬂᬧᬶᬢᬸᬂᬤᬶᬦᬵ᭞ᬫ᭄ᬯᬄᬭᬶᬂᬯᭀᬂᬇᬲ᭄ᬢ᭄ᬭᬶᬢᬦ᭄ᬓᬮᬸᬕ᭄ᬭᬚ᭄ᬭᭀᬦᬶᬂ᭞᭑᭑᭞ᬤᬶᬦᬵ᭞ᬫ᭄ᬯᬄᬳᬫᬗᬦ᭄ᬦᬲᬶ᭞ᬑ᭞ᬓ᭄ᬧᭂᬮ᭄᭞ᬢᭀᬬ᭞ᬳᬮᬸᬫᬸᬃ᭞ᬬᬦ᭄ᬓ᭄ᬭᬱᬵᬲ᭄ᬤᬸᬓ᭄ᬯ᭄ᬢᭂᬂᬢ᭞ᬳᬶᬫᬾᬫᬾ᭞ᬫ᭄ᬯᬄᬳᬶᬩᬧᬵ᭞ᬢᬸᬦᬲᬶᬦ᭄ᬫᬺᬢ᭄ᬣᬵ᭞ᬳᬸᬗ᭄ᬕ᭄ᬯ
ᬦᬶᬭᬭᬶᬫ᭄ᬧᬸᬦᬶᬂᬢᬗᬦ᭄ᬓᬮᬶᬄ᭞ᬳᬶᬫᬾᬫᬾᬫ᭄ᬧᬸᬦᬶᬂᬢᬗᬦ᭄ᬓᬶᬯᬵ᭞ᬤᬦᬾᬳᬶᬩᬧ᭞ᬭᬶᬂᬫ᭄ᬧᬸᬦᬶᬂᬢᬗᬦ᭄ᬢᭂᬗᭂᬦ᭄᭞ᬇᬓᬵᬓ᭄ᬘᭀᬢ᭄ᬓᬬᬵᬭᬭᬾᬜᬗ᭄ᬕᭂᬫ᭄ᬲᬸᬲᬸ᭞ᬯᬸᬲ᭄ᬫᬗ᭄ᬓᬦᬓᬯᬱᬵᬘᬸᬓᬸᬧᬂᬳᬦ᭄ᬢᬸᬓ᭄ᬧᬶᬲᬂᬢᬲᬓ᭄᭞ᬮᬶᬦᬸ
ᬕ᭄ᬭᬳᬵᬲᬶᬭ᭞ᬳᬜᬢ᭄ᬬᬦᬶ᭞ᬲ᭄ᬬᬂᬢᬢᬵ᭞ᬚ᭄ᬭᭀᬦᬶᬂ᭞ᬑ᭞ᬤᬶᬦᬵ᭞ᬫᬩ᭄ᬭᬢᬫᬗᬦ᭄ᬲ᭄ᬕᬵ᭞ᬑ᭞ᬓ᭄ᬧᭂᬮ᭄᭞ᬬᬦ᭄ᬢᬦ᭄ᬲᬫᬗ᭄ᬓᬦᬵ᭞ᬫᬧ᭄ᬯᬭᬵᬢᬦ᭄ᬲᬶᬤ᭄ᬟᬵ᭞ᬳᬾᬮᬶᬂᬳᬓ᭄ᬦᬵ᭟᭜᭟ᬮᬭᬶᬲ᭄ᬳᬦᬇᬓᬶ᭞ᬳᬶᬧ᭄ᬭᬪᬹᬤ
ᬰᬭᬢᬵᬫᬕ᭄ᬦᬄᬭᬶᬂᬢ᭄ᬮᭂᬂᬩᬸᬗ᭄ᬓᬳᬶᬂᬦᬪᬷ᭞ᬗᬯᬢ᭄ᬯᬂᬢᬬᬫ᭄ᬢᬸᬭᬶᬂᬰᬶᬯᬵᬤ᭄ᬯᬭ᭞ᬢ᭄ᬭᬸᬲ᭄ᬭᬶᬂᬮᬗᬶᬢ᭄ᬲᬧ᭄ᬝᬵ᭞ᬗᬯᬶᬰᬾᬱᬵ᭞ᬲᬵᬃᬯ᭄ᬯᬫᬸᬮᬾᬫᬸᬮᬾ᭞ᬭᬚᬤᬶᬭᬵᬚᬮ᭄ᬯᬶᬄ᭟᭜᭟ᬳ᭄ᬬᬂᬢᬬᬗᬯ᭄ᬢᬸᬯᬂᬲᬹᬃᬬ᭄ᬬ [ 8 ][᭗ 7B]
᭗
᭞᭕᭞ᬗ᭞ᬲᬹᬃᬬ᭄ᬬᬲ᭄ᬬᬸ᭞ᬧᬥᬮᬯᬦ᭄ᬢ᭄ᬬᬂᬫᬳᬵᬰᬹᬦ᭄ᬬ᭞ᬦᭀᬭᬳᬦᬲᬫᬦ᭄ᬬ᭞ᬲᬵᬃᬯ᭄ᬯᬮᬮᬓ᭄ᬱᬃᬯ᭄ᬯᬵᬯ᭄ᬤᬶ᭞ᬤᬤᬶᬳᬰᬶᬄ᭞ᬗᬯᬶᬰᬾᬱᬵ᭞ᬲᬵᬃᬯ᭄ᬯᬯ᭄ᬗᬶᬤᬤᬶᬯ᭄ᬗᬶᬦᬶᬂᬚᬕᬢ᭄ᬤᬾᬦ᭄ᬬ᭟᭜᭟
[image]ᬇᬓᬶᬳᬗ᭄ᬕᬾᬦ᭄ᬧᬳᬾᬮᬶᬂᬲᬹᬃᬬ᭄ᬬᬦᬾ᭞ᬲᬹᬃᬬ᭄ᬬᬦᬾᬧᬹᬃᬯ᭄ᬯᬵ᭞ᬇᬁ᭞᭐᭞ᬲᬹᬃᬬ᭄ᬬᬦᬾᬤᬓ᭄ᬱᬶᬡ᭄ᬦᬵ᭞ᬅᬁ᭞᭐᭞
[image]ᬲᬹᬃᬬ᭄ᬬᬦᬾᬧᬰ᭄ᬘᬶᬫ᭞ᬑᬁ᭐᭞ᬲᬹᬃᬬ᭄ᬬᬦᬾᬫᬤ᭄ᬬ᭞ᬬᬁ᭐ᬬᬁ᭟᭜᭟ᬅᬃᬕ᭄ᬕᬦ᭄ᬬᬓᬯᬶᬰᬿᬱᬵᬬᬇᬓᬶ᭞ᬳ
[image]ᬚᬶ᭞᭑᭐᭞ᬫ᭄ᬮᬶᬬᬸᬦ᭄᭞᭑᭐᭐᭐᭐᭐᭐᭐᭐᭐᭞᭒᭐᭐᭐᭐᭐᭐᭐᭐᭐᭞᭓᭐᭐᭐᭐᭐᭐᭐᭐᭐᭞᭔᭐᭐᭐᭐᭐
[᭘ 8A]
᭐᭐᭐᭐᭞᭕᭐᭐᭐᭐᭐᭐᭐᭐᭐᭞᭖᭐᭐᭐᭐᭐᭐᭐᭐᭐᭞᭗᭐᭐᭐᭐᭐᭐᭐᭐᭐᭞᭙᭐᭐᭐᭐᭐᭐᭐᭐᭐᭞᭑᭐ᬫ᭄ᬮᬶᬬᬸᬦ᭄᭟ᬦᬤᬶᬳᬗ᭄ᬕᬦᬶᬂᬭᬭᬾᬤᬶᬢ᭄ᬗᬄᬯ᭄ᬗᬶᬧ᭄ᬲᬸᬳᬸᬮᬶᬤᬶᬯ᭄ᬢᭂᬂ᭞ᬜ᭄ᬚᬶᬂᬫᬭᬶᬂᬯ᭄ᬢᭂᬂ᭞ᬬᬦ᭄ᬭᬶᬂᬇᬥᭂᬧ᭄᭞
ᬧ᭄ᬲᬸᬳᬸᬮᬶᬤᬶᬭᬱᬵ᭞ᬦᬸᬤᬶᬢ᭄ᬗᬄᬭᬱᬵ᭞ᬫᬜ᭄ᬚᬶᬂᬳᬸᬮᬶᬤᬶᬭᬱᬵ᭞ᬫᬭᬕᬢᬸᬗ᭄ᬕᬮ᭄᭞ᬭᬱᬢ᭄ᬓᬾᬦ᭄ᬢᬶᬗ᭄ᬳᬮᬾ᭞ᬬᬫᬤᬦ᭄ᬤᬃᬫ᭄ᬫ᭄ᬫᬵᬲᬓᬮᬵ᭞ᬭᬱᬵᬲᬸᬩᬓ᭄ᬫᬵ᭞ᬭᬱᬵᬢ᭄ᬓᭂᬤ᭄ᬤᬶᬢᬸ᭞ᬗᭂᬦᬄᬲᬸᬩᬫᬸᬮᬶᬄ᭞ᬭᬱᬬᬗ᭄ᬭᬳᭀ
ᬲ᭄᭞ᬓᬢᭀᬦ᭄᭞ᬬᬫᬚᬮᬦ᭄᭞ᬭᬱᬜᬫᬓ᭄ᬩᬸᬃ᭞ᬭᬱᬜᬗ᭄ᬭᬜ᭄ᬘᬩ᭄᭞ᬦ᭄ᬩᭂᬓ᭄᭞ᬗᬫᬢ᭄ᬬᬂ᭞ᬗᭂᬦᬄᬬᬵᬫᬗᬸᬭᬶᬧ᭄᭞ᬫᬦ᭄ᬩᭂᬓ᭄ᬰᬢ᭄ᬭᬸ᭞ᬫᬗᬸᬭᬶᬧ᭄ᬭᭀᬯᬂ᭞ᬭᬱᬘ᭄ᬦᬶᬓ᭄᭞ᬭᬱᬕ᭄ᬟᬾ᭞ᬭᬱᬲᭀᬗᬾᬦᬾᬢ
ᬲᬸᬓᬶᬦᬵ᭞ᬓᬾᬢᭀᬩᬦ᭄ᬗ᭄ᬭᬲᬬᬂ᭞ᬇᬥᭂᬧ᭄ᬲᬗ᭄ᬢ᭄ᬬᬂᬢᬬ᭞ᬮᬯᬦ᭄ᬜᬫᬦᬾᬧᬢ᭄ᬧᬢ᭄᭞ᬦ᭄ᬢᭀᬦᬾᬫᬥᬜ᭄ᬚᬢᬶ᭞ᬓ᭄ᬭᬶᬲ᭄ᬫᬜ᭄ᬚᬶᬗᬶᬂᬉᬭᬗ᭄ᬓᬵ᭞ᬉᬭᬗ᭄ᬓᬵᬫᬜ᭄ᬚᬶᬗᬶᬂᬤᬸᬳᬸᬂ᭞ᬩᬶᬱᬵᬗᬢᭀᬦᬂᬦᬾᬢ᭄ᬯᬭᬳᬤ᭞ᬩᬶ [ 9 ][᭘ 8B]
᭘
ᬱᬗ᭄ᬚᭀᬫᬳᭂᬓᬂ᭞ᬩᬶᬱᬗᬤᬾᬦᬂᬫᬫᬸᬜᬶᬧᬢᬸᬭᬸᬢᬶᬫ᭄ᬧᬮᬵ᭞ᬫ᭄ᬯᬄᬢ᭄ᬓᬾᬦ᭄ᬤᬾᬯᬾᬓᬾ᭞ᬢ᭄ᬓᬾᬦ᭄ᬓᬸᬋᬡᬦᬾ᭟ᬢ᭄ᬓᬾᬦ᭄ᬳᬦᬓ᭄ᬮᬾᬦ᭄᭞ᬗᭂᬦᬄᬜᬗ᭄ᬓᬸᬢᬶᬦ᭄ᬧ᭄ᬬᬦᬓ᭄᭞ᬦ᭄ᬮᭀᬓᬶᬦ᭄ᬳᬦᬓ᭄ᬱᬓᬶᬢ᭄᭞ᬢᬹᬃᬫᬶᬓᬸᬓᬸᬳᬶᬦ᭄᭞ᬜ
ᬫᬦᬾᬩᬶᬱᬵᬫᬲᬶᬮᬸᬫᬦ᭄᭞ᬩᬶᬱᬵᬜ᭄ᬫᬓ᭄᭞ᬩᬶᬱᬗᬸᬢᬂ᭞ᬩᬶᬱᬕ᭄ᬟᭂᬕ᭄᭞ᬩᬶᬱᬍᬕ᭞ᬩᬶᬱᬫᬫᬦ᭄ᬢ᭄ᬭ᭞ᬫᬧᬲᬂᬕᬸᬡ᭄ᬦ᭞ᬫ᭄ᬯᬂᬧᬜᬓᬶᬢ᭄᭞ᬓᬾᬢᭀᬩᬶᬱᬦ᭄ᬜᬫᬦᬾ᭞ᬦᬾᬦᬾᬲᬸᬩᬫᬯᬓ᭄ᬢ᭄ᬯᬵ᭞ᬲᬮ᭄ᬯᬶᬭᬶᬂᬫᬫ᭄ᬩᭂᬓᬦ᭄᭞
ᬩᬳᬦ᭄ᬧᬳᬫ᭄ᬩᭂᬓᬦ᭄᭞ᬭᬱᬩᬶᬱᬬᬫᬫᬸᬜᬶ᭞ᬗᬫᬸᬜᬶᬬᬧᬢᬸᬭᬸᬗᬫᬸᬜᬶᬬᬂ᭞ᬳᬶᬤᬾᬯᬾᬓ᭄᭞ᬜᬳᬸᬢᬂᬳᬶᬤᬾᬯᬾᬓ᭄᭞ᬫ᭄ᬯᬄᬲᬹᬃᬬ᭄ᬬᬲ᭄ᬬᬸᬦᬾᬭᬲᬬᬂᬫᬧᬶᬜ᭄ᬘᭂᬃᬤᬸᬳᬸᬃᬲᬶᬭᬳᬾᬫᬭᬸᬧᬘᬓᬺ᭞ᬗᬮᬾᬫ᭄ᬩᬾᬂᬫ
ᬗᬸᬫᬭᬂ᭞ᬢ᭄ᬗᬄᬦᬾᬭᬱᬬᬂᬫᭂᬦ᭄ᬢᬶᬓ᭄ᬳᬧᬶ᭞ᬫᬭᬸᬧᬧᬸᬢᬶᬄᬩᬸᬓᬕᬫᭂᬢᬾᬫᬲ᭄ᬢᬾᬢ᭄᭞ᬧᬶ᭞᭗᭞ᬧᬶᬢᬸ᭞ᬫᬸᬜ᭄ᬘᬸᬓᬾᬮᬜ᭄ᬘᭂᬧ᭄᭞ᬳᭂᬦ᭄ᬢᭂᬕ᭄ᬓᭂᬮᬗᬶᬢ᭄᭞ᬬᬦᬶᬂᬦ᭄ᬭᬂ᭞ᬭᬲᬬᬂᬓ᭄ᬩᬢ᭄ᬫᬸᬜ᭄ᬘᬸᬓᬾᬜᬕᬵᬕᬸ
[᭙ 9A]
ᬍᬫ᭄᭞ᬇᬥᭂᬧ᭄ᬕᬸᬍᬫᬾᬧᬸᬳᬸᬦ᭄ᬤᬤᬶᬯᬸ᭟ᬬᬦᬶᬂᬦ᭄ᬭᬂ᭞ᬫ᭄ᬯᬄᬫᬗᬸᬚᬦᬂ᭞ᬳ᭄ᬬᬂᬫᬮᬶᬮᬂ᭞ᬫᬸᬗ᭄ᬕᬸᬄᬭᬶᬂᬢ᭄ᬮᭂᬂᬘᬓ᭄ᬱᬸᬦᬾᬲᬗ᭄ᬳ᭄ᬬᬂᬢᬬᬵ᭞ᬇᬓᬦᬾᬗᬤᬓᬂᬳᬸᬚᬦ᭄ᬓᬮᬯᬦ᭄ᬢ᭄ᬭᬂ᭞ᬭᬚᬮ᭄ᬯᬶᬄᬧᬗᬸᬚᬦᬦ᭄ᬮᬯᬦ᭄ᬧ
ᬦ᭄ᬭᬂ᭞ᬳᬾᬮᬶᬂᬳᬓ᭄ᬦᬳᬭᬦ᭄ᬬ᭞ᬕᬸᬍᬫ᭄ᬢ᭄ᬮᬸ᭞ᬗ᭞ᬕᬸᬍᬫᬾᬧᬸᬢᬶᬄ᭞ᬯᬶᬡ᭄ᬟᬸ᭞ᬅᬓ᭄ᬱᬭᬦ᭄ᬬ᭞ᬇᬰ᭄ᬯᬭᬵ᭞ᬤᬾᬯᬢᬦ᭄ᬬ᭞ᬓᬬᬇᬓᬶ᭝᭐᭟ᬕᬸᬍᬫᬾ᭞ᬳ᭄ᬩᬂ᭞ᬩᬶᬲᬄᬅᬓ᭄ᬱᬭᬦ᭄ᬬ᭞ᬪ᭄ᬭᬳ᭄ᬫᬵ᭞ᬤᬾᬯ
ᬢᬦ᭄ᬬ᭞᭞ᬕᬸᬍᬫᬾ᭞ᬓᬺᬱ᭄ᬡᬵ᭞ᬯᬶᬱ᭄ᬡᬸ᭞ᬤᬾᬯᬢᬦ᭄ᬬ᭞ᬲᬸᬓᬸᬅᬓ᭄ᬱᬭᬦ᭄ᬬ᭞ᬓᬬᬇᬓᬶ᭞᭔᭞ᬬᬦ᭄ᬯ᭄ᬭᬸᬄᬭᬶᬓᬢᬢ᭄ᬯᬦᬶᬕᬸᬍᬫ᭄ᬢᬢ᭄ᬮᬸ᭞ᬢᬦ᭄ᬓ᭄ᬯᬱᬵᬫ᭄ᬢᬸᬚᬯᬸᬄ᭞ᬫᬧᬦ᭄ᬅᬓ᭄ᬱᬭᬦ᭄ᬬᬢ᭄ᬓᬾᬂ
ᬤᬾᬯᬢᬦ᭄ᬬᬲᬸᬩᬢᬯᬂ᭞ᬮ᭄ᬯᬶᬃᬦᬾᬗᬤᬓᬂ᭞ᬬᬦ᭄ᬫᬦ᭄ᬭᬂ᭞ᬇᬥᭂᬧ᭄ᬲᬗ᭄ᬳ᭄ᬬᬂᬢᬬᬵ᭞ᬓᬢᭀᬦ᭄ᬭᬬᬵᬇᬓᬶ᭞ᬫ᭄ᬢᬸᬲᬓᬶᬂᬦᬾᬢᬺ᭞ᬫᬮᬲᬢ᭄ᬭᬶᬂᬫᬤ᭄ᬬᬦᬶᬂᬳᬫ᭄ᬩᬭᬵ᭞ᬇᬥᭂᬧᬓ᭄ᬦᬫ᭄ᬢᬸᬳᬗᬶᬦ᭄᭞ᬲᬓᬶᬐᬃᬱᬦ᭄ᬬ [ 10 ][᭙ 9B]
᭙
᭞ᬳᭂᬦ᭄ᬢᭀᬦᬾᬫᬤᬦ᭄ᬧ᭄ᬬᬓ᭄ᬓᬮᬵ᭞ᬳᬗᬮᬳᬂᬕᬸᬍᬫ᭄ᬩᬬᬵᬫ᭄ᬭᬚᬵ᭞ᬕᬸᬍᬫᬾᬧᬸᬢᬶᬄᬦᬾᬫᭂᬦ᭄ᬢᬶᬓ᭄ᬢᬸᬮᬶᬓᬚᬓᬗᬶᬦ᭄᭞ᬫᬩᭀᬗ᭄ᬓᭀᬮ᭄ᬲ᭄ᬮᭂᬫ᭄᭞ᬦ᭄ᬢᭀᬫᬤᬦ᭄ᬩᬬᬵᬫ᭄ᬭᬵᬚ᭞ᬫᬤᬾᬯᬝᬳ᭄ᬬᬂᬇᬰ᭄ᬯᬭᬵ᭞ᬫᬅᬓ᭄ᬱᬭ
ᬯᬶᬡ᭄ᬥᬸ᭞᭐᭟᭜᭟[image]ᬬᬾᬦ᭄ᬳᬤᬕᬸᬍᬫ᭄ᬫᭂᬦ᭄ᬢᬶᬓ᭄ᬓ᭄ᬮᭀᬤ᭄ᬓᬯᬸᬄ᭞ᬕᬸᬍᬫ᭄ᬩᬤᬺ᭞ᬯᬭᬹᬩᬤᭂᬂᬓ᭄ᬮᬯᬸ᭞ᬳ᭄ᬬᬂᬯᬶᬱ᭄ᬡᬸ᭞ᬤᬾᬯᬢᬦ᭄ᬬ᭞ᬦᬾ
[Image]ᬫᬅᬓ᭄ᬱᬭᬲᬸᬓᬸ᭞᭞ᬇᬥᭂᬧ᭄ᬳᬗᬶᬦ᭄ᬩᬋᬢ᭄ᬩ᭄ᬦᬂᬩ᭄ᬦᬂᬲ᭄ᬬᬄ᭞ᬳᬸᬮᬶᬓᬚᬓᬯᬸᬄ᭞ᬦ᭄ᬢᭀᬦᬾᬗᬮᬳᬂᬕᬸᬡ᭄ᬦᬫᬾ
[Image]ᬧᬤᬵ᭞ᬬᬦ᭄ᬳᬤᬕᬸᬍᬫ᭄ᬫᭂᬦ᭄ᬢᬶᬓ᭄ᬳᬸᬮᬶᬓᬚᬓᬯᬸᬄ᭞ᬦ᭄ᬢᭀᬦᬾᬗᬮᬳᬂᬕᬸᬍᬫᬾᬧᬤᬵ᭟ᬬᬦ᭄ᬳᬤᬕᬸ
[᭑᭐ 10A]
ᬍᬫ᭄ᬫᭂᬦ᭄ᬢᬶᬓ᭄ᬳᬸᬮᬶᬓᬚᬫᬓᬯᬸᬄ᭞ᬫᬩᭀᬗ᭄ᬓᭀᬮ᭄ᬩᬤᭂᬂ᭞ᬫᬫᬸᬜ᭄ᬘᬸᬓ᭄ᬩᬭᬓ᭄᭞ᬕᬸᬍᬫ᭄ᬲᬗ᭄ᬕᬵᬳᬶᬢ᭄ᬣᬵ᭞ᬗ᭞ᬫᬤᬾᬯᬝᬳ᭄ᬬᬂᬩ᭄ᬭᬳ᭄ᬫᬵ᭞ᬦᬾᬫᬳᬓ᭄ᬱᬭᬵᬩᬶᬲᬄ᭞᭞ᬇᬥᭂᬧ᭄ᬫ᭄ᬢᬸᬳᬗᬶᬦ᭄ᬲᬸᬦ᭄ᬬᬵ᭞ᬧᬦᬲᬄ᭞ᬳᬸᬮᬶ
ᬩᭀᬗ᭄ᬓᭀᬮ᭄ᬕᬸᬍᬫᬾᬓᬚᬓᬯᬸᬄ᭞ᬦ᭄ᬢᭀᬦᬾᬗᬮᬳᬂ᭞ᬬᬦ᭄ᬳᬦᬕᬸᬍᬫ᭄ᬳᬸᬮᬶᬓ᭄ᬮᭀᬤ᭄ᬓᬗᬶᬦ᭄᭞ᬕᬸᬍᬫ᭄ᬢᬶᬫᬸᬃ᭞ᬗ᭞ᬤ᭄ᬯᬶᬤᬢᬸ᭞ᬇᬥᭂᬧᬓ᭄ᬦᬫ᭄ᬢᬸᬳᬗᬶᬦ᭄ᬲ᭄ᬮᬢᬦ᭄ᬳᬸᬮᬶᬓ᭄ᬮᭀᬤ᭄ᬓᬯᬸᬄ᭞ᬦ᭄ᬢᭀᬦᬾᬤᬶᬸᬓᬶᬸᬮᬳᬂᬕᬸᬍᬫ᭄ᬰᬓ᭄ᬢᬶ᭞ᬗ᭄ᬳᬶᬂᬓᬢᬄᬩᬘᬦ᭄ᬕᬸᬍᬫᬾ᭞ᬦᬾᬳᬸᬮᬶᬧᬫᬥ᭞ᬫ᭄ᬯᬄᬕᬸᬍᬫ᭄ᬰᬰᬶᬄᬳᬦ᭄᭞ᬦᬾᬗᬫᬺᬢᬦᬶᬦ᭄ᬕᬸᬫᬶᬦᬾᬫ᭄ᬯᬄᬲᬵᬃᬯ᭄ᬯᬫᭂᬦ᭄ᬢᬶᬓ᭄᭞ᬢᬢᬶᬢ᭄ᬮᬯᬦ᭄ᬓ᭄ᬭᬸᬕ᭄᭞ᬓᬶᬮᬧ᭄᭞ᬦᬸᬭᬸᬢ᭄ᬰᬰᬶᬄ᭞ᬓᬢᬄᬩᬘᬓᬦᬾ᭞ᬮ᭄ᬯᬶᬃᬦ᭄ᬬ᭞
ᬓᬶᬮᬧ᭄ᬯᭀᬂ᭞ᬓᬶᬮᬧ᭄ᬩᬗ᭄ᬓᬸᬂ᭞ᬓᬶᬮᬧ᭄ᬲᬫ᭄ᬩ᭄ᬭᬫ᭞ᬦᬾᬫᬸᬗ᭄ᬕᬸᬄᬭᬶᬗᬚᬶ᭞ᬓᬮᬶᬗ᭄ᬕᬦ᭄ᬬ᭞ᬓ᭄ᬭᬸᬕ᭄ᬧᬮᬶᬗ᭄ᬕᬦᬶᬸᬭ᭞ᬓ᭄ᬭᬸᬕ᭄ᬘᬦ᭄ᬤ᭄ᬭᬓᬭ᭞ᬓ᭄ᬭᬸᬕ᭄ᬲᬸᬦ᭄ᬢᬭᬦᬾ᭞ᬫᬸᬗ᭄ᬕᬸᬄᬭᬶᬂᬢᬸᬢᬹᬃ᭞ᬫ᭄ᬯᬄᬢᬢᬶᬢ᭄ᬤᬸᬫᬶᬮᬄ᭞ᬢᬢᬶᬢ᭄ᬓ᭄ᬭᬾ [ 11 ]᭑᭐
[᭑᭐ 10B]
ᬢᬧ᭄᭞ᬢᬢᬶᬢ᭄ᬓᬸᬫᬫ᭄ᬧ᭄ᬬᬃ᭞ᬦᬾᬫᬸᬗ᭄ᬕᬸᬄᬭᬶᬂᬗᬚᬶᬫᬵ᭞ᬮ᭄ᬯᬶᬃᬦ᭄ᬬ᭝ᬢᬾᬚᬫᬮᬂ᭞ᬢᬾᬚᬗᬤᭂᬕ᭄᭞ᬢᬾᬚᬕᬸᬮᬶᬂᬦᬾᬫᬸᬗ᭄ᬕᬸᬄᬭᬶᬕᬶᬢᬵ᭞ᬓᬮᬶᬗᬦ᭄ᬬ᭞ᬓ᭄ᬮᬶᬳᬮᬄᬕᭂᬫ᭄ᬭᭀᬂ᭞ᬓᬮᬶᬬᬮᬄᬬᬓ᭄ᬱᬵ᭞ᬓᬮᬶᬳᬮᬄ
ᬲᬸᬢᬺ᭞ᬬᬦ᭄ᬓᬢ᭄ᬫᬸᬲᬦᬸᬗ᭄ᬕᬮ᭄᭞ᬤᬤᬶᬢᬾᬚᬵᬓᬸᬯᬸᬂ᭞ᬮᬯᬦ᭄ᬢᬾᬚᬧ᭄ᬭᬶᬂ᭟ᬮ᭄ᬯᬶᬃᬩᬶᬦ᭄ᬢᬂᬓᬸᬓᬸᬲ᭄᭞ᬦ᭄ᬢᭀᬓ᭄ᬭᬡᬵᬳᬤᬵᬧᬢ᭄ᬗᭂᬭᬦ᭄ᬕᬸᬫᬶᬳᬮᬳᬬᬸ᭞ᬦ᭄ᬢᭀᬦᬾᬯ᭄ᬢᬸᬯᬗᬢ᭄ᬓᬾᬦ᭄ᬳ᭄ᬬᬂᬫᬮᬶᬮᬂ᭞ᬦᬾᬦᬾᬫᬸᬗ᭄ᬕᬸᬄᬭᬶᬂᬢ᭄ᬮᭂᬗᬶᬂᬘᬵ
ᬓ᭄ᬱᬸᬦᬾᬲᬗ᭄ᬳ᭄ᬬᬂᬢᬬᬵ᭞ᬯ᭄ᬭᬸᬄᬗᬤᬓᬂᬳᬸᬚᬦ᭄᭞ᬓᬮᬯᬦ᭄ᬢ᭄ᬭᬂ᭟᭜᭟ᬬᬦ᭄ᬳᬋᬧ᭄ᬢᬫᬗᬸᬚᬦᬂ᭞ᬇᬥᭂᬧᬓ᭄ᬦᬲᬗ᭄ᬳ᭄ᬬᬂᬢᬬᬵ᭞ᬫᬸᬗ᭄ᬕᬸᬄᬭᬶᬂᬮᬸᬳᬸᬭᬶᬂᬰᬶᬯᬵᬤ᭄ᬯᬭ᭞ᬭᬭᬶᬲ᭄ᬳᬶᬥᭂᬧ᭄ᬕ᭄ᬦᬶᬳᬕᬸᬂᬗ᭄ᬩᭂᬓᬶᬦ᭄ᬚᬕᬢ᭄᭞ᬭᬶᬂᬤ
ᬲᬭᬶᬂᬲᬕᬭᬵ᭞ᬇᬥᭂᬧ᭄ᬫᭂᬜ᭄ᬘᬸᬂᬢᭀᬬᬦ᭄ᬧᬕᬭᬦᬾᬓᬳᬸᬫ᭄ᬩᬭ᭞ᬢᭀᬬᬦᬾᬗᬤᬸᬮ᭄ᬯᬂᬢᬸᬓᬤ᭄᭞ᬦᬾᬓᬢᭀᬦ᭄ᬭᬶᬂᬧᬗᬶᬥᭂᬧ᭄᭞ᬫ᭄ᬢᬸᬲᬓᬋᬧ᭄ᬢᬵ᭞ᬫᬢᬢᬶᬢ᭄᭞ᬫᬓᬶᬮᬧ᭄᭞ᬫᬓᭂ
[᭑᭑ 11A]
ᬘ᭄ᬕᬦ᭄ᬳᬸᬚᬦ᭄ᬳᬕᬸᬂ᭞ᬧᭀᬮᬄᬳᬗᬶᬥᭂᬧ᭄᭞ᬫᬲᬶᬮᬭᬶᬂᬧᬢᬸᬭᬾᬦ᭄᭞ᬦᬢᬓᬶᬜᬕᬸᬢ᭄᭞ᬬᬦ᭄ᬧᬸᬧᬸᬢ᭄ᬳᬶᬗᬶᬥᭂᬧ᭄᭞ᬯᬳᬸᬲᬶᬭᬍᬧᬲᬓᬶᬂᬦᬢᬓᬶᬜ᭄ᬚᬕᬸᬢ᭄᭞ᬓᬬᬾᬓᬶᬯᬵᬃᬡ᭄ᬦᬦ᭄ᬬ᭞ᬲᬗ᭄ᬳ᭄ᬬᬂᬢᬮᬵᬫᬸᬗ᭄ᬕᬸᬄ
ᬭᬶᬮᬸᬳᬸᬭᬶᬰᬶᬯᬵᬤ᭄ᬯᬭᬵ᭞ᬳᬦᬇᬓᬶ[image]ᬦᬾᬗᭂᬢᬓ᭄ᬦᬧᬤᬵᬯ᭄ᬢᬸᬳᬦ᭄ᬬᬳ᭄ᬬᬂᬫᬮᬶᬂᬮᬂ᭞ᬳ᭄ᬬᬂᬫᬮᬶᬂᬮᬂᬗᬯᬶᬰᬾᬱᬵ᭞ᬚᬕᬢᬾᬭᬶᬂᬲᬕᬭᬤᬦᬸ᭞ᬫᬤ᭄ᬯᬾ
ᬢᭀᬬᬦᬾ᭞ᬢᭀᬬᬦ᭄ᬲᬾᬫᬾᬭᬾ᭞ᬗ᭞[image]ᬢᭀᬬᬧᬯᬶᬢᬺ᭞ᬢᭀᬬᬦ᭄ᬲᬕᬭᬦᬾ᭞ᬗ᭞ᬢᭀᬬᬢᬶᬕᬭᬱᬵ᭞ᬢᭀᬬᬦ᭄ᬟᬦᬸᬦᬾ᭞ᬗ᭞ᬢᭀᬬᬵ
ᬲᬤ᭄ᬟᬵᬭᬱᬵ᭞ᬗ᭞ᬳ᭄ᬬᬂᬫᬮᬶᬂᬮᬂ᭞ᬓᬮᬶ[image]ᬗᬦ᭄ᬬᬳ᭄ᬬᬂᬩᬭᬸᬡᬵ᭞ᬤ᭄ᬬᬧᬶᬦ᭄ᬳᬤᬢᬧᬵ᭞ᬮᬶᬦᬸᬕ᭄ᬭᬳᬵᬳᬦ᭄ᬢᬸᬓ᭄ᬳ᭄ᬬᬂᬢᬬᬵ᭞ᬳ᭄ᬬᬂᬢᬬᬳᬗ᭄ᬭᬾᬄᬳ᭄ᬬᬂᬫ [ 12 ][᭑᭑ 11B]
᭑᭑
ᬳᬫᬮᬶᬂᬮᬂ᭞ᬳᬫᭂᬦ᭄ᬟᬓ᭄ᬢᬧᬵᬦᬾᬤᬾᬦᬶᬂᬩᬜᬸᬢᬶᬕ᭄ᬕᬵᬭᬱᬵ᭞ᬓ᭄ᬭᬡᬵᬩᬶᬱᬍᬩᬹᬃᬤᬾᬱᬤᬾᬱᬵ᭞ᬬᬾᬄᬧᬲᬶᬳᬾᬫᭂᬦ᭄ᬟᬓ᭄ᬢᬧᬵ᭞ᬗᬤᬸᬮ᭄ᬯᬂᬲᬩᬶᬮᬂᬢᬸᬓᬤ᭄᭞ᬢᬫᬦᬾᬰᬓ᭄ᬢᬶᬇᬥᭂᬧ᭄᭞ᬓ᭄ᬤᭂᬍᬂᬅᬓᬱ᭞ᬕᬾ
ᬜ᭄ᬚᭀᬂᬰ᭄ᬯᬃᬕ᭄ᬖᬰᬹᬭᬵᬮᬬᬦᬾᬓ᭄ᬭᬡᬤᬤᬶᬳᬸᬚᬦ᭄ᬳᬕᬸᬂ᭞ᬳᭂᬦ᭄ᬢᭀᬢᬧᬦᬾᬓ᭄ᬭᬡᬕᬸᬫᬶᬦᬾᬕ᭄ᬲᭂᬂᬫ᭄ᬯᬂᬉᬭᬶᬧ᭄᭞ᬓ᭄ᬭᬡᬩᬶᬱᬮᬶᬦᬸᬄ᭞ᬫᬗ᭄ᬚᭂᬭᬂᬕᬸᬫᬶ᭞ᬲᬸᬩᬢ᭄ᬓᬶᬸᬢᬧᬦᬾᬢ᭄ᬓᭂᬤᬶᬧᬲᬶᬄ᭞ᬮᬶᬦᬸᬕ᭄ᬭᬳᬵᬤᬾᬦᬶᬂᬪᬝᬭ
ᬢᬬᬵ᭞ᬳᬦ᭄ᬤᬤᬶᬇᬯᬓ᭄ᬳᬕᬸᬂ᭞ᬕ᭄ᬦᭂᬧ᭄ᬤᬱᬢᬶᬩᬦ᭄᭞ᬓᬾᬯᭂᬄᬩᬾᬦᬾᬳᬦᬾᬮᬾᬦᬦ᭄᭞ᬳᬧᬦ᭄ᬮ᭄ᬬᬲᬸᬩᬳᭀᬜᬓᬢᬤᬄᬤᬾᬦᬶᬂᬫᬶᬡᬵᬭᬚᬵ᭞ᬓ᭄ᬭᬡᬩᬶᬱᬮᬭᬂᬩᬾᬦᬾᬦ᭄ᬓᭂᬤᬦᬸ᭞ᬤᬾᬦᬶᬂᬫᬵᬦᬸᬱ᭞ᬤ
ᬤᬶᬲ᭄ᬤᬶᬄᬫᬓᬸᬬᬬᬗᬦ᭄ᬩᬾᬦᬾᬳᬦᬾᬮᬾᬦᬦ᭄᭞ᬳᬾᬮᬶᬲᬗ᭄ᬳ᭄ᬬᬂᬢᬬᬵ᭞ᬗᬦ᭄ᬤᬶᬓᬪᬝᬭᬢᬬᬭᬶᬂᬳᬶᬫᬶᬡᬭᬵᬚ᭞ᬇᬄᬫᬶᬡᬭᬵᬚ᭞ᬚᬦᬶᬲᬸᬩᬢᬸᬢᬸᬕ᭄ᬤᬰᬢᬳᬸᬦ᭄᭞ᬗᬾᬦ᭄ᬓᬾᬦ᭄ᬤᬶᬦᬶᬤᬶᬧᬲᬶᬄ
[᭑᭒ 12A]
᭞ᬚᬦᬶᬫ᭄ᬦᬾᬓ᭄ᬓᬕᬸᬫᬶ᭞ᬳᬧᬶᬜᬶᬤᬬᬂᬗᬫᭂᬃᬢ᭄ᬣᬦᬶᬦ᭄ᬫᬦᬸᬱᬵ᭞ᬫ᭄ᬯᬂᬓᬸᬫᬢᬢ᭄ᬓᬸᬫᬶᬢᬶᬢ᭄᭞ᬲᬸᬩᬦᬾᬓᬾᬢᭀᬮᬯᬸᬢᬂᬘᬳᬶᬜ᭄ᬯᬂᬳᬶᬲᬶᬦ᭄ᬕᬸᬫᬶᬦᬾᬫᬓ᭄ᬚᬂ᭞ᬳᬢᬳᬸᬦ᭄᭞ᬲᬸᬩᬓᬾᬢᭀᬩ᭄ᬯᬶᬦ᭄ᬘᬳᬶᬫᬸᬮᬶᬄᬤᬤᬶᬢᬧᬵ᭞ᬤᬾᬦᬶᬂ
ᬓᬾᬢᭀᬯᬘᬦᬦ᭄ᬳᬶᬤᬳ᭄ᬬᬂᬢᬬᬵ᭞ᬳᬶᬢᬧᬳᬶᬗᭂᬢ᭄ᬢ᭄ᬓᬾᬦ᭄ᬫᬸᬮᬵᬢᬧᬵ᭞ᬓᬦ᭄ᬢᬶᬦᬯᬂᬲᬧ᭄ᬝᬯᬾ᭠ᬘ᭄ᬘᬶ᭞ᬲᬶᬤ᭄ᬟᬵᬓᬧᬗ᭄ᬕᬶᬄᬭᬶᬂᬳ᭄ᬬᬂᬢᬬᬵ᭞ᬓᬳᬶᬭᬶᬂᬗᬓᬬᬸᬦᬦ᭄ᬳᬶᬤᬵ᭞ᬓ᭄ᬘᬓᬺᬳᬶᬫᬶᬡᬭᬵᬚ᭞ᬲᬩᭂᬄᬓᬧᬲ᭄ᬢᬸᬤᬤᬶ
ᬧᬸᬦ᭄ᬧᬸᬦ᭄᭞ᬕᬾᬜ᭄ᬚᭀᬂᬤᬲᬃᬧᬲᬶᬳᬾ᭞ᬗᬳᬦ᭄ᬧᬲᬸᬧᬢᬶᬦ᭄ᬘᬓ᭄ᬭᬦᬾᬍᬯᬶᬄ᭞ᬓ᭄ᬭᬡᬵᬳᬤᬓᬧᬗᬦ᭄ᬫ᭄ᬯᬂᬕᬺᬳᬵ᭞ᬗ᭄ᬤᬰᬵᬕᬮᬸᬗᬦ᭄᭞ᬫᬧᬦ᭄ᬳᬶᬢᬧᬗᬯᬶᬢ᭄ᬫᬢᬧ᭞ᬉᬓᬸᬤᬸᬗᬸᬮᬦ᭄᭞ᬓ᭄ᬭᬡᬳᬶᬱᬳᬸᬚ
ᬦᬾ᭞᭓᭞ᬉᬓᬸ᭞ᬓ᭄ᬭᬡᬩᬶᬱᬢ᭄ᬭᬓ᭄ᬧᬦᬲᬾ᭞᭗᭞ᬉᬓᬸ᭞ᬓ᭄ᬭᬡᬩᬶᬱᬫᬵᬦᬸᬱᬦᬾᬮᬯᬦ᭄ᬲᬢᭀ᭞ᬲᬮ᭄ᬯᬶᬭᬶᬂᬫᬩᬬᬸ᭞ᬲᬶᬲᬮ᭄ᬯᬶᬭᬶᬂᬢᬸᬫᬸᬯᬸᬄ᭞ᬓᬲᬓᬶᬢᬦ᭄ᬳᬯᬮᬶᬓ᭄ᬱᬸᬩᬦᬾᬧᬸᬦ᭄ᬧᬸᬦ᭄᭞ᬓ᭄ᬢᬦᬄ [ 13 ][᭑᭒ 12B]
᭑᭒
ᬤᬾᬦᬶᬂᬫᬦᬸᬱᬵ᭞ᬓᬸᬫᬢᬢ᭄ᬓᬸᬫᬶᬢᬶᬢ᭄᭞ᬮᬯᬦ᭄ᬲᬢᭀ᭞ᬲᬩᬶᬮᬂᬦᬥᬄ᭞ᬩᬶᬱᬵᬫᬩᬘᬶᬦ᭄ᬫᬩᬜᬸ᭞ᬫ᭄ᬯᬂᬫᬩᬸᬮᬸ᭞ᬩᬸᬮᬸᬳᬳᬲ᭄ᬤᬤᬶᬩᬮᬂ᭞ᬩᬘᬶᬦᬾᬳᬳᬲ᭄ᬤᬤᬶᬩᬶᬓᬸᬮ᭄᭞ᬩᬜᬸᬦᬾᬯ᭄ᬢᬸᬤᬤᬶᬳᬯᬸᬲ᭄᭞
ᬦ᭄ᬢᭀᬦᬾᬓ᭄ᬭᬡᬫᬺᬢ᭄ᬣᬦ᭄ᬕᬸᬫᬶᬦᬾᬤᬤᬶᬮᬭᬂ᭞ᬢᬯᬸᬫᬵᬦᬸᬱᬦᬾᬢ᭄ᬓᬾᬦ᭄ᬢ᭄ᬭᬓ᭄᭞ᬕ᭄ᬫᬸᬄ᭞ᬲᬸᬩᬓᬾᬢᭀᬩᬶᬱᬩ᭄ᬯᬶᬦ᭄ᬫᬸᬮᬶᬄᬤᬤᬶᬢᬧ᭞ᬳᬶᬍᬄᬳᬶᬍᬄᬚᬮᬦ᭄ᬫᬸᬮᬵ᭞ᬦ᭄ᬢᭀᬩᬶᬱᬲᬸᬳᬸᬤ᭄ᬤᬤᬶᬫᬃᬕ᭄ᬕᬵ᭞ᬲᬭᬩᬶᬱᬦᬾᬫᬚᬮ
ᬦ᭄᭞ᬫᬧᬦ᭄ᬧᬰᬶᬄᬤᬲᬃᬳᬧᬶ᭞ᬓ᭄ᬭᬡᬬᬾᬄᬧᬰᬶᬳᬾᬳᬶᬤᬸᬧ᭄᭞ᬳᬧᬶᬦᬾᬫᬤᬲᬃᬧᬰᬶᬄ᭞ᬓ᭄ᬭᬡᬵᬫᬸᬭᬸᬩ᭄ᬤᬸᬫᬶᬮᬄ᭞ᬕᬸᬫᬶᬦᬾᬫᬤᬲᬃᬧᬶᬸᬰᬶᬸᬮᬗᬶᬢ᭄᭞ᬓ᭄ᬭᬡᬳᬤᬲᬃᬯ᭄ᬯᬵᬫᭂᬦ᭄ᬢᬶᬓ᭄᭞ᬮᬗᬶᬢᬾᬫᬤᬲᬃᬕᬸᬫᬶ᭞ᬓ᭄ᬭ
ᬡᬵᬳᬤᬳᬸᬚᬦ᭄᭞ᬗᬫᬺᬢ᭄ᬣᬦᬶᬦ᭄ᬲᬃᬯ᭄ᬯᬵᬢᬸᬫᬸᬯᬸᬄ᭟ᬢ᭄ᬮᬲ᭄᭟᭜᭟᭚ᬫᬮᬶᬄᬩᬩᬳᬦᬶᬂᬲᬧ᭄ᬝᬵᬯᬾᬘ᭄ᬘᬶ᭞ᬓᬮᬶᬗᬦ᭄ᬬ᭞ᬲᬧ᭄ᬝᬵ᭞ᬗ᭞᭗᭞ᬮ᭄ᬯᬶᬃᬦ᭄ᬬ᭞ᬪᬹᬄᬮᭀᬓ᭞ᬩ᭄ᬯᬄᬮᭀᬓ᭞ᬰ᭄ᬯᬄ
[᭑᭓ 13A]
ᬮᭀᬓ᭞ᬚᬦᬵᬮᭀᬓ᭞ᬢᬧᬵᬮᭀᬓ᭞ᬫᬳᬵᬮᭀᬓ᭞ᬲᬢ᭄ᬬᬮᭀᬓ᭞ᬮ᭄ᬯᬶᬃᬦ᭄ᬬ᭝ᬪᬹᬄᬮᭀᬓ᭞ᬭᬶᬂᬦᬵᬪᬶ᭞ᬗ᭞ᬕ᭄ᬦᬄᬕ᭄ᬦᬶᬳᬕᬸᬂ᭞ᬇᬓᬮᬗᬶᬢ᭄ᬢᭂᬫ᭄ᬩᬕ᭄ᬖᬵ᭞ᬗ᭞ᬩᬶᬱᬗᬯ᭄ᬢᬸᬳᬯᬸᬦ᭄ᬳᬯᬸᬦ᭄ᬩ᭄ᬯᬄᬮᭀᬓ᭞
ᬗ᭞ᬭᬶᬂᬲᬸᬓᬸ᭞ᬳᬶᬭᬶᬓᬕ᭄ᬦᬄᬢᭀᬬᬦᬾᬗ᭞ᬮᬗᬶᬢ᭄ᬓᬓᬸᬦᬶᬗᬦ᭄᭞ᬲᬓᬶᬂᬳᬶᬭᬶᬓᬯ᭄ᬢᬸᬬᬂᬮᬮᬄ᭞ᬗᬤᬓᬂᬳᬸᬚᬦ᭄ᬮᬯᬦ᭄ᬢ᭄ᬭᬂ᭞ᬰ᭄ᬯᬄᬮᭀᬓ᭞ᬭᬶᬂᬳᬸᬚᬦ᭄ᬯᬸᬦ᭄᭞ᬗ᭞ᬮᬗᬶᬢ᭄ᬢᬶᬫᬄ᭞ᬳᬶᬭᬶᬓᬳᬸᬫᬄᬳᬗᬶᬦᬾ᭞ᬫ᭄ᬯᬂᬯ᭄ᬢᬸ
ᬦ᭄ᬓᬶᬮᬧ᭄᭞ᬓ᭄ᬭᬸᬕ᭄᭞ᬫ᭄ᬯᬂᬕᬸᬍᬫ᭄᭞ᬲᬮ᭄ᬯᬶᬭᬾ᭞ᬩᬶᬱᬯ᭄ᬢᬸᬳᬸᬚᬦ᭄᭞ᬮᬯᬦ᭄ᬢ᭄ᬭᬂ᭞ᬓᬮᬶᬗᬦ᭄ᬬ᭞ᬢᬧᬵᬮᭀᬓᬭᬶᬂᬧᬧᬾᬮᬾᬗᬦ᭄᭞ᬇᬭᬶᬓᬮᬗᬶᬢ᭄ᬮᬜ᭄ᬘᬸᬂᬲᬭᬶ᭞ᬕ᭄ᬦᬄᬲᬹᬃᬬ᭄ᬬ᭞ᬩᬸᬮᬦᬾ᭞ᬫ᭄ᬯᬄᬢᬾᬚᬲᬮ᭄ᬯᬶᬭᬾ᭝
ᬧ᭄ᬭᬯᬸᬳᬦ᭄ᬭᬳᬶᬦᬵᬯ᭄ᬗᬶ᭞ᬩᬶᬱᬓᬲᬧᬸᬢᬦ᭄ᬤᬾᬦᬶᬂᬕᬸᬍᬫ᭄᭞ᬓᬢᭀᬦ᭄ᬲᬓᬶᬂᬧᬤᬚᬢᬶᬦ᭄ᬬ᭞ᬤᭀᬄᬲᭂᬗ᭄ᬕᬂᬲᬓᬶᬂᬳᬶᬭᬶᬓ᭟ᬚᬦᬵᬮᭀᬓᬭᬶᬂᬲᭀᬘ᭄ᬘᬵ᭞ᬗ᭞ᬮᬗᬶᬢ᭄ᬩ᭄ᬲᬶ᭞ᬳᬶᬭᬶᬓᬕ᭄ᬦᬄᬩᬶᬦ᭄ᬢᬂᬢ᭄ᬭᬵ [ 14 ][᭑᭓ 13B]
᭑᭓
ᬗ᭄ᬕᬡᬦᬾ᭞ᬦᭀᬭᬳᬦᬯ᭄ᬗᬶ᭞ᬭᬳᬶᬦᬵᬓᬾᬯᬮᬵ᭞ᬕᬮᬂᬳᬧᬥᬂ᭞ᬳᬗ᭄ᬳᬶᬂᬤᭀᬄᬲᬓᬶᬂᬲᬹᬃᬬ᭄ᬬᬦᬾ᭞ᬳᬕᬿᬂᬩᬶᬦ᭄ᬢᬂᬢ᭄ᬭᬗ᭄ᬕᬡᬦᬾ᭞ᬲᬫᬮᬯᬦ᭄ᬘᬦ᭄ᬤ᭄ᬭᬵᬤᬶᬢ᭄ᬬ᭞ᬓ᭄ᬭᬡᬓᬢᭀᬦ᭄ᬳᬦᬳᬕᭂᬂᬳᬦᬳᬮᬶᬢ᭄᭞ᬕ᭄ᬦᬄᬦᬾ
ᬳᬦᬤᭀᬄ᭞ᬳᬦᬭᬧᭂᬢ᭄᭞ᬮᬗᬶᬢ᭄ᬢᬦ᭄ᬓᬧᬦᬲᬦ᭄᭞ᬗ᭞ᬫᬳᬵᬮᭀᬓ᭞ᬭᬶᬂᬢᬸᬂᬢᬸᬂᬕ᭄ᬭᬡ᭄ᬦᬵ᭞ᬗ᭞ᬮᬗᬶᬢ᭄ᬫᬵᬲ᭄᭞ᬳᬶᬭᬶᬓᬕ᭄ᬦᬄᬧᬭᬫᬦ᭄ᬤᬾᬯᬢᬦᬾᬲᬫᬶ᭞ᬧᬦᬲ᭄ᬢᬦ᭄ᬳᬦᬓᬧᬦᬲᬦ᭄᭞ᬢᬦ᭄ᬳᬦᬓᬳᬸᬚᬦᬦ᭄᭞
ᬲᬓᬶᬂᬳᬶᬭᬶᬓᬓᬧᬶᬕᬸᬫ᭄᭞ᬳᬶᬯᬂᬧᬢᬸᬢᬾᬲᬫᬶ᭞ᬲᬮ᭄ᬯᬶᬭᬶᬂᬫᬫ᭄ᬩᭂᬓᬦ᭄᭞ᬓ᭄ᬭᬡᬢᬦᬶᬦ᭄ᬲᬓᬶᬂᬭᬾᬓ᭞ᬓ᭄ᬭᬡᬲᬫᬶᬓᬬᬭᬶᬗ᭄ᬕᬶᬢ᭄᭞ᬤᬮᬂᬦᬾᬓᬗ᭄ᬕᭀᬦᬵ᭞ᬓᬾᬯᬮᬓᬢᭀᬦ᭄ᬳᬯᬓᬾ᭞ᬗᬦᬶᬱ᭄ᬝᬬᬂᬳᬯᬓ᭄᭞
ᬢᬦ᭄ᬩᬶᬦᬵᬲᬢᭀ᭞ᬳᬦᬧᬗᬗ᭄ᬕᭀᬦᬵ᭞ᬮ᭄ᬯᬶᬃᬢᬢᬦ᭄ᬥᬸᬭᬦ᭄᭞ᬦᬦ᭄ᬤ᭄ᬭᬩᬾᬦᬶᬦ᭄᭝ᬲᬢ᭄ᬬᬮᭀᬓ᭞ᬗ᭞ᬭᬶᬂᬰᬶᬯᬵᬤ᭄ᬯᬭᬵ᭞ᬗ᭞ᬮᬗᬶᬢ᭄ᬫᬶᬭᬄ᭞ᬓᭀᬫᬮᬵᬯᬶᬦ᭄ᬢᭂᬦ᭄᭞ᬳᬶᬓᬦᬾᬳᬦ᭄ᬭᬯᬂᬳᬦ᭄ᬭᬸᬯᬸᬂ᭞ᬕᬮᬂ
[᭑᭔ 14A]
ᬓᬬᬲᬶᬦ᭄ᬭᬸᬄᬲᬶᬦᬗ᭄ᬮᬶᬂ᭞ᬢᬦ᭄ᬓᬯᬶᬘᬭᬦ᭄᭞ᬳᬶᬭᬶᬓᬕ᭄ᬦᬄᬫᬺᬢ᭄ᬣᬦᬾᬲᬫᬶ᭞ᬳᬶᬭᬶᬓᬳᬶᬤᬳ᭄ᬬᬂᬢᬬᬵᬫᬮᬶᬗ᭄ᬕᬵ᭞ᬬᬦ᭄ᬫᬗ᭄ᬤᬯ᭄ᬭᬸᬄᬳᬶᬭᬶᬓᬕ᭄ᬦᬄᬢᬗ᭄ᬕᬸᬦ᭄ᬓᬸᬦ᭄ᬟᬵᬮᬭᬢ᭄ᬦᬦᬾ᭞ᬤᬾᬯᬵᬳᬶᬯᬂᬫᬓᬾᬃᬢ᭄ᬣᬶ᭞ᬢᬦ᭄ᬲᬶᬤ᭄ᬟᬵᬓᬧᬗ᭄ᬕᬶᬄ
ᬭᬶᬂᬳ᭄ᬬᬂᬢᬵ᭞ᬫᬦᬸᬬᬵᬧᬤᬵ᭞ᬧᬢᬸᬢ᭄ᬧᬓᬾᬃᬢ᭄ᬣᬶ᭞ᬲᬶᬤ᭄ᬟᬵᬫᭀᬮᬶᬄᬫᬺᬢ᭄ᬣᬲᬓᬶᬂᬭᬶᬓ᭞ᬫᬧᬦ᭄ᬳ᭄ᬬᬂᬢᬬᬵ᭞ᬳᬲᬸᬂᬭᬶᬂᬯ᭄ᬯᬂᬫᬗ᭄ᬓᬦ᭞ᬫᬧᬦ᭄ᬯ᭄ᬭᬸᬄᬭᬶᬂᬓᬢᬢ᭄ᬯᬦᬶᬂᬲᬧ᭄ᬝᬵᬯᬾᬘ᭄ᬘᬶ᭞ᬲᬧᬺᬢᬶᬲᬦ᭄ᬢᬦᬦᬾᬫᭀᬮᬶᬄᬫᬺᬢ᭄ᬢᬵ᭞
ᬢᬸᬃᬓᬧᬗ᭄ᬕᬸᬄᬤᬤᬶᬲᬯᬶᬚᬶ᭞ᬭᬶᬢ᭄ᬓᬦᬶᬂᬧᬢᬶ᭞ᬲᬓᬮ᭄ᬯᬶᬭᬦᬶᬂᬉᬧᬤ᭄ᬭᬯᬵ᭞ᬳᬶᬮᬂᬍᬩᬹᬃ᭞ᬧᬤᬮᬯᬦ᭄ᬭᬢ᭄ᬦᬤᬶ᭟ᬬᬦ᭄ᬳᬦᬫᬵᬦ᭄ᬱᬚ᭄ᬦᭂᬓ᭄ᬭᬶᬂᬢᬸᬢᬹᬃ᭞ᬦᭀᬭᬮ᭄ᬬᬦᬍᬳᬶᬤᬳ᭄ᬬᬂᬢᬬᬳᬫᬸᬚᬶᬯ᭄ᬯᬂᬫᬗ᭄ᬓᬦ᭞ᬬᬦ᭄ᬢᬦᬯ᭄ᬯᬂ
ᬮᬗ᭄ᬕᭂᬂᬧᬕᭂᬄᬭᬶᬂᬢᬸᬢᬹᬃ᭞ᬦᭀᬭᬯᬗ᭄ᬤᬾᬓᬢ᭄ᬫᬸᬭᬶᬂᬳ᭄ᬬᬂᬢᬬᬵ᭞ᬳᬶᬭᬶᬓᬲᬓᬋᬧ᭄ᬢᬵᬲᬶᬦᬤ᭄ᬬᬦ᭄᭞ᬫᬧᬦ᭄ᬯᬸᬲ᭄ᬯ᭄ᬭᬸᬄᬲᬶᬭᬭᬶᬂᬳᬸᬗ᭄ᬕ᭄ᬯᬦᬶᬭᬲᬗ᭄ᬳ᭄ᬬᬂᬢᬬᬵ᭞ᬭᬶᬂᬩ᭄ᬯᬦᬵᬳᬮᬶᬢ᭄᭞ᬫ᭄ᬯᬂᬩ᭄ᬯᬦᬵᬳᬕᬸᬂ᭞ᬓᬮᬶᬄᬕ᭄ᬦᬄ [ 15 ][᭑᭔ 14B]
᭑᭔
ᬫᬺᬢᬦᬾᬭᬶᬂᬩ᭄ᬯᬦᬵᬳᬮᬶᬢ᭄᭞ᬫ᭄ᬯᬄᬭᬶᬂᬩ᭄ᬯᬦᬵᬳᬕᬸᬂ᭞ᬲ᭄ᬮᬘᬸᬃᬮᬘᬸᬃᬚᬢ᭄ᬫᬵᬫᬦᬸᬱᬵ᭞ᬳᬦᬓᬾᬯᬮᬳᭀᬮᬶᬄᬫᬺᬢ᭄ᬣᬵ᭞ᬬᬦ᭄ᬭᬶᬂᬫᬺᬘᬵᬧᬤᬵ᭞ᬳᬦᬓᬾᬯᬮᬵᬯ᭄ᬯᬂᬢᬸᬮᬸᬂᬳᬯᬾᬄᬫᬺᬢ᭄ᬣ᭚ᬇᬢᬶᬫᬮᬶᬄᬫᬗ᭄ᬤᬯ᭄ᬯᬂ
ᬯ᭄ᬭᬸᬄᬭᬶᬲᬧ᭄ᬝᬯᬾᬘᬶᬦᬶᬂᬕᬸᬫᬶ᭞ᬗ᭞ᬕᬸᬫᬶᬢᭂᬫ᭄ᬩᬕ᭞ᬢᬸᬮᬂᬚ᭄ᬯᬶᬢᬦᬾ᭞ᬗ᭞ᬢᬸᬮᬂᬘᬘ᭄ᬢᬶᬓ᭄᭞ᬳᬶᬭᬶᬓᬕ᭄ᬦᬶᬲᬫᬸᬤᬺ᭞ᬓᬸᬓᬸᬲᬾᬫᬦ᭄ᬤᬤᬶᬳᬯᬸᬦ᭄ᬳᬯᬸᬦ᭄᭞ᬫᬗ᭄ᬧᬶᬢᬂᬢᬢᬶᬢ᭄᭞ᬳᬶᬭᬶᬓᬫᬺᬢᬦ᭄ᬕᬸᬫᬶᬦᬾ᭞ᬜᬶᬤ
ᬬᬂᬜᬸᬚᬸᬄᬮᬗᬶᬢ᭄ᬢᭂᬫ᭄ᬩᬕᬦᬾ᭞ᬢᬸᬮᬂᬘ᭄ᬢᬶᬓᬾᬫᬦ᭄ᬤᬤᬶᬳᬚᬸᬮᭀᬓᬵ᭞ᬫᬢ᭄ᬫᬸᬩᬸᬄᬮᭀᬓᬦᬾᬢ᭄ᬓᬾᬦ᭄ᬳᬚᬸᬮᭀᬓᬦᬾ᭞ᬫ᭄ᬢᬸᬳᬸᬚᬦ᭄᭞ᬧᬸᬦᬶᬓᬧᬢ᭄ᬫᬸᬦ᭄ᬳᬶᬫᬾᬫᬾᬮᬯᬦ᭄ᬳᬶᬩᬧᬵ᭟ᬚᬤ᭄ᬭᬾᬬᬮᭀᬓ᭞
ᬗ᭞ᬭᬶᬂᬩᬸᬜ᭄ᬘᬮ᭄᭞ᬢ᭄ᬭᬸᬲ᭄ᬭᬶᬂᬧᬸᬭᬸᬲ᭄᭞ᬳᬶᬭᬶᬓᬕ᭄ᬦᬄᬢᭀᬬᬦᬾ᭞ᬗ᭞ᬕᬸᬫᬶᬓᬓᬸᬦᬶᬗᬦ᭄᭞ᬭᬱᬢᬮᬵ᭞ᬲᬓᬶᬂᬭᬶᬓᬯ᭄ᬢᬸᬬᬂᬮᬮᬄ᭞ᬮᬯᬦ᭄ᬳᬸᬘᬸᬃᬳᬸᬘᬸᬃ᭞ᬳᬶᬭᬶᬓᬭᬱᬢᬮᬦᬾᬫ᭄ᬩᭂᬮᬳᬂ᭞ᬲᬧ᭄ᬝᬵ
[᭑᭕ 15A]
ᬧᬢᬮᬦᬾ᭞ᬳᬸᬘᬸᬂᬳᬸᬘᬸᬃᬜᬸᬚᬸᬄᬓᬫ᭄ᬩᬭᬵ᭞ᬳᬗᬤᬓᬂᬳᬸᬚᬦ᭄᭞ᬧᬢ᭄ᬫᬸᬦᬶᬂᬳᬶᬤᬤᭀᬂᬭᬶᬂᬳᬶᬓᬓᬶ᭟ᬚᬕᬢ᭄ᬮᭀᬓ᭞ᬗ᭞ᬭᬶᬂᬩᬩᭀᬓᭀᬂ᭞ᬗ᭞ᬕᬸᬫᬶᬧᬶᬸᬢᬶᬸᬄᬧᬢᬶᬫᬄ᭞ᬲᬓᬶᬂᬭᬶᬓᬯ᭄ᬢᬸᬳᬗᬶᬦ᭄᭞ᬗᬯ᭄ᬢᬸ
ᬯᬂᬓᬶᬮᬧ᭄᭞ᬓ᭄ᬭᬸᬕ᭄᭞ᬕᬸᬍᬫ᭄ᬧᭂᬜᬢᬸᬃ᭞ᬮᬯᬦ᭄ᬧᬜᬶᬭᬂ᭞ᬗᬤᬓᬂᬳᬸᬚᬦ᭄ᬓᬯᬦ᭄ᬢ᭄ᬭᬂ᭞ᬇᬓᬧᬢ᭄ᬫᬸᬳᬦᬶᬂᬳᬶᬩᬸᬬᬸᬢ᭄ᬭᬶᬂᬳᬶᬓᬸᬫ᭄ᬧᬶ᭟᭜᭟ᬢᬧᬮᭀᬓ᭞ᬭᬶᬂᬧᬸᬧᬹ᭞ᬗ᭞ᬕᬸᬫᬶᬮᬜ᭄ᬘᬸᬂᬰᬭᬶ᭞ᬕ᭄ᬦᬄᬲᬹᬃᬬ᭄ᬬ᭞
ᬩᬸᬮᬦᬾ᭞ᬢᬾᬚᬲᬮ᭄ᬯᬶᬭᬶᬂᬢᬾᬚᬵ᭞ᬗᬤᬓᬂᬭᬳᬶᬦᬵᬯ᭄ᬗᬶ᭞ᬯᬶᬲᬓᬲᬧᬸᬢᬦ᭄ᬤᬾᬦᬶᬂᬮᬶᬫᬸᬢ᭄᭞ᬓᬢᭀᬦ᭄ᬲᬓᬶᬂᬧᬦ᭄ᬮᭂᬂ᭞ᬓ᭄ᬭᬡᬩᬶᬱᬚᬢ᭄ᬫᬵᬦᬾᬫ᭄ᬯᬂᬲᬮ᭄ᬯᬶᬭᬶᬂᬫᬩᬬᬸ᭞ᬲᬓᬶᬂᬢ᭄ᬭᬶᬂᬢᬶᬗ᭄ᬳᬮᬾ᭞
ᬦᭀᬭᬓᬢᭀᬦ᭄ᬧᬭᬦ᭄ᬧᬭᬦ᭄᭞ᬗ᭄ᬳᬶᬂᬳᬦᬓᬦᬓᬵᬦᬾᬢ᭄ᬭᬦᬾ᭞ᬤᭀᬄᬲᬶᬗ᭄ᬕᬂᬲᬓᬶᬂ᭠ᬲᬓᬶᬂᬳᬦ᭄ᬤᬸᬲᬾ᭞ᬲᬦᬾᬗ᭄ᬭᬡᬬᬂᬧ᭄ᬢᭂᬂ᭞ᬬᬦᭀᬭᬯ᭄ᬭᬸᬄᬭᬶᬂᬲᬦᬾᬫᬬᭀᬕ᭄ᬕᬵ᭞ᬫᬢ᭄ᬫᬸᬭᬶᬂᬭᬩᬶ [ 16 ][᭑᭕ 15B]
᭑᭕
ᬦ᭄ᬬ᭞ᬲᬶᬦᬄᬫᬾᬯᭂᬄᬗᬯᭀᬦᬂᬕ᭄ᬭᬶᬂᬫᬦᬸᬱᬵᬦᬾᬧᬤ᭞ᬧᬺᬢᬶᬯᬶᬜᬸ᭠ᬚᬸᬄᬮᬗᬶᬢ᭄᭞ᬧᬢ᭄ᬫᬸᬦ᭄ᬳᬶᬬᬢᬸᬂᬭᬶᬂᬳᬶᬸᬳᬘᬗ᭄ᬕᬄ᭟᭜᭟ᬲᬹᬚᬦᬵᬮᭀᬓᬭᬶᬂᬧᬸᬧᬸᬓᬶᬯᬵᬢ᭄ᬗᭂᬦ᭄᭞᭠
ᬳᬶᬭᬶᬓᬕ᭄ᬦᬄᬩᬶᬦ᭄ᬢᬂᬢ᭄ᬭᬗ᭄ᬕᬡᬦᬾ᭞ᬢᬦᬵᬦᬯ᭄ᬗᬶ᭞ᬭᬳᬶᬦᬵᬓᬾᬯᬮᬵ᭞ᬲᬫᬤᭀᬄᬩᬶᬦ᭄ᬢᬗᬾ᭞ᬓᬮᬯᬦ᭄ᬭᬤᬶᬢ᭄ᬬ᭞ᬳᬕᭂᬗᬾᬫᬩᬶᬦᬬᬦ᭄᭞ᬲᬤ᭄ᬧᬵᬲᬤ᭄ᬧᬵ᭞ᬕᬸᬫᬶᬢᬦ᭄ᬓᬳᬸᬤᬦᬦ᭄᭞ᬳᬶ
ᬭᬶᬓᬕ᭄ᬦᬄᬤᬦᬾᬳᬶᬯᬭᬾᬂᬭᬶᬳᬕᬵᬱ᭞ᬫᬢ᭄ᬫᬸ᭞ᬢᬦ᭄ᬓᬭᬭᬩᬦ᭄ᬲᬸᬓ᭄ᬮᬵᬦᬶᬃᬫ᭄ᬫᬮ᭞ᬳᬶᬭᬶᬓ᭞᭞ᬲᬶᬢᬶᬢᬮᬵ᭟᭜᭟ᬫᬳᬵᬮᭀᬓᬵ᭞ᬗ᭞ᬭᬶᬩ᭄ᬢᭂᬓ᭄ᬩᬢᬶᬲ᭄᭞ᬕᬸᬫᬶᬢ᭄ᬧᬶᬢᬸᬮᬵ᭞ᬳᬶ᭠
ᬭᬶᬓᬧᬭᬸᬫᬦ᭄ᬤᬦᬾᬲᬫᬶ᭞ᬓ᭄ᬭᬡᬯᬶᬲᬤᬃᬫ᭄ᬫᬵ᭞ᬍᬕ᭞ᬦᭀᬭᬦᬳᬦᬢᭀᬳᬲᬶᬂᬧᬓᬾᬯᬸᬄ᭞ᬳᬶᬓᬺᬧᭂᬓ᭄ᬳᬶᬭᬶᬓᬗᬯᬶᬰᬾᬱᬵ᭞ᬩᬶᬱᬤᬤᬶᬳᬡ᭄ᬝᬵᬪᭀᬖ᭄ᬕᬵ᭞ᬳᬩᬮᬲᬋᬧᬢ᭄᭟᭜᭟
[᭑᭖ 16A]
ᬤᬦᬫᬳᬶᬮᭀᬓ᭞ᬗ᭞ᬭᬶᬂᬢ᭄ᬮᬧᬓᬦ᭄ᬲᬸᬓᬸᬓᬮᬶᬄ᭞ᬕᬸᬫᬶᬲᬧ᭄ᬝᬵᬮᬶᬗ᭄ᬕᬵᬲ᭄ᬢᬦᬵ᭞ᬳᬶᬭᬶᬓᬕ᭄ᬦᬄᬪᬝᬭᬶᬤᬹᬃᬕ᭄ᬖᬵ᭞ᬗᬾᬦᬓᬶᬦ᭄ᬓᬬᬸᬦ᭄᭞ᬳᬶᬭᬶᬓᬲᬃᬯ᭄ᬯᬫᬸᬮᬾᬦᬾ᭞ᬲᬸᬓ᭄ᬮᬵᬚᬢᬶᬦᬶᬂᬢᬦ᭄ᬧᬢᬮ᭄ᬢᭂᬄ᭞ᬲᬓᬶᬂᬭᬶ᭠
ᬓᬕ᭄ᬦᬄᬳᬶᬤᬦᬸᬕ᭄ᬭᬳᬶᬦ᭄ᬫᬦᬸᬱᬦᬾᬲᬗ᭄ᬓᭂᬤᬍᬫ᭄᭞ᬬᬦ᭄ᬢᬦ᭄ᬳᬯᬵᬃᬡ᭄ᬦᬤᬹᬃᬕ᭄ᬖᬵ᭞ᬗ᭞ᬳᬶᬲᬲᬦᬶᬧᬲᬾᬗᬦ᭄ᬟᬦᬾ᭞ᬓ᭄ᬭᬡᬩᬸᬤᬂᬩᬤᬶᬂᬲᬢ᭄ᬭᬶᬬᬵ᭞ᬪᬶᬲ᭄ᬳᬜ᭄ᬚᬢ᭄ᬫᬵᬰᬸᬤᬺ᭞ᬰᬹᬤᬺᬯᬶᬲᬳᬜ᭄ᬚᬢ᭄ᬫᬍᬯᬶᬄ᭞ᬲ
ᬮ᭄ᬯᬶᬃᬯᬗ᭄ᬰᬵᬫᬾᬦᬓ᭄᭞ᬯᬶᬲᬦ᭄ᬚᬳ᭄ᬬᬰᬹᬤᬺ᭞ᬰᬸᬤᬺᬩᬶᬱᬵᬳᬜ᭄ᬦᭂᬂᬧ᭄ᬭᬪᬹ᭞ᬮ᭄ᬯᬶᬃᬦ᭄ᬬ᭝ᬮᬗᬶᬢ᭄ᬤᬤᬶᬕᬸᬫᬶ᭞ᬕᬸᬫᬶᬤᬤᬶᬮᬗᬶᬢ᭄᭞ᬲᭂᬗ᭄ᬕᬂᬕᬸᬫᬶᬳᬓ᭄ᬱᬦᬾᬦᭀᬭᬯ᭄ᬯᬂᬯᬦᬾᬄ᭞ᬲ᭄ᬮᬗ᭄ᬓᬄᬤᭀᬄᬦ᭄ᬬ᭞ᬓᬬᬵ
ᬤᭀᬄᬧᬸᬲᭂᬃᬮᬯᬦ᭄ᬲᬶᬮᬶᬢ᭄᭞ᬓ᭄ᬭᬡᬜᬶᬤᬬᬂᬳ᭄ᬬᬂᬢᬬᬫᬢ᭄ᬫᬸᬭᬶᬂᬪᬝᬭᬶᬤᬹᬃᬕ᭄ᬕᬵ᭞ᬫᬧᬦ᭄ᬭᬶᬂᬲᬧ᭄ᬝᬮᬶᬗ᭄ᬕᬲ᭄ᬢᬦᬵ᭞ᬕ᭄ᬦᬄᬢᬗ᭄ᬕᬸᬦ᭄ᬮᬶᬗ᭄ᬕᬦᬾ᭞ᬪᬝᬭᬶᬤᬸᬃᬕ᭄ᬕᬵᬤᬾᬯᬶᬗᬫᭂᬮ᭄ᬳᬶᬭᬶᬓᬵ᭞ᬲᬦᬾᬫᬸᬗ᭄ᬕᬸᬄᬕᬶ [ 17 ][᭑᭖ 16B]
᭑᭖
ᬦᬫᭂᬮ᭄ᬤᬾᬦᬶᬂᬲᬗ᭄ᬳ᭄ᬬᬂᬢᬬᬵ᭞ᬓ᭄ᬭᬡᬵᬲᬫᬰᬓ᭄ᬢᬶᬍᬯᬶᬄ᭞ᬳᬧᬦ᭄ᬮᬶᬗ᭄ᬕᬵᬫᬡᬶᬓᬾᬧᬢᬳᬸᬢᬦ᭄ᬳᬶᬤ᭞ᬓᬢ᭄ᬫᬸᬭᬶᬂᬭᬩᬶ᭞ᬮᬶᬗ᭄ᬕᬫᬡᬶᬓ᭄ᬓᬲᭀᬃᬤᬾᬦᬶᬭ᭞ᬳᬧᬦ᭄ᬫᬸᬯᬄᬮ᭄ᬬᬦ᭄ᬭᬶᬂᬳᬶᬓ᭞ᬫᬧᬦ᭄ᬤᬶᬯ᭄ᬭᬸᬄᬭᬶᬂᬲᬧ᭄ᬝᬯᬾ
ᬘᬶ᭞ᬰᬓ᭄ᬢᬶᬢᬦ᭄ᬓᬧᬵᬤᬦᬦ᭄᭞ᬓᬸᬓᬸᬄᬓᬂᬲᬭᬶᬭᬵ᭞ᬫᬧᬦ᭄ᬲᬫᬢᬗ᭄ᬕᬸᬦᬾᬫ᭄ᬦᬾᬓ᭄ᬮᬯᬦ᭄ᬢᬸᬯᬸᬦ᭄᭞ᬲᬫᬗᬯ᭄ᬢᬸᬯᬂᬫᬺᬢ᭄ᬣ᭞ᬓ᭄ᬭᬡᬲᬮ᭄ᬯᬶᬭᬾᬕᬯᬾ᭞ᬗᬲ᭄ᬢᬸᬢᬶᬳᬸᬍᬗ᭄ᬳᬦᬶᬂᬢᬶᬗ᭄ᬳᬮ᭄᭞ᬧᬸᬘᬸᬓᬦᬶᬂᬧᬹᬚᬵ᭞ᬢᬸᬂᬢᬸᬗᬦᬶᬂ
ᬇᬭᬹᬂ᭞ᬇᬓᬗᬭᬦ᭄ᬧᬸᬘᬸᬓ᭄ᬢᬶᬕᬵ᭟᭜᭟ᬇᬓᬗᬭᬦ᭄᭞ᬲᬧ᭄ᬝᬯᬾᬘᬶᬦᬶᬂᬕ᭄ᬦᬶ᭞ᬓᬮᬶᬗᬦ᭄ᬬᬚᭀᬮᬸᬮᬄ᭞ᬕ᭄ᬦᬶᬭᬶᬂᬦᬵᬪᬶ᭞ᬗ᭞ᬧᬗᬶᬦᬵ᭞ᬭᬸᬫᬕᬦ᭄ᬳᬶᬫᬾᬫᬾ᭞ᬳᬶᬓᬗ᭄ᬤᭂᬫᬂᬗ᭄ᬧᬶᬢᬂᬲᬮ᭄ᬯᬶᬭᬶᬂᬳᬦᬾ
ᬢᬢᬶᬕ᭞ᬩᬬᬸ᭞ᬲᬩ᭄ᬤᬇᬥᭂᬧᬾ᭞ᬭᬸᬫᬕᬢᬮᬸᬄ᭞ᬓᬢᭀᬦ᭄ᬕ᭄ᬦᬄ᭞ᬓ᭄ᬧᬶᬳ᭄ᬤᬤᬶ᭠ᬕ᭄ᬦᬶ᭞ᬭᬶᬂᬩ᭄ᬯᬦᬵᬳᬕᬸᬂᬓᬶᬤᬸᬮ᭄ᬳᬸᬗ᭄ᬕ᭄ᬯᬦ᭄ᬬᬫ᭄ᬯᬄᬓᬢᬢ᭄ᬯᬦ᭄ᬬ᭞ᬕ᭄ᬦᬶᬘᬓᬺᬭᬶᬂᬩᬸᬗ᭄ᬓᬄᬦᬪᬶ᭞ᬇᬓᬕ᭄ᬦᬶᬧᬗ᭄ᬲ᭄ᬗ
[᭑᭗ 17A]
ᬦ᭄ᬫᬸᬲᬸᬄ᭞ᬩᬾᬢᬾᬮ᭄ᬓᬢᬸᬂᬢᬸᬗᬶᬂᬧᬦ᭄ᬤᭂᬍᬂ᭞ᬢᬶᬗ᭄ᬳᬮᬶᬭ᭞ᬳᬢᭂᬧ᭄ᬮᬗᬶᬢ᭄᭟ᬢ᭄ᬓᬦ᭄ᬕᬸᬫᬶ᭞ᬭᬶᬂᬧᬹᬃᬯ᭄ᬯᬕ᭄ᬦᬄᬦ᭄ᬬ᭞ᬭᬶᬂᬩ᭄ᬯᬦᬵᬳᬕᬸᬂ᭟ᬕ᭄ᬦᬶᬕ᭄ᬭᬵ᭞ᬭᬶᬂᬫᬤ᭄ᬬᬦᬶᬂᬦᬪᬶ᭞ᬢ᭄ᬭᬸᬲ᭄ᬭᬶᬂᬢᬸᬂᬢᬸᬂᬇᬭᬹᬂ᭞ᬕ᭄ᬦᬶᬗᬸᬭᬶᬧ᭄ᬲᬮ᭄ᬯᬶᬃᬭᬱᬉᬭᬶᬧ᭄᭞ᬭᬶᬉᬢ᭄ᬢᬵ
ᬭ᭟ᬕ᭄ᬦᬶᬓᭂᬫ᭄ᬩᬂᬲᬭᬶ᭞ᬭᬶᬂᬳᭀᬢᭀᬢ᭄ᬦᬪᬷ᭞ᬇᬓᬕ᭄ᬦᬶᬫᬗ᭄ᬲᬵ᭞ᬩᬾᬢᬾᬮ᭄ᬭᬶᬂᬓᬵᬃᬡ᭄ᬦ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬧᬰ᭄ᬘᬶᬫᬰᬰᬦᬶᬭ᭞ᬕ᭄ᬦᬶᬕᬸᬡᬵᬫᬮᬶᬂᬭᬶᬂᬤᬕᬶᬂᬦᬵᬪᬶ᭞ᬧᬗᬸᬭᬶᬧ᭄ᬲᬵᬃᬯ᭄ᬯᬧ᭄ᬜᬓᬶᬢ᭄ᬧᬧᭂᬦ᭄ᬤᭂᬫᬦ᭄᭞
ᬫ᭄ᬯᬂᬕᬸᬡ᭄ᬦᬲᬮ᭄ᬯᬶᬭᬾ᭝ᬭᬶᬂᬩ᭄ᬯᬦᬵᬳᬕᬸᬂᬭᬶᬂᬧᬺᬢᬶᬯᬶᬲ᭄ᬢᬦᬦᬶᬭ᭞᭐᭞ᬕ᭄ᬦᬶᬮᬶᬗ᭄ᬕᬫᬬᬵ᭞ᬭᬶᬂᬭᬄᬦᬪᬷ᭞ᬗᬸᬭᬶᬧ᭄ᬲᬮ᭄ᬯᬶᬃᬕᬸᬦᬵᬫᬦ᭄ᬟᬶᬮᬯᬦ᭄ᬳᬚᬶᬲᬶᬋᬧ᭄᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬫᬤ᭄ᬬᬦᬶᬂᬩ᭄ᬯᬦᬵᬲ᭄ᬢᬦᬦᬶᬭ
᭞᭐᭞ᬕ᭄ᬦᬶᬫᬬᬫᬬ᭞ᬭᬶᬂᬮᬶᬗᬶᬂᬦᬵᬪᬶ᭞ᬇᬓᬕ᭄ᬦᬶᬩᬾᬢᬾᬮ᭄ᬓᬲᬧ᭄ᬝᬮᬶᬗ᭄ᬕᬵ᭞ᬩᬾᬢᬾᬮ᭄ᬓᬮᬗᬶᬢ᭄ᬮᬶᬗ᭄ᬕᬲ᭄ᬢᬦᬵ᭞ᬧᬗᬸᬭᬶᬧ᭄ᬲᬮ᭄ᬯᬶᬃᬫᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬳᬸᬚᬦ᭄᭞ᬓᬮᬯᬦ᭄ᬢ᭄ᬭᬂ᭞᭐᭞ᬇᬓᬶ [ 18 ][᭑᭗ 17B]
᭑᭗
ᬲᬧ᭄ᬢᬵᬯᬾᬘᬶᬦᬶᬂᬢᭀᬬᬵ᭞ᬗ᭞ᬚᬢᬳᬮᬄᬢᭀᬬᬵᬮᬢᭂᬓ᭄᭞ᬭᬶᬂᬦᬵᬪᬶ᭞ᬇᬓᬕ᭄ᬭᬶᬂᬍᬯᬶᬄᬳᬦ᭄ᬬ᭞ᬓ᭄ᬭᬡᬳᬤᬯᭀᬂᬫᬢᬶ᭞ᬢᭀᬬᬇᬓᬵᬜᬸᬲᬸᬧ᭄ᬭᬶᬂᬲᬸᬫ᭄ᬲᬸᬫ᭄᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂᬭᬶᬂᬉ
ᬢ᭄ᬢᬵᬭᬲ᭄ᬢᬦᬶᬭ᭞ᬢᭀᬬᬚᬮᬶᬮᬓᬵᬭᬶᬂᬩᬸᬗ᭄ᬓᬄᬦᬵᬪᬶ᭞ᬇᬓᬧᬗᬸᬭᬶᬧ᭄ᬲᬮ᭄ᬯᬶᬃᬕ᭄ᬦᬶ᭞ᬭᬶᬂᬩ᭄ᬯᬦᬵᬳᬕᬸᬂᬭᬶᬂᬓᬶᬤᬸᬮ᭄᭞ᬲ᭄ᬢᬦᬦᬶᬭᬵ᭟᭜᭟ᬢᭀᬬᬧᬯᬶᬢᬺᬭᬶᬂᬢ᭄ᬮᭂᬂᬩᬸᬗ᭄ᬓᬄᬦᬪᬶ᭞ᬧᬗ᭄ᬮᭂᬩᬹᬃᬧᬧᬵᬦ᭄ᬭᬓᬭᬶᬂᬲ
ᬭᬶᬭᬵ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬧᬺᬢᬶᬯᬶᬲ᭄ᬢᬦᬦ᭄ᬦᬶᬭ᭞ᬢᭀᬬᬲᬤ᭄ᬟᬵᬭᬱᬵ᭞ᬭᬶᬂᬫᬤ᭄ᬬᬦᬶᬂᬦᬪᬷ᭞ᬧᬗᬜᬸᬤᬦ᭄ᬲᭂᬮ᭄ᬓᬦ᭄ᬤᭂᬮ᭄ᬭᬶᬂᬲᬭᬶᬭ᭞ᬧᬲᬸᬓ᭄ᬱ᭄ᬫᬦ᭄ᬯᭀᬂᬲᬚᬕᬢ᭄ᬩ᭄ᬯᬦᬵᬓᬩᬾᬄ᭞ᬧᬗᬯᬓ᭄ᬤᬦᬸ᭞ᬤ
ᬳᬦᬸᬲᬧᬲᬶᬭᬦᬾᬦ᭄ᬢᭂᬦ᭄ᬲ᭄ᬦᭂᬂᬭᬶᬂᬲᬦᬾᬤ᭄ᬳᬵ᭞ᬧᬫᭂᬂᬧᭂᬂᬤ᭄ᬳᬵᬦᬸ᭞ᬢᭀᬬᬧᬸᬦᬶᬓᬳᬗ᭄ᬕᬾᬦ᭄ᬧᬗᬶᬦᬶᬄᬜᭀᬫ᭄᭞ᬬᬦ᭄ᬭᬶᬩ᭄ᬯᬦ᭄ᬳᬕᬸᬂ᭞ᬭᬶᬂᬫᬤ᭄ᬬᬦᬶᬫ᭄ᬩᬂᬲ᭄ᬢᬦᬦᬶᬭ᭞ᬢᭀᬬᬢᬶᬕᬭᬱᬵ᭞ᬭᬶᬂᬢᬸᬂᬢᬸᬂᬦᬪᬷ
[᭑᭙ 19A]
᭞ᬇᬓᬧᬗ᭄ᬮᭂᬩᬸᬭᬦ᭄ᬮᬭᬯᬶᬕ᭄ᬦᬵ᭞ᬫ᭄ᬯᬂᬕ᭄ᬭᬶᬂᬲᬮ᭄ᬯᬶᬭᬶᬂᬫᬭᬶᬤᬾᬦ᭄ᬬ᭞ᬧᬗ᭄ᬮᭂᬩᬹᬃᬕ᭄ᬭᬶᬂᬢᬦ᭄ᬧᬩᬦ᭄ᬢᭂᬦ᭄᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂᬭᬶᬂᬩᬶᬦ᭄ᬢᬂᬲ᭄ᬢᬦᬦᬶᬭ᭟᭜᭟ᬢᭀᬬᬳᬜ᭄ᬚᬳᬜ᭄ᬚ᭞ᬭᬶᬂᬳᭀᬢᭀᬢ᭄ᬦᬪᬷ᭞ᬓ᭄ᬭᬡᬳᬤᬯᭀᬂᬪᬹ
ᬢ᭄ᬣᬵ᭞ᬇᬓᬢᭀᬬᬳᬜ᭄ᬚᬳᬜ᭄ᬚᬦᬾᬜᬸᬲᬸᬧ᭄ᬤᬤᬶᬕ᭄ᬭᬶᬫᬢ᭄ᬣ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬤᬸᬮ᭄ᬳᬲ᭄ᬢᬦᬶᬭ᭟᭜᭟ᬢᭀᬬᬓᬺᬢᬶ᭞ᬭᬶᬂᬮᬶᬗᬶᬂᬦᬪᬶ᭞ᬧᬗᬸᬭᬶᬧ᭄ᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬳᬸᬚᬦ᭄ᬮᬯᬦ᭄ᬢ᭄ᬭᬂ᭞ᬭᬶᬂᬩ᭄ᬯᬦᬵ
ᬳᬕᬸᬂ᭞ᬭᬶᬂᬧᬹᬃᬯ᭄ᬯᬲ᭄ᬢᬦᬶᬭ᭞ᬭᬶᬧᬰ᭄ᬘᬶᬫᬵᬢᬦ᭄ᬧᬢᭀᬬᬵ᭞ᬦᬶᬳᬦ᭄ᬲᬧ᭄ᬝᬵᬯᬾᬘᬶᬦᬶᬂᬳᬗᬶᬦ᭄᭞ᬮ᭄ᬯᬶᬃᬦ᭄ᬬ᭝ᬓᬫᬳᬸᬮᬄ᭞ᬢᬗᬶᬦ᭄ᬲᬓᬶᬂᬮᬾᬗᬶᬂᬦᬪᬷ᭞ᬇᬓᬩᬸᬓᬵᬪ᭄ᬯᬦᬵᬳᬕᬸᬂ᭞ᬮᬯᬦ᭄᭞ᬪ᭄ᬯᬦᬵᬳᬮᬶᬢ᭄᭞
ᬬᬦ᭄ᬫᭂᬢᬸᬳᬗᬶᬦ᭄ᬳᬶᬓᬵ᭞ᬕ᭄ᬦᬶᬦᬾᬤᬺᬲ᭄ᬫᭂᬢᬸ᭞ᬘ᭄ᬭᬓᬶᬢᬳᬸᬦ᭄᭞ᬳᬸᬘᬸᬃᬳᬸᬘᬸᬃ᭞ᬢᬦ᭄ᬯᬦᬶᬫᬢ᭄ᬗᬄᬬᬦ᭄ᬭᬶᬂᬪ᭄ᬯᬦᬵᬳᬕᬸᬂ᭞ᬭᬶᬂᬐᬃᬱᬦ᭄ᬬᬲ᭄ᬢᬦᬦᬶᬭ᭟᭜᭟ᬩᬚ᭄ᬭᬤᬡ᭄ᬝᬵ᭞ᬳᬗᬶᬦ᭄ᬭᬶᬂᬩᬸᬗ᭄ᬓᬄᬦᬪᬶ᭞ᬳᬗᬶᬮᬶᬃ᭞ᬮ᭄ᬯᬶᬃᬮᬸᬦ᭄ᬤᬵ [ 19 ][᭑᭙ 19A]
᭑᭘
ᬤᬄᬭᬶᬂᬩ᭄ᬯᬦᬵᬳᬮᬶᬢ᭄᭞ᬮᬯᬦ᭄ᬩ᭄ᬯᬦᬵᬳᬕᬸᬂ᭞ᬧ᭞ᬦᬶᬓᬂᬲᬭᬶᬭ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬧᬹᬃᬯ᭄ᬯ᭞ᬲ᭄ᬢᬦᬦᬶᬭ᭟᭜᭟ᬩᬚ᭄ᬭᬖ᭄ᬦᬶ᭞ᬳᬗᬶᬦ᭄ᬭᬶᬂᬫᬵᬤ᭄ᬬᬦᬶᬦᬵᬪᬶ᭞ᬧᬫ᭄ᬬᬓ᭄ᬱᬃᬯ᭄ᬯᬵᬰᬢ᭄ᬭᬸᬫᬯᬶᬰᬾᬱᬵ᭞ᬬᬦ᭄ᬭᬶᬂᬪ᭄ᬯ
ᬦᬵᬳᬕᬸᬂ᭞ᬭᬶᬂᬤᬓ᭄ᬱᬶᬡᬲ᭄ᬢᬦᬦᬶᬭ᭟᭜᭟ᬫᬭᬸᬝᬫᬭᬸᬢᬶ᭞ᬳᬗᬶᬦ᭄ᬭᬶᬂᬳᭀᬓᬤ᭄ᬦᬪᬷ᭞ᬳᬗᬤᬓᬂᬕ᭄ᬭᬶᬫᬵᬦᬸᬱᬓᬩᬾᬄ᭞ᬇᬳᬗ᭄ᬕᬾᬦ᭄ᬤᬲᬃᬧ᭄ᬜᬓᬶᬢ᭄᭞ᬬᬦ᭄ᬭᬶᬂᬪ᭄ᬯᬦᬵᬳᬕᬸᬂ᭞ᬭᬶᬂᬉᬢ᭄ᬢᬵᬫᬭᬲ᭄ᬢᬦᬦᬶᬭᬵ᭞
ᬧ᭟ᬘᬓᬺᬯᬢᬶ᭞ᬳᬗᬶᬦ᭄ᬭᬶᬂᬤᬕᬶᬂᬦᬵᬪᬶ᭞ᬫ᭄ᬯᬂᬭᬶᬂᬓᬸᬮᬶᬢ᭄ᬦᬪᬶ᭞ᬧᬗᬸᬭᬶᬧ᭄ᬲᬵᬃᬯ᭄ᬯᬳᬾᬤᬦ᭄᭞ᬲᬮ᭄ᬯᬶᬭᬶᬂᬳᬾᬤᬦ᭄᭞ᬬᬦ᭄ᬭᬶᬂᬪ᭄ᬯᬦᬵᬳᬕᬸᬂ᭞ᬭᬶᬯᬬᬩ᭄ᬬᬲ᭄ᬢᬦᬦᬶᬭᬵ᭟᭜᭟ᬦ᭄ᬬᬦ᭄ᬧᬧ᭄ᬝᬯᬾᬘᬶᬦᬶᬂᬲᬕᬭ᭞ᬗ᭞ᬲ
ᬕᬭᬸᬭᬹᬧᭂᬢ᭄᭞ᬭᬶᬦᬭᬶᬢᬶ᭞ᬧᬦᬫ᭄ᬧ᭄ᬬᬦ᭄ᬲᬃᬯ᭄ᬯᬵᬫᬮᬵᬓᬩᬾᬄ᭞ᬭᬶᬂᬪ᭄ᬯᬦᬵᬳᬮᬶᬢ᭄ᬳᬸᬗ᭄ᬕ᭄ᬯᬦ᭄ᬬ᭠ᬭᬶᬂᬧᬶᬗ᭄ᬕᬶᬭᬶᬂᬩᭀᬮ᭄᭞ᬲᬕᬭᬫᬸᬜ᭄ᬘᬃ᭞ᬭᬶᬂᬇᬦ᭄ᬩᬦ᭄᭞ᬳᬗᬤᬓᬂᬳᬸᬚᬦ᭄ᬳᬕᬸᬂ᭞ᬢᬦ᭄ᬓᭂᬦᬶᬢᬶᬦ᭄ᬭᬂ᭞ᬬᬦ᭄ᬭᬶᬂ
[᭑᭘ 18A]
ᬩ᭄ᬯᬦᬵᬳᬕᬸᬂ᭞ᬭᬶᬂᬐᬃᬱᬵᬦ᭄ᬬᬲ᭄ᬢᬦᬦᬶᬭᬵ᭟᭜᭟ᬲᬕᬭᬯᬶᬮᬶᬲ᭄ᬭᬶᬂᬗᬫ᭄ᬧ᭄ᬭᬸ᭞ᬳᬗᬜᬸᬤ᭄ᬲᬃᬯ᭄ᬯᬵᬯᬶᬖ᭄ᬦᬵ᭞ᬧᬗ᭄ᬮᬸᬓᬢᬦ᭄ᬤᬾᬱ᭄ᬝᬶᬫᬗ᭄ᬲᬵ᭞ᬧ᭞ᬯᬗ᭄ᬤᬾᬡᬶᬱᬳᬦᬾᬱ᭄ᬝᬶ᭞ᬭᬚᬄᬳᬶᬮᬢᬾᬯᭀᬂᬳᬦ᭄ᬤᬾᬱ᭄ᬝᬶ᭞
ᬓᬬᬇᬓᬶ᭞[image]ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂᬭᬶᬂᬩᬬᬩ᭄ᬬᬲ᭄ᬢᬦᬦᬶᬭ᭟᭜᭟ᬲᬕᬭᬗᬯᬂᬗᬯᬂ᭞ᬭᬶᬂᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬳᬗᬤᬓᬂᬳᬮᬬᬸ᭞ᬳᬗᬶᬮᬗᬂᬳᬮᬳᬬᬸ᭞ᬲᬩ᭄ᬤᬫ᭄ᬢᬸᬳᬮᬵ᭞ᬳᬮᬓᬢ᭄ᬫᬸ᭞
ᬩᬬᬸᬲᬮᬄᬯ᭄ᬢᬸᬳᬮᬢᬶᬦ᭄ᬫᬸᬦ᭄ᬢ᭞ᬇᬥᬢᭂᬧ᭄᭞ᬮᬫᬸᬦ᭄ᬲᬮᬄ᭞ᬤᬤᬶᬳᬮᬵ᭞ᬬᬦ᭄ᬬᬳᬬᬸ᭞ᬳᬬᬸᬢᬶᬦ᭄ᬫᬸᬦ᭄ᬢᬓᬩᬾᬄ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬉᬢ᭄ᬢᬭᬵ᭞ᬫ᭄ᬯᬂᬭᬶᬂᬳᬗᬶᬦ᭄ᬳᬸᬗ᭄ᬕ᭄ᬯᬦ᭄ᬬ᭟᭜᭟ᬲᬕᬭᬖ᭄ᬦᬶᬭᬶᬂᬦᬵ
ᬪᬷ᭞ᬧᬗᬸᬭᬶᬧ᭄ᬲᬵᬃᬯ᭄ᬯᬇᬗᬶᬥᭂᬧ᭄᭞ᬬᬦ᭄ᬭᬶᬪ᭄ᬯᬦᬵᬳᬕᬸᬂ᭞ᬭᬶᬂᬲᭀᬭᬶᬂᬲᬧ᭄ᬝᬵᬧᬢᬮᬵᬲ᭄ᬢᬦᬦᬶᬭ᭟᭜᭟ᬲᬕᬭᬢᬦ᭄ᬧᬢ᭄ᬧᬶ᭞ᬭᬶᬂᬧᬶᬗ᭄ᬕᬮᬵ᭞ᬗ᭞ᬕᬶᬤᬢ᭄᭞ᬳᬬ᭄ᬯᬘᬯᬸᬄ᭞ᬳᬶᬮᬤᬳᬢ᭄᭞ᬧᬓᬵᬂᬤ᭄ᬟᬶ [ 20 ][᭑᭘ 18B]
᭑᭙
ᬦ᭄ᬯᭀᬂᬳᬓ᭄ᬭᬫᬵ᭞ᬫᬢ᭄ᬯᬂᬲ᭄ᬫᬭᬦᬾᬮᬦᬂᬯᬤᭀᬦ᭄᭞ᬢᬶᬲ᭄ᬦ᭄ᬭᬯᬂᬳᭂᬫ᭄ᬩᬂᬢᬦ᭄ᬲᬶᬦᬶᬧᬶ᭞ᬓᬭᬡᬳᬦᬯᭀᬂᬳᬦ᭄ᬤ᭄ᬭᬩᬾᬧᬸᬢ᭄ᬭ᭞ᬲᬓᬶᬂᬭᬾᬓᬦ᭄ᬪᬖᬯᬦ᭄ᬲᬶᬯ᭄ᬯᬕᬂᬩ᭄ᬪᬵ᭞ᬫᬦᬲ᭄ᬢᭀᬦᬶᬦ᭄ᬯᭀᬂᬳᬓ᭄ᬭᬫᬵ᭞
ᬓᬭᬡᬶᬂᬳᬦᬫᬵᬦᬸᬱᬚᬢᬶ᭞ᬬᬦ᭄ᬭᬶᬂᬪ᭄ᬯᬦᬵᬳᬕᬸᬂ᭞ᬭᬶᬂᬧᬹᬃᬯ᭄ᬯᬲ᭄ᬢᬦᬶᬭ᭞ᬭᬶᬂᬮᬸᬳᬸᬭᬶᬂᬮᬗᬶᬢ᭄ᬫᬵᬲ᭄ᬳᬸᬗ᭄ᬕ᭄ᬯᬦ᭄ᬬ᭟ᬲᬕᬭᬳᬕᬸᬂᬭᬶᬯ᭄ᬢᭂᬂᬓᬩᬾᬄ᭞ᬧᬗ᭄ᬮᭂᬧᬲ᭄ᬲᬃᬯ᭄ᬯᬵᬳᬮᬓᬩᬾᬄ᭞ᬧᬗᬜᬸᬤᬦ᭄ᬮ᭄ᬯᬶᬃᬧᬗ᭄ᬲᭂᬗ
ᬦ᭄᭞ᬧᬗ᭄ᬮᬸᬓᬢᬦ᭄ᬕ᭄ᬭᬶᬂᬢᬸᬯᬵᬮᬯᬦ᭄ᬘᬶᬮᬶ᭞ᬫ᭄ᬯᬂᬕ᭄ᬦᬄᬧᬜᬗᬶᬤᬦ᭄ᬭᬕᬵ᭞ᬤᬾᬯᬾᬓ᭄᭞ᬓᬢ᭄ᬗᬳᬶᬂᬲᬕᬭ᭞ᬮᬸᬧᬸᬢ᭄ᬲᬶᬭ᭞ᬤᬾᬦᬶᬂᬯᬶᬥ᭄ᬬᬵ᭞ᬉᬧᬲ᭄᭞ᬘ᭄ᬢᬶᬓ᭄᭞ᬭᬘᬸᬦ᭄᭞ᬬᬦ᭄ᬭᬶᬂᬪ᭄ᬯᬦᬵᬳᬕᬸᬂ᭞ᬭᬶᬂᬗᬯᬂᬗᬯᬂᬕ᭄ᬦᬄ
ᬦ᭄ᬬ᭟᭜᭟ᬇᬓᬶᬉᬗ᭄ᬕ᭄ᬯᬦᬶᬂᬕᬸᬦᬸᬂ᭞ᬗ᭞ᬕᬸᬦᬸᬂᬳᬕᬸᬂᬭᬶᬂᬗᬢᬶ᭞ᬕᬸᬦᬸᬂᬫᬮ᭄ᬬᬯᬦ᭄ᬭᬶᬂᬧᬧᬭᬸ᭞ᬕᬸᬦᬸᬂᬫᬗ᭄ᬕᬶᬲ᭄ᬭᬶᬂᬕᬕᬚᬶᬄ᭞ᬕᬸᬦᬸᬂᬓᭂᬫ᭄ᬩᬵᬂᬭᬶᬂᬲᬸᬲᬸ᭞ᬕᬸᬦᬸᬂᬩᬸᬕᭂᬮ᭄ᬭᬶᬂᬲᬶᬭᬄ᭞ᬕᬸᬦᬸᬂᬋᬜ᭄ᬚᬦᬶᬭᬶᬂᬮᬶᬤᬄ᭞ᬕᬸᬦᬸᬂ
[᭒᭐ 20A]
ᬯᬘᬓ᭄ᬭᬶᬂᬭᬄᬓᬩᬾᬄ᭟᭜᭟ᬦ᭄ᬬᬦ᭄ᬯ᭄ᬭᬸᬲ᭄ᬯ᭄ᬭᬸᬄᬭᬶᬦᬫᬦᬶᬂᬲᬧ᭄ᬝᬵᬯᬾᬘᬶ᭞ᬯ᭄ᬭᬸᬄᬭᬶᬂᬳᬸᬗ᭄ᬕ᭄ᬯᬦ᭄ᬬ᭞ᬭᬶᬂᬪ᭄ᬯᬦᬵᬳᬮᬶᬢ᭄᭞ᬩ᭄ᬯᬦᬳᬸᬂ᭞ᬗ᭞ᬰᬓ᭄ᬢᬶᬇᬥᭂᬧ᭄ᬕᬸᬭᬸᬮᭀᬓᬵ᭞ᬇᬓᬰ᭄ᬯᬃᬕ᭄ᬖᬵᬮ᭄ᬯᬶᬄ᭞ᬳᬧᬦ᭄ᬲ᭄ᬯᬃᬕᬶᬸᬕ᭄ᬕᬦᬾᬕᬶᬦᬯᬵᬳᬶᬍᬄᬳᬶ
ᬍᬄ᭞ᬬᬦ᭄ᬲᬶᬭᬤᬸᬭᬸᬂᬯ᭄ᬭᬸᬄ᭞ᬇᬓᬶᬩᬩ᭄ᬮᬲᬦ᭄ᬲᬧ᭄ᬝᬵᬯᬾᬘ᭄ᬘᬶ᭞ᬤᬤᬶᬰᬵᬲ᭄ᬢ᭄ᬭ᭞ᬗ᭞ᬒᬁᬗ᭄ᬓᬭ᭞᭗᭞ᬬᬾᬓᬶᬯᬃᬡ᭄ᬦᬦ᭄ᬬᬓᬤᬶᬇᬢᬶ᭝[image]᭞ᬗ᭞ᬰᬲ᭄ᬢ᭄ᬭᬵᬢᬦ᭄ᬧᬰᬵᬲ᭄ᬢ᭄ᬭ᭞ᬚᬚᬭᬦ᭄ᬒᬁᬗ᭄ᬓᬭ᭞᭔᭗᭞ᬤᬤᬶᬲ
ᬧ᭄ᬝᬵ᭞ᬲᬧ᭄ᬝᬤᬤᬶᬲᬯᬶᬚᬶ᭞ᬬᬦ᭄ᬯ᭄ᬭᬸᬄᬭᬶᬲᬧ᭄ᬝᬯᬾᬘᬶ᭞ᬒᬁᬗ᭄ᬓᬭᬇᬓᬵᬜᬸᬲᬸᬧ᭄ᬭᬶᬂᬦᬵᬪᬶ᭞ᬓᬭᬦᬶᬂᬦᭀᬭᬯ᭄ᬤᬶᬭᬶᬲᬢ᭄ᬭᬸᬕᬮᬓ᭄ᬤᬤᬶᬳᬰᬶᬄ᭞ᬳᬧᬦ᭄ᬲᬭᬶᬭᬦ᭄ᬢᬵ᭞ᬲᬫᬮᬯᬦ᭄ᬧ᭄ᬢᭂᬂ᭞ᬍᬫᬄ᭞ᬳᬲᬶᬳᬶᬂᬤᬾ
ᬯ᭄ᬯᬵ᭟᭜᭟᭚᭐᭞ᬦ᭄ᬬᬦ᭄ᬢᬸᬢᬹᬃᬓᬸᬭᬦ᭄ᬢᬩᭀᬮᭀᬂᬭᬶᬚ᭄ᬭᭀᬦᬶᬂᬲᬭᬶᬭᬵ᭞ᬢᬦ᭄ᬧᬰᬵᬲ᭄ᬢᬺ᭞ᬢᬦ᭄ᬓᬲᭀᬃᬤᬾᬦᬶᬂᬰᬢ᭄ᬭᬸᬫᬯᬶᬰᬾᬱᬵ᭞ᬤᬾᬯᬢᬦᬵ᭞᭑᭑᭞ᬭᬸᬫᬕ᭞ᬲᬯᬶᬚᬶ᭞ᬲᬯᬶᬚᬶ᭠ [ 21 ][᭒᭐ 20B]
᭒᭐
ᬤᬤᬶ᭞᭑᭑᭞ᬗᬯᬶᬦ᭄ᬥᬸᬭᬶᬚᬚ᭄ᬭᭀᬯᬦ᭄᭞ᬤᬤᬶᬲ᭄ᬬ᭞ᬯᬶᬦ᭄ᬥᬸ᭞ᬤᬤᭀᬲ᭄ᬰᬹᬦ᭄ᬬ᭞ᬭᬶᬂ᭞᭑᭐᭐᭞ᬲᬶᬦᬸᬮᬫ᭄᭞ᬧᬶᬂ᭞᭑᭐᭞ᬤᬤᬶ᭞᭑᭐᭞ᬫᬾᬮ᭄ᬬᬸᬦ᭄᭞ᬓᬮᬶᬗᬦ᭄ᬬ᭞ᬪᬝᬭᬇᬰ᭄ᬯᬭᬵᬭᬶᬧᬧᬸᬲᬸᬄ᭞ᬪᬝᬭ
ᬫᬳᬾᬰᭀᬭᬵ᭞ᬭᬶᬂᬓᬸᬮᬶᬢᬶᬂᬧᬧᬸᬲᬸᬄ᭞ᬪᬝᬭᬩ᭄ᬭᬳ᭄ᬫᬵᬤᬕᬶᬗᬶᬂᬧᬧᬸᬲᬸᬄ᭞ᬪᬝᬭᬮᬸᬤᬺᬯᭀᬢᭀᬢᬶᬂᬧᬧᬸᬰᬸᬄ᭞ᬪᬞᬭᬫᬳᬵᬤᬾᬯ᭄ᬯ᭞ᬓᬯᬢᬶᬂᬧᬧᬸᬰᬸᬄ᭞ᬪᬝᬭᬰᬗ᭄ᬓᬵᬭᬯᬶᬚᬶᬦᬶᬂᬧᬧᬸᬲᬸᬄ᭞ᬪᬝ
ᬭᬯᬶᬱ᭄ᬡᬸᬳ᭄ᬬᬂᬳ᭄ᬬᬂᬗᬶᬂᬧᬧᬸᬲᬸᬄ᭞ᬪᬝᬭᬲᬫ᭄ᬩᬸ᭞ᬭᬄᬳᬶᬧᬧᬸᬰᬸᬄ᭞ᬪᬝᬭᬕᬸᬭᬸᬩᬸᬗ᭄ᬓᬳᬶᬂᬧᬧᬸᬰᬹᬄ᭞ᬪᬝᬭᬰᬶᬯᬵᬕᬸᬭᬸᬫᬤ᭄ᬬᬦᬶᬂᬧᬧᬸᬰᬹᬄ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬢᬸᬂᬢᬸᬗᬶᬂᬧᬧᬸᬰᬹᬄ᭟᭜᭟ᬪᬝᬭ
ᬫᬳᬾᬲᭀᬭ᭞ᬭᬶᬂᬧᬧᬭᬸ᭞ᬪᬝᬭᬩ᭄ᬭᬳ᭄ᬫᬵᬓᬸᬮᬶᬢᬶᬂᬧᬧᬭ᭞ᬪᬝᬭᬮᬸᬤ᭄ᬭᬭᬶᬂᬤᬕᬶᬂ᭞᭠ᬧᬧᬭᬸ᭞ᬪᬝᬭᬫᬳᬵᬤᬾᬯ᭄ᬯᬯᭀᬢᭀᬢᬶᬂᬧᬧᬭᬸ᭞ᬪᬝᬭᬰᬗ᭄ᬓᬭᬵᬯᬯ᭄ᬗᬶᬂᬧᬧᬭᬸ᭞ᬪᬝᬭᬯᬶᬱ᭄ᬡᬸ
[᭒᭑ 21A]
ᬯᬶᬚᬶᬦᬶᬂᬧᬧᬭᬸ᭞ᬪᬝᬭᬲᬫ᭄ᬩᬸᬳ᭄ᬬᬂᬳ᭄ᬬᬂᬗᬶᬂᬧᬧᬭᬸ᭞ᬪᬝᬭᬭᬇᬰ᭄ᬯᬭᬵ᭞ᬭᬄᬦᬶᬂᬧᬧᬭᬸ᭞ᬪᬝᬭᬕᬸᬭᬸ᭞ᬩᬸᬗ᭄ᬓᬳᬶᬂᬧᬧᬭᬸ᭞ᬪᬝᬭᬰᬶᬯᬵᬕᬸᬭᬸ᭞ᬫᬤ᭄ᬬᬦᬶᬂᬧᬧᬭᬸ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬢᬸᬂᬢᬸᬗᬶᬂᬧᬧ
ᬭᬸ᭟᭜᭟ᬪᬝᬭᬩ᭄ᬭᬳ᭄ᬫᬵᬭᬶᬳᬢᬶ᭞ᬪᬝᬵᬭᬮᬸᬤᬺ᭞ᬓᬸᬮᬶᬢᬶᬂᬳᬢᬶ᭞ᬪᬝᬭᬫᬳᬵᬤᬾᬯ᭄ᬯᬵ᭞ᬭᬶᬂᬤᬕᬶᬂᬳᬢᬶ᭞ᬪᬝᬭᬰᬗ᭄ᬓᬭ᭞ᬳᭀᬢᭀᬢᬶᬂᬳᬢᬶ᭞ᬪᬝᬭᬯᬶᬱ᭄ᬡᬸ᭞ᬓᬯᬢᬶᬗ᭄ᬳᬢᬶ᭞ᬪᬝᬭ
ᬲᬫ᭄ᬩᬸᬯᬶᬚᬶᬦᬶᬂᬳᬢᬶ᭞ᬪᬝᬭᬇᬰ᭄ᬯᬭᬵᬳ᭄ᬬᬂᬳ᭄ᬬᬗᬶᬂᬗ᭄ᬳᬢᬶ᭞ᬪᬝᬭᬫᬳᬾᬰᭀᬭᬵᬭᬳᬶᬂᬳᬢᬶ᭞ᬪᬝᬭᬕᬸᬭᬸᬩᬸᬗ᭄ᬓᬳᬶᬗ᭄ᬳᬢᬶ᭞ᬪᬝᬭᬰᬶᬯᬵᬕᬸᬭᬸᬫᬤ᭄ᬬᬦᬶᬗ᭄ᬳᬢᬶ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬢᬸᬂ
ᬢᬸᬗᬶᬗ᭄ᬳᬢᬶ᭟᭜᭟ᬪᬝᬭᬮᬸᬤᬺᬭᬶᬂᬳᬸᬲᬸᬲ᭄᭞ᬪᬝᬭᬫᬳᬵᬤᬾᬯᬵᬓᬸᬮᬶᬢᬶᬂᬳᬸᬲᬸᬲ᭄᭞ᬪᬝᬭᬰᬗ᭄ᬓᬭᬤᬕᬶᬗᬶᬂᬳᬸᬲᬸᬲ᭄᭞ᬪᬝᬭᬯᬶᬖ᭄ᬡᬸ᭞ᬳᭀᬢᭀᬢᬶᬂᬳᬸᬲᬸᬲ᭄᭞ᬪᬝᬭᬲᬫ᭄ᬩᬸᬯ [ 22 ][᭒᭑ 21B]
᭒᭑
ᬢ᭄ᬩᬶᬂᬳᬸᬲᬸᬲ᭄᭞ᬪᬝᬭᬇᬰ᭄ᬯᬭᬵᬯᬶᬚᬶᬦᬶᬂᬳᬸᬲᬸᬲ᭄᭞ᬪᬝᬭᬫᬳᬾᬲᭀᬭᬵ᭞ᬳ᭄ᬬᬂᬳ᭄ᬬᬗᬶᬳᬸᬲᬸᬲ᭄᭞ᬪᬝᬩ᭄ᬭᬳ᭄ᬫᬵᬭᬄᬦᬶᬂᬳᬸᬲᬸᬲ᭄᭞᭞ᬪᬝᬭᬕᬸᬭᬸᬩᬸᬗ᭄ᬓᬳᬶᬂᬳᬸᬲᬸᬲ᭄᭞ᬪᬝᬭᬰᬶᬯᬵ
ᬕᬸᬭᬸᬫᬤ᭄ᬬᬦᬶᬂᬳᬸᬲᬸᬲ᭄᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬢᬸᬂᬢᬸᬗᬶᬂᬳᬸᬲᬸᬲ᭄᭟᭜᭟ᬪᬝᬭᬫᬳᬵᬤᬾᬯᬵᬭᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬲᬫ᭄ᬩᬸ᭞ᬳᭀᬢᭀᬢᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬫᬳᬾᬰᭀᬭᬵᬯᬶ᭠
ᬚᬶᬦᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬩ᭄ᬭᬳ᭄ᬫᬵᬳ᭄ᬬᬂᬳ᭄ᬬᬂᬗᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬮᬸᬤᬺᬭᬄᬦᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬕᬸᬭᬸᬩᬸᬗ᭄ᬓᬳᬶᬂᬳᬸᬗ᭄ᬲᬶᬮᬦ᭄᭞ᬪᬝᬭᬰᬶᬯᬵᬕᬸᬭᬸᬫᬤ᭄ᬬᬦᬶᬂᬳᬸᬗ᭄ᬲᬶᬮᬦ᭄᭞ᬪᬝ
ᬭᬰᬶᬸᬯᬶᬸᬧ᭄ᬭᬯᬾᬱ᭄ᬝᬶᬕᬸᬭᬸᬫᬶᬸᬢᬸᬂᬢᬸᬗᬶᬂᬳᬸᬗ᭄ᬲᬶᬮᬦ᭄᭟᭜᭟ᬪᬝᬭᬰᬗ᭄ᬓᬭᬭᬶᬂᬮᬶᬫ᭄ᬧᬵ᭞ᬪᬝᬭᬯᬶᬱ᭄ᬡᬸ᭞ᬓᬸᬮᬶᬢᬶᬂᬮᬶᬫ᭄ᬧ᭞ᬪᬝᬭᬲᬫ᭄ᬩᬸᬭᬶᬂᬤᬕᬶᬂᬮᬶᬫ᭄ᬧ᭞ᬪᬝᬇᬰ᭄ᬯᬭᬳᭀᬢᭀᬢᬶᬂᬮᬶᬫ᭄ᬧ
[᭒᭒ 22A]
᭞ᬪᬝᬭᬫᬳᬾᬰᭀᬭ᭞ᬓᬯᬢᬶᬂᬮᬶᬫ᭄ᬧ᭞ᬪᬝᬭᬩ᭄ᬭᬳ᭄ᬫᬵᬯᬶᬚᬶᬦᬶᬂᬮᬶᬫ᭄ᬧ᭞ᬪᬝᬭᬮᬸᬤᬺᬳ᭄ᬬᬂᬳ᭄ᬬᬗᬶᬂᬮᬶᬫ᭄ᬧᬵ᭞ᬪᬝᬭᬫᬳᬵᬤᬾᬯ᭞ᬭᬄᬦᬶᬮᬶᬫ᭄ᬧᬵ᭞ᬪᬝᬭᬕᬸᬭᬸ᭞ᬩᬸᬗ᭄ᬓᬳᬶᬂᬮᬶᬫ᭄ᬧᬵ᭞ᬪ
ᬝᬭᬰᬶᬯᬵᬕᬸᬭᬸᬫᬤ᭄ᬬᬦᬶᬂᬮᬶᬫ᭄ᬧ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬢᬸᬂᬢᬸᬗᬶᬂᬮᬶᬫ᭄ᬧ᭟᭜᭟ᬪᬝᬭᬯᬶᬱ᭄ᬡᬸ᭞ᬭᬶᬂᬳᬫ᭄ᬧ᭄ᬭᬸ᭞ᬪᬝᬭᬇᬰ᭄ᬯᬭᬵᬭᬶᬂᬤᬕᬶᬳᬫ᭄ᬧ᭄ᬭᬸ᭞ᬪᬝᬭᬲᬫ᭄ᬩᬸ᭞ᬓᬸᬮᬶᬢᬶᬂᬳᬫ᭄ᬧ᭄ᬭᬸ᭞ᬪ
ᬝᬵᬭᬫᬳᬾᬰᭀᬭᬵ᭞ᬳᭀᬢᭀᬢᬶᬂᬳᬫ᭄ᬧ᭄ᬭᬸ᭞ᬪᬝᬭᬩ᭄ᬭᬳ᭄ᬫᬵ᭞ᬓᬯᬢᬶᬂᬳᬫ᭄ᬧ᭄ᬭᬸ᭞ᬪᬝᬭᬫᬳᬤᬾᬯᬵ᭞ᬳ᭄ᬬᬂᬳ᭄ᬬᬗᬶᬂᬳᬫ᭄ᬧ᭄ᬭᬸ᭞ᬪᬝᬭᬰᬗ᭄ᬓᬭᬵ᭞ᬭᬄᬦᬶᬂᬳᬫ᭄ᬧ᭄ᬭᬸ᭞ᬪᬝᬭᬕᬸᬭᬸ᭞ᬩᬸᬗ᭄ᬓᬳᬶᬂ᭠
ᬳᬫ᭄ᬧ᭄ᬭᬸ᭞ᬪᬝᬭᬰᬶᬯᬵᬕᬸᬭᬸ᭞ᬕᬤ᭄ᬬᬦᬶᬂᬳ᭄ᬧ᭄ᬭᬸ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬢᬸᬂᬢᬸᬗᬶᬂᬳᬫ᭄ᬧ᭄ᬭᬸ᭞ᬪᬝᬭᬲᬫ᭄ᬩᬸ᭞ᬯᬶᬚᬶᬦᬶᬂᬳᬕ᭄ᬧ᭄ᬭᬸ᭟᭜᭟ᬪᬝᬭᬲᬫ᭄ᬩᬸᬭᬶᬳᬶᬦ᭄ᬩᬦ᭄᭞ᬪᬝᬭᬇᬰ᭄ᬯ [ 23 ][᭒᭒ 22B]
᭒᭒
ᬭᬓᬸᬮᬶᬢᬶᬂᬳᬶᬦ᭄ᬩᬦ᭄᭞ᬪᬝᬭᬫᬳᬾᬰᭀᬭᬭᬶᬂᬤᬕᬶᬂᬳᬶᬦ᭄ᬩᬦ᭄᭞ᬪᬝᬭᬩ᭄ᬭᬳ᭄ᬫᬵᬭᬶᬂᬳᭀᬢᭀᬢᬶᬂᬳᬶᬦ᭄ᬩᬦ᭄᭞ᬪᬝᬭᬮᬸᬤ᭄ᬭᬭᬶᬂᬓᬯᬶᬢᬶᬂᬳᬶᬦ᭄ᬩᬦ᭄᭞ᬪᬝᬭᬫᬳᬤᬾᬯ᭞ᬯᬶᬚᬶᬦᬶᬂᬳᬶᬦ᭄ᬩᬦ᭄᭞ᬪᬝ
ᬭᬰᬗ᭄ᬓᬭ᭞ᬳ᭄ᬬᬂᬳ᭄ᬬᬗᬶᬂᬳᬶᬦ᭄ᬩᬦ᭄᭞ᬪᬝᬭᬯᬶᬱ᭄ᬡᬸ᭞ᬭᬄᬦᬶᬂᬳᬶᬦ᭄ᬩᬦ᭄᭞ᬪᬝᬭᬕᬸᬭᬸᬩᬸᬗ᭄ᬓᬳᬶᬂᬳᬶᬦ᭄ᬩᬦ᭄᭞ᬪᬝᬭᬰᬶᬯᬵᬕᬸᬭᬸ᭞ᬫᬤ᭄ᬬᬦᬶᬂᬳᬶᬦ᭄ᬩᬦ᭄᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬭᬶᬂᬢᬸᬂᬢᬸᬗᬶᬂᬳᬶᬦ᭄ᬩᬦ᭄᭟᭜᭟
ᬪᬝᬵᬭᬧ᭄ᬭᬶᬸᬫᬾᬶᬱ᭄ᬝᬶᬸᬰᬶᬯ᭞ᬭᬶᬂᬢᬸᬫ᭄ᬧᬸᬓᬦᬶᬂᬳᬢᬶ᭞ᬪᬝᬭᬧ᭄ᬭᬫᬰᬶᬯᬵ᭞ᬭᬶᬂᬤᬕᬶᬢᬸᬫ᭄ᬧᬸᬓᬵᬦᬶᬂᬳᬢᬶ᭞ᬪᬝᬭᬮᬶᬘᬶᬦ᭄ᬭᬶᬂᬳᭀᬢᭀᬢ᭄ᬢᬸᬫ᭄ᬧᬸᬓᬦᬶᬂᬳᬢᬶ᭞ᬪᬝᬭᬓᬾᬢᬸ᭞ᬭᬶᬂᬓᬯᬢ᭄ᬢᬸᬫ᭄ᬧᬸᬓ
ᬦᬶᬂᬳᬢᬶ᭞ᬪᬝᬭᬭᬳᬸ᭞ᬭᬶᬂᬭᬄᬢᬸᬫ᭄ᬧᬸᬓᬦᬶᬂᬗᬢᬶ᭞ᬪᬝᬭᬮᬸᬤᬺᬭᬶᬂᬩᬸᬗ᭄ᬓᬄᬢᬸᬫ᭄ᬧᬸᬓᬦᬶ᭠ᬗᬢᬶ᭞ᬪᬝᬭᬰᬶᬯᬵᬕᬸᬭᬸ᭞ᬭᬶᬂᬫᬤ᭄ᬬᬦᬶᬸᬂᬢᬸᬫ᭄ᬧᬸᬓᬦᬶᬂᬳᬢᬶ᭞ᬪᬝᬭᬧ᭄ᬭᬫᬾᬱ᭄ᬝᬶᬕᬸᬭᬸᬭᬶᬂᬢᬸᬂᬢᬸᬂᬢᬸ
[᭒᭓ 23A]
ᬫ᭄ᬧᬸᬓᬦᬶᬂᬗᬢᬶ᭟᭜᭟ᬲᬳᬶᬓᬗᬭᬦ᭄ᬓᬸᬭᬦ᭄ᬢᬩᭀᬮᭀᬂ᭞ᬲᬫᬮᬯᬦ᭄ᬤᬾᬯᬢᬓᬩᬾᬄ᭞ᬢᬦ᭄ᬓᬲᭀᬃᬤᬾᬦᬶᬂᬯᬶᬬᬦᬶᬂᬫᬦᬸᬱᬵᬓᬩᬾᬄ᭞ᬮᬸᬧᬸᬢᬶᬂᬉᬧᬵᬤ᭄ᬭᬯᬦᬶᬂᬓᬩᬾᬄ᭞ᬧᬫᬸᬮᬸᬤᬦ᭄ᬲᬗ᭄ᬳ᭄ᬬᬂᬓᬸᬭᬵ
ᬦ᭄ᬢᬵᬩᭀᬮᭀᬂ᭞ᬤᬤᬶ᭞᭖ᬓᬤᬰ᭞ᬫᬸᬗ᭄ᬕᬸᬭᬶᬂᬰᬹᬦ᭄ᬬᬫᬺᬢ᭄ᬣ᭞ᬇᬓᬶᬯᬵᬃᬡ᭄ᬦᬦ᭄ᬬᬳ᭄ᬬᬂᬯᬶᬱ᭄ᬡᬸ᭞[image]ᬯᬵᬃᬡ᭄ᬦᬰ᭄ᬯᬾᬢᬵ᭞ᬗ᭞ᬧᬸᬢᬶᬳᬶᬂᬯᬶᬱ᭄ᬡᬸ᭞ᬤᬤᬶᬧᬸᬢᬸᬲ᭄᭞ᬫᬮᬶᬗ᭄ᬳᬵᬭᬶᬂᬰᬹᬦ᭄ᬬᬦᬶᬂᬅᬓᬵᬱ᭟᭜᭟ᬲᬗ᭄ᬳ᭄ᬬᬂᬦᬶ
ᬭᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬫᬭᬕᬧᬸᬢᬶᬄ᭞ᬧᬸᬢᬶᬄ᭞ᬗ᭞ᬧᬸᬢᬸᬲ᭄᭞ᬫᬸᬮᬶᬄᬓᬅᬓᬱᬮᬶᬗ᭄ᬕᬵᬲ᭄ᬢᬦᬵ᭞ᬓᬮᬶᬗ᭄ᬕᬦ᭄ᬬ᭞ᬳ᭄ᬬᬂᬯᬶᬱ᭄ᬡᬸᬤᬤᬶᬕᬸᬭᬸᬅᬃᬢ᭄ᬣᬶ᭞ᬬ᭄ᬬᬂ᭞ᬗ᭞ᬤᬾᬯᬾᬓ᭄᭞ᬭᬕᬦᬾ᭞ᬯᬶᬲ᭄᭞ᬗ᭞ᬯᬸᬲ᭄᭞
ᬦᬸ᭞ᬗ᭞ᬦᬸᬗ᭄ᬕᬮ᭄᭞ᬇᬓᬳ᭄ᬬᬂᬯᬶᬱ᭄ᬡᬸ᭞ᬗ᭞ᬫᬭᬕᬰᬹᬦ᭄ᬬᬮ᭄ᬯᬶᬄᬰᬓ᭄ᬢᬶ᭞ᬢᬸᬗ᭄ᬕᬮ᭄᭞ᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬭᬶᬂᬪ᭄ᬯᬦᬵᬳᬕᬸᬂᬮᬯᬦ᭄ᬪ᭄ᬯᬦᬵᬳᬮᬶᬢ᭄᭞ᬳ᭄ᬬᬂᬯᬶᬱ᭄ᬡᬗᬯᬲᬸᬚᬦᬦᬶᬃᬭᬵᬢ᭄᭞ᬤᬃᬧ᭄ᬫᬰ [ 24 ][᭒᭓ 23B]
᭒᭓
ᬓ᭄ᬢᬶ᭞ᬗᭂᬦᬳᬂᬳᬶᬤᬫᬺᬢ᭄ᬣᬭᬶᬂᬕᬸᬫᬶᬦ᭄ᬢᬄ᭞ᬯᬶᬢ᭄ᬦ᭄ᬬᬭᬶᬂᬫᬚᬧᬳᬶᬢ᭄᭞ᬗᬫᬺᬢᬦᬶᬂᬲᬲᭀᬭᬶᬂᬅᬓᬱᬵ᭞ᬲ᭄ᬓᬲᬗ᭄ᬳᬤᬾᬦᬶᬂᬧᬺᬢᬶᬯᬶ᭞ᬳᬧᬓᬭᬡᬦᬶᬂᬫᬗ᭄ᬓᬦᬵ᭞ᬳ᭄ᬬᬂᬯᬶᬱ᭄ᬡᬸᬓᬾᬯᬮᬵ᭞ᬚ᭄ᬦᭂᬂᬯᬶᬚᬶ᭞ᬫᬤ᭄ᬯᬾᬭ
ᬩᬶ᭞ᬏ᭞ᬢᬾᬳᬬᬸ᭞ᬜᬶᬤᬬᬂᬗᬫᬺᬢ᭄ᬣᬦᬶᬂᬭᬩᬶᬦᬾ᭞ᬏ᭞ᬳᬾᬬᬸ᭞ᬦᬗ᭄ᬓᭂᬦ᭄ᬯ᭄ᬗᬶ᭞ᬓ᭄ᬚᬯ᭄ᬫᬦ᭄ᬜᬶᬤᬬᬂᬗᬾᬓᬰᬲ᭄ᬢ᭄ᬭᬵ᭞ᬗᬶᬮᬗᬂᬰᬵᬲ᭄ᬢ᭄ᬭᬦᬾ᭞ᬓ᭄ᬭᬡᬤᬤᬶᬢᬦ᭄ᬧᬰᬲ᭄ᬢ᭄ᬭᬵ᭞ᬇᬓᬯᬶᬱ᭄ᬡᬸ᭞ᬧᬸᬢᬶᬄ᭞ᬗ᭞ᬧᬸ
ᬢᬸᬲ᭄ᬢᬸᬃᬯᬶᬘᬓ᭄ᬱᬡ᭞ᬬᬾᬦᭀᬭᬜᬶᬤᬬᬂᬯᬶᬱ᭄ᬡᬸᬦᬾᬤᬤᬶᬧᬸᬢᬶᬄ᭞ᬦᭀᬭᬜᬶᬤᬬᬂᬓᬵᬢ᭄ᬧᬸᬓ᭄ᬩᬬᬸ᭞ᬲᬩ᭄ᬤᬵ᭞ᬇᬥᭂᬧ᭄᭞ᬫ᭄ᬮᬲᬂᬳᬯᬓ᭄᭞ᬗ᭄ᬧᬶᬢᬂᬓᬡ᭄ᬟᬨᬢ᭄᭞᭑᭐᭐᭞ᬲᬶᬦᬸᬗ᭄ᬕᬮ᭄᭞ᬳᬶᬤ
ᬤᬦᬾᬦᬾᬗᬯ᭄ᬭᬸᬄᬭᬶᬂᬓᬓ᭄ᬧᬶᬢᬦ᭄ᬓᬡ᭄ᬟᬧᬢ᭄᭞ᬲᬮ᭄ᬯᬶᬭᬾ᭝ᬬᬾᬦ᭄ᬜᬶᬤᬬᬂᬩ᭄ᬮᬲ᭄ᬭᬕᬦᬾᬫᬭᬕᬯᬶᬱ᭄ᬡᬸᬚᬢᬶ᭞ᬳᬶᬭᬶᬓᬭᬶᬂᬯᬶᬱ᭄ᬡᬸᬪᬵᬯᬡᬵᬧᬓᬸᬫ᭄ᬧᬸᬮᬦᬾ᭞ᬫᬗᬶᬜ᭄ᬘᭂᬧ᭄ᬢᬸᬢᬸᬭᬾᬲᬫᬶ᭞ᬲᬮ᭄ᬯᬶ
[᭒᭔ 24A]
ᬭᬾ᭞ᬤᬰᬇᬦ᭄ᬤ᭄ᬭᬶᬬᬦᬾ᭞ᬧᬜ᭄ᬘᬇᬦ᭄ᬤ᭄ᬭᬶᬬᬦᬾ᭞ᬫᬗ᭄ᬤ᭞ᬯᬶᬲ᭄᭞ᬯᬶᬲ᭄᭞ᬗ᭞ᬫᬢᬶ᭞ᬗ᭞ᬳᬶᬮᬂ᭞ᬳ᭄ᬬᬂᬯᬶᬱ᭄ᬡᬸᬢᬦ᭄ᬩᬸᬦᬤᬬᬳᬸᬧᬬᬵ᭞ᬓ᭄ᬭᬡᬜᬶᬤᬬᬂᬫᬭᬕᬢᬬᬵ᭞ᬕᬸᬭᬸᬤᬶᬲᬸᬓ᭄ᬱ᭄ᬫᬵ᭞ᬲᬓᬶᬂᬲᬹᬓ᭄ᬱ᭄ᬫᬗᬶᬮ
ᬗᬂᬇᬦ᭄ᬤ᭄ᬭᬶᬬᬦᬾᬧᬤᬵ᭞ᬧ᭄ᬭᬕᬢ᭄᭞ᬜᬸᬓ᭄ᬱ᭄ᬫᬵ᭞ᬢᬦ᭄ᬮᬭᬏᬓᬏᬓᬵ᭞ᬧ᭄ᬭᬕᬢ᭄ᬫᬗ᭄ᬮᬜᭀᬓ᭄ᬱᬢ᭄ᬭᬸ᭞ᬲᬸᬩᬫᬭᬕᬲᬸᬤᬸᬓ᭄ᬱ᭄ᬯᬭᬵ᭞ᬲᬸᬤᬸᬓ᭄ᬱ᭄ᬯᬭᬶ᭞ᬳ᭄ᬬᬂᬢᬬ᭞ᬮᬶᬦᬸᬕ᭄ᬭᬳᬵ᭞ᬓ᭄ᬭᬡᬢᬦ᭄ᬓᭂᬦᬾᬂᬳᬸᬧᬤ᭄ᬭᬯᬵ᭞᭠
ᬧ᭄ᬢᬮᬦᬾ᭞ᬳᬮᬮᬯᬦ᭄ᬳᬬᬸ᭞ᬓᬾᬯᬮᬢ᭄ᬓᬾᬦ᭄ᬫᬸᬲᬸᬄ᭞ᬉᬧᬬᬦᬶᬂᬯᬶᬱ᭄ᬡᬸ᭞ᬜ᭄ᬢᬵᬬᬫᬸᬲᬸᬄ᭞ᬳᬕᬸᬂᬤᬸᬓᬦᬾᬓᬤᬶᬕ᭄ᬦᬶᬳᬗ᭄ᬭᬢ᭄᭞ᬢᬦ᭄ᬓᬯ᭄ᬟᬃ᭞ᬇᬓᬗᬭᬦ᭄᭞ᬩ᭄ᬭᬳ᭄ᬫᬵᬓ᭄ᬭᭀᬥ᭞ᬮ᭄ᬯᬶᬃᬲᬕᬭᬳᭀᬘᬓ᭄᭞
ᬢᬦ᭄ᬓᬯ᭄ᬟᬂ᭞ᬇᬓᬵᬓ᭄ᬭᬡᬲᬶᬤ᭄ᬟᬶᬫᬦ᭄ᬟᬶᬯᬓ᭄ᬩᬚ᭄ᬭᬵ᭞ᬓ᭄ᬭᬡᬧᬾᬓ᭄ᬱᬓᬶᬂᬗᬭᬶᬲ᭄᭞ᬲᬃᬯ᭄ᬯᬲᬢ᭄ᬭᬸᬫᬢᬶᬩᬦ᭄ᬓᭂᬜᬶᬂ᭞ᬓ᭄ᬦᬾᬂᬤᬬᬵᬉᬧᬬᬵᬬᬾᬦ᭄ᬓᬮᬵᬓᬯ᭄ᬟᬃ᭞ᬲᬯ᭄ᬟᬃ᭞ᬲᬢ᭄ᬭᬸᬚ᭄ᬭᬶᬄ᭞ᬤᬾᬯᬳᬮᬂᬇᬥᭂᬧᬾᬢᬦ᭄ᬓᬲᬶ [ 25 ][᭒᭔ 24B]
᭒᭔
ᬦᬤ᭄ᬬᬦ᭄᭞ᬬᬦ᭄ᬜᬶᬤᬬᬂᬤᬃᬫ᭄ᬫᬵᬲᬤᬸ᭞ᬲᬢ᭄ᬭᬸᬕᬮᬓ᭄ᬧᬬᬸᬳᬰᬶᬄ᭞ᬤᬾᬯᬓᬯᬶᬧᬥᬳᬰᬶᬄ᭞ᬬᬦ᭄ᬳᬋᬧ᭄ᬥᬃᬫ᭄ᬫᬵᬰᬓ᭄ᬢᬶ᭞ᬯᬶᬱ᭄ᬡᬸᬧᬸᬢᬶᬳᬾ᭞ᬲᬸᬲᬸᬧᬂᬭᬶᬂᬰᬭᬶᬭᬵ᭞ᬲᬸᬩᬫ᭄ᬭᬕᬵᬢᬬᬵ᭞ᬢᬸᬗ᭄ᬕᬮ᭄ᬓᬮᬦᬾ
ᬢ᭄ᬓᬾᬦ᭄ᬤᬃᬫ᭄ᬫᬦᬾ᭞ᬤᬤᬶᬳ᭄ᬦᬶᬂ᭞ᬳᬬ᭄ᬯᬩᬸᬘᬾᬘᬾᬃ᭞ᬳᬬ᭄ᬯᬕᬸᬬᭀᬦ᭄ᬕᬸᬬᭀᬦ᭄᭞ᬕᬸᬬᭀᬦᬾᬫᬲᬶᬄᬧᬫᬸᬦᬄᬯᬶᬰᬾᬱ᭞ᬧᬳᭂᬓ᭄ᬰᬢ᭄ᬭᬸᬭᬸᬦ᭞ᬦᬵᬗ᭄ᬳᬶᬂᬳ᭄ᬬᬳᬰᬶᬄ᭞ᬓ᭄ᬭᬡᬜᬶᬤᬬᬂᬗᬫᬢ᭄ᬬᬂᬫᬸᬲᬸᬄ᭞ᬬᬦ᭄ᬤᭀᬄᬫᬸ
ᬲᬸᬳᬾ᭞ᬧᬦᬄᬤᬾᬦᬶᬂᬩᬬᬸᬲᬩ᭄ᬤᬇᬥᭂᬧ᭄᭞ᬤᬾᬦᬶᬂᬓᬡ᭄ᬟᬵᬧᬢ᭄᭞ᬦ᭄ᬢᭀᬫᬭᬕᬧᬦᬄᬮᬯᬦ᭄ᬳᬢᬶ᭞ᬧᬤᬢᬸᬗ᭄ᬕᬮ᭄ᬧᬯ᭄ᬢᬸᬦᬾ᭞ᬲᬶᬂᬩᬬᬸᬲᬩ᭄ᬤᬇᬥᭂᬧ᭄᭞ᬫᬭᬕᬳᬧᬶ᭞ᬤᬤᬶᬧᬦᬄ᭞ᬧᬦᬄ᭞ᬗ᭞ᬳ
ᬗᬶᬦ᭄᭞ᬳᬧᬶ᭞ᬗ᭞ᬩᬬᬸᬕ᭄ᬟᭂᬕ᭄᭞ᬬᬾᬄ᭞ᬗ᭞ᬩᬬᬸᬤᬃᬫ᭄ᬫᬵ᭞ᬲᬭᬫᬦᬄᬇᬥᭂᬧ᭄ᬩᬸᬤ᭄ᬟᬶᬦᬾ᭞ᬦ᭄ᬢᭀᬫᬵᬃᬕ᭄ᬕᬦᬶᬲ᭄ᬓᬮᬵ᭞ᬬᬾᬦ᭄ᬢ᭄ᬯᬭᬘᬭᬶᬢᬬᬂ᭞ᬜᬾᬦ᭄ᬢᬯᬸᬢ᭄ᬓᬾᬦ᭄ᬓ᭄ᬦᭂᬄᬤᬾᬯᬾᬓᬾ᭞ᬢᬶᬗ᭄ᬳᬮᬾᬫᬃ
[᭒᭕ 25A]
ᬕ᭄ᬕᬲᬓᬮᬵ᭞ᬮ᭄ᬬᬦ᭄ᬳᬶᬓᬵ᭞ᬫᬵᬃᬕ᭄ᬕᬪᬹᬢ᭄ᬣᬵ᭞ᬓ᭄ᬭᬡᬮᬾᬦ᭄ᬢ᭄ᬓᬾᬦ᭄ᬩᬾᬢᬾᬮ᭄ᬢᬸᬂᬢᬸᬂᬗ᭄ᬳᬮᬾ᭞ᬫ᭄ᬯᬄᬤᬶᬳᬸᬦ᭄ᬢᭂᬂᬢᬶᬗ᭄ᬳᬮᬾ᭞ᬬᬚᬢᬶᬫᬫᬗ᭄ᬓᬵ᭞ᬲᬮ᭄ᬯᬶᬭᬶᬫᬗ᭄ᬰᬵ᭞ᬧᬶᬢᬸᬂᬗᬦ᭄ᬢᬶᬗ᭄ᬳᬮᬾᬩᬗ᭄ᬲᬢ᭄᭞ᬩᬗ᭄ᬓᬾ᭞ᬓᬢᭀ
ᬦ᭄ᬩᬗ᭄ᬓᬶᬢ᭄᭞ᬬᬦ᭄ᬓᬢᭀᬦ᭄ᬟᬃᬫ᭄ᬫᬵᬲᬤᬸᬢᬶᬗ᭄ᬳᬮᬾ᭞ᬤᬃᬫ᭄ᬫᬵᬲᬢᬢᬵ᭞ᬇᬓᬲᬭᬶᬦᬶᬍᬯᬶᬄ᭞ᬳᬮᬵᬧᭀᬮᬄ᭞ᬓᬢᭀᬦ᭄ᬳᬬᬸ᭞ᬤᬾᬦᬶᬂᬜᬫᬩ᭄ᬭᬬᬵ᭞ᬧᬫᬸᬤᬳᬶᬦ᭄ᬩᬳᬦ᭄ᬓᭂᬤᬾᬓ᭄᭞ᬓᬶᬦᬲᬶᬳᬦ᭄ᬤᬾᬦᬶᬂᬳᬸ
ᬫᬶ᭞ᬳᬤᬦ᭄ᬳᬢ᭄ᬫᬦᬾᬮᬯᬦ᭄ᬕᬸᬫᬶᬦᬾᬧᬢᬸᬄ᭞ᬢ᭄ᬓᬾᬦ᭄ᬮᬗᬶᬢ᭄᭞ᬗ᭞ᬳᬶᬩᭀᬕᬮ᭄ᬳᬶᬫᬾᬦ᭄ᬢᬄ᭞ᬓ᭄ᬦᭂᬄᬮᬗᬶᬢ᭄ᬕᬸᬫᬶᬦᬾᬫ᭄ᬯᬄᬚᬢ᭄ᬫᬵᬦᬾ᭞ᬗ᭞ᬳᬶᬚᬳᬶᬮ᭄᭞ᬮᬶᬫᬩᬢᬶᬲ᭄ᬕᬸᬫᬶᬮᬗᬶᬢᬾ᭞ᬮᬯᬦ᭄ᬚᬢ᭄ᬫᬵᬦᬾ᭞ᬗ
ᬳᬵᬃᬫ᭄ᬫᬓ᭄᭞ᬇᬓᬶᬧᬗᬶᬥᭂᬧ᭄ᬦ᭄ᬬ᭞ᬩᭀᬕᬮ᭄ᬫᬾᬦ᭄ᬢᬄᬤᬩᬦᬶᬢ᭄ᬓᬦ᭄ᬭᬳᬶ᭞ᬫᬢᬶᬢᬲᬶᬭᬵᬚᬳᬶᬮ᭄᭞ᬫᬢᬶᬢᬲᬶᬭᬭ᭄ᬫᬓ᭄᭞ᬓᬮᬶᬗᬦ᭄ᬬ᭞ᬧᬶᬧᬶᬮ᭄ᬚᬢ᭄ᬫᬦᬾ᭞ᬲᬧᬗᬗ᭄ᬕᭀᬦ᭄ᬰᬵᬲ᭄ᬢ᭄ᬭᬦ᭄ᬬ [ 26 ][᭒᭕ 15B]
᭒᭕
᭞ᬗ᭞ᬳᬸᬮᬸ᭞ᬘᭂᬘᭂᬓ᭄᭞ᬧᭂᬧᭂᬢ᭄᭞ᬯᬶᬦ᭄ᬥᬸ᭞ᬳ᭄ᬬᬂᬇᬰ᭄ᬯᬭᬵᬤᬾᬯᬢᬦ᭄ᬬ᭞ᬲᬸᬓᬸ᭞ᬘᬓ᭄ᬭ᭞ᬳ᭄ᬬᬂᬯᬶᬱ᭄ᬡᬸ᭞ᬤᬾᬯᬢᬦ᭄ᬬ᭞ᬫ᭄ᬦᬾᬓᬧ᭄ᬯᬬᬗᬦ᭄᭞ᬳᬶᬤᬾᬍᬫ᭄᭞ᬩ᭄ᬭᬳ᭄ᬫᬵ᭞ᬭᬶᬂᬳᬢᬶ᭞ᬳᬶᬢ᭄ᬯᬮᬾᬦ᭄ᬭᬶᬂᬗᬫ᭄ᬧ᭄ᬭᬸ᭞ᬯᬶ
ᬱ᭄ᬡᬸ᭞ᬳᬶᬲᬗᬸᬢ᭄᭞ᬇᬰ᭄ᬯᬭᬵ᭞ᬲᬂᬲᬶᬦᬸᬳᬸᬦ᭄ᬭᬶᬂᬧᬧᬸᬲᬸᬄ᭞ᬫᬢ᭄ᬫᬳᬦ᭄ᬰ᭄ᬯᬭᬵᬲᬫᬶ᭞ᬓᬮᬶᬗᬵᬦ᭄ᬬ᭞ᬰ᭄ᬯᬭᬵᬧᬗᬓ᭄ᬱᬫ᭞ᬫ᭄ᬢᬸᬲᬓᬶᬂᬳᬢᬶ᭞ᬇᬓᬶᬧᬗᬶᬥᭂᬧ᭄ᬦ᭄ᬬ᭞ᬳᬶᬢ᭄ᬯᬮᬾᬦ᭄ᬫᬸᬗ᭄ᬕᬸᬄᬭᬶᬂᬳᬢᬶ᭞ᬩᬸᬗ᭄ᬓᬳᬶᬂᬳ
ᬢᬶ᭞ᬳᬶᬲᬗᬸᬢ᭄ᬭᬶᬂᬫᬤ᭄ᬬᬦᬶᬂᬳᬢᬶ᭞ᬳᬶᬤᬾᬍᬫ᭄ᬭᬶᬂᬢᬸᬂᬢᬸᬗᬶᬂᬳᬢᬶ᭞ᬇᬓᬳᬗ᭄ᬕᬾᬦ᭄ᬳᬶᬗ᭄ᬓᬸᬧ᭄ᬗᬗ᭄ᬕᬾᬦᬾᬓ᭄ᬮᭀᬤ᭄᭞ᬦᬾᬓᬕᬫᭂᬮ᭄ᬘᬾᬦᬶᬂᬩ᭄ᬭᬳ᭄ᬫᬵ᭟᭜᭟ᬰ᭄ᬯᬭᬵᬳᬮᬸᬲ᭄ᬳᬫᬦᬶᬲ᭄᭞ᬫ᭄ᬢᬸᬲᬓᬶᬂᬳ
ᬫ᭄ᬧ᭄ᬭᬸ᭞ᬇᬓᬶᬧᬗᬶᬥᭂᬧᬦ᭄ᬬ᭞ᬳᬶᬤᬍᬫ᭄ᬭᬶᬂᬩᬸᬗ᭄ᬓᬄᬳᬫ᭄ᬧ᭄ᬭᬸ᭞ᬳᬶᬲᬗᬸᬢ᭄ᬫᬤ᭄ᬬᬦᬶᬂᬳᬫ᭄ᬧ᭄ᬭᬸ᭞ᬳᬶᬢ᭄ᬯᬮᬾᬦ᭄ᬢᬸᬂᬢᬸᬗᬶᬂᬳᬫ᭄ᬧ᭄ᬭᬸ᭞ᬇᬓᬗ᭄ᬕᬾᬦ᭄ᬳᬶᬗ᭄ᬓᬸᬧ᭄᭞ᬳᬗ᭄ᬕᬾᬦᬾᬓᬚ᭞ᬦᬾᬕᬫᭂᬮ᭄ᬚᬾᬦᬶᬂᬯᬶᬱ᭄ᬡᬸ᭟᭜᭟
[᭒᭖ 16A]
᭚ᬰ᭄ᬯᬭᬵᬕᬮᬓ᭄ᬳᬫᬦᬶᬲ᭄᭞ᬫ᭄ᬢᬸᬲᬓᬶᬂᬧᬸᬧᬸᬲᬸᬄ᭞ᬇᬓᬶᬧᬗᭂᬧᬦ᭄ᬬ᭞ᬳᬶᬢ᭄ᬯᬮᬾᬦ᭄ᬭᬶᬂᬩᬸᬗ᭄ᬓᬳᬶᬂᬧᬸᬧᬸᬲᬸᬄ᭞ᬳᬶᬤᬾᬍᬫ᭄ᬭᬶᬂᬫᬤ᭄ᬬᬦᬶᬂᬧᬸᬧᬸᬲᬸᬄ᭞ᬳᬶᬲᬩᬸᬢ᭄ᬭᬶᬂᬢᬸᬂᬢᬸᬂᬧᬸᬧᬸᬲᬸᬄ᭞ᬇᬓᬳᬗ᭄ᬕᬾᬦ᭄ᬗᬶᬗ᭄ᬓᬸᬧ᭄ᬳᬗ᭄ᬕᬾᬦᬾᬓᬗᬶᬦ᭄᭞ᬦᬾ
ᬓᬕᬫᭂᬮ᭄ᬤᬾᬦᬶᬂᬪᬝᬭᬇᬰ᭄ᬯᬭᬵ᭞ᬓᬮᬶᬗᬦ᭄ᬬᬳᬶᬲᬗᬸᬢ᭄ᬓ᭄ᬭᬡᬯ᭄ᬮᬲ᭄ᬳᬰᬶᬄ᭞ᬭᬾᬄᬦ᭄ᬬᬫᬜ᭄ᬮᭂᬤᬾᬢ᭄᭟ᬳᬶᬤᬾᬍᬫ᭄ᬓ᭄ᬭᬡᬳᬾᬤᬦ᭄᭞ᬭᬾᬄᬦ᭄ᬬ᭞ᬫᬧ᭄ᬯᬢᬵ᭞ᬳᬶᬢ᭄ᬯᬮᬾᬦ᭄ᬓ᭄ᬭᬡᬕᬾᬭᬸᬢ᭄᭞ᬭᬾᬄᬦ᭄ᬬ᭞ᬜᬶ
ᬬᬸᬧ᭄ᬩᬬᬸᬭᬶᬂᬇᬭᬹᬂ᭞ᬢᬸᬃᬫᬤ᭄ᬓᭂᬲᬦ᭄᭞ᬓᬮᬶᬗᬦ᭄ᬬ᭞ᬮ᭄ᬯᬶᬳᬶᬂᬧᬜᬸᬲᬸᬧ᭄᭞ᬳᬶᬤᬾᬍᬫ᭄ᬓ᭄ᬭᬡᬵᬲᬓᬶᬢ᭄ᬳᬢᬶ᭞ᬓ᭄ᬗᬸᬬᬂ᭞ᬳᬶᬢ᭄ᬯᬮᬾᬦ᭄ᬓ᭄ᬭᬡᬵᬩᬸᬤᬸᬄᬫᬸᬮᬶᬲᬄ᭞ᬳᬶᬲᬗᬸᬢ᭄ᬓ᭄ᬭᬡᬩ᭄ᬗᭀᬂᬩ᭄ᬗᭀᬂ᭞ᬫᬗᬫᬾᬳ
ᬫᬾ᭞ᬓ᭄ᬭᬡᬵᬩᬶᬲᬳᬦᬓ᭄ᬳᭂᬮᬸᬄ᭞ᬜᬫ᭄ᬩᬢ᭄ᬳᬦᬓ᭄ᬫ᭄ᬯᬦᬶ᭞ᬲ᭄ᬩᬸᬢᬂᬳᬓ᭄ᬦᬢᬸᬂᬢᬸᬗᬶᬂᬢᬗᬶᬲ᭄᭞ᬩᬶᬱᬵᬓ᭄ᬟᬾᬓ᭄ᬩᬳᬸᬤ᭄᭞ᬕ᭄ᬭᬄᬕᬄᬕ᭄ᬭᬾᬕᬾᬄ᭞ᬧᬶᬧᬳᭂᬦᬂᬚᬭᬸᬦ᭄ᬕᬸᬬᬂ᭞ᬩᬶᬱᬩᬸᬤᬸᬄᬮᬲᬮᭀᬲᭀ᭞ᬩᬶᬱᬢ [ 27 ][᭒᭖ 26B]
᭒᭖
ᬓᬸᬢ᭄᭞ᬓᬤᬾᬦᬂᬓ᭄ᬦᬚᬭᬶᬂᬲᬸᬢᬺ᭞ᬢ᭄ᬭᬸᬲ᭄ᬩᬶᬱᬩᬸᬤᬸᬄᬇᬦ᭄ᬟᭂᬂᬳᬶᬦ᭄ᬟᭂᬂ᭞ᬬᬾᬦ᭄ᬫᬗ᭄ᬤᬓᬢᭀᬦ᭄ᬩᬯᬸᬤ᭄ᬭᬶᬂᬯᭂᬯ᭄ᬦᭂᬗᬦ᭄ᬢ᭞ᬇᬥᭂᬧ᭄ᬳᬶᬢ᭄ᬯᬮᬾᬦ᭄ᬗᭂᬧᬸᬂᬤᬾᬍᬫ᭄᭞ᬚᬶᬢᬾᬧ᭄ᬲᬸᬳᭂᬦ᭄ᬢᬸᬢ᭄᭞ᬫᬧ᭄ᬭᬸᬢ᭄ᬧᬸᬢᬦ᭄᭞ᬇᬥᭂᬧ᭄ᬯᭀᬂᬓᬩᬾᬄ
ᬓ᭄ᬟᬾᬓ᭄ᬫᬓᬲᬹᬃᬬ᭄ᬬᬓᬦ᭄᭞ᬫᬮᬶᬄᬇᬥᭂᬧ᭄ᬳᬶᬤᬾᬍᬫ᭄ᬗ᭄ᬧᬸᬂᬮ᭄ᬯᬦᬾ᭞ᬓᬕᭂᬧ᭄ᬮᬸᬓ᭄ᬩᬳᬦ᭄ᬢ᭄ᬯᬮᬾᬦ᭄᭞ᬇᬥᭂᬧ᭄ᬯᭀᬂᬓᬩᬾᬄᬓ᭄ᬟᬾᬓ᭄ᬫᬩ᭄ᬭᬶᬬᬸᬕᬦ᭄᭞ᬫᬮᬶᬄᬇᬥᭂᬧ᭄ᬳᬶᬲᬗᬸᬢ᭄ᬜᬧ᭄ᬮᭀᬓ᭄ᬧᬸᬭᬸᬲ᭄ᬤᬾᬍᬫᬾ᭞ᬇᬥᭂᬧ᭄ᬯᭀᬂᬓᬩᬾᬄ
ᬓ᭄ᬟᬾᬓ᭄ᬱᬮᬶᬂᬲᭀᬕᭀᬓ᭄᭞ᬧᬢᬸᬭᬸᬢᬶᬫ᭄ᬧᬮ᭄ᬦᬾ᭞ᬢ᭄ᬮᬲ᭄᭟᭜᭟ᬦᬶᬳᬦ᭄ᬓ᭄ᬭᬫᬦᬶᬂᬯᭀᬂᬳᬦᬶᬫ᭄ᬧᭂᬦ᭄ᬳᬢ᭄ᬫᬵᬦᬶᬂᬭᬩᬶ᭞ᬮᬫᬓᬦᬾᬩᬶᬦᬦ᭄ᬬᬦᭀᬭᬯᬦᬶᬭᬶᬂᬮᬓᬶᬦ᭄ᬬ᭞ᬰ᭞ᬩᬾᬩᬾᬓ᭄᭞᭗᭞ᬚᬮᬸ
ᬲᬯᬶᬚᬶ᭞ᬇᬓᬩᬾᬩᬾᬓᬾᬯᬾᬳᬶᬦ᭄ᬫᬗᬦ᭄ᬚᬕᬸ᭞᭙᭞ᬤᬶᬦᬵ᭞ᬲᬯ᭄ᬗᬶᬲᬯ᭄ᬗᬶ᭞ᬫᬗ᭄ᬤᬦᭀᬭᬢ᭄ᬮᬲ᭄᭞ᬧᬧᬗᬦᬦ᭄ᬩᬾᬩᬾᬓᬾᬤᬾᬦ᭄ᬬᬫᬗᬦ᭄᭞ᬘᬭᬶᬓᬦ᭄ᬩᬾᬩᬾᬓᬾᬜᬄᬜᬄᬕᭀᬭᬾᬂᬓ
[᭒᭗ 27A]
ᬯᬱᬵ᭞ᬇᬓᬯᬾᬳᬶᬦ᭄ᬩᬶᬦᬶᬦ᭄ᬬᬫᬗᬦ᭄᭞ᬲᬋᬂᬲᬫᬶ᭞ᬭᬶᬂᬫᬗᬦ᭄ᬳᬶᬥᭂᬧ᭄ᬩᬶᬦᬶᬦ᭄ᬬᬭᬶᬩᬢᬦ᭄ᬮᬗ᭄ᬓᬂᬮᬓᬶᬦ᭄ᬬ᭞ᬓᬬᬾᬓᬶᬕᬸᬡᬦᬶᬂᬯᭀᬂᬳᬫᬭᬸ᭞ᬧ᭞ᬦᬸᬭᬸᬢ᭄ᬢᬶᬦᬸᬭᬸᬢ᭄ᬳᬫᬭᬸ᭞ᬳᬮᬓᬶ᭞ᬫᬮᬶᬄᬬᬦ᭄ᬳᬦ᭄ᬳᭂᬃᬩᬾᬩᬷᬦᬶ
ᬲᬯᬶᬚᬶ᭞ᬧᬂᬧᬂᬭᬶᬂᬮᬓᬶᬦ᭄ᬬ᭞ᬰ᭞ᬤᬓᬶᬦ᭄ᬧᬲ᭄ᬢᬦᬾ᭞ᬯᬾᬳᬶᬦ᭄ᬩᬶᬦᬶᬦ᭄ᬬᬫᬗᬦ᭄᭞ᬧᬶᬂ᭓᭞ᬲ᭄ᬦᬗ᭄ᬓᭂᬦ᭄ᬓᭂᬮᬶᬯᭀᬦ᭄᭞ᬩ᭄ᬬᬦ᭄ᬢᬭ᭞ᬧ᭞ᬚ᭄ᬭᬶᬄᬭᬩᬶᬦ᭄ᬬ᭞ᬢᬸᬃᬢᬦ᭄ᬧ᭄ᬕᬢ᭄ᬲᬶᬄᬭᬶᬂᬮᬓᬶᬦ᭄ᬬ᭞ᬢᬺᬱ᭄ᬡᬵᬫᬸᬮᬸᬲ᭄᭞ᬦᭀ
ᬭᬕᬶᬂᬕᬂᬇᬥᭂᬧ᭄ᬦ᭄ᬬᬭᬶᬂᬮᬓᬶ᭞ᬢ᭄ᬮᬲ᭄᭟᭜᭟ᬦᬶᬳᬦ᭄ᬢᬸᬢᬹᬃᬳᬸᬗ᭄ᬕ᭄ᬯᬦ᭄ᬅᬓ᭄ᬱᬭᬦᬾᬭᬶᬂᬚᬚ᭄ᬭᭀᬯᬦ᭄᭞ᬫ᭄ᬯᬄᬯᬵᬃᬡ᭄ᬦᬦ᭄ᬬ᭞ᬤᬾᬦ᭄ᬚᬢᬶᬲᬶᬭᬫᬯ᭄ᬭᬸᬄᬭᬶᬅᬓ᭄ᬱᬭᬦᬾᬫᬓᬸᬝ᭞ᬢᬦ᭄ᬧᬰ᭄ᬯᬭᬵ᭟
᭐᭟ᬅᬓ᭄ᬱᬭᬵᬭᬶᬂᬮᬾᬗᬶᬦᬪᬶ᭝[image]᭟ᬅᬓ᭄ᬱᬭᬭᬶᬂᬤᬕᬶᬂᬦᬵᬪᬶ᭝[image]᭟ᬅᬓ᭄ᬱᬭᬵᬭᬶᬂᬓᬸᬮᬶᬢ᭄ᬦᬪᬶ᭝[image]᭟ᬓᬬᬾᬓᬶᬲᬦᬾᬗᬤᭂᬕ᭄ᬭᬶᬦᬵᬪᬶ᭞ᬓ᭄ᬭᬡᬲᬶᬤ᭄ᬟᬵ [ 28 ][᭒᭗ 27B]
᭒᭗
ᬦᬵᬪᬶᬦᬾᬫᬪᬶᬦᬬᬦ᭄ᬫ᭄ᬤᬮ᭄ᬕᭂᬦᬶ᭞ᬗ᭞ᬕᬸᬳᬸᬂ᭞᭓᭞ᬕ᭄ᬦᬶᬧᬸᬢᬶᬄ᭞ᬕᬸᬳᬸᬂ᭞᭒᭞ᬕ᭄ᬦᬶ᭞ᬩᬂ᭞ᬕᬸᬳᬸᬂ᭞᭑᭞ᬕ᭄ᬦᬶᬭᬓ᭄ᬢᬵ᭞ᬧᬮᬶᬂᬗᬸᬤᬵ᭞ᬅᬓ᭄ᬱᬭᬭᬶᬂᬮᬾᬗᬶᬂᬳᬢᬶ᭟[image] ᬅᬓ᭄ᬱᬭᬭᬶᬤᬕᬶᬂᬳᬢᬶ᭝
ᬅᬓ᭄ᬱᬭᬭᬶᬓᬸᬮᬶᬢ᭄ᬳᬢᬶ᭝[image]ᬳᬾᬮᬶᬗᬓ᭄ᬦᬅᬓ᭄ᬱᬭᬵᬦᬾᬭᬶᬂᬳᬢᬶ᭞ᬕᬸᬳᬸᬂ᭞᭓᭞ᬕ᭄ᬦᬶᬧᬸᬢᬶᬄ᭞ᬕᬸᬳᬸᬂ᭞᭒᭞ᬕ᭄ᬦᬶ᭞ᬩᬂ᭞ᬕᬸᬳᬸᬂ᭞᭑᭞ᬕ᭄ᬦᬶ᭞ᬭᬓ᭄ᬢᬵ᭟ᬅᬓ᭄ᬱᬭᬵᬭᬶᬂᬉᬗ᭄ᬲᬶᬮᬦ᭄
ᬮᬾᬦ᭄ᬬ᭝[image]᭟ᬅᬓ᭄ᬱᬭᬵᬭᬶᬂᬤᬕᬶᬂᬉᬗ᭄ᬲᬶᬮᬦ᭄᭝[image]᭟ᬅᬓ᭄ᬱᬭᬭᬶᬂᬓᬸᬮᬶᬢ᭄ᬉᬗ᭄ᬲᬶᬮᬦ᭄᭝[image]᭟ᬳᬾᬮᬶᬂᬗᬓ᭄ᬦ᭞ᬭᬶᬂᬕᬸᬦᬸᬂ᭞᭓᭞ᬕ᭄ᬦᬶᬧ᭄ᬢᬓ᭄᭞ᬕᬸᬳᬸᬂ᭞᭒᭞ᬕ᭄ᬦᬶ᭞ᬩᬂ᭞ᬕᬸ
ᬳᬸᬂ᭞᭑᭞ᬕ᭄ᬦᬶ᭞ᬭᬓ᭄ᬢ᭟ᬅᬓ᭄ᬱᬭᬭᬶᬂᬮᬾᬗᬶᬂᬜᬮᬶ᭝[image]᭟ᬅᬓ᭄ᬱᬭᬵᬭᬶᬂᬤᬕᬶᬂᬜᬮᬶ᭝[image]᭟ᬅᬓ᭄ᬱᬭᬵᬭᬶᬂᬓᬸᬮᬶᬢ᭄ᬜᬮᬶ᭝[image]᭟ᬗ᭞ᬕᬸ
[᭒᭘ 28A]
ᬳᬸᬂ᭞᭓᭞ᬕ᭄ᬦᬶᬧ᭄ᬢᬓ᭄᭞ᬕᬸᬳᬸᬂ᭞᭒᭞ᬕ᭄ᬳᬶ᭞ᬪᬵᬂ᭞ᬕᬸ᭞᭑᭞ᬕ᭄ᬦᬶ᭞ᬭᬓ᭄ᬢ᭟᭜᭟ᬅᬓ᭄ᬱᬭᬵᬭᬶᬂᬮᬾᬗᬶᬂᬳᬶᬦ᭄ᬩᬦ᭄᭝[image]᭟ᬅᬓ᭄ᬱᬭᬵᬭᬶᬂᬤᬕᬶᬂᬳᬶᬦ᭄ᬩᬦ᭄᭝[image]᭟ᬅᬓ᭄ᬱᬭᬭᬶᬂᬓᬸᬮᬶᬢ᭄ᬳᬶ
ᬦ᭄ᬩᬦ᭄᭝[image]᭟ᬗ᭞ᬘᬦ᭄ᬤ᭄ᬭ᭞᭓᭞ᬕ᭄ᬦᬶᬢᬗᬶ᭞ᬘᬦ᭄ᬤ᭄ᬭ᭞᭒᭞ᬕ᭄ᬦᬶ᭞ᬧ᭄ᬢᬓ᭄᭞ᬘᬦ᭄ᬤ᭄ᬭ᭞᭑᭞ᬕ᭄ᬦᬶ᭞ᬕ᭄ᬦᬶᬇᬋᬂ᭞[image]ᬅᬓ᭄ᬱᬭᬵᬭᬶᬂᬮᬾᬗᬶᬂᬧᬧᬭᬸ᭝[image]᭟ᬅᬓ᭄ᬱᬭᬵᬭᬶᬂᬕᬶᬂᬧᬧᬭᬸ[image]
ᬅᬓ᭄ᬱᬭᬵᬭᬶᬂᬓᬸᬮᬶᬢ᭄ᬧᬧᬭᬸ[image]ᬗ᭞ᬘᬦ᭄ᬤ᭄ᬭ᭞᭓᭞ᬕ᭄ᬦᬶᬤᬤᬸ᭞ᬘᬦ᭄ᬤ᭄ᬭ᭞᭒᭞ᬕ᭄ᬦᬶ᭞ᬧ᭄ᬢᬓ᭄᭞ᬘᬦ᭄ᬤ᭄ᬭ᭞᭑᭞ᬕ᭄ᬦᬶ᭞ᬇᬋᬂ᭞ᬅᬓ᭄ᬱᬭᬵᬭᬶᬂᬮᬾᬗᬶᬂᬉᬗ᭄ᬲᬶ[image]ᬮᬦ᭄᭝[image]᭞ᬅᬓ᭄ᬱᬭᬭᬶᬂ
ᬤᬕᬶᬂᬉᬗ᭄ᬲᬶᬮᬦ᭄᭝ ᭟ᬅᬓ᭄ᬱᬭᬭᬶᬂᬓᬸᬮᬶᬢ᭄ᬉᬗ᭄ᬲᬶᬮᬦ᭄᭝ ᬗ᭞ᬘᬦ᭄ᬤ᭄ᬭ᭞᭓᭞ᬕ᭄ᬦᬶ᭞ᬓ᭄ᬯᬦ᭄ᬢ᭞ᬘᬦ᭄ᬤ᭄ᬭ᭞᭒᭞ᬕ᭄ᬦᬶ᭞ᬧ᭄ᬢᬓ᭄᭞ᬘᬦ᭄ᬤ᭄ᬭ᭞ᬕ᭄ᬦᬶ᭞ᬇᬋᬂ᭟ᬦ᭄ᬬᬦ᭄ᬭᬶᬂᬮᬶᬫ᭄ᬧᬵ᭞ [ 29 ][᭒᭘ 28B]
᭒᭘
ᬫᬅᬓ᭄ᬱᬭᬵᬧᬸᬧᬸᬢ᭄ᬭᬶᬂᬳᬶᬤᭂᬃᬦᬵᬯᬲᬗ᭄ᬳᬵ᭞ᬢᬦ᭄ᬧᬅᬓ᭄ᬱᬭᬵ᭞ᬢᬸᬗ᭄ᬕᬸᬄ᭞ᬓ᭄ᬭᬡᬳᬦᬲᬩ᭄ᬤᬵᬕᭀᬭ᭞ᬇᬓᬵᬓ᭄ᬭᬡᬚᬢ᭄ᬫᬦᬾᬩᬶᬱᬕ᭄ᬮᭂᬫ᭄᭞ᬳᬸᬮᬶᬤᬶᬮᬶᬫ᭄ᬧᬵ᭞ᬫᬯ᭄ᬢᬸᬕ᭄ᬭᬶᬂ᭟᭜᭟
ᬫᬮᬶᬄᬉᬗ᭄ᬕ᭄ᬯᬦᬶᬂᬅᬓ᭄ᬱᬭᬵᬳ᭄ᬬᬂᬰᬶᬯᬓᬺᬢ᭄ᬢᬶ᭞ᬢ᭄ᬓᬦᬶᬂᬰᬰᬡᬦᬶᬂᬓᬫᬦᬸᬱᬦ᭄᭞ᬰᬶᬯᬢᬶᬕ᭞ᬤᬤᬶ᭞᭔᭞ᬳᭂᬫ᭄ᬧᬢ᭄᭞ᬓ᭄ᬭᬡ᭞ᬗ᭞ᬰᬶᬯᬵᬓᬺᬢᬶ᭞ᬅᬓ᭄ᬱᬭᬦ᭄ᬬᬢᬦ᭄ᬧᬰ᭄ᬯᬭᬵ᭟ᬇᬓᬶᬯᬃᬡ᭄ᬦᬦ᭄ᬬ᭝
[Image]ᬲᬶᬯᬵ᭞ᬓᬚ᭞ᬗ᭞ᬳᬶᬓ᭄ᬮᬩ᭄᭞ᬭᬶᬂᬩᬸᬗ᭄ᬓᬳᬶᬂᬜᬮᬶ᭞ᬤᬤᬶᬩᬶᬱᬗᭀᬤ᭄ᬟᬬᬰᬵ᭞ᬓ᭄ᬭᬡᬳᭀᬩᬄ᭞ᬲᬤ᭄ᬟᬵᬰᬶᬯᬵᬓᬯᬸᬄ᭞ᬗ᭞ᬩᬸᬬᬸᬢ᭄᭞ᬩᬸᬗ᭄ᬓᬳᬶᬂᬩᬩᬳᬦ᭄ᬳᬸᬗ᭄ᬕ᭄ᬯᬦ᭄ᬬ᭞ᬓ᭄ᬭᬡᬯ᭄ᬢᬸᬇᬤᭂ
[Image]ᬧ᭄᭞ᬧᬜ᭄ᬘᬇᬦ᭄ᬤ᭄ᬭᬶᬬᬵ᭞[image]ᬧ᭄ᬭᬫᬰᬶᬯ᭞ᬗ᭞ᬲᬗ᭄ᬕᬄ᭞ᬓ᭄ᬮᭀᬤ᭄ᬭᬶᬂᬩᬸᬗ᭄ᬓᬳᬶᬂᬳᬢᬶ᭞ᬓ᭄ᬭᬡᬩᬶᬱᬇᬥᭂᬧᬾᬫᬩ᭄ᬬᬧᬭ᭞[image]ᬲᬸᬦ᭄ᬬᬰᬶᬯ᭞ᬗ᭞ᬯᬭᬾᬶ ᬓᬗᬶᬦᬭᬶᬩᬸᬗ᭄ᬓᬄᬧᬸᬧᬸᬲᬸᬄ
[᭒᭙ 29A]
᭟ᬇᬓᬵᬰᬸᬦ᭄ᬬᬰᬶᬯᬦᬾᬧᬹᬚᬶ᭞ᬤᬾᬧᬕᭂᬄ᭞ᬓᬂᬰᬭᬶᬭᬵ᭞ᬧ᭞ᬕ᭄ᬲᭂᬂᬧᬜ᭄ᬘᬦ᭄ᬤ᭄ᬭᬶᬬᬦ᭄ᬢ᭞ᬲᬶᬤ᭄ᬟᬵᬇᬥᭂᬧ᭄ᬢ᭞ᬫᬸᬚᬶᬲᬯᬶᬚᬶ᭞ᬬᬦ᭄ᬢᬦ᭄ᬲᬫᬗ᭄ᬓᬦᬵ᭞ᬳᭀᬩᬄᬲᬫᬥᬶᬢᬧᬵᬬᭀᬕ᭄ᬖ᭞ᬫᬧᬦ᭄ᬰᬶᬯᬵ
ᬢᬶᬕᬦᬾ᭞ᬩᬾᬤ᭄ᬟᬵᬲᬓᭀᬢᬶᬓᭀᬢᬶ᭞ᬓ᭄ᬭᬡᬳᬭᬂᬯᭀᬂᬧᬕᭂᬄᬢ᭄ᬓᬾᬂᬢᬧᬬᭀᬕ᭄ᬖ᭞ᬫ᭄ᬯᬄᬩ᭄ᬭᬢ᭄ᬣᬵᬬᬦ᭄ᬧᬕᭂᬄᬳᬢᬧᬵ᭞ᬮᬶᬦᬸᬕ᭄ᬭᬳᬵᬤᬾᬦᬶᬂᬯᬵᬓᬺᬢᬶ᭞ᬤᬳᬢ᭄ᬰᬓ᭄ᬢᬶ᭞ᬇᬓᬶᬅᬓ᭄ᬱᬭᬵᬭᬶᬂᬕᬶᬤᬢ᭄᭝
[image]ᬢ᭄ᬫᬳᬦᬾᬯᭀᬂᬲᬤ᭄ᬬ᭞ᬓᬫ᭄ᬭᬘᬧᬥ᭞ᬤᬾᬯᬢᬦ᭄ᬬ᭞ᬲᬗ᭄ᬳ᭄ᬬᬂᬕᬸᬭᬸ᭞ᬗᬫᬺᬢᬦᬶᬦ᭄ᬲᬓᬶᬂᬢᬗᬦ᭄᭞ᬇᬓᬶᬅᬓ᭄ᬱᬭᬭᬶᬂᬘᬦ᭄ᬢᬶᬓ᭄ᬩᬸᬓᬸᬦ᭄ᬓᬓᬸᬮᬸᬗᬦ᭄᭞ ᬧᬗ᭄ᬫᬶᬢ᭄ᬲᬤ᭄ᬟᬵᬭᬱ᭞ᬇᬓᬶᬅᬓ᭄ᬱᬭᬵᬭᬶᬂ
[Image]ᬢ᭄ᬮᭂᬗᬶᬂᬮᬶᬤᬄ ᬇᬓᬶᬗᬸᬦ᭄ᬢᭂᬗᬶᬦ᭄ᬓ᭄ᬭᬡᬉᬭᬶᬧ᭄ᬕ᭄ᬦᬶᬫᬦ᭄ᬤᬶᬮᬄ᭞ᬤᬤᬶ᭠ᬳᭂᬦ᭄ᬤ᭄ᬭᬶᬫᬸᬭᬸᬩ᭄᭟᭜᭟ [ 30 ][᭒᭙ 29B]
᭒᭙
ᬇᬓᬶᬅᬓ᭄ᬱᬭᬭᬶᬂᬲᭀᬘ᭄ᬘᬵ ᬓᬶᬯᬢ᭄ᬗᭂᬦ᭄᭞ᬲᬗ᭄ᬳ᭄ᬬᬂᬬᬫᬤᬾᬯᬢᬦ᭄ᬬ᭟᭚ᬇᬓᬶ᭠ᬢ᭄ᬕᭂᬲᬶᬂᬤᬾᬯᬵᬮᬯᬦ᭄ᬅᬓ᭄ᬱᬭᬵ᭞ᬤ᭄ᬬᬧᬶᬦ᭄ᬯ᭄ᬭᬸᬄᬭᬶᬂᬢᬢ᭄ᬯᬦ᭄ᬬᬓᬩᬾᬄ᭞ᬮ᭄ᬬᬦ᭄ᬭᬶᬂᬚᬚ᭄ᬭᭀᬯᬦ᭄᭞ᬦᭀᬭᬧᬸ
ᬢᬸᬲ᭄ᬯ᭄ᬯᬂᬫᬗ᭄ᬓᬦ᭞ᬤ᭄ᬬᬧᬶᬦ᭄ᬦᭀ ᬭᬵᬯ᭄ᬭᬸᬄᬭᬶᬂᬓᬢᬢ᭄ᬯᬦ᭄ᬬᬓᬩᬾᬄ᭞ᬯ᭄ᬭᬶᬸᬯᬸᬲ᭄ᬯ᭄ᬭᬸᬄᬭᬶᬂᬤᬕᬶᬂᬚᬚ᭄ᬭᭀᬯᬦ᭄ᬲᬦᬾ᭞᭙᭞ᬅᬓ᭄ᬱᬭᬵᬢ᭄ᬓᬾᬤᬾᬯᬝᬦ᭄ᬬᬭᬶᬂᬚᬚ᭄ᬭᭀᬯᬦ᭄᭞᭕᭞ᬅᬓ᭄ᬱᬭᬢ᭄ᬓᬾᬂᬤᬾᬯᬵ
ᬢᬦ᭄ᬬ᭞ᬚᬚ᭄ᬭᭀᬯᬦ᭄᭞᭓ᬅᬓ᭄ᬱᬭᬢ᭄ᬓᬾᬂ᭞ᬤᬾᬯᬢᬦ᭄ᬦ᭄ᬬ᭞ᬭᬶᬂᬚᬚ᭄ᬭᭀᬯᬦ᭄᭞᭑᭞ᬅᬓ᭄ᬱᬭᬵᬢ᭄ᬓᬾᬂᬤᬾᬯᬢᬦ᭄ᬬ᭞ᬇᬓᬓ᭄ᬭᬡᬦᬶᬂᬯᭀᬂᬧᬸᬢᬸᬲ᭄ᬕᬸᬡᬵ᭞ᬰᬲ᭄ᬢ᭄ᬭ᭞ᬳᬸᬦᬶᬂᬭᬶᬂᬳᬮᬮᬯᬦ᭄ᬳᬬᬸ᭞ᬗᬸᬦ᭄ᬤᬸ
ᬓᬂᬧᬲᬂ᭞ᬯᬶᬲᬫᬶᬦ᭄ᬢ᭄ᬬᬂᬲᬦᬾᬲᬫ᭄ᬩᭂᬄ᭞ᬫ᭄ᬲᭂᬮ᭄ᬲᬦᬾᬫᬧᬶᬦ᭄ᬢᬶ᭞ᬫ᭄ᬕᬄᬢ᭄ᬲᬦᬾᬫᬧᭂᬲᭂᬮ᭄᭞ᬜ᭄ᬩᭂᬂᬳᬂᬲᬦᬾᬫᬧᬶᬦ᭄ᬢᬶ᭞ᬫ᭄ᬲᬸᬫᬸᬮᬶᬳᬂᬓᬡ᭄ᬟᬶᬧᬢ᭄᭟ᬓ᭄ᬦᭂᬄᬘᬶᬢᬵ᭞ᬫᬦᬄ᭞ᬩᬸᬤᬶ᭞ᬇᬓᬦᬾᬓᬢᭀ
[᭓᭐ 30A]
ᬦ᭄᭞᭓᭞ᬤᬤᬶᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬇᬓᬦᬾᬓ᭄ᬭᬡᬳᬤᬅᬓ᭄ᬱᬭᬢᬦ᭄ᬧᬰ᭄ᬯᬭᬵ᭞ᬇᬓᬦᬾᬤᬤᬶᬰᬵᬲ᭄ᬢ᭄ᬭᬭᬶᬂᬧᬦᭀᬦ᭄᭞ᬢᬦ᭄ᬫᬶᬮᬸᬭᬶᬂᬧᬦᭀᬦ᭄᭞ᬗ᭄ᬳᬶᬂᬳᬭᬂᬯ᭄ᬯᬂᬯ᭄ᬭᬸᬄᬭᬶᬂᬰ᭄ᬭᬸᬢᬶᬦ᭄ᬅᬓ᭄ᬱᬭᬵ
ᬦᬾᬲᬫᬶ᭞ᬲᬓᬢᬾᬦ᭄ᬢᬦ᭄ᬓᬢᭀᬦ᭄᭞ᬅᬓ᭄ᬱᬭᬦᬾᬤᬶᬩ᭄ᬬᬘᬓ᭄ᬱᬸ᭞ᬤᬤ᭄ᬬᬰᬹᬦ᭄ᬬ᭞ᬳᬦ᭞ᬳᬶᬓ᭞ᬦᬾᬮᬸᬳᬸᬂ᭞ᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬓᬤ᭄ᬬᬗ᭄ᬕᬦᬶᬂᬯ᭄ᬯᬂᬳᬗᬶᬧᬶ᭞ᬗᬢ᭄ᬧᬂᬕᬸᬫᬶᬮᬗᬶᬢᬾ᭞ᬗ᭞
ᬤᬾᬯᬾᬓ᭄᭞ᬤᬤᬶᬤᬾᬯᬵ᭞ᬲᬶᬤ᭄ᬟᬫᬭᬕᬯᬶᬤ᭄ᬟᬶ᭞ᬲᬸᬓᬲᬸᬕᬶᬄᬤᬾᬦᬶᬂᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬳᬬ᭄ᬯᬓᬾᬄᬯᬶᬦᬶᬮᬂ᭞ᬢ᭄ᬮᬲ᭄᭟᭜᭟ᬦᬶᬳᬦ᭄ᬓᬢ᭄ᬯᬦᬶᬕᬸᬡᬵᬮ᭄ᬯᬶᬄ᭞ᬗ᭞ᬳ᭄ᬬᬂᬯᬶᬱ᭄ᬡᬸ
ᬧᬸᬢᬸᬲ᭄᭞ᬜᬸᬲᬸᬧ᭄ᬭᬶᬂᬳᬶᬦ᭄ᬩᬦ᭄᭞ᬗ᭄ᬭᬓ᭄ᬱᬸᬓ᭄᭞ᬳ᭄ᬬᬂᬫᬬᬦᬫ᭄᭞ᬤᬤᬶᬕᬸᬡᬵᬰᬓ᭄ᬢᬶ᭞ᬳᬧᬓᬭᬡᬦᬶᬂᬳ᭄ᬬᬂᬫᬬᬦᬫ᭄᭞ᬮ᭄ᬬᬦ᭄ᬭᬶᬂᬚᬢ᭄ᬫᬶᬓᬦᬶᬭᬳ᭄ᬬᬂᬯᬶᬱ᭄ᬡᬸ᭞ᬦᭀᬭᬲᬶᬤ᭄ᬟᬫᬲᬭᬶᬭ᭞ᬓ [ 31 ][᭓᭐ 30B]
᭓᭐
ᬲᭂᬫ᭄ᬩᬭᬸ᭞ᬜᬶᬤᬬᬂᬫᬮᬶᬗ᭄ᬲᬾ᭞ᬤᬤᬶᬳᬦᬓ᭄ᬮᬸᬄ᭞ᬳᬶᬤᬳ᭄ᬬᬂᬯᬶᬱ᭄ᬡᬸ᭞ᬫᬩ᭄ᬮᬲ᭄ᬭᬕᬦᬤᬤᬶ᭞᭖᭞ᬇᬓ᭞ᬗ᭞ᬫᬵᬃᬫ᭄ᬫᬬ᭞ᬫᬮᬶᬗ᭄ᬲᬾᬤᬤᭀᬲ᭄᭞᭖᭞ᬮᬦᬂᬇᬲ᭄ᬢ᭄ᬭᬶ᭞ᬲᬫᬶᬫᬸᬗ᭄ᬕᬸᬄᬭᬶᬂᬳᬶᬦ᭄ᬩᬦ᭄᭞ᬓᬮᬶᬗ᭄ᬕᬦ᭄ᬬ᭞᭠
ᬳ᭄ᬬᬂᬲ᭄ᬫᬵᬭᬭᬶᬂᬳᭀᬢᭀᬢ᭄ᬳᬶᬦ᭄ᬩᬦ᭄᭞ᬳ᭄ᬬᬂᬭᬢᬶᬄᬭᬶᬂᬓᬯᬢ᭄ᬳᬶᬦ᭄ᬩᬦ᭄᭞ᬳᬶᬥᭂᬧ᭄ᬳ᭄ᬬᬂᬲ᭄ᬫᬭᬫ᭄ᬢᬸ᭞ᬫᬸᬗ᭄ᬕᬸᬄᬭᬶᬂᬲᭀᬘ᭄ᬘᬵᬢ᭄ᬗᭂᬦ᭄᭞ᬳ᭄ᬬᬂᬭᬢᬶᬄᬇᬥᭂᬧ᭄ᬫᭂᬢᬸᬭᬶᬂᬢ᭄ᬭᬸᬲ᭄ᬫᬸᬗ᭄ᬕᬸᬄᬭᬶᬂᬲᭀᬘᬦᬾᬯᭀᬂᬲᬶᬦᬤ᭄ᬬᬦ᭄᭞ᬦᬾᬭᬶᬂᬓᬶᬯᬵ᭠
᭞ᬭᬭᬶᬢᬸᬗ᭄ᬕᬮᬂ᭞ᬇᬥᭂᬧ᭄ᬯᭀᬂᬲᬶᬦᬤ᭄ᬬᬦ᭄᭞ᬓᬶᬦᬦ᭄ᬢᬶᬲ᭄ᬭᬶᬲᬭᬶᬭᬦ᭄ᬢᬵᬦᬶᬸᬕᬶᬦᬯᬵᬫᬦ᭄ᬢᬸᬓ᭄᭟᭜᭟ᬫᬮᬶᬄᬲᬗ᭄ᬳᬃᬚ᭄ᬚᬸᬦᬵ᭞ᬫᬸᬗ᭄ᬕᬸᬄ᭞ᬭᬶᬂᬩᬸᬗ᭄ᬓᬄᬇᬦ᭄ᬩᬦ᭄᭞ᬇᬥᭂᬧ᭄ᬫ᭄ᬢᬸᬫᬸᬗ᭄ᬕᬸᬄᬭᬶᬂᬳᬩ᭄ᬩᬗᬶᬂᬲᭀᬘᬢ᭄ᬗᭂᬦ᭄᭞ᬦᬶᬰᬹᬧ᭄ᬭ
ᬪᬵ᭞ᬇᬤᭂᬧ᭄ᬫ᭄ᬢᬸᬢ᭄ᬭᬸᬲ᭄ᬭᬶᬂᬲᭀᬘ᭄ᬘᬵᬓᬶᬯᬵᬦᬾᬯᭀᬂᬲᬶᬦᬤ᭄ᬬᬦ᭄᭞ᬭᬭᬶᬲ᭄ᬳᬶᬥᭂᬧ᭄ᬯᭀᬂᬲᬶᬦᬤ᭄ᬬᬦ᭄ᬦᬸᬭᭀᬚᭀᬕ᭄᭞ᬓᬸᬫᬺᬩ᭄ᬭᬶᬂᬧᬗ᭄ᬓᭀᬦ᭄ᬢᬵ᭞ᬗᬲᬶᬳᬲᬶᬄ᭞ᬗ᭄ᬢᬾᬮᬂᬤ᭄ᬯᬶᬦᬾᬢᬺ᭞ᬕᬶᬦᬯᬵᬫᬦ᭄ᬢᬸᬓ᭄
[᭓᭑ 31A]
᭞ᬭᬶᬂᬧᬢᬸᬭᭀᬦ᭄᭞ᬳᬲᬶᬳᬶᬦ᭄ᬲᬓᬯ᭄ᬭᬸᬳᬦ᭄ᬢ᭟᭜᭟ᬫᬮᬶᬄᬳᬶᬧᬜ᭄ᬚᬶᬫᬸᬗ᭄ᬕᬸᬄᬭᬶᬢᬗ᭄ᬕᬸᬦ᭄ᬳᬶᬦ᭄ᬩᬦ᭄ᬓᬶᬯᬵ᭞ᬇᬥᭂᬧ᭄ᬫ᭄ᬢᬸᬭᬶᬂᬢᬸᬂᬢᬸᬂᬧᬦᭀᬦ᭄ᬢᬭᬶᬂᬢ᭄ᬗᭂᬦ᭄᭞ᬦᬶᬭᬗ᭄ᬓᬾᬲᬭᬶ᭞ᬫᬸᬗ᭄ᬕᬸᬄᬭᬶᬂᬳᬶᬦ᭄ᬩᬦ᭄ᬢᭂᬗᭂᬦ᭄᭞ᬇ
ᬥᭂᬧ᭄ᬢ᭄ᬭᬸᬲ᭄ᬫ᭄ᬢᬸᬭᬶᬂᬲᭀᬘ᭄ᬘᬵᬓᬶᬯᬵ᭞ᬢ᭄ᬭᬸᬲ᭄ᬫᬸᬗ᭄ᬕᬸᬄᬭᬶᬂᬲᭀᬘᬓᬶᬯᬦᬾᬯᭀᬂᬲᬶᬦᬤ᭄ᬬᬦ᭄᭞ᬇᬥᭂᬧ᭄ᬤᬢᭂᬂᬯᭀᬂᬲᬶᬦᬤ᭄ᬬᬦ᭄᭞ᬦᬫ᭄ᬩᬸᬢ᭄ᬳᬱ᭄ᬝᬦ᭄ᬢᬵᬢ᭄ᬗᭂᬦ᭄᭞ᬦ᭄ᬭᬾᬩᬾᬲ᭄ᬢᭀᬬᬦᬾᬢ᭄ᬭᬦ᭄ᬬ᭞ᬫ᭄ᬮᬸᬲᬂᬯᬲ᭄ᬢ᭄ᬭ᭞
ᬢᬸᬃᬳ᭄ᬬᬫᬜᬶᬢ᭄ᬲᬶᬢ᭄ᬤᭀᬤᭀᬢ᭄᭞ᬭᬭᬶᬲ᭄ᬕᬶᬦᬯᬫᬦ᭄ᬢᬸᬓ᭄᭞ᬯᬸᬲ᭄ᬤᬢᭂᬂᬳᬶᬥᭂᬧ᭄ᬯᭀᬂᬲᬶᬦᬤ᭄ᬬᬦ᭄ᬩᬶᬦᬱ᭄ᬝᬵᬭᬶᬂᬰᬲᬓᬦᬶᬂᬳᬸᬫᬄ᭞ᬤᬾᬦᬶᬂᬲᬭᬶᬭᬦ᭄ᬢ᭞ᬗ᭞ᬇᬓᬕᬸᬡᬧᬗᬶᬯᬳᬦ᭄᭞ᬓᬢᭀᬦ᭄ᬮᬸᬳᬸᬂ᭞᭠
ᬦᬾᬫ᭄ᬮᬄ᭞ᬕᬸᬦᬧᬗᬦᬾ᭞ᬭᬾᬄᬦ᭄ᬬᬫᬲᬶᬤᬓᭂᬧ᭄᭞ᬭᬶᬂᬓᬢ᭄ᬫᬸᬲᬶᬦᬤ᭄ᬬᬦ᭄ᬢᬵ᭞ᬫᬢᬶ᭠ᬢᬶᬲ᭄ᬢᬸᬂᬢᬸᬗᬶᬂᬕ᭄ᬭᬡ᭞ᬤᬾᬦ᭄ᬢᭂᬧᭂᬢ᭄ᬧᬕᭂᬄᬤᬾᬦ᭄ᬢᬗᬶᬥᭂᬧ᭄᭞ᬬᬦ᭄ᬤᬸᬭᬸᬂᬧᬸᬧᬸᬢ᭄ᬳᬶᬗᬶᬥᭂᬧ᭄᭞ᬳᬬ᭄ᬯᬲᬶᬗ᭄ᬲᬮ᭄ᬳᬶᬥᭂ [ 32 ][᭓᭑ 31B]
᭓᭑
ᬧ᭄᭞ᬳᬬ᭄ᬯᬓᬸᬫ᭄ᬟᭂᬧ᭄᭞ᬢ᭄ᬮᬲ᭄᭟᭜᭟ᬬᬦ᭄ᬳᬋᬧ᭄ᬳᬤ᭄ᬭᬸᬯᬾᬧᬸᬢᬺ᭞ᬓᬾᬥᭂᬧᬦᬶᬂᬗᬢᬶ᭞ᬳᬬ᭄ᬯᬜᬮᬄᬧᬭᬳᬓ᭄ᬭᬫᬭᬶᬂᬭᬩᬶ᭞ᬗ᭞ᬤᬶᬦᬵ᭞᭔᭞ᬓ᭄ᬯᬱᬵ᭞ᬘ᭞ᬩᬸ᭞ᬯᬺ᭞ᬰᬸ᭞ᬩᬸᬦ᭄ᬢᬭᬧᬾᬓᬶᬦᬲᬶ
ᬳᬦ᭄ᬤᬾᬦᬶᬂᬯᭀᬂᬓᬩᬾᬄ᭞ᬳᬦᬸᬢ᭄ᬢᬗ᭄ᬕᬮ᭄ᬫᬶᬯᬄᬧᬗ᭄ᬮᭀᬂ᭞ᬗ᭞ᬢᬂ᭞᭑᭞᭕᭞᭗᭞᭑᭐᭞᭑᭓᭞ᬬᬦ᭄ᬭᬶᬂᬧᬗ᭄ᬮᭀᬂ᭞᭓᭞᭙᭞᭑᭑᭞᭑᭔᭞᭘᭞᭑᭕᭞᭙᭞ᬯᬶᬘᬓ᭄ᬱᬡᬳᬦᬓ᭄ᬢᬭᬶᬗᬚᬶ᭞ᬩᬓ᭄ᬢᬶᬭᬶ
ᬫᬾᬫᬾᬩᬧ᭞ᬤᬺᬫᬦ᭄ᬳᬲᬲᬦᬓ᭄᭞ᬓᬶᬦᬲᬶᬳᬦ᭄ᬤᬾᬦᬶᬂᬭᬵᬢᬸ᭟᭜᭟ᬇᬓᬶᬧᬦᬸᬕ᭄ᬭᬳᬵ᭞ᬮᬫᬓᬦᬾᬦᭀᬭᬲᭂᬗ᭄ᬓᬮᬵᬲᬮ᭄ᬯᬶᬭᬶᬂᬯᬶᬦᬗᬸᬦ᭄᭟ᬬᬦ᭄ᬧᬦᬸᬕ᭄ᬭᬳᬦ᭄ᬳ᭄ᬬᬂᬓᬯᬶᬰ᭄ᬯᬭᬵ᭠
ᬰ᭞ᬲ᭄ᬕᭂ᭞᭓᭞ᬓ᭄ᬧᭂᬮ᭄᭞ᬭᬶᬂᬭᬳᬶᬦᬵ᭞ᬭ᭞ᬉ᭞ᬧᬲᬗᬦᬵ᭞ᬦᬶᬦ᭄ᬤᬶᬄ᭞᭕᭞ᬭᬳᬶᬦᬵ᭞ᬫ᭞ᬧᬸᬓᬸᬮᬸᬦ᭄ᬲᬗ᭄ᬳ᭄ᬬᬂᬓᬯᬶᬰ᭄ᬯᬭᬵᬰᬵᬲ᭄ᬢ᭄ᬭ᭞ᬳᬜᬸᬲᬸᬧ᭄ᬭᬶᬂᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬯ᭄ᬦᬂᬕᬦᬮ᭄
[᭓᭒ 32A]
ᬯ᭄ᬦᬂᬳᬮᬶᬢ᭄᭞ᬯ᭄ᬦᬂᬲᭀᬃ᭞ᬯ᭄ᬦᬂᬮᬸᬳᬸᬃ᭞ᬮᬭᬲ᭄ᬓᬸᬢᬦ᭄ᬳᬮ᭄ᬧᬬ᭞ᬳᬗᬯᬾᬢᬦ᭄ᬕᬶᬦᬯᬾ᭞ᬒᬁᬓᬯᬶᬰ᭄ᬯᬭᬵᬰᬹᬤ᭄ᬟᬵᬬᬦᬫᬰ᭄ᬯᬳᬵ᭟᭜᭟ᬧᬦᬸᬕ᭄ᬭᬳᬦ᭄ᬳ᭄ᬬᬂᬕᬸᬭᬸᬭᬾᬓ᭞ᬗ᭞ᬭᬶᬂᬓᬮᬶᬯᭀᬦ᭄ᬧᬲ
ᬗᬦ᭞ᬰ᭞ᬲᬭᬶᬦ᭄ᬘᭂᬫ᭄ᬧᬓᬵ᭞ᬫ᭞ᬧᬸᬓᬸᬮᬸᬦ᭄ᬲᬗ᭄ᬳ᭄ᬬᬂᬕᬸᬭᬸᬭᬾᬓ᭞ᬫᬗ᭄ᬭᬾᬓᬲᭀᬮᬄ᭞ᬫᬗ᭄ᬭᬾᬓᬳᬬᬸᬰᬹᬤ᭄ᬟᬬᬦᬫᬄ᭞ᬫᬁᬉᬁᬫᬁ᭟᭜᭟ᬧᬦᬕ᭄ᬭᬳᬦ᭄ᬳ᭄ᬬᬂᬰᬭᬰ᭄ᬯᬢᬶ᭞ᬗ᭞ᬭᬶᬂᬧᬳᬶᬂᬧᬲᬗᬦ
᭞ᬰ᭞ᬲᬶᬲᬶᬕ᭄ᬩᬬᭂᬫ᭄᭞ᬗ᭞ᬳᬗ᭄ᬕᬶᬦᬫᬧ᭄ᬭᬤᭂᬂ᭞ᬫ᭞ᬲᬶᬲᬶᬕ᭄ᬓᬸ᭞ᬲᬗ᭄ᬳ᭄ᬬᬂᬫᬾᬗᭂᬢ᭄᭞ᬲᭀᬮᬄᬓᬸᬲᬗ᭄ᬳ᭄ᬬᬂᬫᬦ᭄ᬤᬶᬲᬶᬤ᭄ᬟᬶ᭞ᬲᬩ᭄ᬤᬦ᭄ᬓᬸᬰᬵᬲ᭄ᬢ᭄ᬭᬲᬭᭀᬢᬫᬵ᭞ᬫᬾᬗᭂᬢ᭄ᬳᬢᬸᬭᬸ᭞ᬫᬾᬗᭂᬢ᭄ᬳᬢᬗᬶ
᭞ᬫᬾᬗᭂᬢ᭄ᬫᬘᬭᬶᬢᬵ᭞ᬰᬭᬰ᭄ᬯᬢᬶᬭᬶᬂᬮᬶᬤᬄᬓᬸ᭞ᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭᬭᬶᬂᬲᬸᬓᬸᬦ᭄ᬓᬸ᭞ᬲᬗ᭄ᬳ᭄ᬬᬂᬦᬶᬃᬫᬫ᭄ᬫᬮᬵᬭᬶᬂᬢᬗᬦ᭄ᬓᬸ᭞ᬲᬗ᭄ᬳ᭄ᬬᬂᬒᬁᬓᬭᬇᬲᭂᬧ᭄᭞ᬯ᭄ᬦᬂᬲᬲᭀᬮᬄᬓ᭄ᬭᬫᬦᬶᬗ᭄ᬲᬸᬦ᭄᭞ᬒᬁᬅᬃᬤ᭄ᬟ᭞ᬘᬦ᭄ᬟ᭄ᬭᬵ [ 33 ][᭓᭒ 32B]
᭓᭒
ᬯᬶᬦ᭄ᬟᬸ᭞ᬦᬵᬤ᭄ᬟ᭞ᬬᬦᬫᬄ᭞ᬒᬁᬧᬭᬶᬰᬸᬤ᭄ᬟᬬᬦᬫᬼᬲ᭄ᬯᬳᬵ᭟ᬧ᭞ᬳᬾᬗ᭄ᬕᬮ᭄ᬧ᭄ᬭᬚ᭄ᬜᬦ᭄ᬭᬶᬂᬢᬢ᭄ᬯᬘᬭᬶᬢᬵ᭞ᬧᬸᬢᬸᬲᬶᬂᬳᬚᬶᬍᬯᬶᬄ᭞ᬳᬾᬮᬶᬗᬓ᭄ᬦᬵᬳᬸᬗ᭄ᬕ᭄ᬯᬦᬶᬭᬲᬂᬳ᭄ᬬᬂᬢᬶᬕᬵ᭞ᬳ᭄ᬬᬂᬓᬯᬶᬰ᭄ᬯᬭᬵᬭᬶᬢᬸᬂ
ᬢᬸᬗᬶᬂᬧᬸᬧᬸᬲᬸᬄ᭞ᬳ᭄ᬬᬂᬕᬸᬭᬸᬭᬾᬓᬭᬶᬂᬳᬢᬶᬧᬸᬢᬶᬄ᭞ᬗ᭞ᬧᬸᬢᬶᬄᬢᬶᬗ᭄ᬳᬮᬾ᭞ᬳ᭄ᬬᬂᬰᬭᬰ᭄ᬯᬢᬶ᭠ᬭᬶᬂᬜᬮᬶ᭞ᬇᬓᬭᬗ᭄ᬲᬸᬓᬦᬵᬭᬸᬫᬸᬳᬸᬦ᭄᭞ᬧ᭞ᬕᬶᬦ᭞ᬲᬶᬤ᭄ᬟᬶ᭞ᬢᬦ᭄ᬓᬧᬶᬗ᭄ᬕᬶᬗᬦ᭄ᬤᬾᬦᬶᬂᬰᬲ᭄ᬢ᭄ᬭᬵ᭞ᬓᬯᬱ
᭞ᬢᬶᬃᬢ᭄ᬢᬳᬶᬦ᭄ᬲᬧᬳᬦᬓ᭄ᬓᬸᬋᬦ᭄ᬢᬵ᭞ᬧᬭᬶᬲᬓ᭄ᬱᬢ᭄ᬮᬸᬓᬢ᭄ᬳᬦᬓ᭄ᬱᬭᬦᬾᬭᬶᬂᬳᬗ᭄ᬕᬦ᭄ᬬ᭞ᬧ᭞ᬤᭀᬄᬮᬭᬯᬶᬖ᭄ᬦᬵ᭞ᬭᬶᬂᬭᬭᬾᬦ᭄ᬬ᭞ᬢ᭄ᬮᬲ᭄᭟᭜᭟ᬇᬓᬶᬧᬗᭀᬤᬮ᭄ᬰᬵᬲ᭄ᬢ᭄ᬭ᭞ᬧ᭞ᬲᬗ᭄ᬕᬦᬭᬶᬂᬭᬳᬶ
ᬦᬵ᭞ᬲ᭞ᬉ᭞ᬯᬭᬢᬸᬢᬸᬦᬸ᭞ᬩᬦ᭄ᬢᭂᬦ᭄ᬬᬘᬦᬂᬫᬲᭀᬭᭀᬳᬦ᭄᭞᭔᭞ᬢᬦ᭄ᬤᬶᬂ᭞ᬲ᭄ᬓᬵᬃᬦ᭄ᬬᬘᬢᬹᬃᬯᬃᬡ᭄ᬦᬵ᭞ᬧᬸᬢᬶᬄ᭞ᬓᬗᬶᬦ᭄᭞ᬩᬂ᭞ᬓ᭄ᬮᭀᬤ᭄᭞ᬓᬸᬦᬶᬂᬓᬯᬸᬄ᭞ᬇᬋᬂᬓᬚᬵ᭞ᬫᬓᬧᬢ᭄ᬧ
[᭓᭓ 33A]
ᬢ᭄ᬫᬋᬧ᭄ᬓᬫᬤ᭄ᬬ᭞ᬫᬤᬲᬃᬲᬕᬶᬕ᭄ᬟᬾ᭞ᬩ᭄ᬭᬲ᭄᭞᭑᭞ᬳᬃᬢ᭄ᬣᬵ᭞᭑᭗᭐᭐᭞ᬲᬕ᭄ᬦᭂᬧ᭄ᬦ᭄ᬬ᭞ᬳᬾᬜ᭄ᬚᬂᬦ᭄ᬬ᭞ᬭᬭᬶᬲ᭄ᬗᬸᬜ᭄ᬘᬮ᭄᭞ᬩ᭄ᬭᬲ᭄ᬦ᭄ᬬᬭᬢᭂᬗᬶᬦ᭄᭞ᬯᬾᬳᬶᬦ᭄ᬳᬦᬓ᭄ᬱᬧᭂᬓᬸᬋᬧᬦ᭄ᬢᬵ᭞ᬫᭂᬩᬾᬢᬮᬸᬄ᭞ᬲᬫ᭄ᬩᭂ
ᬮ᭄ᬩᬯᬂᬚᬳᬾ᭞ᬢᬶᬃᬢ᭄ᬢᬳᬶᬦ᭄ᬲᬧᬢᬸᬢ᭄ᬳᬶᬧᬸᬦ᭄᭞ᬮᬸᬳᬸᬦ᭄ᬩᬦ᭄ᬢᭂᬦᬾᬓᬸᬢᬂᬓᬢᬸᬓᬤ᭄᭞ᬧ᭞ᬭᬳᬬᬸᬲᬧᬭᬶᬲᭂᬦ᭄ᬢᬦᬦ᭄ᬬ᭞ᬩᬓ᭄ᬢᬶᬳᬰᬶᬄᬫᬕᬸᬭᬸ᭞ᬭᬶᬂᬲᬶᬭᬵ᭞ᬫ᭞ᬧᬸᬓᬸᬮᬸᬦ᭄ᬲᬗ᭄ᬳ᭄ᬬᬂᬯᬵᬤᬶᬢ᭄ᬬ᭞ᬲ
ᬗ᭄ᬳ᭄ᬬᬂᬰᬰᬗ᭄ᬓᬵ᭞ᬲᬗ᭄ᬳ᭄ᬬᬂᬮᬶᬦ᭄ᬢᬂᬢ᭄ᬭᬗ᭄ᬕᬡᬵ᭞ᬫᬵᬦᬸᬱᬦᬶᬭᬳᬜᬮᬸᬓ᭄ᬢᬶᬃᬢ᭄ᬢᬵᬳ᭄ᬦᬶᬂ᭞ᬲᬗ᭄ᬳ᭄ᬬᬂᬧᬸᬱ᭄ᬝᬓᬚᬢᬶ᭞ᬭᬳᬬᬸᬲᬗ᭄ᬳ᭄ᬬᬂᬰᬭᬵᬰ᭄ᬯᬢᬶ᭞ᬤᬃᬫ᭄ᬫᬵᬤᬤᭀᬲ᭄ᬲᬹᬓ᭄ᬱ᭄ᬫᬵ᭞ᬒᬁᬧᬭᬶᬧᬹᬃᬡ᭄ᬦᬵᬦᬫᬬᬂᬦᬫ
ᬰ᭄ᬯᬳᬵ᭞ᬬᬫ᭄᭞᭑᭑᭞ᬢ᭄ᬮᬲ᭄᭟᭜᭟ᬇᬢᬶᬫᬃᬕ᭄ᬕᬳᬮᬵ᭞ᬲᬮ᭄ᬯᬶᬭᬦᬶᬂᬕᬸᬡᬵᬓᬂᬕᬶᬦᬯᬾᬤᬾᬦᬶᬂᬰᬭᬰ᭄ᬯᬢᬶ᭞ᬤᬶᬦᬢᬦ᭄ᬓᬯᬱ᭞ᬮᬸᬗ᭄ᬳᬵ᭞ᬗ᭞ᬭ᭞ᬓ᭞ᬘ᭞ᬓ᭞ᬩᬸ᭞ᬧ᭞ᬮ᭄ᬬᬦ᭄ᬳᬶ [ 34 ][᭓᭓ 33B]
᭓᭓
ᬓᬓ᭄ᬯᬱ᭞ᬫᬧᬦ᭄ᬧ᭄ᬭᬪᬹᬤᬱᬭᬢ᭄ᬣ᭞ᬓᬦ᭄ᬢᬸᬦ᭄ᬫᬬᭀᬕ᭄ᬕᬭᬶᬂᬚ᭄ᬭᭀᬦᬶᬂᬰᬭᬶᬭᬵ᭟᭜᭟ᬬᬦ᭄ᬫᬵᬃᬕ᭄ᬕᬍᬯᬶᬄ᭞ᬩ᭞ᬅ᭞ᬉ᭞ᬗᬚᬓᬗᬶᬦᬂᬳᬬᬸ᭞ᬫᬃᬕ᭄ᬕᬦ᭄ᬩᬶᬦ᭄ᬢᬂᬢ᭄ᬭᬗ᭄ᬕᬡᬵ᭞ᬲ᭞ᬧ᭞ᬲᬸ᭞ᬧ᭟ᬫᬃᬕ᭄ᬕᬦ᭄ᬕᬸᬍ
ᬫ᭄᭞ᬩ᭄ᬮᭀᬤ᭄ᬓᬯᬸᬳᬂᬳᬬᬸ᭞ᬯᬺ᭞ᬉ᭞ᬫᬵᬃᬕ᭄ᬕᬦ᭄ᬲᬹᬃᬬ᭄ᬬ᭞ᬗᬗᬶᬦᬂᬳᬬᬸ᭞ᬋ᭞ᬯ᭞ᬫᬵᬃᬕ᭄ᬕᬦ᭄ᬩᬜᬸ᭞ᬗᬚᬓᬯᬸᬳᬂᬳᬬᬸ᭞ᬅ᭞ᬓ᭞ᬫᬃᬕ᭄ᬕᬦ᭄ᬕ᭄ᬦᬶ᭞ᬗ᭄ᬮᭀᬤᬂᬳᬬᬸ᭞ᬰ᭞ᬉ᭞ᬫᬃᬕ᭄ᬕᬵᬦ᭄ᬳᬗᬶᬦ᭄᭞ᬗ᭄ᬮᭀᬤ᭄ᬓᬵ
ᬗᬶᬦᬂᬳᬬᬸ᭞ᬩᬸ᭞ᬉ᭞ᬫᬵᬃᬕ᭄ᬕᬦ᭄ᬩᬸᬮᬦ᭄᭞ᬗᬯᬸᬳᬂ᭞ᬳᬬᬸ᭞ᬲ᭞ᬯ᭞ᬫᬵᬃᬕ᭄ᬕᬦ᭄ᬩᬬᬸ᭞ᬗᬚᬦᬂ᭞ᬳᬬᬸ᭞ᬢ᭄ᬮᬲ᭄᭟᭜᭟ᬓᬢᬢ᭄ᬯᬦᬶᬂᬫᬵᬃᬕ᭄ᬕᬮ᭄ᬯᬶᬄ᭞ᬬᬦ᭄ᬓᬮᬦᬶᬂᬫᬩ᭄ᬯᬢ᭄ᬗᭀᬕ᭄ᬤᬾᬰ᭞ᬳᬸᬫᬄ᭞ᬮ᭄ᬯᬶᬃ
ᬳᬤᬦ᭄ᬜᬫᬦᬾᬧᬢᬸᬄ᭞ᬤᬯᬸᬢᬓ᭄ᬦᬵᬤᬾᬦᬶᬂᬤᬶᬦᬵᬲᬧ᭄ᬝᬵᬯᬭᬵ᭞ᬉᬭᬶᬧ᭄ᬦ᭄ᬬ᭞ᬳᬗ᭄ᬕᬾᬦ᭄ᬧᬳᬾᬮᬶᬂ᭞ᬲᬤ᭄ᬯᬭᬵ᭞ᬳᬲ᭄ᬢᬯᬵᬭᬵ᭞ᬇᬓᬵᬦᬾᬓ᭄ᬭᬡᬢᬯᬸᬢ᭄ᬓᬾᬦ᭄ᬳᬤᬦ᭄ᬤᬾᬱᬦᬾ᭞ᬫᬤᬦ᭄ᬤᬾ
[᭓᭔ 34A]
ᬱᬳᬦᬸ᭞ᬲᬫᬶᬳᭂᬜ᭄ᬚᭂᬓᬶᬦᬵᬩᬶᬱᬧᬸᬧᬸᬢ᭄ᬭᬶᬂᬲᬧ᭄ᬝᬯᬭᬵ᭞ᬓᬾᬯᬮᬵᬗᬶᬮᬶᬲ᭄᭞ᬰᬵᬲ᭄ᬢ᭄ᬭᬦ᭄ᬤᬾᬱᬦᬾᬢ᭄ᬓᬾᬦᬦᬾᬳᬩ᭄ᬲᬶᬓ᭄᭞ᬧᬸᬧᬸᬢ᭄ᬧᬸᬦᬶᬓᬢᬸᬳᬸᬢ᭄ᬳᬸᬭᬶᬧ᭄ᬳᬶᬧᬸᬦ᭄᭞ᬳᬬ᭄ᬯᬫᬮᬶᬄᬗᬶᬢᬸᬂᬧ
ᬜ᭄ᬘᬯᬭᬧᬚᬮᬦ᭄ᬓᬗᬶᬦ᭄ᬓᬯᬸᬄ᭞ᬓᬚᬵᬓ᭄ᬮᭀᬤ᭄᭞ᬧ᭞ᬦᭀᬭᬲᭂᬗ᭄ᬓᬮᬵᬭᬶᬂᬫᬵᬃᬕ᭄ᬕᬶᬳᬕᬸᬂ᭞ᬫ᭄ᬯᬄᬫᬶᬢ᭄ᬭᬦ᭄ᬢᬵᬦᭀᬭᬩᭂᬜ᭄ᬘᬦᬵ᭞ᬭᬶᬂᬳᬸᬫᬄᬦ᭄ᬬ᭟ᬢ᭄ᬮᬲ᭄᭟᭜᭟ᬬᬦ᭄ᬓᬮᬦᬶᬂᬯ᭄ᬗᬶᬭᬶᬲ᭄ᬤᭂ
ᬓ᭄ᬚ᭄ᬭᬶᬄᬤᬾᬦᬶᬂᬯᭀᬂᬓᬩᬾᬄ᭞ᬭᬸᬳᬓ᭄ᬦᬫᬵᬃᬕ᭄ᬕᬦᬾ᭞ᬬᬤ᭄ᬬᬧᬶᬦ᭄ᬳᬦᬯᭀᬂᬓᬢ᭄ᬫᬸ᭞ᬧ᭞ᬕ᭄ᬮᭂᬄᬯ᭄ᬯᬂᬇᬓᬵ᭞ᬭᬶᬂᬧᬜ᭄ᬘᬯᬭᬫᬃᬕ᭄ᬕᬦᬾᬲᬸᬯᬸᬂ᭞ᬮ᭄ᬯᬶᬃᬦ᭄ᬬ᭝ᬉ᭞ᬓᬚ᭞ᬰᬸᬦ᭄ᬬ᭞ᬧ᭞ᬓᬗᬶᬦ᭄᭞ᬰᬹᬦ᭄ᬬ᭞᭠
ᬧ᭄ᬯᭀᬦ᭄᭞ᬓᬚᬓᬶᬸᬗᬶᬸᬦᬶᬸᬰᬹᬦ᭄ᬬ᭞ᬯ᭞ᬫᬤ᭄ᬬ᭞ᬰᬹᬦ᭄ᬬ᭞ᬓ᭞ᬓᬗᬶᬦ᭄᭞ᬰᬸᬦ᭄ᬬ᭞ᬧ᭞ᬤᬳᬢ᭄ᬭᬳᬬᬸᬮᬫ᭄ᬧᬄᬢ᭞ᬳᬾᬮᬶᬂᬳᬓ᭄ᬦᬳᬬ᭄ᬯᬯᬾᬭᬵ᭞ᬇᬮᬤᬳᬢ᭄᭞ᬢ᭄ᬮᬲ᭄᭟᭜᭟ᬦᬶᬳᬦ᭄ᬓ [ 35 ][᭓᭔ 34B]
᭓᭔
ᬮᬦᬶᬂᬳᬢᬧᬲᬫᬤᬶ᭞ᬭᬶᬂᬓᬳ᭄ᬬᬗᬦ᭄᭞ᬳᬾᬮᬶᬗᬓ᭄ᬦᬵᬭᬶᬂᬉᬗ᭄ᬕ᭄ᬯᬦ᭄ᬩᬩᬾᬤᬦᬾ᭞ᬓᬮᬯᬦ᭄ᬥᬸᬃᬕ᭄ᬕᬦᬾᬭᬶᬂᬰᬭᬶᬭᬵ᭞ᬓᬮᬶᬗ᭄ᬕᬦ᭄ᬬ᭞ᬕᭀᬭᬯᬶᬓ᭄ᬭᬫ᭞ᬲᬤᬶᬓᬶᬯ᭞ᬩᬮᬳᬢ᭄ᬧᬢᬵ᭞ᬭᬶᬂᬘᬤᬶᬓ᭄ᬢᭂᬗᭂ
᭞ᬲᬂᬲᬹᬭᬵᬢ᭄ᬫ᭞ᬓᬸᬜ᭄ᬘᬶᬢᬶᬂᬕᬸᬮᬸ᭞ᬲᬂᬚᭀᬫᬡᬶᬓ᭄ᬭᬶᬂᬩᬸᬓᬸᬦ᭄ᬓᬸᬮᬸᬗᬦ᭄᭞ᬪᬝᬭᬶᬤᬹᬃᬕ᭄ᬕᬭᬶᬂᬘᬗ᭄ᬓᭂᬫ᭄ᬭᬶᬂᬲᭀᬃ᭞ᬪᬝᬭᬬᬫᬤᬶᬧᬢᬶ᭞ᬭᬶᬂᬘᬗ᭄ᬓᭂᬫ᭄ᬮᬸᬳᬸᬃ᭞ᬪᬝᬭᬓᬮᬫᬸᬗ᭄ᬕᬸᬄᬭᬶᬂᬳᬸᬦ᭄ᬢᬸᬓᬩᬾᬄ
᭞ᬇᬓᬩᬩᬾᬤᬦᬾᬭᬶᬂᬰᬭᬶᬭᬵ᭞ᬓᬢᭀᬦ᭄ᬳᬳᬾᬂᬭᬶᬂᬘᬸᬗ᭄ᬓᬸᬩ᭄ᬓᬳ᭄ᬬᬗᬦ᭄ᬚᬍᬫ᭄᭞ᬓᬢᭀᬦ᭄ᬫᬳᬾᬦ᭄ᬤᬄᬭᬹᬧᬵ᭞ᬓᬢᭀᬦ᭄ᬩᬭᭀᬂ᭞ᬬᬦ᭄ᬳᬸᬯᬸᬲ᭄ᬳᬾᬮᬶᬂᬭᬶᬂᬳᬸᬗ᭄ᬕ᭄ᬯᬦ᭄ᬬ᭞ᬩᬾᬤᬦᬾᬓᬩᬾᬄᬤᬤᬶᬲ
ᬧ᭄ᬝᬵ᭞ᬧᬯᬶᬚᬶᬮᬾᬤᬤᬶᬲᬧ᭄ᬝᬵᬯᬭᬵ᭞ᬫᬸᬗ᭄ᬕᬸᬄᬭᬶᬂᬭᬕᬦᬾ᭞ᬬᬤ᭄ᬬᬦ᭄ᬭᬶᬂᬰᬭᬶᬭᬵ᭞ᬬᬤ᭄ᬬᬦ᭄ᬲᬶᬭᬭᬶᬂᬲᬾᬢ᭄ᬭ᭞ᬓᬾᬯᬮᬵᬳᬾᬮᬶᬂᬭᬶᬂᬓᬬᬇᬓᬵ᭞ᬧ᭞ᬤᬢᬦ᭄ᬯ᭄ᬟᬶᬲᬶᬭᬵ᭞ᬭᬶᬂᬢ᭄ᬓᬭᬶᬂᬧᬢᬶ᭞ᬇ
[᭓᭕ 35A]
ᬓᬫᬧᬕ᭄ᬳᬢ᭄ᬫᬵᬦ᭄ᬢᬭᬶᬂᬫᬵᬃᬕ᭄ᬕᬳᬕᬸᬂ᭞ᬗᬚᬓ᭄ᬫᬸᬮᬶᬄᬗᬮᬶᬳᬂᬳᬸᬫᬄ᭞ᬧ᭞ᬢᬦ᭄ᬓᭂᬦᬵᬫᬗ᭄ᬕᬶᬄ᭞ᬧᬧᬦ᭄ᬭᬓᬵ᭞ᬭᬶᬂᬦᬶᬲ᭄ᬓᬵᬮ᭞ᬳᬢ᭄ᬫᬵᬦ᭄ᬢᬲᬶᬤ᭄ᬟᬵᬭᬳᬬᬸ᭞ᬫ᭄ᬯᬄᬦᬾᬭᬶᬂᬰ᭄ᬯᬃᬕ᭄ᬕ᭞ᬳᬤᬦ᭄ᬳᬶᬫᬾᬫᬾᬦᬾ᭞ᬳᬶᬢᬜ᭄ᬚᭂ
ᬓ᭄᭞ᬳᬶᬩᬧ᭞ᬫᬤᬦ᭄ᬳᬶᬫᬰ᭄ᬭᬸᬄ᭞ᬳᬤᬦ᭄ᬜᬫᬦᬾᬫᬓᬧᬢ᭄ᬧᬢ᭄ᬤᬤᬶᬲᬦᬸᬗ᭄ᬕᬮ᭄᭞ᬫᬤᬦ᭄ᬳᬶᬳᬶᬭᬶᬲ᭄ᬳᬩᬺ᭞ᬤᬾᬯᬾᬓ᭄ᬭᬕᬦᬾᬤᬤᬶᬧᬜᬕᬦ᭄ᬓᬸᬭᬶ᭞ᬫᬤᬦ᭄ᬳᬶᬚᭀᬦ᭄ᬢᭀᬮ᭄᭞ᬇᬓᬦᬾᬗ᭄ᬮᭂᬧᬲ᭄ᬤᬦ᭄ᬤᬵᬳᬸᬧ
ᬢᬭᬶᬂᬲᬭᬶᬭᬦ᭄ᬢᬵ᭞ᬦᬤ᭄ᬬᬦ᭄ᬲᬮ᭄ᬯᬶᬭᬶᬂᬕᬯᬾ᭞ᬲᬧᭀᬮᬄᬢᬵ᭞ᬦᭀᬭᬫᬗ᭄ᬕᬶᬄᬳᬸᬧᬤ᭄ᬭᬯᬵ᭞ᬢ᭄ᬮᬲ᭄᭟᭜᭟ᬦ᭄ᬬᬦ᭄ᬢᬸᬢᬸᬃᬳᬸᬮᬵᬦᬶᬸᬯᬦ᭄ᬲᬃᬧᬵ᭞ᬮ᭄ᬯᬶᬃᬕᬭᬹᬤ᭄ᬟᬵ᭞ᬫ᭄ᬯᬄᬦᬾᬗᬤᬓᬂ᭞ᬓᬮᬶᬗᬦ᭄ᬬ
᭞ᬳᬶᬤᬵᬲᬂᬲᬾᬤ᭄ᬟᬵᬭᬱᬵᬮᬦᬂ᭞ᬦᬾᬇᬲ᭄ᬢ᭄ᬭᬶᬲᬂᬲᬾᬤ᭄ᬟᬵᬰᬓ᭄ᬢᬶᬫᬶᬚᬶᬮ᭄ᬲᬓᬶᬂᬤ᭄ᬯᬶᬯᬭᬵ᭞ᬬᬦ᭄ᬭᬶᬂᬩ᭄ᬯᬦᬵᬳᬕᬸᬂ᭞ᬭᬶᬂᬤᬓ᭄ᬱᬶᬡᬵ᭞ᬉᬗ᭄ᬕ᭄ᬯᬦ᭄ᬬ᭞ᬫᬗᬶᬱ᭄ᬝᬶᬪᬝᬭᬫ᭄ᬯᬂᬪᬝᬭᬶ᭞ᬲᬶᬤ᭄ᬟᬵᬫᬤ᭄ᬯᬾ [ 36 ][᭓᭕ 35B]
᭓᭕
ᬳᭀᬓᬵ᭞ᬫᬧᬭᬩ᭄ᬪᬕᬯᬵᬦ᭄ᬲᬳᬵᬲᬺᬯᬮᬶᬓᬶᬮ᭄ᬬ᭞ᬉᬗ᭄ᬕ᭄ᬯᬦᬾᬭᬶᬂᬩ᭄ᬯᬦᬵᬳᬮᬶᬢ᭄᭞ᬤᬸᬓ᭄ᬗᭂᬫ᭄ᬩᬦ᭄ᬳᭀᬓᬦᬾᬭᬶᬂᬓᬵᬃᬡ᭄ᬦᬓᬭᭀ᭞ᬲᭀᬂᬓᬵᬃᬡ᭄ᬦᬦᬾᬩᬜ᭄ᬘᬶᬗᬄᬳᬶᬤᬵ᭞ᬳᬶᬭᬶᬓᬫᬩᬘᬶᬦ᭄᭞ᬓ᭄ᬭᬡ᭄ᬦ
ᬓᬵᬃᬡ᭄ᬦᬦᬾᬫ᭄ᬤᬕᬶᬂᬢᬶᬮᬸ᭞ᬇᬓᬩᬘᬶᬦ᭄ᬳᬶᬤᬵᬪᬕᬯᬦ᭄ᬲᬳᬲᬺᬯᬮᬓᬶᬮ᭄ᬬ᭞ᬤᬸᬓ᭄ᬓᬭᬶᬭᬭᬾ᭞ᬲᬵᬫ᭄ᬧᬸᬦ᭄ᬤᬸᬳᬸᬃ᭞ᬪᬕᬯᬦ᭄ᬲᬳᬲᬺᬯᬮᬶᬓᬶᬮ᭄ᬬ᭞ᬫᬤ᭄ᬯᬾᬭᬩᬶᬓᬭ᭄ᬯ᭞ᬳᭀᬓᬦ᭄ᬳᬶᬤᬪᬝᬭᬪᬝᬭᬶ᭞
ᬦᬾᬓᬗ᭄ᬕᬾᬦ᭄ᬭᬪᬶ᭞ᬓᬫ᭄ᬩᬶᬮ᭄ᬯᬾᬦ᭄ᬢᭂᬦ᭄ᬧᬸᬗ᭄ᬓᬸᬭᬦ᭄᭞ᬯᬾᬦ᭄ᬢᭂᬦ᭄ᬭᬶᬳᬶᬦᬦ᭄᭞ᬤᬾᬯᬶᬯᬶᬦᬣᬭᬶᬳᬶᬦᬦ᭄᭞ᬤᬾᬯᬶᬓᬤ᭄ᬭᬸᬄᬧᬸᬗ᭄ᬓᬸᬭᬦ᭄᭞ᬭᬭᬶᬲ᭄ᬓᬫ᭄ᬩᬶᬮ᭄ᬓᬳᬶᬘᬾᬦ᭄ᬭᬩᬶᬦᬾᬳᬦ᭄ᬢᬶᬕ᭞ᬲᬫᬶᬫᬲᬶᬓᬶ᭞ᬤᬾᬯᬶᬯᬶᬦᬵ
ᬣᬤᬾᬯᬶᬓᬤ᭄ᬭᬸᬄ᭞ᬤᬾᬯᬶᬯᬶᬦᬵᬣᬗᭂᬧᬶᬢᬂᬕᬭᬹᬤ᭄ᬟᬵ᭞᭒᭞ᬮᬸᬄᬫ᭄ᬯᬦᬶ᭞ᬤᬾᬯᬶᬓᬤ᭄ᬭᬸᬄᬗᭂᬧᬶᬢᬂᬦᬵᬕ᭄ᬖ᭞᭒᭞ᬮᬸᬄᬫ᭄ᬯᬦᬶ᭞ᬕᬭᬸᬤ᭄ᬟᬦᬾᬳᬦᬾᬮᬦᬂ᭞ᬕᬭᬸᬤ᭄ᬟᬵᬫᬲ᭄᭞ᬳᬦᬾᬇᬲ᭄ᬢ᭄ᬭᬶᬯᬶᬦᬵᬢ᭄ᬬ
[᭓᭖ 36A]
ᬫᬲ᭄᭞ᬇᬓᬵᬫᬭᬩᬶᬲᬋᬂᬲᬫ᭄ᬢᭀᬦ᭄᭞ᬓ᭄ᬭᬡᬳᬤᬫᬢᬸᬢᬸᬓ᭄ᬱᬃᬯ᭄ᬯᬵᬫᬓᬫ᭄ᬧᬶᬤ᭄᭞ᬫ᭄ᬯᬄᬦᬵᬕᬦᬾᬮᬦᬂᬳᬦ᭄ᬢᬪᭀᬕ᭄ᬖᬵ᭞ᬦᬾᬮᬸᬄᬦᬵᬕ᭄ᬖᬕᬶᬡᬶ᭞ᬫᬭᬩᬶᬲᬋᬂᬲᬫ᭄ᬢᭀᬦ᭄᭞ᬭᬶᬂᬲᬵᬧ᭄ᬝᬧᬢᬮᬵ᭞ᬇ
ᬓᬓ᭄ᬭᬡᬳᬤᬲᬃᬬᬵᬮᬯᬦ᭄ᬳᬸᬮᬵ᭞ᬇᬓᬵᬫᬭᬩᬶᬲᬋᬂᬲᬫ᭄ᬢᭀᬜ᭞ᬓ᭄ᬭᬡᬳᬤᬩᬸᬜ᭄ᬘᬶᬂᬫᬵᬦᬸᬱᬧᬤᬦᬾᬓ᭄ᬭᬡᬲᬮ᭄ᬯᬶᬭᬶᬯᭀᬂᬫᬗ᭄ᬮᬾᬬᬓ᭄᭞ᬫᬫᬗ᭄ᬱᬵ᭞ᬲᬮᬶᬂᬕᭀᬭᭀᬓ᭄᭞ᬧᬢᬸᬭᬸᬜ
ᬫ᭞ᬫᬧᬦ᭄ᬕᬭᬸᬤ᭄ᬟᬵᬦᬾᬫᬜᬫᬗᬚᬓ᭄ᬕᬭᬸᬤ᭄ᬟᬦᬾ᭞ᬕᬭᬸᬤ᭄ᬟᬦᬾᬗᬫᬄᬦᬵᬕ᭄ᬖᬵ᭞ᬩᬶᬱᬵᬬᬫᬲ᭄ᬬᬢ᭄ᬧᬢᬸᬭᬸᬜᬫ᭞ᬢ᭄ᬮᬲ᭄᭟᭜᭟ᬅᬓᬶᬰᬭᬶᬡᬶᬂᬓᬸᬭᬡ᭄ᬝᬵᬩᭀᬮᭀᬂ᭞ᬗ᭞ᬗᬯ᭄ᬢᬸ᭞
ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬳᬭᬦ᭄ᬬ᭞ᬲᬫᬫ᭄ᬢᬸᬭᬶᬂᬢᬗᬦ᭄᭞ᬢ᭄ᬗᭂᬦ᭄᭞ᬦ᭄ᬬᬦ᭄ᬳᬧ᭄ᬢᬶᬗᬫ᭄ᬤᬮᬂᬕ᭄ᬦᬶ᭞ᬯ᭄ᬢᬸᬳᬓ᭄ᬦᬵᬭᬶᬂᬢᬸᬚᬸᬄᬢᬗᬦᬍᬢᭂᬗᭂᬦ᭄᭞ᬗ᭞ᬩ᭄ᬭᬳ᭄ᬫᬵᬫᬹᬓᬵ᭞ᬯᬵᬃᬡ᭄ᬦᬕ᭄ᬦᬶᬳ᭄ᬩᬂ᭞ᬢᬦ᭄ᬧᬢᬍᬢᭂᬄ᭞ᬬᬦ᭄ᬳᬧ᭄ᬢᬶ [ 37 ][᭓᭖ 36B]
᭓᭖
ᬗᬫ᭄ᬤᬮᬂᬢᭀᬬᬵ᭞ᬯ᭄ᬢᬸᬳᬓ᭄ᬦᬵᬭᬶᬂᬮᬶᬜ᭄ᬚᭀᬂᬢᬗᬦ᭄ᬢᭂᬗᭂᬦ᭄᭞ᬗ᭞ᬯᬶᬱ᭄ᬡᬸᬤᬮᬵ᭞ᬇᬥᭂᬧ᭄ᬓᬢᭀᬦ᭄ᬢᭀᬬᬵᬢᬶᬄ᭞ᬬᬦ᭄ᬳᬧ᭄ᬢᬶᬗᬤᭂᬕ᭄ᬢᭀᬬᬵ᭞ᬭᬶᬂᬩ᭄ᬯᬦᬵᬳᬕᬸᬂ᭞ᬇᬥᭂᬧ᭄ᬯᬶᬱ᭄ᬡᬸᬤᬮᬦᬾᬫᬜ᭄ᬚᬶᬂᬭᬶᬂ
ᬮᬶᬜ᭄ᬚᭀᬂᬢ᭄ᬗᭂᬦ᭄᭞ᬢ᭄ᬭᬸᬲ᭄ᬓᬫᬚᬵᬧᬳᬶᬢ᭄᭞ᬧᬫᬦ᭄ᬤᭂᬕ᭄ᬢᭀᬬᬵᬇᬓᬵ᭞ᬬᬦ᭄ᬳᬧ᭄ᬢᬶᬩᬜᬸᬳ᭄ᬭᬲᬦ᭄ᬳᬧᬶ᭞ᬇᬥᭂᬧ᭄ᬩ᭄ᬭᬳ᭄ᬫᬵᬫᬸᬓᬦᬾᬗ᭄ᬭᬜ᭄ᬚᬶᬂᬭᬶᬂᬢᬸᬚᬸᬄᬢ᭄ᬗᭂᬦ᭄᭞ᬢ᭄ᬭᬸᬲ᭄ᬭᬶᬂᬫᬵᬥᬹᬭᬵ᭞ᬧ᭞ᬮᬸᬫᬄᬇᬓᬂᬕ᭄ᬦᬶ᭞ᬗ᭞
ᬕᬸᬫᬶᬫᬚᬧᬳᬶᬢ᭄ᬭᬶᬂᬳᬫ᭄ᬧ᭄ᬭᬸ᭞ᬕᬸᬫᬶᬫᬵᬥᬹᬭᬭᬶᬂᬳᬢᬶ᭞ᬬᬦ᭄ᬫᬮᬶᬄᬫᬗᬸᬭᬶᬧᬂᬓᬬᬂᬤᬗᬸ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬫ᭄ᬢᬸᬲᬓᬶᬂᬕᬸᬫᬶᬓ᭄ᬮᬶᬂ᭞ᬳᬦᬫ᭄ᬢᬸᬭᬶᬂᬢᬸᬚᬸᬄ᭞ᬳᬦᬫ᭄ᬢᬸᬭᬶᬂᬮᬶᬜ᭄ᬚᭀᬂ᭞ᬗ᭞ᬕᬸᬫᬶᬓ᭄ᬮᬶᬂ᭞ᬭᬶᬂᬧᬧᬸᬲᬸᬄ᭟᭜᭟
ᬬᬦ᭄ᬳᬋᬧ᭄ᬳᬩᬺᬲᬶᬄ᭞ᬇᬥᭂᬧᬓ᭄ᬦᬧ᭄ᬭᬪᬹᬤᬃᬫ᭄ᬫᬵᬯᬗ᭄ᬲ᭞ᬫᬸᬗ᭄ᬕᬸᬄᬢ᭄ᬮᭂᬗᬶᬂᬧᬧᬸᬲᬸᬄ᭞ᬢᬦᬵᬦᬫᬮᬶᬄᬳᬘᬶᬦ᭄ᬢ᭄ᬬᬲᬶᬭ᭞ᬳᬧᬦ᭄ᬧ᭄ᬭᬪᬸᬤᬃᬫ᭄ᬫᬵᬯᬗ᭄ᬲᬓᬯᬵᬱᬢᬦ᭄ᬧᬫᬬᬶᬢ᭄᭞ᬗᬫᭀᬂᬧᬩᬺᬲᬶᬳᬦ᭄᭞᭓
[᭓᭗ 37A]
᭞ᬗ᭞ᬕ᭄ᬦᬶᬳᬚ᭄ᬜᬦᬵ᭞ᬧᬯᬦᬵᬳᬚ᭄ᬜᬦᬲᬫᬫ᭄ᬢᬸᬲᬓᬶᬂᬢ᭄ᬗᬳᬶᬂᬦᬵᬪᬶ᭞ᬇᬥᭂᬧᬓ᭄ᬦᬫ᭄ᬢᬸᬕ᭄ᬦᬶᬲᬓᬶᬂᬦᬵᬪᬷ᭞ᬢ᭄ᬭᬸᬲ᭄ᬭᬶᬂᬰᬶᬯᬵᬤ᭄ᬯᬭᬵ᭞ᬳᬗ᭄ᬮᬶᬓᬸᬧ᭄ᬲᬭᬶᬭᬦ᭄ᬢᬵ᭞ᬯᬸᬲ᭄ᬫᬗ᭄ᬓᬦᬫᬮᬶᬄᬲᬸᬭᬸᬧᬂᬓᭂᬦᬵᬪᬶ᭟᭜᭟ᬫᬮᬶᬄ
ᬇᬥᭂᬧᬓ᭄ᬦᬫ᭄ᬢᬸᬢᬶᬃᬢ᭄ᬢᬵᬭᬶᬂᬦᬪᬶ᭞ᬢ᭄ᬭᬸᬲ᭄ᬭᬶᬂᬰᬶᬯᬵᬤ᭄ᬯᬭ᭞ᬜᬶᬭᬢᬶᬦ᭄ᬲᬭᬶᬭᬦ᭄ᬢᬵ᭞ᬯᬸᬲ᭄ᬫᬗ᭄ᬓᬦᬵᬫᬮᬶᬄᬲᬸᬭᬸᬧᬂᬓᬦᬵᬪᬷ᭞ᬫᬮᬶᬄᬇᬤᭂᬧᬓ᭄ᬦᬫ᭄ᬢᬸᬳᬗᬶᬓ᭄ᬭᬶᬂᬦᬪᬷ᭞ᬢ᭄ᬭᬸᬲ᭄ᬭᬶᬂᬰᬶᬯᬵᬤ᭄ᬯᬭᬵ᭞ᬳᬜᬧᬸᬄᬫᬮᬵᬧᬢᬓ
ᬦᬶᬂᬭᬶᬂᬲᬭᬶᬭᬦ᭄ᬢᬵ᭞ᬯᬸᬲ᭄ᬫᬗ᭄ᬓᬦᬵᬫᬮᬶᬄᬲᬸᬭᬸᬧᬂᬓᭂᬦᬵᬪᬶ᭞ᬧ᭞ᬤᬳᬢ᭄ᬦᬶᬂᬲᬭᬶᬭᬦ᭄ᬢᬵ᭞ᬓ᭄ᬭᬫᬦᬶᬂᬳᬩᬺᬲᬶᬄᬳᬗᬶᬥᭂᬧ᭄ᬓᬬᬵᬇᬓᬶ᭞ᬳᬗᬋᬧᬶᬦ᭄ᬲᬗ᭄ᬓᬸᬰᬹᬤ᭄ᬟᬵᬫᬮᬵ᭞ᬲᬵᬃᬲᬦᬓ᭄ᬮᬶᬫᬵ᭞ᬓᬬᬸ᭞ᬧᬸᬧᬸ
ᬕ᭄᭞ᬓᬬᬸᬢᬸᬮᬓ᭄᭞ᬓᬬᬸᬲᬶᬲᬶᬄ᭞ᬳᬫ᭄ᬩᭂᬗᬦ᭄᭞ᬫᬢᬮᬶᬮᬯᬾᬧ᭄ᬢᬓ᭄᭞᭓᭞ᬳᬶᬍᬄ᭞ᬢ᭄ᬮᬲ᭄᭟᭜᭟ᬬᬦ᭄ᬳᬧ᭄ᬢᬶᬗᬯ᭄ᬢᬸᬯᬂᬩᬩᬦ᭄ᬢᭂᬦ᭄᭞ᬲᬮ᭄ᬯᬶᬃᬦ᭄ᬬ᭝ᬳ᭄ᬬᬂᬰᬶᬯᬵᬇᬥᭂᬧ᭄ᬫᬗ᭄ᬕᬸᬄᬭᬶᬗᬫ᭄ᬧ᭄ᬭᬸ᭞ᬫᬭ [ 38 ][᭓᭗ 37B]
᭓᭗
ᬕᬘᬦᬂᬩᬸᬭᬢ᭄ᬯᬗᬶ᭞ᬇᬥᭂᬧ᭄ᬳ᭄ᬬᬂᬲᬤ᭄ᬟᬵᬰᬶᬯᬵ᭞ᬫᬸᬗ᭄ᬕᬸᬄᬳᬸᬗ᭄ᬲᬶᬮᬦ᭄᭞ᬫᬭᬕᬲ᭄ᬤᬄᬫᬲᭀᬭᭀᬳᬦ᭄᭞ᬫ᭄ᬯᬂᬤᬓ᭄ᬱᬶᬡᬵ᭞ᬇᬥᭂᬧ᭄ᬳ᭄ᬬᬂᬧ᭄ᬭᬫᬰᬶᬯᬵ᭞ᬫᬸᬗ᭄ᬕᬸᬄᬭᬶᬳᬢᬶ᭞ᬫᬭᬕᬲᬲᬬᬸᬢ᭄᭞ᬇᬥᭂᬧ᭄ᬳ᭄ᬬᬂᬰᬹ
ᬦ᭄ᬬᬰᬶᬯᬵ᭞ᬫᬸᬗ᭄ᬕᬸᬄᬭᬶᬂᬧᬧᬸᬲᬸᬄ᭞ᬫᬭᬕᬲᬸᬘ᭄ᬘᬶ᭞ᬫ᭄ᬯᬂᬩ᭄ᬬᬓᬮᬵ᭞ᬇᬥᭂᬧ᭄ᬳ᭄ᬬᬂᬳᬘᬶᬦ᭄ᬢ᭄ᬬᬫᬸᬗ᭄ᬕᬸᬄᬭᬶᬂᬦᬵᬪᬶ᭞ᬫᬭᬕᬧᬩᬗ᭄ᬓᬶᬢ᭄᭞ᬫ᭄ᬯᬂᬧᬗᬲᭂᬧᬦ᭄᭞ᬮ᭄ᬯᬶᬃᬘᬘᬭᭀᬦ᭄᭞ᬇᬓᬵᬮᬾᬶᬗᬓ᭄ᬦᬵ᭞ᬬᬤ᭄ᬬᬧᬶᬦ᭄ᬢᬦ
ᬯ᭄ᬯᬂᬳᬗ᭄ᬕᬯᬵᬲᬮ᭄ᬯᬶᬭᬶᬂᬩᬩᬗ᭄ᬓᬶᬢᬶᬸᬦ᭄ᬢᭂᬦ᭄᭞ᬓᬢᬸᬃᬭᬶᬂᬧᬫᬸᬓ᭄ᬢ᭄ᬬᬦ᭄ᬕᬶᬢ᭞ᬇᬓᬵᬦᬾᬦᬫ᭄ᬧᬶᬳᬢᬸᬭᬦᬾ᭞ᬬᬦ᭄ᬳᬗ᭄ᬕ᭄ᬯᬮᬶᬳᬓᭂᬦ᭄ᬫᬮᬶᬄ᭞ᬫᬧᬶᬲᬸᬓᬵᬭᬶᬂᬯᭀᬂᬳᬶᬓᬵ᭞ᬲᬦᬾᬗᬦ᭄ᬢᬸᬓᬂᬳᬶᬤᬳ᭄ᬬᬂᬲᬹᬃᬬ᭄ᬬᬚ᭄ᬜᬦᬵ᭞᭠
ᬳ᭄ᬬᬂᬢᬢ᭄ᬯᬚ᭄ᬜᬦᬵ᭞ᬳ᭄ᬬᬂᬯᬶᬦ᭄ᬤ᭄ᬯᬚ᭄ᬜᬦᬵᬇᬥᭂᬧ᭄ᬫᬸᬗ᭄ᬕᬸᬄᬭᬶᬂᬘᬓ᭄ᬱᬸᬓᬭᭀ᭞ᬯᬸᬲ᭄ᬫᬗ᭄ᬓᬦᬓᭀᬦ᭄ᬧᬫᬸᬮᬶᬳᬵ᭞ᬭᬶᬂᬢᬸᬫᬄᬦ᭄ᬬᬯᬸᬲ᭄ᬫᬦ᭄ᬢᬸᬓ᭄ᬯ᭄ᬯᬂᬇᬓᬵ᭞ᬳᬬᬩ᭄ᬧᬶᬂ᭞᭓᭞ᬢᬶᬗ᭄ᬓᬳᬾᬗᬮᬧᬂᬓᭂᬓᬵ
[᭓᭘ 38A]
ᬮᬯᬦ᭄᭞ᬧᬶᬦᬭᬢᬶᬕ᭞᭒ᬩᬕᬶᬓᬮᬧ᭄᭞ᬲᬯᬶᬚᬶᬧᬶᬲᬸᬓᬬᬂ᭞ᬬᬦᭀᬭᬗᬮᬧᬂ᭞ᬳᬕᬸᬂᬤᭂᬡ᭄ᬟᬦᬾᬯ᭄ᬯᬂᬇᬓᬵ᭞ᬓᬤᭂᬡ᭄ᬟᬤᬾᬦᬶᬂᬳ᭄ᬬᬂᬰᬭᬰ᭄ᬯᬢᬶ᭞ᬤᬾᬦᬶᬂᬳ᭄ᬬᬂᬕᬸᬭᬸᬭᬾᬓᬵ᭞ᬫ᭄ᬯᬄᬲᬗ᭄ᬳ᭄ᬬᬂᬓᬯᬶᬰ᭄ᬯᬭᬵ
᭞ᬢ᭄ᬮᬲ᭄᭟᭜᭟ᬦᬶᬳᬦ᭄ᬳᬶᬓᬶᬯᬶᬢ᭄ᬦᬶᬂᬰᬵᬲ᭄ᬢ᭄ᬭ᭞ᬗ᭞ᬦᬾᬚ᭄ᬭᭀᬦᬶᬂᬰᬭᬶᬭᬵ᭞ᬯᬶᬦᬶᬸᬢ᭄ᬦ᭄ᬬ᭞ᬯᬶᬦ᭄ᬥᬸ᭞ᬫᬸᬗ᭄ᬕᬸᬄᬭᬶᬂᬯᬸᬦ᭄ᬯᬸᬦᬦ᭄᭞ᬇᬓᬶᬯᬶᬡ᭄ᬥᬸᬳᬹ᭞ᬳᬹᬯᬶᬦ᭄ᬥᬸᬗᬯ᭄ᬢᬸᬯᬂᬰᬲ᭄ᬢ᭄ᬭᬵ᭞ᬳᬦᬰᬲ᭄ᬢ᭄ᬭᬵ᭞ᬏᬓᬭ᭞ᬉ᭞ᬳᬾ
᭞᭖᭞ᬫᬸᬗ᭄ᬕᬸᬄᬭᬶᬂᬲ᭄ᬮᬦᬶᬂᬍᬮᬢᬵ᭞ᬲᬩ᭄ᬤᬦᬶᬂᬯᬶᬡ᭄ᬥᬸ᭞ᬅ᭞ᬫ᭄ᬢᬸᬲᬗ᭄ᬳ᭄ᬬᬂ᭞᭖᭞ᬫᬸᬗ᭄ᬕᬸᬄᬭᬶᬂᬲ᭄ᬮᬦᬶᬂᬍᬮᬢᬵ᭞ᬉᬁ᭞ᬫᬦᬓ᭄᭞ᬳ᭞ᬫᬸᬗ᭄ᬕᬸᬄᬭᬶᬂᬰᬶᬯᬵᬤ᭄ᬯᬭ᭞ᬳ᭞ᬫᬦᬓ᭄᭞ᬘ᭞ᬫᬸᬗ᭄ᬕᬸᬄᬭᬶᬂᬢᬶᬗ᭄ᬳᬮ᭄᭞
ᬘ᭞ᬫᬦᬓ᭄᭞ᬭ᭞ᬫᬸᬗ᭄ᬕᬸᬄᬭᬶᬂᬓᬵᬃᬡ᭄ᬦ᭞ᬭ᭞ᬫᬦᬓ᭄᭞ᬓ᭞ᬫᬸᬗ᭄ᬕᬸᬄᬭᬶᬂᬇᬭᬹᬂ᭞ᬓ᭞ᬫᬦᬓ᭄᭞ᬤ᭞ᬫᬸᬗ᭄ᬕᬸᬄᬭᬶᬂᬘᬗ᭄ᬓᭂᬫ᭄᭞ᬤ᭞ᬫᬦᬓ᭄᭞ᬢ᭞ᬫᬸᬗ᭄ᬕᬸᬄᬭᬶᬂᬥᬥ᭞ᬢ᭞ᬫᬦᬓ᭄᭞ᬲ᭞ᬫᬸᬗ᭄ᬕᬸᬄᬭᬶᬂᬩᬯᬸᬢ᭄ᬗᭃ [ 39 ][᭓᭘ 38A]
᭓᭘
ᬦ᭄᭞ᬲ᭞ᬫᬦᬓ᭄᭞ᬯ᭞ᬭᬶᬂᬩᬯᬸᬓᬶᬯᬵ᭞ᬯᬫᬦᬓ᭄᭞ᬮ᭞ᬫᬸᬗ᭄ᬕᬸᬄᬭᬶᬂᬗᬸᬭᬶ᭞ᬮ᭞ᬫᬦᬓ᭄᭞ᬫ᭞ᬭᬶᬂᬲᬸᬢᬸᬢ᭄ᬗᭂᬦ᭄᭞ᬫ᭞ᬫᬦᬓ᭄᭞ᬕᬭᬶᬂᬲᬸᬲᬸᬓᬶᬯᬵ᭞ᬕ᭞ᬫᬦᬓ᭄᭞ᬩ᭞ᬫᬸᬗ᭄ᬕᬸᬄᬭᬶᬦᬵᬪᬷ᭞ᬩ᭞ᬫᬦᬓ᭄᭞ᬗ᭞
ᬭᬶᬂᬧᬸᬭᬹᬲ᭄᭞ᬗ᭞ᬫᬦᬓ᭄᭞ᬧ᭞ᬭᬶᬂᬲᬶᬮᬶᬢ᭄᭞ᬧ᭞ᬫᬦᬓ᭄᭞ᬚ᭞ᬫᬸᬗ᭄ᬕᬸᬄᬭᬶᬂᬲᬸᬓᬸᬓᬮᬶᬄ᭞ᬚ᭞ᬫᬦᬓ᭄᭞ᬬ᭞ᬭᬶᬂᬧᬗᬢᭂᬧ᭄ᬢᬸᬮᬂᬩᬩᭀᬓᭀᬗᬦ᭄᭞ᬬ᭞ᬫᬦᬓ᭄᭞ᬜ᭞ᬫᬸᬗ᭄ᬕᬸᬄᬭᬶᬂᬢᬸᬮᬂᬘ᭄ᬢᬶᬓ᭄᭟᭜᭟
ᬕ᭄ᬦᭂᬧ᭄ᬭᭀᬤᬰᬵ᭞ᬰᬲ᭄ᬢ᭄ᬭᬦᬾᬭᬶᬲᬭᬶᬭᬵ᭞ᬇᬓᬶᬉᬗ᭄ᬕ᭄ᬯᬦᬾᬰᬦᬾᬭᬶᬂᬰᬭᬶᬭᬵ᭞ᬲ᭞ᬭᬶᬂᬰᬶᬯᬵᬤ᭄ᬯᬭᬵ᭞ᬩ᭞ᬭᬶᬂᬲ᭄ᬮᬦᬶᬂᬮᬮᬢᬵ᭞ᬢᬭᬶᬢᬶᬗ᭄ᬳᬮ᭄᭞ᬅ᭞ᬭᬶᬂᬓᬵᬃᬡ᭄ᬦ᭞ᬇ᭞ᬭᬶᬂᬇᬭᬹᬂ᭞ᬦ᭞ᬭᬶᬂ᭞ᬘ
ᬗ᭄ᬓᭂᬫ᭄᭞ᬫ᭞ᬭᬶᬂᬲᬸᬲᬸ᭞ᬲᬶᬭᬶᬦᬵᬪᬶ᭞ᬯ᭞ᬭᬶᬂᬧᬸᬭᬸᬲ᭄᭞ᬬ᭞ᬭᬶᬂᬲᬶᬮᬶᬢ᭄᭞ᬢ᭄ᬮᬲ᭄᭞ᬳᬸᬗ᭄ᬕ᭄ᬯᬦ᭄ᬬ᭞ᬰᬵᬲ᭄ᬢ᭄ᬭ᭞ᬳ᭞ᬦ᭞ᬘ᭞ᬭ᭞ᬓ᭞ᬳᬶᬓ᭟ᬇᬓᬦᬾᬫᬺᬲᬶᬳᬶᬦ᭄ᬭᬶᬂᬲᬶᬭᬵ᭞ᬕ᭄ᬲᭂᬗᬓ᭄ᬦᬭᬶᬂᬦᬪᬶ᭞ᬤᬾ
[᭓᭙ 39A]
ᬦᬢ᭄ᬮᬲ᭄᭞ᬤᬰᬓ᭄ᬱᬭᬢᬸᬭᬸᬦᬓ᭄ᬦᬤᬾᬦᬢ᭄ᬮᬲ᭄᭞ᬭᬶᬂᬦᬵᬪᬶ᭟ᬬᬦ᭄ᬯᬸᬲ᭄ᬳᬶᬭᬶᬓᬵᬕ᭄ᬲᭂᬂᬤᬾᬲᬂᬳ᭄ᬬᬂᬳᬕ᭄ᬦᬶ᭞ᬢ᭄ᬮᬲᬓ᭄ᬦᬢ᭄ᬓᬾᬂᬍᬢᭂᬳᬶᬂᬧᬗᬦ᭄ᬓᬶᬦᬸᬫ᭄᭞ᬭᬶᬗᬸᬦᬶ᭞ᬯᬸᬲ᭄ᬢᭂᬮᬲ᭄ᬕ᭄ᬲᭂᬂ᭞ᬫᬮᬶᬄᬳᬸᬭᬶᬧᬂᬤᬾᬲᬗ᭄ᬳ᭄ᬬᬂ
ᬫᬺᬢ᭄ᬣ᭞ᬫᬢ᭄ᬫᬳᬦ᭄ᬧᬜ᭄ᬘᬓ᭄ᬱᬭᬵ᭞ᬲ᭞ᬫᬢ᭄ᬫᬳᬦ᭄ᬳᬢᬶ᭞ᬢ᭞ᬫᬢ᭄ᬫᬳᬦ᭄ᬜᬮᬶ᭞ᬇ᭞ᬫᬢ᭄ᬫᬳᬦ᭄ᬳᬸᬗ᭄ᬲᬶᬮᬦ᭄᭞ᬦ᭞ᬫᬢ᭄ᬫᬳᬦ᭄ᬚᬚᬭᬶᬗᬦ᭄᭞ᬬ᭞ᬫᬢ᭄ᬫᬳᬦ᭄ᬧᬧᬸᬲᬸᬄ᭞ᬫᬮᬶᬄᬲᬩ᭄ᬤᬦ᭄ᬬ
᭞ᬩᬁ᭞ᬲᬩ᭄ᬤᬦ᭄᭞ᬳᬢᬶ᭞ᬤᬁ᭞ᬲᬩ᭄ᬤᬦᬶᬂ᭞ᬗᬫ᭄ᬧ᭄ᬭᬸ᭞ᬅᬁ᭞ᬳᬸᬗ᭄ᬲᬶᬮᬦ᭄᭞ᬇᬁ᭞ᬲᬩ᭄ᬤᬦᬶᬂᬚᬚᬭᬶᬗᬦ᭄᭞ᬬᬁ᭞ᬲᬩ᭄ᬤᬦᬶᬂᬧᬧᬸᬲᬸᬄ᭞ᬇᬓᬵ᭞ᬗ᭞ᬤᬰᬓ᭄ᬱᬭᬵ᭞ᬳᬶᬓᬕ᭄ᬲᭂᬗᬓ᭄ᬦᬭᬶᬧᬸᬓᬸᬳᬶᬂ᭠
ᬳᬢᬶ᭞ᬬᬦ᭄ᬯᬸᬲ᭄ᬕᭂᬲ᭄ᬕᭂᬲᭂᬂᬳᬶᬭᬶᬓᬵ᭞ᬫᬢ᭄ᬫᬳᬦ᭄ᬢ᭄ᬭᬶᬓᬶᬸᬬᬶᬸᬅᬓ᭄ᬱᬭᬵ᭞ᬩ᭄ᬭᬳ᭄ᬫ᭞ᬯᬶᬱ᭄ᬡᬸ᭞ᬇᬰ᭄ᬯᬭᬵ᭞ᬇᬓᬕ᭄ᬲᭂᬂᬳᬓ᭄ᬦᬭᬶᬂᬧᬸᬓᬸᬳᬶᬂᬧᬧᬸᬲᬸᬄ᭞ᬯᬸᬲ᭄ᬕᭂᬲᭂᬂᬳᬶᬭᬶᬓ᭞ᬫᬢ᭄ᬫᬳᬦ᭄᭞ᬰᬶᬯᬵ᭞ᬮᬯᬦ᭄ᬩᬸᬤ᭄ᬟ [ 40 ][᭓᭙ 39B]
᭞ᬲᬩ᭄ᬤᬦᬶᬂ᭞ᬩᭀᬤ᭄ᬟ᭞ᬅᬁ᭞ᬲᬩ᭄ᬤᬦᬶᬂᬰᬶᬯᬵ᭞ᬅᬄ᭞ᬬ᭞ᬧᬦᬸᬗ᭄ᬕᬮᬦᬶᬂᬭ᭄ᬯᬪᬷᬦᬾᬤ᭄ᬟᬵ᭞ᬫᬮᬶᬄᬰᬶᬯᬵᬩᭀᬤ᭄ᬟ᭞ᬇᬓᬵᬕ᭄ᬲᭂᬂᬳᬓ᭄ᬦᬵᬭᬶᬂᬧᬸᬓᬸᬳᬶᬂᬧᬧᬭᬸ᭞ᬬᬦ᭄ᬯᬸᬲ᭄ᬕ᭄ᬲᭂᬂᬳᬶᬭᬶᬓ᭞ᬫᬢ᭄ᬫᬳ
ᬦ᭄᭞ᬭ᭄ᬯᬩᬶᬦᬾᬤ᭄ᬟ᭞ᬧᬭᬢ᭄ᬫᬵ᭞ᬅ᭞ᬲᬩ᭄ᬤᬦᬶᬂᬩᬬᬸ᭞ᬅ᭞ᬲᬩ᭄ᬤᬦᬶᬂᬇᬥᭂᬧ᭄᭞ᬬᬦ᭄ᬯᬸᬲ᭄ᬕ᭄ᬲᭂᬂ᭞ᬩᬬᬸᬮᬯᬦ᭄ᬇᬥᭂᬧ᭄᭞ᬧᬗ᭄ᬲᭂᬗᬦ᭄ᬩᬬᬸᬭᬶᬂᬲᬾᬢ᭄ᬭᬕᬡ᭄ᬟᬫᬬᬸ᭞ᬬᬦ᭄ᬯᬸᬲ᭄ᬕ᭄ᬲᭂᬂᬳᬶᬭᬶᬓ᭞ᬫᬢ᭄ᬫ
ᬳᬦ᭄ᬳ᭄ᬬᬂᬢᬸᬗ᭄ᬕᬮ᭄᭞ᬇᬓᬶᬰᬵᬲ᭄ᬢ᭄ᬭᬦ᭄ᬬ᭞ᬉᬁᬅᬅᬁᬬᬶᬸᬂᬬᬸᬄ᭞ᬉᬐᬄ᭞ᬲᬳ᭄ᬬᬂᬢᬸᬗ᭄ᬕᬮ᭄᭟ᬫᬮᬶᬄᬕ᭄ᬲᭂᬂᬳᬓ᭄ᬦᬭᬶᬂᬳᬸᬮᬸᬧᬸᬳᬸᬦ᭄᭞ᬗ᭞ᬲ᭄ᬮᬦᬶᬂᬭᬳᬶᬦᬵᬯ᭄ᬗᬶ᭞ᬇᬓ᭞ᬗ᭞ᬲᬾᬢ᭄ᬭᬯᬢᭂᬓ᭄ᬤᬾᬯᬢᬵ᭞ᬬᬦ᭄ᬯᬸᬲ᭄ᬢ᭄ᬲᭂᬂ
ᬳᬶᬭᬶᬓᬵ᭞ᬫᬢ᭄ᬫᬳᬦ᭄᭞ᬅᬃᬤ᭄ᬟᬵ᭞ᬯᬶᬡ᭄ᬥ᭞ᬦᬤ᭄ᬟᬵ᭞ᬇᬓᬫ᭄ᬦᭂᬂᬢᬦ᭄ᬫᭀᬮᬄ᭞ᬬᭂᬫᬭᬸᬧᬢᬦ᭄ᬧᬭᬸᬧ᭞ᬇᬓᬵᬫᬓᬳᬸᬭᬶᬧᬶᬂᬚᬕᬢ᭄ᬲᬭᬶᬭ᭞ᬳ᭄ᬬᬫᬭᬕᬤᬾᬯᬢᬤᬾᬯᬢᬶ᭞ᬳᭂᬳᬦ᭄ᬢᭀᬦᬾᬩᬺᬲᬶ
[᭔᭐ 40A]
ᬳᬶᬦ᭄ᬭᬶᬂᬯᬸᬦ᭄ᬯᬸᬦᬦ᭄᭞ᬅᬃ᭞ᬫ᭞ᬫᬯᬓ᭄ᬕ᭄ᬦᬶᬤᬾᬯᬢᬵ᭞ᬧᬸᬢᬶᬄᬯᬵᬃᬡ᭄ᬦᬦ᭄ᬬ᭞ᬰ᭄ᬯᬭᬦᬶᬂ᭞ᬬᬁ᭞ᬗᬥᭂᬧ᭄ᬕ᭄ᬲᭂᬂᬲᬗ᭄ᬳ᭄ᬬᬂᬦᬤ᭄ᬟᬵ᭞ᬯᬸᬲ᭄ᬫᬗ᭄ᬲᭂᬂᬭᬭᬶᬲ᭄ᬫᬢᬶᬃᬢ᭄ᬢᬦᬶᬸᬕᬫᬦ᭞ᬫᬯᬓ᭄ᬤᬾᬯᬢ᭞ᬧᬸᬢᬶᬄᬯᬵᬃᬡ᭄ᬦᬦ᭄ᬬ᭞ᬰ᭄ᬯᬭᬡᬶᬂ᭠
ᬕ᭄ᬦᬶ᭞ᬬᬁ᭞ᬇᬥᭂᬧ᭄ᬕ᭄ᬲᭂᬂᬲᬗ᭄ᬳ᭄ᬬᬂᬦᬵᬤ᭄ᬟ᭞ᬯᬸᬲ᭄ᬫᬗ᭄ᬲᭂᬂᬭᬭᬶᬲ᭄ᬫᬢᬶᬃᬢ᭄ᬢᬕᬫᬦᬵ᭞ᬭᬶᬂᬢ᭄ᬮᭂᬗᬶᬂᬳᬸᬦ᭄ᬢᭂᬓ᭄ᬢᬵ᭞ᬍᬓᬲ᭄ᬦ᭄ᬬᬳᬗ᭄ᬭᬡᬵᬲᬶᬯᬵᬢᬶᬕ᭞ᬰᬶᬯᬵ᭞ᬳᬫᬢᬶᬩᬬᬸ᭞ᬯᬸᬲ᭄ᬫᬗ᭄ᬓᬦ᭞ᬰ᭄ᬯᬃᬕ᭄ᬕᬵᬚᬸᬕᬳᬶᬦᬸᬗ᭄ᬓᬧ᭄᭞ᬧᬺᬮᬶ
ᬡ᭄ᬦᬦᬶᬂᬅᬃᬤ᭄ᬟᬵ᭞ᬭᬶᬂᬰᬶᬯᬵᬤ᭄ᬯᬭᬵ᭞ᬧ᭄ᬭᬮᬶᬡ᭄ᬦᬦᬶᬂᬯᬶᬡ᭄ᬥᬸ᭞ᬭᬶᬩᬸᬤᬦᬦ᭄᭞ᬧ᭄ᬭᬮᬶᬡᬦᬶᬂᬦᬵᬤ᭄ᬟ᭞ᬭᬶᬂᬲ᭄ᬮᬦᬶᬂᬭᬳᬶᬦᬵᬯ᭄ᬗᬶ᭞ᬫᬗ᭄ᬓᬦᬢᬶᬗ᭄ᬓᬳᬶᬂᬳᬩᬺᬲᬶᬄᬭᬶᬂᬓᬭᬶᬳᬸᬭᬶᬧ᭄᭞ᬫ᭄ᬯᬄᬢ᭄ᬓᬦᬶᬂᬧᬢᬶᬓᬸᬦᬂ᭟᭜᭟ᬳᬦᬫᬮᬶᬄ
᭞ᬲ᭞ᬩ᭞ᬢ᭞ᬅ᭞ᬇ᭞ᬤᬤᬶ᭞ᬅᬁ᭞ᬭᬶᬂᬧᬸᬗ᭄ᬲᭂᬤ᭄᭞ᬧᬺᬢᬶᬯᬶ᭟ᬦ᭞ᬫ᭞ᬰᬶ᭞ᬯ᭞ᬬ᭞ᬤᬤᬶ᭞ᬅᬄ᭞ᬭᬶᬂᬧᬩᬳᬦ᭄᭞ᬅᬓᬱ᭞ᬓᬂᬳᬧᬶᬦᬾᬭᬶᬂᬚᬭᬶᬚᬶᬦ᭄ᬩᬢᬶᬲ᭄ᬫᬓᬵᬮᬮᬶᬫ᭞ [ 41 ][᭔᭐ 40B]
᭔᭐
ᬧᬕ᭄ᬮᬗᬦ᭄ᬩᬢᬶᬲᬾ᭞ᬳᭂᬦ᭄ᬢᬸᬤ᭄᭞ᬩᬩᭀᬓᭀᬗᬦ᭄᭞ᬢ᭄ᬭᬶᬕ᭄ᬦᬶ᭞ᬲᬸᬩᬫᬧᬸᬦ᭄ᬤᬸᬄᬭᬶᬧᬸᬗ᭄ᬲᭂᬤ᭄᭞ᬅᬁ᭞ᬭᬶᬂᬇᬭᬹᬂ᭞ᬢ᭄ᬗᭂᬦ᭄᭞ᬧᬸᬮᬂᬭᬶᬂᬧᬸᬗ᭄ᬲᭂᬤ᭄᭞ᬳᬕ᭄ᬦᬶ᭞ᬉᬁ᭞ᬭᬶᬂᬇᬭᬹᬂᬓᬶᬯᬵ᭞ᬧᬸᬮᬂᬭᬶᬂᬧᬸᬗ᭄ᬲᭂᬤ᭄᭞ᬬᬦ᭄ᬬᬲᬵᬫ᭄ᬧᬸᬦ᭄ᬳᭂ
ᬦ᭄ᬤᬶᬄ᭞ᬫᬁ᭞ᬭᬶᬂᬮᬶᬤᬄ᭞ᬧᬸᬮᬂᬭᬶᬂᬦᬵᬪᬷ᭞ᬦᬵᬪᬷ᭞ᬗ᭞ᬲᬵᬫ᭄ᬧᬸᬦ᭄ᬕ᭄ᬲᭂᬂ᭞ᬳᬜᬸᬤᬂᬭᬶᬂᬯᬸᬦ᭄ᬯᬸᬦᬦ᭄᭞ᬭᬶᬂᬳᬶᬦᬦ᭄ᬩᬢᬶᬲ᭄᭞ᬫᬮᬶᬄᬚ᭄ᬫᬓ᭄ᬕ᭄ᬦᬶᬦᬾᬳᬸᬭᬶᬧᬂ᭞ᬫᬲᬮᬶᬦ᭄ᬭᬸᬧᬵ᭞ᬤᬤᬶᬒᬁᬗ᭄ᬓᬭᬗᬤᭂᬕ᭄᭞ᬒᬁ᭞
ᬓᬲ᭄ᬮᬕ᭄ᬩᬳᬦ᭄ᬯᬶᬡ᭄ᬥᬸᬓᬸᬡ᭄ᬟᬮᬶᬦᬶ᭞ᬗ᭞ᬬᬦ᭄ᬬᬫᬢ᭄ᬫᬳᬦ᭄᭞ᬑᬁᬗ᭄ᬓᬭᬵ᭞ᬒᬁ᭞ᬓ᭄ᬮᬶᬤᬂᬘᬦ᭄ᬢᬶᬓ᭄ᬓᬮᬸᬗᬦᬾᬩᬩ᭄ᬯᬦᬦ᭄᭞ᬭᬭᬶᬲ᭄ᬓᬧᭀᬮᭀ᭞ᬳ᭄ᬩᬄ᭞ᬒᬁᬗ᭄ᬓᬭᬵᬇᬓ᭞ᬭᬶᬲᭀᬃᬉᬭᬶᬧ᭄ᬮᬸᬳᬸᬃ᭞ᬒᬁᬗ᭄ᬓᬭᬵ
ᬇᬓᬵ᭞ᬫᬢᬸᬗ᭄ᬕᬮᬦ᭄᭞ᬒᬁᬗ᭄ᬓᬭᬵᬲᭀᬃᬭᬶᬂᬮᬸᬳᬸᬃ᭞ᬤᬤᬶᬒᬁᬗ᭄ᬓᬭᬗᬤᭂᬕ᭄᭞ᬒᬁ᭟ᬫᬮᬶᬄᬕᬯᬾᬤᬰᬓ᭄ᬱᬭᬵ᭞ᬲ᭞ᬩ᭞ᬢ᭞ᬅ᭞ᬇ᭞ᬦ᭞ᬫ᭞ᬰᬶ᭞ᬯ᭞ᬬ᭞ᬤᬤᬶᬧᬜ᭄ᬘ
[᭔᭑ 41A]
ᬩ᭄ᬭᬳ᭄ᬫᬵ᭞ᬦᬲ᭞ᬯᬳᬵ᭞ᬘᬶᬢ᭞ᬫᬩ᭞ᬬᬳᬶ᭞ᬲᬸᬩᬤᬤᬶᬧᬜ᭄ᬘᬩ᭄ᬭᬳ᭄ᬫᬵ᭞ᬤᬤᬶᬢ᭄ᬭᬶᬅᬓ᭄ᬱᬭᬵ᭞ᬲ᭞ᬤᬤᬶ᭞ᬩ᭞ᬢ᭞ᬤᬤᬶ᭞ᬅ᭞ᬤᬤᬶᬯᬶᬡ᭄ᬥᬸ᭞ᬲᬩ᭞ᬤᬤᬶᬘᬡ᭄ᬟ᭄ᬭ᭞ᬇᬬ᭞ᬤᬤᬶᬦᬵᬤ᭄ᬟ᭞
ᬤᬤᬶᬗᬮᬸᬳᬸᬭᬂᬭᬶᬂᬚ᭄ᬭᭀᬦᬶᬂᬳᬯᬓ᭄᭞ᬒᬁᬓᬭᬵᬭᬶᬲᬧ᭄ᬝᬤ᭄ᬯᬭᬵ᭞ᬓᬸᬧᬶᬂ᭞ᬫᬢ᭞ᬇᬭᬹᬂ᭞ᬘᬗ᭄ᬓᭂᬫ᭄᭞ᬢᬶᬦᬸᬮᬸᬂᬤᬾᬦᬶᬂᬅᬃᬤ᭄ᬟᬘᬦ᭄ᬤ᭄ᬭ᭞ᬇᬓᬶ᭞ᬬ᭞ᬇᬓᬶᬯᬶᬦ᭄ᬥᬸ᭟᭜᭟ᬦᬵᬤ᭄ᬟᬵ᭞ᬇᬓᬶ᭞ᬳᬦ
ᬒᬁᬓᬭ᭞ᬇᬓᬶ᭞ᬑᬬ᭄ᬭ᭐᭞ᬉᬑᬁᬑᬁᬑᬁ᭟᭜᭟ᬫᬮᬶᬄᬗᬾᬓᬵᬤᬰᬓ᭄ᬱᬭᬵ᭞ᬲ᭞ᬩ᭞ᬢ᭞ᬅ᭞ᬇ᭞ᬦ᭞ᬫ᭞ᬰᬶ᭞ᬯ᭞ᬬ᭞ᬤᬤ᭄ᬬᬂᬢ᭄ᬭᬶᬅᬓ᭄ᬱᬭ᭞ᬲ᭞ᬩᬦᬩᬫᬩ᭞ᬤ
ᬤᬶ᭞ᬅᬁ᭞ᬢ᭞ᬅ᭞ᬯ᭞ᬅ᭞ᬤᬤᬶ᭞ᬉᬁ᭞ᬇ᭞ᬬ᭞ᬤᬤᬶ᭞ᬫᬁ᭞ᬢ᭄ᬭᬶᬅᬓ᭄ᬱᬭ᭞ᬗ᭞ᬇᬓ᭞ᬳᬢᭂᬧ᭄ᬤᬤᬶᬲᬧ᭄ᬢᬳᭀᬗ᭄ᬓᬭ᭞ᬇᬓᬶᬬ᭞ᬅ᭞ᬉ᭞ᬫ᭞ᬬ᭄ᬭ᭐᭞ᬑᬁᬑᬁᬑᬁᬑᬁᬑᬁ [ 42 ][᭔᭑ 41B]
᭔᭑
ᬑᬁᬑᬁ᭞ᬤᬤᬶᬭᬶᬂᬧᬸᬗ᭄ᬲᭂᬤ᭄᭞ᬯᬺᬤᬬᬵ᭞ᬳᬢᬶ᭞ᬧᬧᬸᬲ᭄ᬯᬦ᭄᭞ᬫᬢ᭞ᬕᬶᬤᬢ᭄᭞ᬧᬩᬳᬦ᭄᭞ᬢᬸᬂᬢᬸᬗᬶᬂᬭᬫ᭄ᬩᬸᬢ᭄᭟᭜᭟ᬫᬮᬶᬄᬫ᭄ᬦᬾᬓ᭄ᬓᬲᬧ᭄ᬝᬵᬳᭀᬗ᭄ᬓᬭᬵ᭞ᬤᬤᬶᬳᬢ᭄ᬫᬵ᭞ᬧᬶᬢᬺ᭞ᬓᬯᬶ
ᬢᬦ᭄᭞ᬲᬹᬃᬬ᭄ᬬ᭞ᬤᬾᬯᬵ᭞ᬫᬺᬢ᭄ᬣ᭞ᬩᬬᬸ᭞ᬳᬕ᭄ᬦᬶ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸ᭞ᬇᬰ᭄ᬯᬭᬵ᭟ᬢ᭄ᬮᬲᬫᬗ᭄ᬓᬦᬵ᭞ᬢ᭄ᬭᬶᬅᬓ᭄ᬱᬭ᭞ᬗ᭞ᬅᬁᬉᬁᬫᬁ᭞ᬲᬕ᭄ᬲᭂᬂᬫᬗ᭄ᬓᬦᬵ᭞ᬉᬁ᭞ᬗᬜᬢ᭄᭞ᬫᬁ᭞ᬳᬗᬶᬦ᭄᭞ᬓᬸᬫ᭄ᬩᬓ᭞ᬭᬾ
ᬘᬓ᭞ᬬᬾᬄ᭞ᬜᬦᬵ᭞ᬳᬧᬶ᭟᭜᭟ᬇᬓᬶᬓᬫᬸᬮᬦᬶᬤᬤᬶᬚᬢ᭄ᬫᬵ᭞ᬲᬶᬭᬧᬭᬫᬘᬶᬦ᭄ᬢ᭄ᬬ᭞ᬢᬦ᭄ᬓᭂᬦᬵᬳᬶᬗᬗᭀᬦ᭄᭞ᬮᬸᬧᬸᬢᬶᬂᬇᬤᭂᬧ᭄᭞ᬢᬯᬂ᭞ᬲᬸᬯᬸᬂ᭞ᬲᬶᬭᬢᬸᬭᬸᬦ᭄ᬲᬓᬶᬂᬰᬹᬦ᭄ᬬᬦ᭄ᬢᬭᬵ᭞ᬗ᭞ᬦᬶ
ᬲ᭄ᬓᬮᬵᬢᬸᬭᬸᬦ᭄ᬫᬭᬶᬂᬫᬢᬺ᭞ᬫᬢᬺᬢᬸᬭᬸᬦ᭄ᬫᬭᬶᬂᬦᬵᬤ᭄ᬟ᭞ᬖᬺ᭞ᬅᬖᬺ᭞ᬢᬸᬂᬢᬸᬂ᭞ᬲᬶᬭᬵ᭞ᬗ᭞ᬧᬭᬫᬰᬶᬯᬵᬭᬸᬧ᭟᭜᭟ᬇᬓᬶᬓᬧᬸᬢᬸᬲᬦ᭄ᬓᬡ᭄ᬟᬧᬢ᭄᭞ᬫ᭄ᬯᬄᬲ᭄ᬫᬭᬵᬢᬦ᭄ᬢᬺᬬᬦ᭄ᬲᬶᬭᬳᬋᬧ᭄ᬯ᭄ᬭᬸᬄᬭᬶᬂ
[᭔᭒ 42A]
ᬭᬕᬦ᭄ᬢᬵ᭞ᬭᬶᬗᬦᬦᬾᬧᬩᬮᬶᬳᬶᬦ᭄᭞ᬩᬶᬦ᭄ᬤᬸᬯᬶᬦ᭄ᬧᭂᬜ᭄ᬚᬳᬶᬢᬦ᭄ᬩᬬᬸᬦ᭄ᬢ᭞ᬗ᭞ᬓᬸᬝᬫᬺᬡ᭞ᬳᬦᬳᬸᬯᬢ᭄ᬓᬓᬢᬶᬄᬳᬮᬶᬢ᭄᭞ᬭᬶᬂᬚ᭄ᬭᭀᬦᬶᬂᬧᬧᬸᬲᬸᬄ᭞ᬫᬸᬜ᭄ᬘᬸᬓ᭄ᬦ᭄ᬬᬭᬶᬂᬳᬸᬲᭂᬳᬦ᭄᭞ᬇᬓᬵᬫᬵᬃᬕ᭄ᬕᬶᬦᬶᬦ᭄
ᬳᬦ᭄ᬢᬸᬓ᭄ᬭᬳᬾᬫᬸᬗ᭄ᬕᬄᬢ᭄ᬤᬸᬦ᭄᭞ᬭᬄ᭞ᬗ᭞ᬯᬶᬡ᭄ᬥᬸ᭞ᬯᬶᬡ᭄ᬥᬸ᭞ᬗ᭞ᬳᬯᬓ᭄᭞ᬲᬂᬫᬬᬧᬸᬢᬸᬲ᭄᭞ᬧᬸᬢᬸᬲᬶᬂ᭞ᬩᬬᬸ᭞ᬲᬩ᭄ᬤ᭞ᬇᬥᭂᬧ᭄᭞ᬒᬁᬇᬬ᭞ᬳ᭄ᬬᬫᬸᬮᬦᬶᬂᬦᬶᬃᬫ᭄ᬫᬮ᭞ᬲᬓᬶᬯᬶᬡ᭄ᬥᬸ᭞ᬧᬦᬗ᭄ᬓᬦᬶᬂᬤᬤᬶᬓᬩᬾᬄ
᭞ᬬᬦ᭄ᬢᬦ᭄ᬚᬢᬶᬲᬫᬗ᭄ᬓᬦ᭞ᬬᬤ᭄ᬬᬦ᭄ᬯ᭄ᬭᬸᬄᬭᬶᬂᬰᬵᬲ᭄ᬢ᭄ᬭᬳᬚᬶ᭞ᬢᬦ᭄ᬧᬤᭀᬦ᭄᭟᭜᭟ᬬᬦ᭄ᬲᬂᬧᬸᬭᬸᬱᬳᬲᬗ᭄ᬕᬸᬮᬶᬧ᭄ᬭᬯᬾᬱᬵ᭞ᬇᬓᬶᬍᬓᬲ᭄ᬦ᭄ᬬᬢᬸᬚᬸᬦᭂᬦ᭄᭞ᬧᬸᬮᬸᬂᬲ᭄ᬯᬦᬶᬢᬦᬶᬂᬤ᭄ᬬᬄ᭞ᬬ᭞ᬳᬧ᭄ᬭᬡᬦᬶᬂ
ᬚᬶᬯᬵ᭞ᬮᬦᬂᬇᬲ᭄ᬢ᭄ᬭᬶᬓᬂᬮᬶᬦᬸᬯᬶᬄ᭞ᬢᬶᬩᬓ᭄ᬦᬲᬗ᭄ᬳ᭄ᬬᬂᬕ᭄ᬦᬶᬭᬳᬲ᭄ᬬ᭞ᬗ᭞ᬲᬭᬶᬡᬶᬂᬲ᭄ᬫᬵᬭᬢᬦ᭄ᬢ᭄ᬭ᭞ᬬ᭞ᬳᬧᬲ᭄ᬢ᭞ᬲ᭄ᬯᬦᬶᬣᬵ᭞ᬗ᭞ᬅ᭞ᬲᬂᬳ᭄ᬬᬂᬳᬲ᭄ᬫᬭᬵ᭞ᬬᬢᬶᬩᬧ᭄ᬯᬲᬫᬗ᭄ᬓᬦᬵ᭞ᬧᬢ᭄ᬫᬦᬶᬂᬲᬦ᭄ᬤᬶᬦᬶ [ 43 ][᭔᭒ 42B]
᭔᭒
ᬭ᭞ᬭᬶᬇᬲ᭄ᬢ᭄ᬭᬶᬓᬓᬹᬂ᭞ᬬᬦ᭄ᬯᬸᬲᬫᬗ᭄ᬓᬦ᭞ᬧᬢ᭄ᬫᬸᬯ᭄ᬯᬂᬲ᭄ᬫᬭᬭᬢᬶᬄᬢ᭞ᬭᬶᬂᬢᬫᬦ᭄ᬩᬕᬾᬡ᭄ᬟᬵ᭞ᬗ᭞ᬯᬮᬦᬓᬦ᭄᭞ᬚᬮᬸᬇᬲ᭄ᬢ᭄ᬭᬶ᭞ᬬᬦ᭄ᬭᬶᬂᬘᬘᬗ᭄ᬓᭀᬓᬶᬂᬲ᭄ᬯᬦᬶᬢᬦᬶᬂᬇᬲ᭄ᬢ᭄ᬭᬶ᭞ᬬᬦ᭄ᬭᬶᬮᬸᬳᬸᬃ᭞ᬳᬦᬓ᭄ᬳᬦᬓᬦ᭄ᬫᬢᬦᬾ
᭞ᬧᬢ᭄ᬫᬸᬯ᭄ᬯᬂᬭᬶᬦᬾᬢ᭄ᬭᬢᬸᬗ᭄ᬕᬮ᭄᭞ᬗ᭞ᬩ᭄ᬬᬸᬫᬤ᭄ᬬ᭞ᬧᬦᬸᬢᬸᬕᬶᬂᬤᬤᬶᬍᬓᬲ᭄᭞ᬋᬕᭂᬧᭂᬦ᭄ᬩᬬᬸᬦ᭄ᬢᬤᬾᬦᬧ᭄ᬦᭂᬤ᭄᭞ᬤᬾᬦᬦᬸᬗ᭄ᬕᬮ᭄᭞ᬇᬁᬉᬁᬫᬁ᭞ᬅᬕ᭄ᬦᬶᬫᬤ᭄ᬬᬭᬯᬶᬲ᭄ᬤᬾᬯᬵ᭞ᬭᬯᬶᬫᬤ᭄ᬬᬲᬸᬘᬦ᭄ᬤ᭄ᬭᬫ᭞
ᬘᬡ᭄ᬟ᭄ᬭᬫᬤ᭄ᬬᬩᬯᬾᬢ᭄ᬲᬸᬓ᭄ᬮ᭞ᬰᬹᬓ᭄ᬮᬫᬤ᭄ᬬᬲ᭄ᬢᬶᬢᭀᬰᬶᬯᬵ ᬅᬁᬅᬄ᭞ᬇᬥᭂᬧ᭄ᬫᬢ᭄ᬫᬸᬭᬶᬂᬢ᭄ᬮᭂᬗᬶᬂᬧᬧᬸᬲᬸᬄ᭞ᬲᬗ᭄ᬓᬶᬦᬭᬦ᭄ᬤᬤᬶᬧᬮᬸᬗ᭄ᬕᬸᬳᬦ᭄᭞ᬯᬸᬲ᭄ᬫᬢ᭄ᬫᬸ᭞ᬳᬸᬗ᭄ᬕᬸᬄᬳᬓ᭄ᬦᬭᬶᬢᬫ
ᬦ᭄ᬩᬕᬾᬡ᭄ᬟᬵ᭞ᬇᬓ᭞ᬗ᭞ᬢᬫᬦ᭄ᬲᬭᬶ᭞ᬇᬥᭂᬧ᭄ᬳᬶᬲ᭄ᬫᬵᬃ᭞ᬭᬶᬂᬩᬸᬗ᭄ᬓᬳᬶᬂᬳᬗᭂᬦ᭄᭞ᬳᬶᬧᬜ᭄ᬚᬶᬭᬶᬢᬸᬂᬢᬸᬗᬶᬂᬳᬗᭂᬦ᭄᭞ᬇᬥᭂᬧ᭄ᬫᬢ᭄ᬫᬸᬫᬤ᭄ᬬᬦᬶᬂᬳᬗᭂᬦ᭄᭞ᬳᬦᬸᬗ᭄ᬕᬮ᭄ᬓᬶᬢᬮᬯᬦ᭄ᬪᬝᬭᬕᬸᬭᬸ᭞ᬰ᭄ᬯᬭᬦ᭄ᬬ
[᭔᭓ 43A]
᭞ᬅᬄ᭞ᬩᬂᬓᬤᬶᬫᬶᬭᬄ᭞ᬯᬃᬡ᭄ᬦᬦ᭄ᬬ᭞ᬅᬁ᭞ᬧᬶᬢᬓᬤᬶᬯᬶᬦ᭄ᬢᭂᬦ᭄ᬯᬵᬃᬡ᭄ᬦᬦ᭄ᬬ᭞ᬳᬭᬤ᭄ᬳᬓ᭄ᬦ᭞ᬅᬄ᭞ᬇᬄ᭞ᬅᬁ᭞ᬲ᭄ᬫᬃ᭞ᬇᬄ᭞ᬇᬋᬂᬓᬤᬶᬓᬺᬱ᭄ᬡᬵ᭟ᬭᬗ᭄ᬓᬾᬲᬭᬶᬧᬜ᭄ᬚᬶ᭞ᬲ᭄ᬫᬃ᭞ᬗ᭞ᬩᬬᬸ᭞ᬭᬗ᭄ᬓᬾᬲᬭᬶ᭞ᬗ᭞ᬳ
ᬗᭂᬦ᭄᭞ᬧᬜ᭄ᬚᬶ᭞ᬗ᭞ᬭᬱ᭟᭜᭟ᬲᬗ᭄ᬳ᭄ᬬᬂᬮᬶᬗ᭄ᬕᬵᬫᬬ᭞ᬓᬯ᭄ᬭᬸᬳᬓ᭄ᬦ᭞ᬦᬾᬫᬢᬧ᭞ᬧᬢᬧᬦ᭄ᬲᬗ᭄ᬳ᭄ᬬᬂᬢᬬ᭞ᬗ᭞ᬫᬫᬜ᭄ᬘᬭᬢᬶᬄ᭞ᬳᬸᬗ᭄ᬕ᭄ᬯᬦ᭄ᬬᬭᬶᬂᬢᬫᬦ᭄ᬩᬕᬾᬡ᭄ᬟ᭞ᬢ᭄ᬭᬸᬲ᭄ᬭᬶᬂᬩ᭄ᬭᬸᬫᬤ᭄ᬬ᭞ᬓ
ᬦᬢ᭄ᬭᬓᬭᭀ᭞ᬲᬗ᭄ᬳ᭄ᬬᬂᬲ᭄ᬫᬵᬭ᭞ᬳᬦ᭄ᬤᬯᬸᬢ᭄ᬲᬗ᭄ᬳ᭄ᬬᬂᬭᬢᬶ᭞ᬳᬢᬓᭂᬧ᭄ᬤᬤᬶᬓᬧᬗᬦ᭄᭞ᬫ᭄ᬯᬄᬕ᭄ᬭᬳᬵ᭞ᬧᬢ᭄ᬫᬸᬦᬶᬂᬲ᭄ᬫᬭᬭᬢᬶᬄ᭞ᬤ᭄ᬮᭂᬗᭂᬦ᭄ᬲᬗ᭄ᬳ᭄ᬬᬂᬲ᭄ᬫᬵᬭᬭᬶᬂᬰᬶᬯᬵᬤ᭄ᬯᬭᬵ᭞ᬳ᭄ᬦᬶᬂᬯ᭄ᬯᬂᬓᬶᬦᬵᬃᬱ᭞ᬢᬸᬗ᭄ᬕᬮ᭄ᬧᬳᬶᬥᭂ
ᬧᬦ᭄ᬬ᭞ᬮᬦᬂᬮᬯᬦ᭄ᬳᬶᬲ᭄ᬢ᭄ᬭᬶ᭞ᬮᬸᬳᬸᬃᬲᬗ᭄ᬳ᭄ᬬᬂᬢᬬ᭞ᬤ᭄ᬮᭂᬗᭂᬦ᭄᭞ᬗ᭞ᬳᬸᬗ᭄ᬕᬸᬄᬳᬓ᭄ᬦᬭᬶᬂᬩ᭄ᬭᬸᬫᬤ᭄ᬬ᭞ᬇᬬ᭞ᬲᬗ᭄ᬳ᭄ᬬᬂᬫᬦ᭄ᬢ᭄ᬭᬲᬓᬩᬾᬄ᭞ᬳᬲᬶᬄᬳᬢ᭄ᬫᬵᬲᬦᬸᬗ᭄ᬕᬮ᭄᭞ᬚᬢ᭄ᬫᬵᬮᬸᬄ᭞ᬇᬲ᭄ᬢ᭄ᬭᬶ᭞ᬦ [ 44 ][᭔᭓ 43B]
᭔᭓
ᬬ᭞ᬗ᭞ᬲᬗ᭄ᬳ᭄ᬬᬂᬗᬲ᭄ᬫᬵᬭᬓᬢᭂᬩᬄ᭞ᬤᬾᬦᬶᬂᬚᬢ᭄ᬫᬮᬸᬄ᭞ᬇᬓᬶᬲᬗ᭄ᬳ᭄ᬬᬂᬲ᭄ᬫᬵᬭᬳᬗᬭᬦᬶᬸᬤ᭄ᬲᬗ᭄ᬳ᭄ᬬᬂᬭᬢᬶᬄ᭞ᬗ᭞ᬳᬭᬧᬂᬗᬮᬳᬂᬳᬢ᭄ᬫᬵᬚ᭄ᬯᬶᬢᬦᬾᬲ᭄ᬬᬦᬸ᭞ᬫᬺᬫᬗ᭄ᬓᬾ᭞ᬢ᭄ᬮᬲ᭄᭟᭜᭟
ᬇᬓᬶᬓᬧᬸᬢᬸᬲᬦ᭄ᬳᬶᬧᬜ᭄ᬚᬶ᭞ᬫᬓᬧᬯ᭄ᬮᬲᬶᬂᬭᬵᬢ᭄ᬓᬩᬾᬄ᭞ᬬᬦ᭄ᬲᬶᬭᬳᬗᬸᬮᬢᬶᬳᬢ᭄ᬫᬵᬦᬾᬲ᭄ᬬᬦᬸ᭞ᬭᬶᬂᬢᬫᬦ᭄ᬲᬭᬶ᭞ᬳᬶᬦᭂᬩ᭄ᬮᬯᬗᬦ᭄ᬳᬶᬲ᭄ᬫᬵᬃ᭞ᬳᬶᬧᬜ᭄ᬚᬶᬫᬜ᭄ᬚᬶᬂᬭᬶᬂᬧᬧᬸᬲᬸᬄ᭞ᬪᬝᬭᬇᬰ᭄ᬯᬭᬗ᭄ᬭ
ᬓ᭄ᬱᬲ᭄ᬫᬭᬵ᭞ᬲᬄᬲᬓᬶᬂᬧᬧᬸᬲᬸᬄ᭞ᬫᬜ᭄ᬚᬶᬂᬭᬶᬂᬩᬸᬗ᭄ᬓᬳᬶᬂᬧᬺᬢᬶᬯᬶ᭞ᬪᬝᬭᬕᬸᬭᬸᬗ᭄ᬭᬓ᭄ᬱ᭞ᬫ᭄ᬢᬸᬭᬶᬂᬧᬜ᭄ᬘᭂᬭᬶᬂᬅᬓᬵᬱ᭞ᬫ᭄ᬢᬸᬭᬶᬂᬧᬜ᭄ᬘᬭᬶᬂᬅᬓᬱ᭞ᬲᬗ᭄ᬳ᭄ᬬᬂᬢᬸᬗ᭄ᬕᬸᬮ᭄ᬗ᭄ᬭᬓ᭄ᬱᬲ᭄ᬯᬭᬦ᭄ᬬ᭞ᬇᬄᬇᬄ᭞ᬳᬦ
ᬳ᭄ᬬᬂᬲ᭄ᬫᬭᬵᬫᬸᬗ᭄ᬕᬸᬄᬭᬶᬂᬢᬸᬂᬢᬸᬗᬶᬂᬧᬦᭀᬦ᭄᭞ᬲ᭄ᬯᬭᬦ᭄ᬬ᭞ᬅᬄᬅᬄ᭞ᬲᬳᬶᬓᬧᬳᬶᬤᭂᬧᬦ᭄ᬬ᭞ᬫ᭄᭞ᬇᬄ᭞ᬇᬄ᭞ᬅᬄ᭞ᬅᬄ᭞ᬲᬗ᭄ᬳ᭄ᬬᬂᬳᬲ᭄ᬫᬭᬵᬫ᭄ᬢᬸᬳᬦᬯᬸᬢ᭄ᬫᬦᬾᬚ᭄ᬯᬶᬢᬦᬾᬲ᭄ᬬᬦᬸ᭞ᬭᬶᬂ
[᭔᭔ 44A]
ᬲᭀᬘ᭄ᬘᬢ᭄ᬗᭂᬦ᭄᭞ᬮᬄᬳᬶᬦᭂᬩ᭄ᬮᬯᬗᬦᬾᬳ᭄ᬬᬂᬗᬲ᭄ᬫᬭᬵ᭞ᬮᬄᬧᭀᬫ᭞᭓ᬧᬳᬶᬥᭂᬧᬦ᭄ᬬᬦ᭄ᬤᬯᬸᬢ᭄ᬳᬢ᭄ᬫᬚ᭄ᬯᬶᬢᬦᬾᬲ᭄ᬬᬦᬸ᭞ᬇᬓᬶᬭᬾᬓᬦ᭄ᬬ᭞ ᬭᬶᬲ᭄ᬮᬕᬦ᭄ᬳᬮᬶᬲ᭄ᬕ᭄ᬦᬄᬦ᭄ᬬ᭞ᬳᬦᬓ᭄ᬳᬦᬓ᭄ᬫᬢ
ᬦᬾᬢ᭄ᬗᭂᬦ᭄᭞ᬇᬓ᭞ᬳᬫᬾᬢ᭄ᬧᬢ᭄ᬫᬸᬯᬂᬭᬶᬂᬳᬦᬓ᭄ᬳᬦᬓᬦ᭄ᬫᬢᬦ᭄ᬢᬢ᭄ᬗᭂᬦ᭄᭞ᬭᬭᬶᬲ᭄ᬕ᭄ᬦᬳᬂᬭᬶᬂᬧᬧᬸᬲᬸᬳᬦ᭄ᬢ᭞ᬧᬢᬸᬄᬯᬃᬡ᭄ᬦᬦ᭄ᬲᬂᬓᬶᬦᬵᬃᬱ᭄ᬱ᭞ᬮᬯᬦ᭄ᬓᬶᬢ᭞ᬧᬶᬤᬃᬣᬵᬦ᭄ᬬᬧᬸᬢᬶᬳᬶᬂᬲᭀᬘ᭄ᬘ᭞ᬗ᭞ᬢᬫᬦ᭄ᬲᬭᬶ᭞
ᬕᬮᬂᬳ᭄ᬦᬶᬗᬶᬂᬲᭀᬘᬵ᭞ᬗ᭞ᬳᬶᬭᬗ᭄ᬓᬾᬲᬭᬶ᭞ᬯᬲᬳ᭄ᬦᬶᬂᬧᬸᬢᬶᬄ᭞ᬲᭀᬘᬦᬾ᭞ᬗ᭞ᬳᬶᬧᬜ᭄ᬚᬶ᭞ᬳᬶᬓᬤᬯᬸᬢ᭄ᬲᬢ᭄ᬫᬸᬯᬂᬭᬶᬂᬲ᭄ᬮᬕᬦ᭄ᬳᬮᬶᬲ᭄ᬢᬵ᭞ᬬᬦ᭄ᬳᬶᬲ᭄ᬢ᭄ᬭᬶᬗᬗ᭄ᬕᬾᬯ᭄ᬦᬂ᭞ᬬᬦ᭄ᬮᬦᬂᬗᬗ᭄ᬕᬾᬯ᭄ᬦᬂ᭞ᬓᬤᬶᬳᬋᬧ᭄ᬕᬕ᭄ᬮ
ᬭᬦ᭄ᬬ᭞ᬰ᭞ᬲ᭄ᬓᬵᬃᬚ᭄ᬧᬸᬦ᭄᭞ᬳᭂᬜ᭄ᬚᭂᬓᬶᬦ᭄᭞ᬲᬮᬄᬢᬸᬗ᭄ᬕᬮ᭄ᬢ᭄ᬕᬓᬶᬦ᭄᭞ᬭᬶᬂᬳᬸᬲᬦᬾᬳᬫᬦ᭄ᬢ᭄ᬭᬭᬭᬶᬲ᭄ᬳᬸᬗ᭄ᬲᭂᬮ᭄ᬳᬚᬮᬮᬶ᭞ᬭᬶᬂᬲᬂᬓᬶᬦᬵᬃᬱ᭟᭜᭟ᬦᬶᬳᬦ᭄ᬲᬶᬦᬗ᭄ᬕᬸᬄᬬᭀᬕ᭄ᬖᬵ᭞ᬧᬸᬢᬸ [ 45 ][᭔᭔ 44B]
᭔᭔
ᬲᬶᬂᬲ᭄ᬫᬵᬭᬢᬦ᭄ᬢ᭄ᬭ᭞ᬳᬦᬇᬲ᭄ᬢ᭄ᬭᬶᬭᬶᬂᬚ᭄ᬭᭀᬦ᭄ᬢ᭞ᬚ᭄ᬭᭀᬦᬶᬂᬇᬲ᭄ᬢ᭄ᬭᬶᬳᬦᬭᬭᬾ᭞ᬚ᭄ᬭᭀᬦᬶᬂᬭᬭᬾᬇᬓᬳᬸᬗ᭄ᬕ᭄ᬯᬦᬶᬭ᭞ᬲᬗ᭄ᬳ᭄ᬬᬂᬲ᭄ᬫᬭᬢᬦ᭄ᬢ᭄ᬭᬳᬦᬾᬂᬭᬱᬕᬕᬶᬢᭀᬓ᭄᭞ᬲ᭄ᬓᬩᬾᬳᬾᬯᬵᬃᬡ᭄ᬦᬳᬫ᭄ᬧ᭄ᬭᬸ᭞ᬕᭂᬂᬦ᭄ᬬ
ᬓᬤᬶᬯᭀᬳᬶᬂᬩᬸᬮᬾᬮᬾᬂ᭞ ᬫᬾᬲᬶᬭᬱ᭞ᬩᬁ᭞ᬫ᭄ᬮᭂᬂᬫ᭄ᬮᭂᬂᬲᬮᬸᬤᬶᬭ᭞ᬳᬦᬯᬦᬾᬄᬲ᭄ᬯᬾᬢᬲᬧᬢᬶᬓ᭞ᬓᬤᬶᬳᭂᬫ᭄ᬩᬸᬦ᭄ᬭᬶᬢᬸᬂᬢᬸᬂᬓᬸᬲᬦ᭄ᬤ᭄ᬭ᭞ᬯᬦᬾᬄᬳᬦᬓᬤᬶᬓᬾᬦᬓᬵ᭞ᬳᬚᬸᬃᬐᬃᬫᬸ
ᬧᬺᬤᬶᬧ᭄ᬢᬢᬾᬚᬇᬓᬂᬭᬱᬢ᭄ᬮᬸ᭞ᬇᬭᬶᬓᬧᬓᬸᬫ᭄ᬧᬸᬮᬦ᭄ᬬᬓᬩᬾᬄ᭞ᬇᬓᬓᬸᬫᬯ᭄ᬭᬸᬄᬳᬦᬭᬸᬫᬸᬳᬸᬦ᭄᭞ᬭᬶᬂᬯᬶᬢ᭄ᬦᬶᬂᬭᬱᬢ᭄ᬮᬸ᭞ᬳᬸᬗ᭄ᬕ᭄ᬯᬦᬶᬂᬳᬫᬶᬦ᭄ᬢᬵᬮᬸᬕ᭄ᬭᬵᬳᬵ᭞ᬳᬗᬸᬮᬳᬓᭂᬦ᭄ᬲᬓᬬᬸᬦ᭄ᬢ᭞ᬬᬦ᭄ᬯᬸᬲ᭄ᬢᭂᬧᭂ
ᬢ᭄᭞ᬫ᭄ᬯᬂᬓᬩ᭄ᬬᬱᬦ᭄ᬦᬶᬭ᭞ᬫᬓᬬᬸᬦ᭄ᬢ᭞ᬬᬦ᭄ᬭᬶᬂᬇᬲ᭄ᬢ᭄ᬭᬶᬤ᭄ᬬᬦᬦ᭄᭞ᬧᬭᬶᬧᬹᬃᬡ᭄ᬦᬲᬳᬵᬪᬹᬱᬦᬦ᭄᭞ᬫᬶᬦᬱ᭄ᬝᬶᬫ᭄ᬯᬂᬲᭀᬮᬄᬩᬯᬦ᭄ᬬ᭞ᬳᬲᬶᬂᬓᬳᬦᬦ᭄ᬬ᭞ᬧᬮᬸᬗ᭄ᬕᬸᬄᬳᬦᬓ᭄ᬢᬭᬶᬂᬳᬋᬧ᭄ᬢᬲ᭄ᬫᬵᬭ᭞ᬇᬥᭂᬧ᭄ᬫᬶᬚᬶᬮ᭄ᬳᬶ
[᭔᭕ 45A]
ᬓᬂᬓᬫᬩᬂ᭞ᬲᬳᬫᬦ᭄ᬢ᭄ᬭ᭞ᬉᬄ᭞ᬉᬄ᭞ᬇᬓᬧᬗᬯᬓᬦᬶᬂᬭᬱᬩᬂᬫᬶᬚᬶᬮ᭄᭞ᬫᬭᬾᬂᬩ᭄ᬭᬸᬫᬤ᭄ᬬ᭞ᬳᬶᬭᬶᬓᬳᬸᬗ᭄ᬕᬸᬳᬓ᭄ᬦᬲ᭄ᬫᬭᬵ᭞ᬭᬭᬶᬲ᭄ᬳᬭᬤ᭄ᬳᬦᬭᬱᬧᬸᬢᬶᬄᬲᬚᬯᬵᬕᭂᬂᬦ᭄ᬬᬇᬥᭂᬧ᭄ᬫᬶᬚᬶᬮ᭄ᬭᬶᬂᬮᬶᬓᬕ᭄ᬭᬡ᭞
ᬫᬓᬳᬯᬓ᭄᭞ᬫ᭞ᬅ᭞ᬫ᭄ᬯᬄᬳᬭᬤ᭄ᬳᬦᬭᬱᬓ᭄ᬦᬦᬶᬂ᭞ᬲᬭᬫ᭄ᬩᬸᬢ᭄ᬳᭂᬂᬦ᭄ᬬ᭞ᬫᬶᬗ᭄ᬲᭀᬃᬳᬤᬮᬦ᭄᭞ᬳᭀᬢᭀᬕᬸᬂᬭᬶᬂᬗᬸᬭᬶ᭞ᬳᬦᬚᬸᬭᬶᬂᬧᭀᬬᬸᬳᭀᬬᬸᬳᬦ᭄᭞ᬧᬭᬦ᭄ᬢᬶᬓ᭄ᬦᬾᬂᬲᬭᬶ᭞ᬦ᭄ᬤᬶᬢᬗᬭᬡᬶᬂᬲᬭᬶ᭞ᬳᬶᬢᬶ
ᬮᬶᬂᬧᬲ᭄ᬢᬵ᭞ᬲᬓᬶᬂᬭᬶᬓᬫᬮᬶᬄᬫᬸᬗ᭄ᬕᬄ᭞ᬳᬫᬵᬃᬕ᭄ᬕᬳᬦᬸᬯᬸᬢ᭄ᬲᬸᬭᬵᬢᬶᬂᬧᬺᬦᬯᬾᬂᬚᬚᬵ᭞ᬳᬦᬸᬚᬸᬢᬸᬂᬢᬸᬂᬕ᭄ᬭᬡᬵ᭞ᬇᬓᬵᬦᬲᬗ᭄ᬳ᭄ᬬᬂᬲ᭄ᬫᬭᬵ᭞ᬳᬜᬮᬦ᭄ᬢᬭ᭞ᬗ᭞ᬲ᭄ᬫᬭᬵ᭞ᬢ᭄ᬫᬸᬯᬂᬭᬱᬦᬾᬧᬸᬢᬶᬄ᭞ᬭᬶᬂᬭᬱ
ᬦᬾᬓᬸᬦᬶᬂ᭞ᬬᬦ᭄ᬬᬯᬸᬲ᭄ᬫᬢ᭄ᬫᬸ᭞ᬢᬶᬯᬓ᭄ᬦᬭᬶᬂᬯ᭄ᬯᬂᬓᬶᬦᬃᬱᬵ᭞ᬭᬱᬩᬂ᭞ᬳᬶᬓᬫᬸᬗ᭄ᬕᬸᬄᬭᬶᬂᬩ᭄ᬭᬸᬫᬤ᭄ᬬᬦᬶᬂᬯ᭄ᬯᬂᬓᬂᬦᬃᬱᬵ᭞ᬲ᭄ᬫᬭᬵᬭᬢᬶᬄ᭞ᬇᬤᭂᬧ᭄ᬢ᭄ᬭᬸᬲ᭄ᬭᬶᬂᬩ᭄ᬭᬸᬫᬤ᭄ᬬ᭞ᬳᬦ᭄ᬭᬯᬂᬢ᭄ᬓᬾᬂᬚ᭄ᬭᭀᬳᬶᬓ᭞ᬭᬶᬂᬧᬸᬢᬶᬳᬶᬂᬳᬸᬗ᭄ᬕ᭄ᬯ [ 46 ][᭔᭕ 45B]
᭔᭕
ᬦ᭄ᬬ᭞ᬇᬓᬂᬭᬱᬢ᭄ᬮᬸᬩᬂ᭞ᬭᬶᬂᬇᬥᭂᬧ᭄᭞ᬫᬥᬹᬭᬵ᭞ᬭᬶᬢ᭄ᬗᬄ᭞ᬧᬸᬢᬶᬄᬭᬶᬂᬧᬫ᭄ᬓᬲ᭄᭞ᬳᬗ᭄ᬳᬶᬂᬤᬾᬦᬲᬧ᭄ᬢᬶ᭞ᬳᬶᬗᬶᬥᭂᬧᬭᬗ᭄ᬓᭂᬧ᭄ᬦ᭄ᬬ᭞ᬭᬶᬂᬩ᭄ᬭᬸᬫᬤ᭄ᬬᬭᬸᬫᬸᬳᬸᬦ᭄᭞ᬭᬭᬶᬲ᭄ᬢᬶᬩᬭᬶᬂᬧᬚ᭄ᬭᭀ᭞ᬓᬤᬶᬓᭀᬘᬧ᭄ᬭᬶᬗᬋᬧ᭄᭞ᬦ᭄ᬟᬶᬢ᭞ᬗ᭞
ᬚ᭄ᬭᭀᬧᬗᬸᬗ᭄ᬓᬸᬲᬶᬂᬭᬱᬵ᭞ᬭᬶᬂᬕᬕᬶᬢᭀᬓ᭄᭞ᬳᬶᬭᬶᬓᬳᬭᬸᬧᬓᬤᬶᬳᬫ᭄ᬧ᭄ᬭᬸ᭞ᬢ᭄ᬕᭂᬲᬶᬂᬇᬲ᭄ᬢ᭄ᬭᬶᬳᬬᬸᬧᬺᬤᬡᬵ᭞ᬳᬶᬓᬢ᭄ᬕᭂᬲᬶᬂᬧᬺᬤᬡᬵ᭞ᬭᬱᬩᬂ᭞ᬫ᭄ᬯᬄᬢ᭄ᬕᭂᬲᬶᬂᬭᬭᬾᬲᬶᬮᬶ᭞ᬧᬸᬭᬹᬱᬵ᭞ᬢ᭄ᬕᭂᬲᬶᬂᬧᬸᬭᬹᬱᬵ᭞ᬭᬱ᭞ᬧᬸᬢᬶᬄ᭞᭠
ᬢ᭄ᬕᭂᬲᬶᬂᬭᬱᬧᬸᬢᬶᬄ᭞ᬗ᭞ᬲ᭄ᬫᬭᬢᬦ᭄ᬢ᭄ᬭ᭞ᬬᬦᬶᬂᬇᬲ᭄ᬢ᭄ᬭᬶᬭᬢᬶᬄ᭞ᬓᬫᬸᬮᬦᬶᬂᬤᬤᬶᬚᬦ᭄ᬫᬵ᭞ᬢ᭄ᬕᭂᬲᬶᬂᬓᬫᬸᬮᬦᬶᬂᬚᬦ᭄ᬫᬵᬳᬶᬓ᭞ᬗ᭞ᬭᬱᬓᬸᬦᬶᬂ᭞ᬒᬁ᭞ᬳᭀᬂᬦᬶᬂ᭞ᬳᬧᬦ᭄ᬲᬶᬭᬵ᭞ᬭᬸᬫᬯᬓ᭄ᬤᬲᬾᬦ᭄ᬤ᭄ᬭᬶᬬᬲᬤ᭄ᬭᬶᬧᬸ᭞ᬧᬜ᭄ᬘ
ᬫᬳᬵᬪᬹᬣᬵ᭞ᬲᬶᬭᬯ᭄ᬦᬂᬭᬸᬫᬯᬓ᭄ᬤᬾᬯᬵ᭞ᬋᬰᬶᬕᬡᬵ᭞ᬗᬸᬦᬶᬯᬾᬄᬪᬝᬭ᭞ᬳᬧᬦ᭄ᬲᬶᬭᬯ᭄ᬦᬂᬳᬫᬺᬤ᭄ᬬᬓᭂᬦ᭄ᬓᬫ᭞ᬫ᭄ᬯᬄᬲ᭄ᬯᬦᬶᬢ᭄ᬣ᭞ᬬᬦ᭄ᬭᬶᬂᬓᬓᬹᬂᬲᬶᬭᬳᬫᬺᬤ᭄ᬬᬓᭂᬦ᭄ᬓᬫ᭞ᬬᬦ᭄ᬭᬶᬂᬇᬲ᭄ᬢ᭄ᬭᬶᬳᬫᬺᬤ᭄ᬬᬓᭂᬦ᭄
[᭔᭖ 46A]
ᬰ᭄ᬯᬦᬶᬢ᭞ᬬᬤ᭄ᬬᬧᬶᬦ᭄ᬓᬢ᭄ᬓᬦᬶᬂᬧᬢᬶ᭞ᬲᬶᬭᬯ᭄ᬦᬂᬫᬓᬧᬺᬮᬶᬡᬵ᭞ᬦᬵᬗ᭄ᬳᬶᬂᬯᬦᬾᬄᬩ᭄ᬬᬲᬦᬶᬦ᭄᭟᭜᭟ᬫ᭄ᬯᬄᬳᬦᬯᬸᬯᬸᬲᬶᬂᬳᬚᬶᬮ᭄ᬯᬶᬄ᭞ᬧᬗᬯ᭄ᬭᬸᬄᬭᬶᬂᬲᬶᬭᬵ᭞ᬳᬶᬗᬸᬮᬢᬦ᭄᭞ᬳᬦᬭᬶᬂᬕᬫ᭄ᬩᬸᬭᬵᬗ᭄ᬮᬬᬂ᭞ᬗ᭞ᬭᬶᬂᬢ᭄ᬮᭂ
ᬗᬶᬂᬳᬢᬶ᭞ᬳᬶᬭᬶᬓᬳᬸᬗ᭄ᬕᬸᬳᬦᬶᬂᬇᬲ᭄ᬢ᭄ᬭᬶ᭞ᬉᬢ᭄ᬢᬫᬵ᭞ᬕᬸᬫᬦ᭄ᬢᬸᬂᬢᬦ᭄ᬧᬘᬦ᭄ᬢᬾᬮᬦ᭄᭞ᬳᬢᬵᬧᬓᬦ᭄ᬧᬤ᭄ᬫᬵᬰᬡᬵ᭞ᬳᬧᬬᬸᬂᬧᬤ᭄ᬫᬵᬗ᭄ᬮᬬᬂ᭞ᬧᬤ᭄ᬫᬵᬰᬡ᭞ᬩᬸᬗ᭄ᬓᬳᬶᬂᬳᬢᬶ᭞ᬧᬤ᭄ᬫᬵᬗ᭄ᬮᬬᬂ᭞ᬧᬸᬘᬸᬓᬶᬂᬳ
ᬢᬶ᭞ᬗ᭞ᬳᬶᬓ᭞ᬗ᭞ᬲᬕᬭᬫᬥᬹ᭞ᬯ᭄ᬢᬸᬦᬶᬂᬧᬯᬦᬕᬢᬶ᭞ᬧᬯᬡ᭞ᬗ᭞ᬳᬗᬶᬦ᭄᭞ᬗ᭞ᬇᬥᭂᬧ᭄᭞ᬭᬶᬂᬧᬦ᭄ᬢᬭᬦ᭄ᬬ᭞ᬧᬢ᭄ᬫᬸᬯᬦᬶᬂᬲᬗ᭄ᬳ᭄ᬬᬂᬳᭀᬗ᭄ᬓᬭᬵ᭞ᬒᬁ᭞ᬤᬤᬶᬢᬸᬗ᭄ᬕᬮ᭄᭟᭜᭟ᬦᬶᬳ
ᬦ᭄ᬢᬶᬗ᭄ᬓᬳᬶᬂᬳᬗᬤᬸᬓᬫ᭞ᬭᬶᬂᬰ᭄ᬯᬦᬶᬢ᭞ᬳᬬᭀᬕ᭄ᬖᬢ᭄ᬭᬶᬦᬥᬶ᭞ᬗ᭞ᬇᬤ᭞ᬧᬶᬗ᭄ᬕᬮᬵ᭞ᬲᬸᬫ᭄ᬲᬸᬦ᭞ᬇᬤ᭞ᬗ᭞ᬤᬤᬶ᭞ᬢ᭄ᬗᭂᬦ᭄᭞ᬳᬯᬦᬶᬂᬩᬬᬸᬢ᭄ᬓᬾᬗᬢᬶ᭞ᬩ᭄ᬭᬳ᭄ᬫᬵᬳ᭄ᬬᬂᬦ᭄ᬬ᭞ᬭᬸᬧᬮ᭄ᬯᬶᬃᬲᬹᬃᬬ᭄ᬬ᭞ [ 47 ][᭔᭖ 46B]
᭔᭖
ᬯᬢᬸᬫ᭄ᬢᬸ᭞ᬫᬶᬤᭂᬃᬢᬂᬩᬬᬸ᭞ᬢ᭄ᬭᬸᬲ᭄ᬭᬶᬂᬇᬭᬸᬂᬤᬓ᭄ᬱᬶᬡ᭞ᬧᬶᬗ᭄ᬕᬮᬵ᭞ᬦᬤᬶᬓᬶᬯᬵ᭞ᬳᬯᬦᬶᬂᬩᬬᬸᬢ᭄ᬓᬾᬂᬗᬫ᭄ᬧ᭄ᬭᬸ᭞ᬯᬶᬱ᭄ᬡᬸ᭞ᬤᬾᬯᬢᬦ᭄ᬬ᭞ᬯᬵᬃᬡ᭄ᬦᬓᬤᬶᬯᬸᬮᬦ᭄ᬧᬹᬃᬡ᭄ᬦᬫᬵ᭞ᬲᬸᬫ᭄ᬲᬸᬫ᭄ᬦᬦᬤᬶᬭᬶᬂᬫᬤ᭄ᬬ᭞ᬳ
ᬯᬦᬶᬂᬩᬬᬸᬢ᭄ᬓᬾᬂᬧᬧᬸᬲᬸᬄ᭞ᬇᬰ᭄ᬯᬭᬳ᭄ᬬᬂᬦ᭄ᬬ᭞ᬯᬵᬃᬡ᭄ᬦᬓᬤᬶᬳᬕ᭄ᬦᬶᬫᬶᬂᬤᬸᬳᬸᬃᬢᬂᬩᬬᬸ᭞ᬢ᭄ᬭᬸᬲ᭄ᬢᭂᬓᬾᬂᬯᬸᬦ᭄ᬯᬸᬦᬦ᭄᭞ᬇᬓᬓ᭄ᬭᬫᬦᬶᬂᬅᬃᬤ᭄ᬟᬦᬭᬾᬰ᭄ᬯᬭᬶ᭞ᬧ᭄ᬭᬤᬦᬵ᭞ᬯᬶᬰᬾᬱ᭞ᬓ᭄ᬭᬫᬦ᭄ᬬ᭞ᬳᬯᬓᬶᬂᬇᬲ᭄ᬢ᭄ᬭᬶᬭᬶᬂᬢ᭄ᬗᭂ
ᬦ᭄᭞ᬳᬯᬓᬶᬂᬧᬸᬭᬸᬱᬵᬭᬶᬂᬓᬶᬯᬵ᭞ᬤᬾᬦ᭄ᬳᬦᬓ᭄᭞ᬤᬾᬦ᭄ᬩᭂᬦᭂᬂᬧᬢᬶᬢᬶᬲ᭄ᬦᬶᬳᬸᬧ᭄ᬢᬶ᭞ᬲ᭄ᬢᬶᬢᬶᬧᬺᬮᬶᬡᬵ᭞ᬯᬶᬰᬾᬱᬦᬶᬂᬮᬦᬂ᭞ᬲᬂᬢ᭄ᬭᬶᬳᬦ᭄ᬤᬾᬮᬭᬶᬂᬲᬭᬶᬭ᭞ᬳᬶᬤᬧᬶᬗ᭄ᬕᬮ᭞ᬲᬸᬫ᭄ᬲᬸᬫ᭄ᬦᬵ᭞ᬫᬶᬭᬄ᭞ᬇ
ᬦ᭄ᬢᭂᬦ᭄᭞ᬫᬳᬦ᭄ᬢᬾᬓᬦ᭄᭞ᬦᬶᬓᬤᬾᬦᬶᬂᬳᬗᬶᬥᭂᬧ᭄᭞ᬳᬶᬤᬭᬶᬂᬢ᭄ᬗᭂᬕᬸᬳ᭄ᬬ᭞ᬫ᭞ᬒᬁᬲᬗ᭄ᬳ᭄ᬬᬂᬅᬤᬶᬢ᭄ᬬᬳ᭄ᬬᬂᬦᬶᬭᬵ᭞ᬲᬶᬭᬳ᭄ᬬᬂᬳᬤᬶᬯᬶᬰᬾᬱᬲᬶᬦᬯ᭄ᬤᬦ᭄᭟᭜᭟ᬯᬶᬧ᭄ᬕᬮᬵ᭞
[᭔᭗ 47A]
ᬓᬶᬯᬦᬶᬂᬕᬸᬳ᭄ᬬ᭞ᬫ᭞ᬒᬁᬲᬗ᭄ᬳ᭄ᬬᬂᬘᬦ᭄ᬤ᭄ᬭᬳ᭄ᬬᬂᬦᬶᬭᬵ᭞ᬲᬶᬭᬵᬳ᭄ᬬᬂᬤᬭᬵᬯᬶᬰᬾᬱᬵ᭞ᬭᬶᬂᬧ᭄ᬭᬯᭀ᭟᭜᭟ᬲᬸᬫ᭄ᬲᬸᬫ᭄ᬦᬵᬭᬶᬂᬢ᭄ᬗᬄᬦᬶᬂᬕᬸᬳ᭄ᬬ᭞ᬫ᭞ᬫᬁ᭞ᬲᬗ᭄ᬳ᭄ᬬᬂᬳ᭄ᬬᬂᬦᬶᬭᬵᬲᬶᬭᬲᬭᬶᬭᬶᬦᬲᬦ᭄᭞ᬯᬶ
ᬰᬾᬱᬭᬶᬂᬭᭀᬦ᭄᭞ᬧᬢᬸᬗ᭄ᬕᬮᬦᬶᬭᬯᬶᬰᬾᬱᬵ᭞ᬇᬥᭂᬧ᭄ᬭᬶᬂᬚ᭄ᬜᬦᬵᬰᬓ᭄ᬢᬶ᭞ᬫ᭄ᬯᬂ᭞ᬫ᭞ᬲᬁ᭞ᬩᬁ᭞ᬢᬁ᭞ᬅᬁ᭞ᬇᬁ᭞ᬦᬁ᭞ᬫᬁ᭞ᬰᬁ᭞ᬯᬁ᭞ᬬᬁ᭟ᬅᬁ᭞ᬉᬁ᭞ᬫᬁ᭞ᬒᬁ᭟᭜᭟ᬢ᭄ᬮᬲ᭄᭟ᬇᬢᬶᬓᬡ᭄ᬟᬵ
ᬧᬢ᭄ᬕᬸᬫᬶ᭞ᬇᬦᬵᬤ᭄ᬭᬸᬯᬾᬦ᭄ᬳᬶᬯᬬᬦ᭄ᬢ᭄ᬭᬗ᭄ᬲᬵ᭞ᬲᬓᬶᬂᬩᬸᬗᬳ᭄ᬬᬵ᭞ᬩᬜ᭄ᬚᬃᬢᬶᬫ᭄ᬩᬸᬮ᭄᭟᭜᭟ᬢ᭄ᬮᬲ᭄ᬢᬶᬦᬸᬭᬹᬦ᭄ᬭᬶᬭᬳᬶᬦᬵ᭞ᬰᬸ᭞ᬉ᭞ᬯᬭᬉᬓᬶᬃ᭞ᬢᬶᬣᬶ᭞ᬧᬂ᭞ᬧᬶᬂ᭞᭒᭞ᬰᬰᬶᬄ᭞ᬓ᭞᭕᭞ᬭᬄ᭞᭓᭞ᬢᭂᬗ᭄ᬕᭂᬓ᭄
᭞᭑᭞ᬇᬰᬓ᭞᭑᭙᭑᭓᭞ᬯᬃᬱᬵᬦᬶᬗ᭄ᬮᭀᬓ᭞ᬓᬲᬹᬭᬵᬢ᭄ᬳᬦ᭄ᬢᬸᬓ᭄ᬳᬶᬤ᭄ᬟᬵᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂᬳᬫ᭄ᬮᬧᬸᬭᬵ᭞ᬓᬭᬗ᭄ᬳᬵᬲᭂᬫ᭄᭝ᬩᬮᬶ᭛᭜᭛ [ 48 ][᭔᭗ 47B]
᭔᭗
[PERPUSTAKAAN KTR.DOKBUD BALI
PROP.BALI
T/XV/2/DOKBUD
TUTUR RAGA SARIRA
P.40 cm, L. 3,5 cm
Jml.47 lbr
Asal : Griya Kecicang,
Karangasem]