[᭑᭔ 14B]
᭑᭔
ᬫᬺᬢᬦᬾᬭᬶᬂᬩ᭄ᬯᬦᬵᬳᬮᬶᬢ᭄᭞ᬫ᭄ᬯᬄᬭᬶᬂᬩ᭄ᬯᬦᬵᬳᬕᬸᬂ᭞ᬲ᭄ᬮᬘᬸᬃᬮᬘᬸᬃᬚᬢ᭄ᬫᬵᬫᬦᬸᬱᬵ᭞ᬳᬦᬓᬾᬯᬮᬳᭀᬮᬶᬄᬫᬺᬢ᭄ᬣᬵ᭞ᬬᬦ᭄ᬭᬶᬂᬫᬺᬘᬵᬧᬤᬵ᭞ᬳᬦᬓᬾᬯᬮᬵᬯ᭄ᬯᬂᬢᬸᬮᬸᬂᬳᬯᬾᬄᬫᬺᬢ᭄ᬣ᭚ᬇᬢᬶᬫᬮᬶᬄᬫᬗ᭄ᬤᬯ᭄ᬯᬂ
ᬯ᭄ᬭᬸᬄᬭᬶᬲᬧ᭄ᬝᬯᬾᬘᬶᬦᬶᬂᬕᬸᬫᬶ᭞ᬗ᭞ᬕᬸᬫᬶᬢᭂᬫ᭄ᬩᬕ᭞ᬢᬸᬮᬂᬚ᭄ᬯᬶᬢᬦᬾ᭞ᬗ᭞ᬢᬸᬮᬂᬘᬘ᭄ᬢᬶᬓ᭄᭞ᬳᬶᬭᬶᬓᬕ᭄ᬦᬶᬲᬫᬸᬤᬺ᭞ᬓᬸᬓᬸᬲᬾᬫᬦ᭄ᬤᬤᬶᬳᬯᬸᬦ᭄ᬳᬯᬸᬦ᭄᭞ᬫᬗ᭄ᬧᬶᬢᬂᬢᬢᬶᬢ᭄᭞ᬳᬶᬭᬶᬓᬫᬺᬢᬦ᭄ᬕᬸᬫᬶᬦᬾ᭞ᬜᬶᬤ
ᬬᬂᬜᬸᬚᬸᬄᬮᬗᬶᬢ᭄ᬢᭂᬫ᭄ᬩᬕᬦᬾ᭞ᬢᬸᬮᬂᬘ᭄ᬢᬶᬓᬾᬫᬦ᭄ᬤᬤᬶᬳᬚᬸᬮᭀᬓᬵ᭞ᬫᬢ᭄ᬫᬸᬩᬸᬄᬮᭀᬓᬦᬾᬢ᭄ᬓᬾᬦ᭄ᬳᬚᬸᬮᭀᬓᬦᬾ᭞ᬫ᭄ᬢᬸᬳᬸᬚᬦ᭄᭞ᬧᬸᬦᬶᬓᬧᬢ᭄ᬫᬸᬦ᭄ᬳᬶᬫᬾᬫᬾᬮᬯᬦ᭄ᬳᬶᬩᬧᬵ᭟ᬚᬤ᭄ᬭᬾᬬᬮᭀᬓ᭞
ᬗ᭞ᬭᬶᬂᬩᬸᬜ᭄ᬘᬮ᭄᭞ᬢ᭄ᬭᬸᬲ᭄ᬭᬶᬂᬧᬸᬭᬸᬲ᭄᭞ᬳᬶᬭᬶᬓᬕ᭄ᬦᬄᬢᭀᬬᬦᬾ᭞ᬗ᭞ᬕᬸᬫᬶᬓᬓᬸᬦᬶᬗᬦ᭄᭞ᬭᬱᬢᬮᬵ᭞ᬲᬓᬶᬂᬭᬶᬓᬯ᭄ᬢᬸᬬᬂᬮᬮᬄ᭞ᬮᬯᬦ᭄ᬳᬸᬘᬸᬃᬳᬸᬘᬸᬃ᭞ᬳᬶᬭᬶᬓᬭᬱᬢᬮᬦᬾᬫ᭄ᬩᭂᬮᬳᬂ᭞ᬲᬧ᭄ᬝᬵ
[᭑᭕ 15A]
ᬧᬢᬮᬦᬾ᭞ᬳᬸᬘᬸᬂᬳᬸᬘᬸᬃᬜᬸᬚᬸᬄᬓᬫ᭄ᬩᬭᬵ᭞ᬳᬗᬤᬓᬂᬳᬸᬚᬦ᭄᭞ᬧᬢ᭄ᬫᬸᬦᬶᬂᬳᬶᬤᬤᭀᬂᬭᬶᬂᬳᬶᬓᬓᬶ᭟ᬚᬕᬢ᭄ᬮᭀᬓ᭞ᬗ᭞ᬭᬶᬂᬩᬩᭀᬓᭀᬂ᭞ᬗ᭞ᬕᬸᬫᬶᬧᬶᬸᬢᬶᬸᬄᬧᬢᬶᬫᬄ᭞ᬲᬓᬶᬂᬭᬶᬓᬯ᭄ᬢᬸᬳᬗᬶᬦ᭄᭞ᬗᬯ᭄ᬢᬸ
ᬯᬂᬓᬶᬮᬧ᭄᭞ᬓ᭄ᬭᬸᬕ᭄᭞ᬕᬸᬍᬫ᭄ᬧᭂᬜᬢᬸᬃ᭞ᬮᬯᬦ᭄ᬧᬜᬶᬭᬂ᭞ᬗᬤᬓᬂᬳᬸᬚᬦ᭄ᬓᬯᬦ᭄ᬢ᭄ᬭᬂ᭞ᬇᬓᬧᬢ᭄ᬫᬸᬳᬦᬶᬂᬳᬶᬩᬸᬬᬸᬢ᭄ᬭᬶᬂᬳᬶᬓᬸᬫ᭄ᬧᬶ᭟᭜᭟ᬢᬧᬮᭀᬓ᭞ᬭᬶᬂᬧᬸᬧᬹ᭞ᬗ᭞ᬕᬸᬫᬶᬮᬜ᭄ᬘᬸᬂᬰᬭᬶ᭞ᬕ᭄ᬦᬄᬲᬹᬃᬬ᭄ᬬ᭞
ᬩᬸᬮᬦᬾ᭞ᬢᬾᬚᬲᬮ᭄ᬯᬶᬭᬶᬂᬢᬾᬚᬵ᭞ᬗᬤᬓᬂᬭᬳᬶᬦᬵᬯ᭄ᬗᬶ᭞ᬯᬶᬲᬓᬲᬧᬸᬢᬦ᭄ᬤᬾᬦᬶᬂᬮᬶᬫᬸᬢ᭄᭞ᬓᬢᭀᬦ᭄ᬲᬓᬶᬂᬧᬦ᭄ᬮᭂᬂ᭞ᬓ᭄ᬭᬡᬩᬶᬱᬚᬢ᭄ᬫᬵᬦᬾᬫ᭄ᬯᬂᬲᬮ᭄ᬯᬶᬭᬶᬂᬫᬩᬬᬸ᭞ᬲᬓᬶᬂᬢ᭄ᬭᬶᬂᬢᬶᬗ᭄ᬳᬮᬾ᭞
ᬦᭀᬭᬓᬢᭀᬦ᭄ᬧᬭᬦ᭄ᬧᬭᬦ᭄᭞ᬗ᭄ᬳᬶᬂᬳᬦᬓᬦᬓᬵᬦᬾᬢ᭄ᬭᬦᬾ᭞ᬤᭀᬄᬲᬶᬗ᭄ᬕᬂᬲᬓᬶᬂ᭠ᬲᬓᬶᬂᬳᬦ᭄ᬤᬸᬲᬾ᭞ᬲᬦᬾᬗ᭄ᬭᬡᬬᬂᬧ᭄ᬢᭂᬂ᭞ᬬᬦᭀᬭᬯ᭄ᬭᬸᬄᬭᬶᬂᬲᬦᬾᬫᬬᭀᬕ᭄ᬕᬵ᭞ᬫᬢ᭄ᬫᬸᬭᬶᬂᬭᬩᬶ
Page:Bali-lontar-tutur-raga-sarira-300ppi.pdf/15
Jump to navigation
Jump to search
This page has been proofread.
