Ban/Gaguritan Kadhyatmikan 01
Deskripsi[edit]
Bahasa Indonesia[edit]
Lontar Geguritan Kadhyatmikan ini berisi tentang tuntunan menganai ilmu-ilmu yang mesti dipelajari semasa hidup. Dalam lontar ini juga dijelaskan bahwa sebagai manusia harus menguasai ilmu-ilmu yang nantinya dapat diimplementasi dalam menjalankan kewajiban sebagai manusia. selain itu ilmu-ilmu yang dihimbau idak terlepas dari ajaran Dharma yang merupakan ilmu yang kekal dan abadi.
Bahasa Inggris[edit]
Naskah[edit]
[ 1 ][Gag. Kadhyatmikan.
Pnj. 35 cm. 32 lb.
Grya Monjok, Lombok.
PERPUSTAKAAN
KTR. DOKBUD BALI
PROP. BALI
G/VIII/16/DOKBUD]
[᭑ 1A]
[PEMERINTAH PROPINSI DATI I
KANTOR
DOKUMENTASI
BUDAYA BALI
BALI] [ 2 ][᭑ 1B]
᭑
᭚᭐᭚ᬑᬁᬅᬯᬶᬖ᭄ᬦᬫᬵᬱ᭄ᬝᬸ᭚ᬧᬵᬳᬸᬃᬄᬚᬶᬦᬥᬵ᭚᭑᭞ᬲ᭄ᬯᬲ᭄ᬢᬶᬳᬲ᭄ᬢᬸᬪᬕ᭄ᬬᬫᬵᬦ᭄ᬢ᭞ᬜᬫᬺᬢᬶᬫᬗ᭄ᬕᬸᬮᬶᬓ᭄ᬳᬚᬶ᭞ᬢᬸᬢᬸᬃᬢᬢ᭄ᬯᬓᬥ᭄ᬬᬢ᭄ᬫᬶᬓᬦ᭄᭞ᬲᬳᬶᬦ᭄ᬓᬥᬃᬫ᭄ᬫᬦᬾᬢᬸᬚᬸ᭞ᬲᬯᬢ᭄ᬓ
ᬧᭀᬧᬘᬂᬲᬶᬤᬵ᭞ᬧᬶᬢ᭄ᬯᬶᬓ᭄ᬢᬶᬮ᭄ᬩᬧᬵᬗᬶᬦ᭄ᬤᬬᬂᬫ᭄ᬩᬄᬩᬳᬂ᭟᭒᭞ᬓᬭᬡᬲᬳᬢ᭄ᬭᬾᬄᬱᬵ᭞ᬓᬓᭀᬩ᭄ᬢᬜ᭄ᬘᬳᬶᬘ᭄ᬦᬶᬂ᭞ᬩᬓ᭄ᬢᭀᬗᭀᬲᬾᬦᬓᭀᬦᬂ᭞ᬫᬦᬶᬧ᭄ᬯᬦ᭄ᬤᬶᬓᬳᬸᬗ᭄ᬓᬸᬃ᭞ᬢᬶᬢᬄ
ᬤᬾᬯᬵᬜᬾᬦ᭄ᬫᬦᬯᬂ᭞ᬬᬾᬦᬶᬂᬕᬦ᭄ᬢᬶᬢᭀᬂᬤᬤᬶᬩ᭄ᬯᬶᬦ᭄ᬢᬗ᭄ᬕᭂᬳᬂ᭟᭓᭞ᬫᬸᬂᬧᬸᬂᬳᬤᬵᬧᬳᬶᬗᭂᬢᬦ᭄᭞ᬲᬗ᭄ᬓᬦ᭄ᬩᬸᬯᬢ᭄ᬩᬸᬓᬵᬚᬦᬶ᭞ᬩᬧᬵᬦᬢᬓ᭄ᬲ᭄ᬯᬾᬘ᭄ᬘᬵᬦ᭄ᬤᬾᬯᬵ᭞ᬫᬥᬓ᭄ᬓᬸᬤᬵᬳᬶᬤᬳᬲᬸᬂ᭞ᬳ
ᬲᬷᬄᬮᬸᬕ᭄ᬭᬵᬤᬶᬧᬦᬶᬤ᭄ᬭᬦ᭄᭞ᬫᬜᬶᬧ᭄ᬢᬳᬶᬦ᭄ᬩᬧᬵᬳᬫ᭄ᬩᬄᬫᬢᬶᬢᬶᬲᬂ᭟᭔᭞ᬦᬸᬚᬸᬦᬾᬫᬸᬮᬵᬕᬸᬫᬡᬵ᭞ᬓᬘᭂᬗ᭄ᬓᬬᬂᬳᭀᬮᬶᬄᬗᬸᬦᬶ᭞ᬩᬵᬦ᭄ᬳᬶᬤᬵᬲᬂᬲᬸᬩᬵᬯᬶᬓᬦ᭄᭞ᬯᬶᬪᬸᬳᬶᬂᬅᬚ᭄ᬜ᭄ᬬᬡᬧᬸᬢᬸᬲ᭄
[᭒ 2A]
᭞ᬤᬤᬶᬩᬧᬵᬫᬯᬓ᭄ᬧᭀᬗᬄ᭞ᬳᬶᬦᬩ᭄ᬫᬧᬶᬢᬳᬲ᭄ᬢᬳᬸᬲᬗ᭄ᬓᬦ᭄ᬧᬭᬦ᭄᭟᭕᭞ᬓᬚᬢᬾᬦ᭄ᬜᬢ᭄ᬯᬭᬲᬚ᭞ᬢ᭄ᬯᬄᬩᬧᬵᬦᬸᬫᬳᬸᬃᬓᬶᬦ᭄᭞ᬗ᭄ᬕᭂᬜ᭄ᬚᬳᬶᬦ᭄ᬢᬸᬃᬫᬗᬶᬫ᭄ᬩᬸᬗᬂᬗ᭄ᬕᬩᬕᬵᬩᬕᬶᬦ᭄ᬫᬗ᭄ᬭᬸᬭᬸᬄ
᭞ᬢᭀᬂᬦ᭄ᬤᬸᬕᬵᬩᬓᬢ᭄ᬧᬲ᭄ᬢᬶᬬᬂ᭞ᬚᬕ᭄ᬦᭂᬧᬸᬓᬶᬦ᭄ᬤᬕᬶᬂᬢᬢ᭄ᬯᬦᬾᬉᬢ᭄ᬢᬫᬵ᭟᭖᭞ᬤᬾᬦᬶᬂᬓᬳᬸᬘᬧ᭄ᬤᬶᬰᬵᬲ᭄ᬢ᭄ᬭ᭞ᬬᬦ᭄ᬢᬦ᭄ᬓᬃᬫ᭄ᬫᬫᬦ᭄ᬫᬸᬳᬶᬦ᭄᭞ᬚᭀᬄᬧᬭᬵᬫᬜᬶᬤᬵᬓᬵᬃᬬ᭄ᬬ᭞ᬦ᭄ᬧᬸᬓᬶᬦ᭄ᬓᭀᬢᬫ
ᬦ᭄ᬢᬸᬢᬸᬃ᭞ᬩᬧᬵᬚᬢᬷᬜᬫᭀᬥᬦᬵ᭞ᬫᬗᭂᬦ᭄ᬢᭂᬦᬶᬦ᭄ᬳ᭄ᬤᬩᬵᬲ᭄ᬩᬗ᭄ᬕᬵᬫᬜᬕ᭄ᬭᬂ᭟᭗᭞ᬦᬾᬩᬦᬶᬩᬧᬵᬜᬶᬦᬳᬂᬳᬫᬸᬂᬓᬸᬮᬶᬢ᭄ᬜᬦᬾᬘ᭄ᬦᬶᬂ᭞ᬳᬧᬦᬶᬂᬓᭀᬢᬫᬦ᭄ᬢᬢ᭄ᬯ᭞ᬤᬃᬢ᭄ᬣᬬᬂᬤᭀᬱᬵᬓ
ᬢ᭄ᬧᬸᬢ᭄᭞ᬜᬶᬦᬬᬂᬦᬾ ᬢ᭄ᬯᬭᬢᬯᬂ᭞ᬲᬗ᭄ᬓᬵᬲᬸᬮᬶᬢ᭄ᬦᬶᬲ᭄ᬓᬮᬵᬮᬶᬘᬶᬦ᭄ᬧᬫ᭄ᬓᬲ᭄᭟᭘᭞ᬲᬤᬸᬓ᭄ᬩᬶᬱᬵᬫᬶᬥᬃᬢ᭄ᬣ᭞ᬮᬓ᭄ᬱᬡᬳ᭄ᬦᬸᬫ᭄ᬯᬢ᭄ᬫᬳᬶᬢ᭄᭞ᬧᬺᬱᬶᬤᬵᬫᬗᬧᬸᬱ᭄ᬳᬯᬓ᭄᭞ᬤ [ 3 ][᭒ 2B]
᭒
ᬦ᭄ᬤᬾᬦ᭄ᬫᬮᬸᬫᬧᬗ᭄ᬕᬸᬕᬸ᭞ᬳᬸᬧᬾᬓ᭄ᬱᬵᬳᬶᬗᭂᬭᬶᬗᭂᬭᬂ᭞ᬧᬭᬶᬓ᭄ᬱᬳᬶᬦ᭄ᬳᬶᬗᭂᬦ᭄ᬘ᭄ᬦᬶᬂᬗᬾᬢᬸᬋᬓ᭄ᬱᬵ᭟᭙᭞ᬤᬶᬗᭂᬄᬓᬯᬶᬢ᭄ᬩᬧᬵᬜᬢ᭄ᬯ᭞ᬧᬶᬢ᭄ᬓᭂᬢ᭄ᬯᬯᬗ᭄ᬲᬮᬦ᭄᭞
ᬭᬳᬱ᭄ᬬᬤᬵᬗᬯᬾᬭᬬᬂ᭞ᬕᬢᬶᬬᬂᬚᬵᬳᭂᬦ᭄ᬢᭀᬭᬸᬭᬸᬄ᭞ᬚᬢᬶᬫᬶ᭠ᬬᬦ᭄᭞ᬳᭀᬮᬶᬄᬗᬹᬦᬶᬧᬳᬶᬘ᭄ᬘᬦ᭄ᬳᬶᬤᬵᬳᬶᬓᬓ᭄ᬬᬂ᭟᭑᭐᭞ᬢ᭄ᬓᬾᬦ᭄ᬩᬧᬵᬧᬗᬦ᭄ᬤᬶᬓᬵ᭞ᬳ
ᬗ᭄ᬕᭀᬦ᭄ᬤᬲᬃᬫᬧᭀᬤ᭄ᬕᬮᬵ᭞ᬫᬢᬶᬢᬶᬲ᭄ᬜ᭄ᬚᬸᬄᬚᬸᬄᬦᬾᬭᬸᬭᬸᬄ᭞ᬳᬶᬤᬵᬲᬂᬳ᭄ᬬᬂᬓᬍᬧᬲᬦ᭄᭞ᬧᬢᬶᬳᬸᬭᬶᬧ᭄ᬳᬗ᭄ᬕᭀᬦ᭄ᬳᬶᬤᬵᬧᬜᬶᬯᬶᬬᬦ᭄᭟᭑᭑᭞ᬦᬄᬦᬾᬘ᭄ᬦᬶᬂᬧᬤᬶᬗᭂᬳᬂ
᭞ᬧᬯᬭᬄᬳᬶᬓᬓ᭄ᬬᬂᬭᬶᬳᬶᬦ᭄᭞ᬢ᭄ᬓᬾᬦ᭄ᬩᬧᬵᬤᬸᬓᬾᬩᬚᬂ᭞ᬧᬧᭂᬂᬧᭂᬂᬫ᭄ᬗᬵᭂᬫᬳᬸᬭᬸᬓ᭄᭞ᬪᬕᬸᬯᬫᬥᬓ᭄ᬲᬶᬤᬵᬲᬥ᭄ᬬ᭞ᬫᬮᬚᬳᬶᬦ᭄ᬢᬫ᭄ᬧᬓ᭄ᬥᬡ᭄ᬝᬵᬫᭀᬢ᭄ᬢᬫᬵ᭟᭑᭒᭞ᬧᬗ᭄ᬕᬸᬄ᭠
[᭓ 3A]
ᬕᬸᬦᬾᬦ᭄ᬢᭀᬲᬳᬢᬂ᭞ᬗ᭄ᬕᬶᬮᬶᬲᬂᬳᬶᬥᭂᬧ᭄ᬫᬫ᭄ᬩᭂᬲᬶᬓ᭄᭞ᬗ᭄ᬕᬸᬕᬸᬳᬤᬵᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭞ᬳᬸᬭᬶᬧ᭄ᬪᬸᬯᬦᬦᬾᬯᬶᬪᬸᬄ᭞ᬤᬶᬦᬶᬱ᭄ᬓᬮᬵᬳᬶᬤᬵᬓᬹᬘᬧ᭄᭞ᬫᬓᬵᬲᬭᬶᬦ᭄ᬲᬃᬯ᭄ᬯᬢᬸᬢᬸᬭᬾᬫᬓ᭄ᬚᬂ᭟᭑᭓
᭞ᬢᬢ᭄ᬯᬕᬫ᭄ᬫᬰᬶᬯᬵᬩᬸᬤ᭄ᬥᬵ᭞ᬧᬗᬸᬮᬳᬾᬩ᭄ᬲᬶᬓ᭄᭞ᬧᬤᬵᬗᬸᬮᬢᬶᬦ᭄ᬓᬫᭀᬓ᭄ᬱᬦ᭄᭞ᬲᭀᬓ᭄ᬩᬾᬤᬵᬧᬢᬶᬓᬲ᭄ᬦᬸᬚᬸ᭞ᬬᬾᬦᬶᬂᬘ᭄ᬦᬶᬂᬓᬹᬗ᭄ᬕ᭄ᬯᬦ᭄ᬓᬃᬫ᭄ᬫᬵ᭞ᬫᬦ᭄ᬧᬸᬓᬶᬦ᭄ᬓᬲᬶᬦᬸᬗᬦ᭄ᬳ
ᬦ᭄ᬤᬾᬯᬵ᭟᭑᭔᭞ᬤᬾᬦᬶᬂᬧᬶᬢ᭄ᬕᭂᬲ᭄ᬓᬫᭀᬓ᭄ᬱᬦ᭄᭞ᬯᬾᬭᬵᬕ᭄ᬬᬳᬶᬥ᭄ᬧᬾᬲᬳᬶ᭞ᬩ᭄ᬬᬸᬥᬬᬦᬾᬤᬶᬲ᭄ᬓᬵᬮ᭞ᬫᬮᬶᬄᬳᬦᬹᬢ᭄ᬳᬧᬗ᭄ᬕᬸᬕᬸ᭞ᬢ᭄ᬯᬭᬮᬯᬸᬢ᭄ᬓᬲ᭄ᬮᭀᬦ᭄ᬤᭀᬳᬦ᭄᭞ᬓᬢᬮᬶᬦᬶᬦ᭄ᬩᬵ
ᬦ᭄ᬧᬗ᭄ᬯᬰᬦ᭄ᬭᬚᬄᬢᬫᬄ᭟᭑᭕᭞ᬲᬸᬕᬶᬄᬳᬃᬣᬵᬳᬫ᭄ᬩᭂᬓ᭄ᬧ᭄ᬭᬚ᭄ᬜ᭄ᬬᬦ᭄᭞ᬯᬗ᭄ᬰᬵᬍᬯᬶᬄᬢᬦ᭄ᬧᬓᬾᬃᬢ᭄ᬢᬶ᭞ᬯᬰᬡᬜᬫᬗ᭄ᬭᬸᬪᬾᬥᬵ᭞ᬲ᭄ᬓᬵᬮᬦᬶᬱ᭄ᬓᬮᬩᬸᬜ᭄ᬘᬸᬮ᭄᭞ᬓᬮᬶᬲ᭄ᬢᭂᬓᬾᬦᬶᬂᬓ [ 4 ][᭓ 3A]
᭓
ᬫᭀᬓ᭄ᬱᬦ᭄᭞ᬓᬭᬘᬶᬦᬶᬦ᭄ᬩᬜ᭄ᬘᬦᬾᬦ᭄ᬳᬶᬭᬵᬕᬤ᭄ᬯᬾᬱᬵ᭟᭑᭖᭞ᬫᭀᬓ᭄ᬱᬓᬭᬡᬦᬾᬲᬯᬢ᭄᭞ᬬᬦ᭄ᬢ᭄ᬯᬭᬵᬮᬯᬸᬣᭂᬫ᭄ᬩᬦᬶᬦ᭄᭞ᬲᬹᬰᬶᬮᬦᬾᬳ᭄ᬦᬾᬓᬧ᭄ᬭᬄ᭞ᬫᬓᬤᬲᬃᬦ᭄ᬢᭀᬧᬶᬓᬸ
ᬓᬸᬄ᭞ᬦᬸᬦ᭄ᬢᬸᬦ᭄ᬳᬶᬥ᭄ᬧᬾᬲᬹᬓ᭄ᬱ᭄ᬫᬵ᭞ᬓᬾᬢᭀᬘ᭄ᬦᬶᬂᬳᬧᬶᬓ᭄ᬢᬩᬸᬳᬾᬫᬲᭀᬮᬄ᭟᭑᭗᭞ᬫᬮᬶᬄᬚ᭄ᬫᭂᬢᬂᬦᬓᭀᬦᬂ᭞ᬢᬢ᭄ᬯᬰᬵᬲ᭄ᬢ᭄ᬭᬦᬾᬧᬸᬭᬶᬓᬶᬦ᭄᭞ᬕᬸᬮᬶᬢᬶᬓ᭄ᬩᬵᬦ᭄ᬤᬶᬧᬸᬭᬸᬓᬦ᭄᭞ᬤᬵᬲᬸᬩᬮᬦ᭄ᬓᬤᬸ
ᬓ᭄ᬱᬶᬲᬸ᭞ᬘ᭄ᬦᬶᬦ᭄ᬗᬸᬮᬶᬲᬸᬤᬸᬓ᭄ᬰᬵᬲ᭄ᬢ᭄ᬭᬵ᭞ᬫᬶᬫ᭄ᬧᬲ᭄ᬓᬶᬢᬶᬢ᭄ᬧ᭄ᬯᬭᬳ᭄ᬮᬾᬩ᭄ᬦᬾᬕ᭄ᬫᭂᬢᬂ᭟᭑᭘᭞ᬲᬸᬮᬶᬢ᭄ᬲᭂᬗ᭄ᬓᬵᬩᬵᬦ᭄ᬦᬫ᭄ᬧᬾᬦᬂ᭞ᬫᬮᬶᬄᬯᬗ᭄ᬲᬮ᭄ᬓᬤᬾᬜ᭄ᬚᬢᬷ᭞ᬭᬾᬄᬳᬶᬤᬵᬲᬵᬂᬬᭀᬕᭀᬰ᭄ᬯᬭᬵ᭞ᬘᬮᬸᬄ
ᬤᬶᬕᬮᬗᬾᬜᬭᬸ᭞ᬜᬭᬸᬦ᭄ᬤᬸᬧ᭄ᬢᬦ᭄ᬧᬳᬫ᭄ᬩᬗᬦ᭄᭞ᬢ᭄ᬯᬭᬵᬫ᭄ᬮᬶᬄᬗᭀᬦ᭄ᬳᬶᬤᬵᬫᬯᬭᬯᬭᬄ᭟᭑᭙᭞ᬯᬶᬢ᭄ᬚᬢᬶᬦᬾᬓᬲᬶᬗᬶᬤᬂ᭞ᬚ᭄ᬭᭀᬦᬶᬂᬓᬳ᭄ᬬᬸᬦ᭄ᬜᬸᬲᬸᬧ᭄ᬜᬗᬶᬤ᭄᭞ᬳ᭄ᬤᬓᬤᬸᬓ᭄ᬩᬺᬕ
[᭔ 4A]
ᬫ᭄ᬧᬭᬦ᭄᭞ᬗᬸᬫᬦ᭄ᬤᭂᬮ᭄ᬤᬾᬯᬾᬓᬾᬯᬶᬪᬸᬄ᭞ᬰᬵᬲ᭄ᬢ᭄ᬭᬯᬶᬪᬸᬄᬓᬲᬸᬕᬶᬳᬦ᭄᭞ᬢ᭄ᬯᬭᬵᬚᬢᬶᬗᬓᬸᬦᬯᬂᬓᬾᬦᬵᬧᬲᬚᬵ᭟᭒᭐᭞ᬳᬤᬵᬢᬸᬢᬸᬭᬦ᭄᭞ᬲᬯᬦ᭄ᬳᬦᬓᬾᬗᬦ᭄ᬢᭂᬩᬶᬦ᭄᭞ᬦᬾᬫᬵ
ᬤᬦ᭄ᬢᬦ᭄ᬧᬦ᭄ᬥᬡ᭄ᬝᬵ᭞ᬘᬮᬶᬂᬕᬚᬳᬾᬓᬳᬸᬢ᭄᭞ᬳᬮᬸᬲ᭄ᬓᬲᬶᬕᬃᬓᬕᬶᬮᬧ᭄᭞ᬫᬢᬸᬮᬶᬲᬶᬦ᭄ᬚ᭄ᬜᭂᬂᬰᬵᬲ᭄ᬢ᭄ᬭᬫᬮᬵᬕᬾᬦ᭄ᬤᬄ᭒᭑᭞ᬓᬚᬢᬾᬦ᭄ᬜᬵᬢ᭄ᬯᬭᬩᬶᬦᬵ᭞ᬢ᭄ᬓᬾᬦ᭄ᬰᬵᬲ᭄ᬢ᭄ᬭᬦᬾᬫᬢᬸᬮᬶᬲ᭄᭞
ᬤᬶᬧᭂᬧᭂᬲᬦ᭄ᬤᬯᬸᬦ᭄ᬮᭀᬦ᭄ᬢᬃ᭞ᬫᬧᬦᬗ᭄ᬓᬦ᭄ᬳᬸᬮᬶᬓᬸᬩᬸ᭞ᬲᬚᬵᬬᬦ᭄ᬧᬤᬵᬧᬲᬭᬂ᭞ᬘᬸᬯᬢ᭄ᬘ᭄ᬦᬶᬂᬥᬡ᭄ᬝᬦᬾᬫᬳᬚᬶᬫᬳᬮ᭄᭟᭒᭒᭞ᬯᬦ᭄ᬢᬄᬓᬧᭀᬯᬶᬢ᭄ᬧᬲᬚᬵᬥᬡ᭄ᬝᬵᬦᬾ ᬓᬲᬸ
ᬫ᭄ᬩᬸᬂᬚᬢᬷᬳᬮᬶᬮᬓᬭᬜᬶᬭᬶᬬᬂᬧᬗ᭄ᬭᬕᬵᬫᬳᬮ᭄ᬓᬧᬶᬕᬸᬂ᭞ᬳᬶᬢᬸᬂᬢ᭄ᬓᬾᬦᬵᬳᬸᬧᬄᬜᬸᬭᬢ᭄᭞ᬗᬸᬓᬶᬃᬘᬮᬶᬂᬕᬚᬄᬯᬦ᭄ᬢᬄᬲᭂᬗ᭄ᬓᬵᬧᬶᬲᬦ᭄᭟᭒᭓᭞ᬲᬤᬾᬲᬶᬤᬩᬓᬮ᭄ᬩᬓᬢ᭄᭞ [ 5 ][᭔ 4B]
᭔
ᬩ᭄ᬮᬶᬩᬵᬦ᭄ᬧᬶᬧᬶᬲ᭄ᬓᬍᬦ᭄ᬢᬶᬂᬤᬕᬶᬂᬢᬸᬢᬸᬭᬾᬉᬢ᭄ᬢᬫᬵᬘ᭄ᬦᬶᬂᬤᬦ᭄ᬤᬾᬦ᭄ᬫᬮᬸᬗ᭄ᬕᬸᬕᬸ᭞ᬕᬮᬶᬳᬶᬦ᭄ᬮᬯᬸᬢ᭄ᬪᬸᬓ᭄ᬢᬶᬬᬂ᭞ᬢᬹᬃᬕᭂᬜ᭄ᬚᬳᬶᬦ᭄ᬳᭂᬦ᭄ᬢᭀᬓᭀᬦᬾᬓᬍᬧᬲᬦ᭄᭟᭒᭔᭞ᬢ᭄ᬯᬶᬩ᭄ᬮᭀᬕ᭄ᬩᬸᬓᬵᬩᬧᬵᬲᬯ
ᬢ᭄ᬩᬓᬮ᭄ᬫᬗᬸᬕᭀᬦᬶᬦ᭄ᬫᬧᬦ᭄ᬲᬸᬩᬦᬾᬳᬦ᭄ᬝᬓᬵ᭞ᬢᬓ᭄ᬧᬦᬾᬢ᭄ᬯᬭᬦᬸᬢᬸᬕ᭄᭞ᬗᬶᬦ᭄ᬢᬶᬓ᭄ᬤᬤᬶᬢᬢ᭄ᬫᭀᬓᬦ᭄ᬓᬲᬸᬗ᭄ᬓᭂᬫᬶᬦ᭄ᬲᬦ᭄ᬢᬦᬵᬗᬗ᭄ᬕᭀᬢᬯᬸᬮᬦ᭄᭟᭒᭕᭞ᬮᬯᬸᬢ᭄ᬳᬦ᭄ᬢᭂᬩ᭄ᬫᬗᬸᬘᬧᬂ
ᬓ᭄ᬘᬧ᭄ᬢᬓ᭄ᬧᬦᬾᬧᬶᬗᬶᬢ᭄᭞ᬭᬳᬱ᭄ᬬᬦ᭄ᬤᭂᬮᬸᬄᬫᬦᬶᬯᬵᬧᬸᬢᬸᬲᬦ᭄ᬥᬸᬃᬕ᭄ᬕᬦᬾᬓᬮᬸᬩ᭄᭞ᬤᬸᬓᬶᬂᬗᬹᬦᬶᬦᬹᬤᬶᬚᬯᬵ᭞ᬓᬹᬘᬧ᭄ᬫᬦ᭄ᬤᬶᬲᬸᬳᬸᬦ᭄ᬬᬢ᭄ᬓᭂᬤ᭄ᬓᬲᬲᬓ᭄᭟᭒᭖᭞ᬦᬵᬗ᭄ᬳᬶᬂᬓᬾ ᬫᬦᬯᬂᬩᬧᬵ᭞ᬢ
ᬢ᭄ᬧᬦ᭄ᬰᬡ᭄ᬝᬦᬾᬚᬢᬷᬢ᭄ᬯᬶᬢ᭄ᬯᬄᬤᬶᬚ᭄ᬭᭀᬦᬶᬂᬦ᭄ᬳᬯᬓ᭄ᬧᬶᬢ᭄ᬓᭂᬢ᭄ᬳᬶᬓᬓ᭄ᬬᬂᬫᬮᬸ᭞ᬧᬭᬳᬾᬫᬗ᭄ᬤᬾᬦ᭄ᬩᬧᬵ᭞ᬫᬳᬸᬭᬸᬓᬶᬦ᭄ᬳᬦᬸᬢ᭄ᬢᬧᬵᬬᭀᬕᬩ᭄ᬭᬢ᭄ᬢ᭟᭒᭗᭞ᬮᭀᬦ᭄ᬢᬭᬾᬦ᭄ᬢᭀᬦᬾᬓᬲᬹ᭠
[᭕ 5A]
ᬭᬢ᭄᭞ᬜᬦ᭄ᬳᬶᬤᬵᬤᬾᬯᬦᬾᬲᬹᬘ᭄ᬘᬶ᭞ᬧᬓᬵᬃᬤ᭄ᬥᬶᬦ᭄ᬳᬶᬤᬵᬪᬝᬭ᭞ᬪᬝᬭᬤᬶᬫᬳᬵᬫᬾᬭᬸ᭞ᬢ᭄ᬯᬭᬲᬶᬤ᭄ᬤᬵᬧᬶᬥᬃᬢ᭄ᬣᬬᬂ᭞ᬩᬳᬦ᭄ᬫᬸᬜᬶᬬᬦ᭄ᬢ᭄ᬯᬭᬫᬤᬲᬃᬬᭀᬕ᭄ᬕᬵ᭟᭒᭘᭞ᬫᬗᬦᬹᬢ᭄ᬧᬲᬶᬦᬄᬢᬶᬓ᭠
ᬲ᭄᭞ᬓᬾᬯᭂᬄᬲᭂᬗ᭄ᬓᬵᬩᬦ᭄ᬩᬸᬧᬤᬶ᭞ᬫᬶᬯᬄᬦ᭄ᬤᬶᬗᭂᬄᬫᬤᬶᬗᭂᬳᬂ᭞ᬰᬩ᭄ᬤᬅᬓᬰᬦᬾᬲᬸᬳᬸᬂ᭞ᬜᬸᬲᬸᬧ᭄ᬤᬶᬲᬚ᭄ᬭᭀᬦᬶᬂᬗ᭄ᬳᬯᬓ᭄᭞ᬫᬗᬫ᭄ᬩᬸᬳᬶᬦ᭄ᬳᬶᬢ᭄ᬭᬶᬦᬥᬶᬤᬶᬲᬭᬷᬭᬵ᭟᭒᭙᭞ᬕᬶᬫ᭄ᬧᭂᬲ᭄ᬓᬾᬢᭀᬫᬯ
ᬲᬦᬵ᭞ᬳᬶᬤᬵᬓᬓ᭄ᬬᬂᬘᬳᬶᬗᬹᬦᬶ᭞ᬫᬧᬶᬢ᭄ᬓᭂᬢ᭄ᬢ᭄ᬓᬾᬦ᭄ᬩᬧᬵ᭞ᬮᬶᬲᬶᬓᬾᬦᬾᬧᬢᬹᬢ᭄ᬢᬸᬳᬸᬢ᭄᭞ᬮᬘᬸᬃᬘ᭄ᬦᬶᬂᬢ᭄ᬓᬾᬦ᭄ᬩᬧᬵ᭞ᬓᬬᬂᬚᬦᬶᬫᬲᬶᬄᬢᭀᬦ᭄ᬤᬾᬦ᭄ᬩᬶᬲᬵᬕᬫ᭄ᬕᬫ᭄᭟᭓᭐᭞ᬯ᭄ᬓᬲᬦ᭄ᬤᬤᬶᬩᬧᬵᬚ᭄ᬗᬄ᭞
ᬩᬵᬦ᭄ᬢᭀᬂᬲᬶᬤᬵᬫᬶᬢᬸᬳᬸᬢᬶᬦ᭄᭞ᬓᬓ᭄ᬬᬂᬘᬳᬶᬫᬧᬧᬶᬦᭂᬄ᭞ᬩᬦ᭄ᬢᬲ᭄ᬩᬧᬵᬢ᭄ᬯᬭᬲᬸᬭᬸᬤ᭄᭞ᬫᬮᬚᬳᬶᬦ᭄ᬜᬾᬯᬓᬬᬂ᭞ᬫᬗᬲ᭄ᬢᬶᬢᬶᬢ᭄ᬓᬾᬦ᭄ᬲᬂᬕᬸᬭᬸᬦᬶᬂᬚᬕᬢ᭄᭟᭒᭑᭞ᬦᬄᬘ᭄ᬦᬶᬂᬦᬾᬤᬶᬗᭂᬳ [ 6 ][᭕ 5B]
ᬲᬢ᭄ᬯᬦ᭄ᬩᬧᬵᬦᬾᬫᬗᬶᬧᬶ᭞ᬦᬸᬚᬸᬧᬗ᭄ᬮᭀᬂᬧᬶᬂᬧᬢ᭄ᬩᭂᬮᬲ᭄᭞ᬦ᭄ᬧᭂᬗᬶᬦ᭄ᬢᬶᬍᬫ᭄ᬓᬧᬶᬢᬸ᭞ᬤᬶᬦᬵᬦ᭄ᬜᬦᬾᬩᬸᬤ᭄ᬥᬵᬧᬳᬶᬂ᭞ᬰᬾᬯᬵᬮᬢ᭄ᬭᬶᬳᬦᬓᬾᬧᬤᬵᬫᬲᬫ᭄ᬩᬸᬂ᭟᭓᭒᭞ᬳᬶᬥᭂᬳᬶᬥᭂᬧ᭄ᬫᬮᬸ
ᬘᬶᬂᬦᬸᬢᬸᬕᬂ᭞ᬓ᭄ᬬᬧ᭄ᬫᬢᬦᬾᬗᬩᬦᬶᬦ᭄᭞ᬩᬹᬫᬭᬧᬤᬵᬜᬫ᭄ᬩᬸᬢᬂ᭞ᬧᬸᬍᬲ᭄ᬳᬭᬶᬲ᭄ᬩᬧᬵᬦ᭄ᬤᭂᬗ᭄ᬓᬸᬃ᭞ᬗᬶᬧᬶᬦᬥᬓ᭄ᬩᬸᬓᬵᬲᬥ᭄ᬬ᭞ᬕᬢ᭄ᬭᬫᬶᬭᬶᬩ᭄ᬫᬦ᭄ᬧᬸᬓᬶᬦᬼᬕᬦ᭄ᬫᬦᬄ᭟᭓᭓᭞ᬳᬧᬵ
ᬓᬾᬓ᭄ᬭᬡᬦᬾᬍᬕᬵ᭞ᬚ᭄ᬭᭀᬦᬶᬂᬳᬶᬧ᭄ᬬᬦ᭄ᬫᬫᬗ᭄ᬕᬶᬳᬶᬦ᭄᭞ᬕᬸᬦᬸᬂᬢ᭄ᬕᭂᬳᬾᬓᬮᬶᬯᬢ᭄᭞ᬧᬸ᭠ᬘᬓ᭄ᬜᬦᬾᬗᬯᬸᬦ᭄ᬳᬯᬸᬦ᭄᭞ᬤᬶᬩᭀᬗ᭄ᬓᭀᬮ᭄ᬕᬸᬦᬸᬗᬾᬳᬤᬵ᭞ᬢᬫᬦ᭄ᬲᬭᬷᬕᭀᬧᬸᬭᬵᬦᬾᬫᬸᬧ
ᬘᬶᬭ᭟᭒᭔᭞ᬦᬕᬢᬢ᭄ᬮᬸᬫᬗ᭄ᬩᬕ᭄᭞ᬅᬗ᭄ᬓᭂᬃᬕᭀᬩᬦ᭄ᬜᬦᬾᬘ᭄ᬦᬶᬂ᭞ᬓ᭄ᬮᬸᬲ᭄ᬳᬶᬧᬸᬦ᭄ᬪᬾᬤᬩᬾᬤᬵ᭞ᬩᬭᬓ᭄ᬧᬸᬢᬶᬄᬲᬼᬫ᭄ᬢᬸᬮᬸᬲ᭄᭞ᬦᬾᬧᬸᬢᬶᬄᬦᭀᬗᭀᬲ᭄᭞ᬦᬾᬧᬸᬢᬶᬄᬦᭀᬗᭀᬲ᭄ᬤᬶᬢ᭄ᬗᬄ᭞ᬧᬸᬍᬲ᭄ᬦ᭄ᬤᬶᬳᬶ
[᭖ 6A]
ᬲ᭄ᬦᬾᬫᬗᬧᬶᬢ᭄ᬱ᭄ᬩᬓ᭄ᬱ᭄ᬩᬓ᭄᭟᭓᭕᭞ᬤᬶᬳᬸᬦ᭄ᬤᬸᬓ᭄ᬓᭀᬭᬶᬦᬾᬦ᭄ᬕᬓ᭄᭞ᬳᬦᬓ᭄ᬮᬸᬄᬚ᭄ᬕᬾᬕ᭄ᬭᬲ᭄ᬧᬢᬶ᭞ᬩᭀᬓᬾᬲᬼᬫ᭄ᬤᭂᬫ᭄ᬤᭂᬫ᭄ᬲᬫᬄ᭞ᬕᬥᬶᬂᬧᬫᬸᬮᬸᬦᬾᬮᬸᬫ᭄ᬮᬸᬫ᭄᭞ᬧᬮ᭄ᬬᬢᬾᬫᬘ᭠
ᬳ᭄ᬬᬕᬮᬂ᭞ᬲᬯᬂᬩᬸᬤ᭄ᬭᬶᬗᬩᬵᬩᬸᬗ᭄ᬳᬵᬢᬸᬜ᭄ᬚᬸᬂᬚᬶᬗ᭄ᬕᬵ᭟᭓᭖᭞ᬚᬷᬗ᭄ᬕᬦᬾᬫᬲ᭄ᬫᬸᬩᬭᬓ᭄᭞ᬫᬮᬯᬾᬬᬦ᭄ᬧ᭄ᬢᬂᬩ᭄ᬲᬶᬓ᭄᭞ᬳᬗᭀᬩ᭄ᬲᬦ᭄ᬩᬧᬵᬗᬦ᭄ᬢᭂᬦᬂ᭞ᬳᬦᬓ᭄ᬳᬶᬲ᭄ᬢ᭄ᬭᬶᬦᬸᬮᬸᬲ᭄ᬳᬬᬸ᭞ᬫ᭠
ᬗᬬᬂᬳᬬᬸᬦᬾᬯᬦ᭄ᬢᬄ᭞ᬲᬭᬵᬰ᭄ᬯᬢᬷᬤᬶᬲ᭄ᬓᬵᬮᬜᬮᬦ᭄ᬢᬭᬵ᭟᭒᭗᭞ᬫ᭄ᬩᬳᬦ᭄ᬩᬧᬵᬗᬾᬓᬥᬬ᭞ᬩᬢᭂᬓ᭄ᬫᭂᬍᬤᬾᬦᬓᭀᬦᬶᬦ᭄᭞ᬤᬾᬯᬵᬭᬢᬸᬜᬾᬦ᭄ᬳᬶᬤᬾᬯᬵ᭞ᬲᬬᬂᬚᬵᬯᬃ
ᬡ᭄ᬦᬦᬾᬳᬬᬸ᭞ᬢᬦ᭄ᬧᬶᬭᬶᬗᬦ᭄ᬚᬕᬵᬓ᭄ᬚᬵ᭞ᬦᬧᬶᬓᬭᬶᬗᬦ᭄ᬢᭀᬲ᭄ᬳᬶᬭᬶᬗᬦ᭄ᬤᬶᬢᬫᬦ᭄᭟᭓᭘᭞ᬳᬶᬳᬬᬸᬢᬓᭀᬦᬶᬦ᭄ᬩᬧᬵ᭞ᬤᬤᬶᬢᬦ᭄ᬧᬲᬯᬸᬃᬘ᭄ᬦᬶᬂ᭞ᬩ᭄ᬯᬶᬦ᭄ᬩᬧᬵᬗᭀᬮᬲ᭄ᬳ᭄ᬮᬲ᭄ [ 7 ][᭖ 6B]
᭖
ᬭᬵᬢᬸᬳᬦᬓᬵᬕᬸᬂᬳᬬᬸ᭞ᬕᬯᭀᬓ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬯᬃᬡᬳᬰ᭄ᬭᬷᬭᬵᬢᬸᬯᬦᬄᬤᬕᬶᬂᬲ᭄ᬯᬃᬕ᭄ᬕᬦ᭄᭟᭓᭙᭞ᬦᬯᬶᬲᬭᬵᬰ᭄ᬯᬢᬷᬤᬾᬯᬵ᭞ᬬᬦ᭄ᬢᬦ᭄ᬲᬸᬧ᭄ᬭᬪᬵᬫᬦᬶᬢᬶᬲ᭄᭞ᬤᭀᬦᬶᬂᬳᬬᬸ
ᬦᬾᬓᬮᬶᬦ᭄ᬢᬂ᭞ᬦᬾᬭᬶᬳᬶᬦ᭄ᬭᬢᬸᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬵᬪᬝᬭᬾᬦ᭄ᬤ᭄ᬭ᭞ᬮᬸᬗ᭄ᬳᬵᬜᬶᬮᬶᬩ᭄ᬫᬗ᭄ᬕᭀᬤᬵᬳᬶᬦᬵᬣᬓ᭄ᬯᬘᬵ᭟᭔᭐᭞ᬢᭀᬦ᭄ᬤᬾᬦ᭄ᬩᬧᬵᬓᬲᬳᬸᬭᬦ᭄᭞ᬚᬕ᭄ᬢᬗ᭄ᬓᭂᬚᬸᬢ᭄ᬩᬧᬵᬤᬤᬶ᭞
ᬦᬵᬕᬦᬾᬲᬵᬳᬲᬕᬮᬓ᭄ᬲᬮᬵᬕᬦ᭄ᬢᬧᬤᬵᬜᬶᬫ᭄ᬩᬸᬄ᭞ᬦᬾᬤᬶᬢ᭄ᬗᬄᬫᬜᬶᬫ᭄ᬩᬸᬳᬂ᭞ᬳᬧᬶᬯᬺᬤᬶᬓᬸᬫᬶᬢᬶᬃᬫᬳᭂᬓᬶᬦ᭄ᬩᬧᬵ᭟᭔᭑᭞ᬯᬲ᭄ᬢᬸᬩᬵᬧᬗ᭄ᬱᬧ᭄ᬳᬚᬳᬦ᭄᭞ᬢᬗ᭄ᬓᭂᬚᬸᬢ᭄ᬫᬭᬱᬵᬫ
ᬢᬶ᭞ᬚ᭄ᬭᭀᬦᬶᬂᬩᬲᬂᬳᬸᬮᬸᬄᬦᬵᬕ᭞ᬢᬢ᭄ᬮᬸᬓᭀᬱᬾᬦ᭄ᬓᬤᬸᬭᬸᬲ᭄᭞ᬳᬯᬓ᭄ᬗᬳᬧ᭄ᬓᭂᬩᬸᬲ᭄ᬩᬲᬂ᭞ᬧ᭄ᬭᬕᬢ᭄ᬘ᭄ᬦᬶᬂᬓᬚᬢᬾᬦ᭄ᬜᬢ᭄ᬯᬭᬵᬲᬚᬵ᭟᭔᭒᭞ᬢᬓᬸᬢᬾᬫᬧ᭄ᬯᬭᬳᬶᬮᬂ᭞ᬫᬕᭂᬦ᭄ᬢᬶᬩᬦ᭄ᬕ
[᭗ 7A]
ᬮᬂᬘ᭄ᬦᬶᬂ᭞ᬫᬢᬳᬫ᭄ᬩᬸᬮ᭄ᬫᬓ᭄ᬤᬢᬂ᭞ᬦ᭄ᬢᭂᬦ᭄ᬗᬓ᭄ᬫᬰᬶᬮᬵᬧ᭄ᬜᬸ᭞ᬧ᭄ᬱᬸᬫᬸᬜᬶᬧᬤᬶᬤ᭄ᬬᬦ᭄᭞ᬓᬾᬦ᭄ᬓᬾᬦ᭄ᬚᬦᬶᬤᬶᬚᬵᬢᭀᬗᭀᬲᬾᬫᬦ᭄ᬕᬓ᭄᭟᭔᭓᭞ᬳᬶᬳᬬᬸᬫᬸᬱ᭄ᬡᬵᬢᬶᬗ᭄ᬕᬮ᭄᭞ᬬᬦ᭄ᬓ᭄ᬚᬵᬮᬓᬸᬜ
ᬘ᭄ᬦᬶᬂ᭞ᬢᬫᬦ᭄ᬫᬲᬶᬄᬧᬥᬵᬕᬮᬂ᭞ᬨᬮᬦ᭄ᬧ᭄ᬮᬾᬲᬾᬩᬮᬸᬩᬸᬄ᭞ᬤᬤᬶᬗᬶᬧᬶᬢ᭄ᬯᬭᬓᬧ᭄ᬭᬄ᭞ᬫᬦ᭄ᬧᬸᬓᬶᬦ᭄ᬳᬶᬳᬬᬸᬚ᭄ᬕᬾᬕ᭄ᬫᬗᬬᬂ᭟᭔᭔᭞ᬯᬶᬭᬾᬄᬫ᭄ᬭᬱᬵᬢᭀᬦ᭄ᬤᬾᬦᬼᬫᬄ᭞ᬓᬶᬤ᭄ᬫᬂᬫᬢᬦᬾᬩ᭄ᬯᬶ᭠
ᬦ᭄᭞ᬧᬸᬍᬲ᭄ᬤᬾᬯᬾᬓᬾᬳᬚᬳᬦ᭄᭞ᬗ᭄ᬕᭂᬭᭀᬓ᭄ᬳᬗ᭄ᬓᬶᬳᬦᬾᬧ᭄ᬱᬸ᭞ᬕᬍᬗᬾᬢ᭄ᬕᭂᬄᬗᬯᬦᬂ᭞ᬲᬗ᭄ᬓᬦ᭄ᬘᭂᬦᬶᬂᬤᬵᬓᬸᬤᬵᬦᬸᬳᬸᬢᬂᬩᬧᬵ᭟᭔᭕᭞ᬢᬩᬸᬄᬕ᭄ᬥᬾᬫᬧᬶᬦᬶᬮᬤ᭄᭞ᬤᬾᬯᬢ᭄ᬣᬤᬶᬕᬸᬦᬸᬂᬲ
ᬭᬶ᭞ᬢ᭄ᬯᬭᬗ᭄ᬭᬱᬵᬳᬯᬓ᭄ᬪᬾᬓ᭄ᬱᬵ᭞ᬦᬦ᭄ᬤᬶᬗᬶᬦ᭄ᬲᬂᬫ᭄ᬭᬕᬵᬯᬶᬪᬸᬄ᭞ᬯᬦ᭄ᬢᬄᬳᭂᬦ᭄ᬢᭀᬫᬗ᭄ᬭᬦᬬᬂ᭞ᬩᬲ᭄ᬗᬸᬮᬸᬭᬸᬶᬭᬶᬦ᭄ᬢᭀᬂᬩᬶᬱᬵᬗᬸᬡ᭄ᬥᬳᬗ᭄ᬓᬶᬳᬦ᭄᭟᭔᭖᭞ᬧᬸᬍᬲᬼᬧᬼᬧ᭄ᬚᬸᬭᬄᬩᬗ᭄ᬓᬮ᭄᭞ᬤ᭄ᬯᬦᬶᬂᬩ᭄ᬯᬶ [ 8 ][᭗ 7B]
᭗
ᬕ᭄ᬩᬧᬵᬗᬶᬧᬶ᭞ᬘ᭄ᬦᬶᬂᬳᬶᬦ᭄ᬤᬬᬂᬋᬲᭂᬧᬂ᭞ᬜᬫ᭄ᬩᬸᬂᬳᬶᬧ᭄ᬬᬦ᭄ᬓᬸᬘᬶᬢ᭄ᬲᬫ᭄ᬩᬢ᭄᭞ᬳᬦᬓ᭄ᬮᬶᬗ᭄ᬲᬶᬃᬗ᭄ᬭᬗᬭᬳᬸᬳᬶᬦ᭄ᬫᬢ᭄ᬭᬸᬬᬸᬤᬦ᭄᭟᭔᭗᭞ᬪᬱᬵᬫᬜ᭄ᬩᬸᬭᬶᬦ᭄ᬓ᭄ᬭᬸᬡ᭞ᬳᬶᬄᬦᬾᬘᬳᬶᬳᬧᬵᬓᬮᬶᬄ᭞ᬗᬓ᭄ᬫᭀ
ᬫᭀᬢ᭄ᬫᬦᬸᬗᬤᬄ᭞ᬗ᭄ᬢᬾᬓᬶᬦ᭄ᬩᬶᬦ᭄ᬢᬗᬾᬮᬶᬬᬸ᭞ᬦᬄᬫᬭᬾᬭᬾᬦ᭄ᬫᬳᬶᬤᬶᬗᭂᬳᬂ᭞ᬓᬓᬶᬚᬦᬶᬫᬧᬶᬤᬃᬢ᭄ᬣᬫᬦ᭄ᬤᬃᬢ᭄ᬣᬬᬂ᭟᭔᭘᭞ᬋᬲᭂᬧᬂᬘᬳᬶᬧ᭄ᬤᬲᬂ᭞ᬩᬶᬱᬩᬶᬱᬫᬗᬶᬢᬸᬗᬶᬦ᭄᭞ᬳᬦᬾᬮᬸᬄ
ᬚ᭄ᬕᬾᬕ᭄ᬳᬶᬩᬸᬲᬦ᭄᭞ᬭᬩᬶᬦ᭄ᬳᬶᬤᬵᬲᬗ᭄ᬳ᭄ᬬᬂᬕᬸᬭᬸ᭞ᬲ᭄ᬣᬦᬦ᭄ᬳᬶᬤᬵᬦ᭄ᬢᭀᬤᬶᬢᬫᬦ᭄᭞ᬧᬤ᭄ᬫᬯ᭠ᬗᬶᬤᬶᬩᭀᬗ᭄ᬓᭀᬮ᭄ᬕᬸᬦᬸᬂᬇᬫᬯᬦ᭄᭟᭔᭙᭞ᬘᬳᬶᬓᭀᬲᬸᬩᬵᬗᬦ᭄ᬢᭂᬦᬂ᭞ᬩᬢᭂᬓ᭄ᬦᬸᬫᬤᬲᬃᬧ᭄ᬮᬶᬄ
᭞ᬩᬦᬶᬫᬢᬹᬃᬫᬜ᭄ᬚᬶᬜ᭄ᬚᬶᬦᬂ᭞ᬩᬵᬧᬵᬮᬯᬸᬢ᭄ᬫᬧᬗᬚᬸᬫ᭄᭞ᬳᬶᬤᬵᬢ᭄ᬯᬭᬤᬤᬶᬲᬧᬵ᭞ᬩᬳ᭄ᬦ᭄ᬫᬸᬜᬶᬫᬧᬦ᭄ᬫᬭᬕᬵᬪᬝᬭᬵ᭟᭕᭐᭞ᬬᬜ᭄ᬘᬳᬶᬘᬘᭂᬧ᭄ᬗᬲ᭄ᬣᬯᬵ᭞ᬲᬶᬦᬄᬘᬳᬶᬓᬲ᭄ᬯᬾᬘ᭄ᬙᬵ
[᭘ 8A]
ᬦᬶᬦ᭄᭞ᬓᬾᬯᬮᬵᬤᬵᬧᬶᬲᬦ᭄ᬧᬗ᭄ᬓᬄ᭞ᬳᬧᬂᬫᬸᬦ᭄ᬥᬸᬓ᭄ᬩᬶᬓᬲ᭄ᬦᬩᬸᬄ᭞ᬗᬤᬸᬓ᭄ᬧ᭄ᬭᬡᬦᬾᬤᬶᬳᬯᬓ᭄᭞ᬤᬵᬗᭂᬗ᭄ᬱᬧᬶᬦ᭄᭞ᬅᬧᬵᬦᬦᬾᬢᭀᬕᬶᬦᭂᬗᬂ᭟᭕᭑᭞ᬮᬯᬸᬢ᭄ᬳᬤᬵᬫᬸᬜᬶᬦ᭄ᬰᬵᬲ᭄ᬢ᭄ᬭ᭞ᬫ
ᬯᬓ᭄ᬯᬗ᭄ᬲᬶᬢ᭄ᬤᬶᬗᭂᬄᬘᬳᬶ᭞ᬫᬸᬜᬶᬦ᭄ᬕᬶᬫ᭄ᬧᭂᬲ᭄ᬢ᭄ᬯᬭᬵᬤᬯᬵ᭞ᬰᬵᬲ᭄ᬢ᭄ᬭᬦ᭄ᬜᬦᬾᬢ᭄ᬯᬄᬳᬯᬸᬓᬸᬤ᭄᭞ᬬᬦ᭄ᬢᭂᬓᬵᬳᬦᬹᬢᬦᬹᬢᬂ᭞ᬮᬵᬦᬾᬍᬯᬶᬄᬫᬧᬗᬗ᭄ᬕᭀᬳᬸᬮᬸᬘᬦ᭄ᬤ᭄ᬭ᭟᭕᭒᭞ᬦᬕᬦᬾᬲᭂᬦ᭄ᬢᬓ᭄ᬳᬸᬦ᭄ᬥᬓ
ᬦ᭄᭞ᬳᬶᬫᬾᬭᬸᬥᬡ᭄ᬥᬓᬵᬤᬦᬶᬦ᭄᭞ᬓᬓᬸᬫᬦ᭄ᬤᬮ᭄ᬬᬓᬲᬸᬓ᭄ᬱ᭄ᬭᬄ᭞ᬢ᭄ᬓᬾᬦ᭄ᬪᬝᬭᬦᬾᬯᬶᬪᬸᬄ᭞ᬲᬗ᭄ᬳ᭄ᬬᬂᬕᬡᬗᬯᬶᬰᬾᬱᬵ᭞ᬦ᭄ᬤᬾᬯᬓ᭄ᬯᬳᬶᬦ᭄ᬤᬶᬪᬸᬄᬮᭀᬓᬫᬹᬮᬵᬥᬭ᭟᭕᭓᭞ᬦ᭄ᬢᭀᬦᬵ
ᬕᬦᬾᬲᬼᬫ᭄ᬮᬸᬫ᭄ᬩ᭄ᬭᬄ᭞ᬳᬶᬩᬮ᭄ᬬᬦ᭄ᬰᬓ᭄ᬢᬶᬓᬲᬸᬫ᭄ᬩᬸᬂ᭞ᬧᬥᬵᬤᬤᬶᬥᬶᬂᬥᬶᬂᬤᬥᬵ᭞ᬫᬧᬕ᭄ᬦᬦ᭄ᬢᬶᬰᬢ᭄ᬭᬸᬦᬾᬫᬗ᭄ᬭᬸᬲᬓ᭄ᬢᬫᬦ᭄᭞᭕᭔᭞ᬬᬦ᭄ᬢᭂᬓᬵᬳᬶᬤᬵᬮᬸᬕ᭄ᬭᬳᬵᬘᬳᬶᬓᬶᬘ᭄ᬘᬦ᭄ᬫᬶᬮᬸᬗᬶᬭᬶᬂ᭞ᬓᬧᬸ [ 9 ][᭘ 8B]
᭘
ᬜ᭄ᬘᬓ᭄ᬕ᭄ᬕᬸᬦᬸᬗᬾᬲᬯᬢ᭄᭞ᬦ᭄ᬕᬓᬶᬦ᭄ᬦᬵᬕᬦᬾᬧᬶᬗᬸᬮ᭄᭞ᬧᬋᬓ᭄ᬳᬶᬤᬵᬲᬗ᭄ᬬᬂᬢᬸᬗ᭄ᬕᬮ᭄᭞ᬳᬶᬫ᭄ᬧᬂ᭠ᬗᬶᬭᬶᬂᬤᬶᬢᬫᬦᬾᬩᬶᬦ᭄ᬮᬮᬶᬫᬵ᭟᭕᭕᭞ᬓᭀᬢ᭄ᬢᬫᬦ᭄ᬢᬫᬦᬾᬢᬸᬗ᭄ᬕᬮ᭄᭞ᬧ᭄ᬥᬸᬫ᭄ᬢᬤᬄᬳᬦᬸᬢ᭄ᬧ᭄ᬲ᭄ᬢᬶ
᭞ᬲᭀᬓ᭄ᬪᬾᬤᬦᬾᬯᬃᬡ᭄ᬦᬩᬶᬦᬵ᭞ᬤᬶᬢᬸᬮᬸᬗ᭄ᬕ᭄ᬕ᭄ᬯᬦ᭄ᬲᬂᬳ᭄ᬬᬂᬳᬬᬸ᭞ᬚ᭄ᬜᭂᬓ᭄ᬫᬗ᭄ᬕᬶᬦᭂᬗᬂᬳᭀᬕ᭄ᬕᬵ᭞ᬫᬗ᭄ᬢᬶᬲᬶᬜ᭄ᬘᬳᬶᬩᬵᬦ᭄ᬢᬶᬃᬢ᭄ᬣᬧᬯᬶᬢᬺ᭟᭕᭖᭞ᬧ᭄ᬭᬶᬦ᭄ᬘᬶᬦ᭄ᬓᬓᬶᬫᬦ᭄ᬤᬃᬢ᭄ᬣᬬᬂ᭞ᬩᬘᬓᬦ᭄ᬢᬫᬦᬾᬧᬶᬳᬶᬢ᭄᭞ᬰᬥᬶ
ᬲ᭄ᬣᬦᬵᬢᬫᬦ᭄ᬳᬶᬤᬵ᭞ᬳ᭄ᬬᬂᬩᬳ᭄ᬫᬵᬫᬳᬶᬲᬶᬢᬸᬜ᭄ᬚᬸᬂ᭞ᬭᬓ᭄ᬢᬯᬃᬡ᭄ᬦᬫᬮᬯᬾᬬᬦ᭄᭞ᬓᬯᬶᬮᬗᬶᬦ᭄ᬦᭂᬦᬼᬫ᭄ᬩᬃᬕ᭄ᬦᭂᬧ᭄ᬫᬓ᭄ᬚᬂ᭟᭕᭗᭞ᬧ᭄ᬥᬸᬫ᭄ᬫᬫ᭄ᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬤᬶᬢᬸᬘᬳᬶᬩᬓᬮ᭄ᬦᬫ᭄ᬧᬶ᭞ᬯᬯᬶᬲᬶᬓ᭄ᬯᬭᬄᬉᬢ᭄ᬢ
ᬫᬵ᭞ᬫᬗ᭄ᬤᬾᬘᬳᬶᬩᬶᬲᬗᬕᬸᬫ᭄᭞ᬦᬫ᭄ᬧᬦᬶᬦ᭄ᬰᬩ᭄ᬥᬦ᭄ᬪᬝᬭ᭞ᬰᬵᬲ᭄ᬢ᭄ᬭᬲᬦ᭄ᬤᬶᬯᬶᬚᬓ᭄ᬱᬭᬯᬁᬓᬢᬫ᭄ᬩᬢ᭄᭟᭕᭘᭞ᬬᬦ᭄ᬘᬳᬶᬮᬸᬫᬓᬸᬳᬫ᭄ᬧᬄ᭞ᬫᬧ᭄ᬯᬭᬮᬘᬸᬃᬓᬳᬳᬗ᭄ᬕᬶᬄ᭞ᬤᬾᬦᬶᬂᬤᬶᬢᬸᬳᬤᬵᬳᬸᬧ
[᭙ 9A]
ᬲ᭄᭞ᬓ᭄ᬭᬸᬭᬵᬗᬯᬾᬳᬳᬓ᭄ᬩ᭄ᬗᬸ᭞ᬯᬗ᭄ᬲᬶᬢ᭄ᬓᬓᬶᬦᬾᬋᬱᭂᬧᬂ᭞ᬳᬧᬶᬓ᭄ᬘᬳᬶᬜ᭄ᬚᬗ᭄ᬓᬵᬩᬬᬸᬦᬾᬢᭂᬕ᭄ᬢᭂᬕᬂ᭟᭕᭙᭞ᬢᬫᬦᬾᬤᬶᬫᬡᬶᬧᬸᬭᬵ᭞ᬪᬝᬭᬯᬶᬱ᭄ᬡᬸᬗᬫᭀᬗᬶᬦ᭄᭞ᬩᬸᬗᬦ᭄ᬢᬸᬜ᭄ᬚᬸᬗᬾᬫᬯᬃᬡ᭄ᬦ᭞
ᬳᬸᬮᬫ᭄ᬮᬯᬾᬬᬦᬾᬧᬶᬕᬸᬂ᭞ᬥᬰᬍᬫ᭄ᬩᬃᬢ᭄ᬯᬭᬓᬸᬯᬂ᭞ᬳᬦᬹᬢ᭄ᬳᬰ᭄ᬭᬷᬧ᭄ᬥᬸᬫ᭄ᬩᬸᬘᬸᬢᭂᬮᬸᬳᬢᬧ᭄᭟᭖᭐᭞ᬢ᭄ᬯᬄᬤᬶᬢᬸᬘᬳᬶᬗᬲ᭄ᬢᬯᬵ᭞ᬳ᭄ᬤᬲᬸᬩᬮᬦ᭄ᬘᬳᬶᬗᭂᬗ᭄ᬱᬧᬶᬦ᭄᭞ᬗᬮᭀᬫᭀᬗᬂᬲᬗ᭄ᬳ᭄ᬬᬂᬫᬢ᭄ᬭ᭞ᬭᬁᬦ᭄ᬢᭀᬯ
ᬦ᭄ᬢᬄᬳᬗ᭄ᬕᭀᬦ᭄ᬢᬸᬗ᭄ᬕᬮ᭄᭞ᬢ᭄ᬓᬲ᭄ᬯᬶᬰᬾᬱᬉᬢ᭄ᬢᬫᬵ᭞ᬕᬶᬦᭂᬂᬘᬳᬶᬯᬶᬱ᭄ᬡᬸᬳᬲ᭄ᬢᬯᬦᬾᬳᬸᬜ᭄ᬘᬃ᭟᭖᭑᭞ᬫᬬᭀᬕᬫᬧ᭄ᬭᬡᬬᬫ᭞ᬲᬫᬦᬾᬳᬗ᭄ᬕᭀᬦ᭄ᬓᬦ᭄ᬢᬶ᭞ᬳᬸᬗ᭄ᬕᬸᬳᬂᬚ᭄ᬦᭂᬓ᭄ᬤᬶᬩᬲᬂᬤᬵᬫ᭄ᬩᬳᬂᬧ᭄ᬮᬶᬄᬫᬦᬸ
ᬚᬸ᭞ᬳᬤᬾᬗ᭄ᬳᬮᭀᬦ᭄ᬩᬦ᭄ᬫ᭄ᬫᬗ᭄ᬓᬶᬳᬦ᭄᭞ᬳᬸᬡ᭄ᬥᬳᬸᬡ᭄ᬥᬶᬫᬗ᭄ᬤᬾᬦ᭄ᬢ᭄ᬯᬭᬵᬓ᭄ᬩᬸᬲ᭄ᬩᬳᬂ᭟᭖᭒᭞ᬤᬶᬢᬸᬕ᭄ᬥᬾᬩᬜ᭄ᬘᬦᬜ᭞ᬳᬧᬶᬫᬡ᭄ᬤᬮᬵᬗᭀᬩ᭄ᬢᬶᬦ᭄᭞ᬬᬦ᭄ᬮᬶᬯᬢᬶᬦ᭄ᬧᬸᬳᬸᬦ᭄ᬩᬗ᭄ᬮᬄ᭞ᬦᬸᬳᬸᬢ᭄ᬳᬫ᭄ᬩᬄᬮᬶᬲᬶ [ 10 ][᭙ 9B]
᭙
ᬓ᭄ᬱᬭᬸ᭞ᬳᬗ᭄ᬤᬾᬳᬧᬶᬦ᭄ᬳᬶᬳᭀᬢ᭄ᬧᭂᬲᬓ᭄᭞ᬢᬦᬶᬤᬸᬲᬶᬦ᭄ᬓᬤᬾᬦ᭄ᬲᭂᬧ᭄ᬳᬶᬤᬸᬧ᭄ᬤᬶᬤᬲᬃ᭟᭖᭓᭞ᬤᬤ᭄ᬯᬲᬶᬤᬵᬓᬮᬶᬯᬢᬦ᭄᭞ᬩᬵᬜ᭄ᬘᬳᬶᬲᬸᬩᬫᬗᬶᬭᬶᬂ᭞ᬲᬶᬫ᭄ᬧᬂᬫᬜᬶᬫ᭄ᬫ᭄ᬧᬗᬶᬦ᭄ᬢᬫᬦ᭄
᭞ᬫᬾᬄᬘᬳᬶᬲᬸᬩᬵᬢᭀᬂᬫᬫ᭄ᬧᬸᬄ᭞ᬦᬓᭂᬃᬩᬬᬸᬢᬸᬬᬸᬄᬍᬮᬄ᭞ᬩᬲᬂᬲᬓᬶᬢ᭄ᬢᬗ᭄ᬓᬳᬾᬩᬸᬓᬓᭀᬘᭀᬓᬂ᭟᭖᭔᭞ᬦᬵᬗ᭄ᬳᬶᬂᬬᬦ᭄ᬘᬳᬶᬩᭀᬩᭀᬢᬂ᭞ᬘᬸᬘᬸᬤ᭄ᬪᬓ᭄ᬢᬶᬦᬾᬫᬳᬗᬶᬭᬶᬂ᭞ᬢᭀᬗᬶ
ᬢᬸᬂᬢᬸᬬᬸᬄᬤᬶᬚ᭄ᬚᬮᬦ᭄᭞ᬪᬝᬭᬥᬫ᭄ᬧᬢᬶᬭᬯᬸᬄ᭞ᬧᬥᬵᬲ᭄ᬯᬾᬘ᭄ᬘᬵᬫᬧᬳᬶᬘ᭄ᬘᬵ᭞ᬩᬬᬸᬲᬦ᭄ᬤᬶᬧᬦᭂᬕ᭄ᬢᭂᬕ᭄ᬳᬯᬓ᭄ᬤᬶᬚᬮᬦ᭄᭟᭖᭕᭞ᬩᬶᬲᬩᬶᬲᬫᬧ᭄ᬭᬬᭀᬕ᭞ᬨᬮᬜᬚ᭄ᬮᬾᬢ᭄ᬧᬸᬓᬶᬦ᭄᭞ᬤ᭄ᬭᬸ
ᬧᭀᬦ᭄ᬲᬶᬲᬸᬦᬾᬫᬲᭀᬮᬄ᭞ᬬᬤᬶᬦ᭄ᬓᭀᬦᬾᬗᬮᬶᬄᬧᬢᬹᬢ᭄᭞ᬦᬄᬓᬸᬤᬵᬬᬢ᭄ᬦᬚ᭄ᬫᭂᬢᬂ᭞ᬤᬵᬗ᭄ᬫᭂᬤᬶᬦ᭄ᬬᬦ᭄ᬘᬳᬶᬗᬸᬕᭀᬦᬶᬦ᭄ᬰᬵᬲ᭄ᬢ᭄ᬭᬵ᭟᭖᭖᭞ᬩ᭄ᬯᬶᬦ᭄ᬓᬓᬶᬜᬫ᭄ᬩᬸᬂᬲᬢ᭄ᬯ᭞ᬢᬫᬦ᭄ᬓᬲᭀᬩ᭄ᬗᬳ᭄ᬬᬸᬦ᭄ᬬᬸ
[᭑᭐ 10A]
ᬦᬶᬦ᭄᭞ᬪᬬᬸᬫᬡ᭄ᬥᬮᬵᬳᬤᬦ᭄ᬜᬵ᭞ᬫᬹᬧᬵᬘᬶᬭᬗᭂᬦ᭄ᬤᬶᬄᬫᬸᬭᬸᬩ᭄᭞ᬩᬵᬦ᭄ᬲᬲᭀᬘᬦ᭄ᬲ᭄ᬯᬾᬢ᭄ᬣᬯᬃᬡ᭄ᬦ᭞ᬯᬶᬦ᭄ᬢᭂᬦ᭄ᬫᬡᬶᬓ᭄ᬳ᭄ᬬᬂᬇᬰ᭄ᬯᬭᬫᬓᬸᬮᬶᬗᬵ᭟᭖᭗᭞ᬤ᭄ᬯᬭᬫᬸᬦ᭄ᬢᬩ᭄ᬫᬕᭀᬧᬸᬭ᭞ᬫᬘᬘᬯᬾᬦ᭄ᬫ
ᬲ᭄ᬳᬶᬦᬸᬓᬶᬃ᭞ᬘᬳ᭄ᬬᬦ᭄ᬲᭀᬘᬵᬕᬮᬕ᭄ᬫᬸᬜ᭄ᬘᬃ᭞ᬜᬸᬦ᭄ᬤᬭᬶᬦ᭄ᬢᬫᬦᬾᬤᬶᬢᬸ᭞ᬩᬸᬗᬄᬫᬶᬲᬶᬢᬸᬜ᭄ᬚᬸᬂᬚ᭄ᬦᬃ᭞ᬓᬯᬶᬮᬗᬶᬦ᭄ᬫᬮᬯᬾᬬᬦ᭄ᬭᭀᬭᬲᬼᬫ᭄ᬩᬃ᭟᭖᭘᭞ᬧ᭄ᬥᬸᬫ᭄ᬓᬭᬗᬾᬲᬶᬦᬳᬂ᭞ᬫ᭄ᬩᬸᬘᬸᬦᭂᬫ᭄ᬦᬺᬗ᭄ᬕᬡᬧᬶ
ᬗᬶᬢ᭄᭞ᬓᬾᬢᭀᬩᬦ᭄ᬓᬓᬶᬗᬫ᭄ᬩᬭᬂ᭞ᬲᬫᬃᬲᬭᬸᬲᭂᬗ᭄ᬓᬵᬭᬸᬭᬸᬄ᭞ᬬᬦ᭄ᬢᬦ᭄ᬲᬦ᭄ᬤᬾᬳᬵᬤᬶᬫᬦᬄ᭞ᬘᬳᬶᬗ᭄ᬕᬶᬲᬶᬳᬶᬓᬸᬢ᭄ᬦᬵᬕᬦᬾᬦ᭄ᬓᭂᬓᬂ᭟᭖᭙᭞ᬤᬶᬢᬫᬦ᭄ᬪᬬᬸᬫᬦ᭄ᬥᬮᬵ᭞ᬇᬰ᭄ᬯᬭᬵᬯᬶᬪᬸᬄᬫᬫᬹᬃ
ᬢ᭄ᬢᬶ᭞ᬗᬯ᭄ᬢᬸᬯᬂᬓᬯᬶᬰᬾᬱᬦ᭄᭞ᬧᬭᬵᬩ᭄ᬭᬸᬤ᭄ᬭᬵᬫᬳᬵᬳᬕᬸᬂ᭞ᬲᬗ᭄ᬓᬦ᭄ᬘᬳᬶᬳᬧᬶᬓ᭄ᬢᬗᬃ᭞ᬬᬦ᭄ᬢᬦ᭄ᬗ᭄ᬕᬶᬮᬶᬲ᭄ᬘᬳᬶᬢᭀᬂᬩᬸᬳᬸᬂᬓᬤᭂᬫ᭄ᬧ᭄ᬭᬢ᭄᭟᭗᭐᭞ᬭᬹᬤ᭄ᬭᬵᬲ᭄ᬣᬯᬦᬾᬕ᭄ᬮᬭᬂ᭞ᬢᬸᬗ᭄ᬕᬸᬮᬶᬦ᭄ᬅᬓ᭄ᬱᬭᬲ [ 11 ][᭑᭐ 10B]
᭑᭐
ᬦ᭄ᬤᬷ᭞ᬩᬁᬰᬵᬲ᭄ᬢ᭄ᬭᬦ᭄ᬜᬦᬾᬯᬶᬰᬾᬱ᭞ᬲ᭄ᬭᬡᬦᬾᬢᬸᬧ᭄ᬢᬸᬧ᭄ᬳᬕᬸᬫ᭄᭞ᬤᬶᬢᬗ᭄ᬓᬄᬤᬵᬫ᭄ᬩᬳᬂᬳᭀᬩᬄ᭞ᬳᬧᬦ᭄ᬱ᭄ᬭᬶᬧᬶᬢ᭄ᬳᬫ᭄ᬩᬳᬾᬳᬮᬶᬢ᭄ᬱᭂᬗ᭄ᬓᬵ᭟᭗᭑᭞ᬧᬤ᭄ᬫᬵᬯᬶᬰᬸᬤ᭄ᬥᬵᬉᬥ᭄ᬬᬦᬵ᭞ᬰᬤᬵᬰᬶᬯᬵᬗᬮᬗ᭄ᬕ
ᬦᬶᬦ᭄᭞ᬫᬬᭀᬕ᭄ᬕᬫᬕᬲ᭄ᬢᬸᬗ᭄ᬓᬭᬵ᭞ᬫᬮᬫᬓᬦ᭄ᬩᬸᬗᬦ᭄ᬢᬸᬜ᭄ᬚᬸᬂ᭞ᬦᬾᬦᭂᬫ᭄ᬩᭂᬮᬲ᭄ᬫᬮᬯᬾᬬᬦ᭄᭞ᬕᬮᬂᬘ᭄ᬦᬶᬂᬦᬶᬮᬵᬯᬃᬡ᭄ᬦᬦᬾᬫᭀᬢ᭄ᬢᬫᬵ᭟᭗᭒᭞ᬅᬓᬭᬵᬫᬳᬸᬮᬸᬘᬦ᭄ᬤ᭄ᬭ᭞ᬫᬡ᭄ᬥᬮᬅᬓᬰᬵᬧᬶᬢᬶᬢ᭄᭞
ᬬᭀᬯᬶᬰ᭄ᬯᬭᬦᬾᬦᬫ᭄ᬩᭂᬢᬂᬫᬸᬜᬶᬦ᭄ᬱᬸᬓ᭄ᬱ᭄ᬫᬵᬦᬾᬢᬸᬳᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬧᬗᬲ᭄ᬣᬯᬵ᭞ᬫᬗᬪᬓ᭄ᬢᬶᬫᬸᬗ᭄ᬕ᭄ᬯᬶᬂᬲᭀᬃᬧᬥᬦ᭄ᬪᬝᬭ᭟᭗᭓᭞ᬦᬢᬃᬢᬫᬦᬾᬢᬸᬭᬳᬂ᭞ᬩᬸᬦ᭄ᬢᭂᬃᬤᬶᬢ᭄ᬗᬄᬦᬾᬗ᭄ᬕᬶᬮᬶᬲ᭄᭞ᬯᬃᬡ᭄ᬦ
ᬦᬾᬲᭂᬦ᭄ᬢᭂᬓ᭄ᬓᭂᬮᬸᬲᬂ᭞ᬧᬸᬢᬶᬄᬳ᭄ᬦᬶᬂᬢ᭄ᬯᬄᬫᬦᬸᬮᬸᬲ᭄᭞ᬬᬾᬦᬶᬂᬘᬳᬶᬫᬯᬶᬢ᭄ᬩᬕ᭄ᬬ᭞ᬤᬶᬢᬸᬦᬫ᭄ᬧᬶᬲᬸ᭠ᬓ᭄ᬱ᭄ᬫᬦ᭄ᬳᬶᬘᬢᬹᬃᬯᬾᬤ᭄ᬥᬵ᭟᭗᭔᭞ᬓ᭄ᬭᬡᬵᬓᬥᬶᬩ᭄ᬬᬘᬓ᭄ᬱᬹᬲᬦ᭄᭞ᬳᬶᬤ᭄ᬥᬵᬯᬦ᭄ᬢᬄᬫᬩ᭄ᬭᬕᬦ᭄᭞ᬦᬯᬂᬲᬗ᭄ᬓ
[᭑᭑ 11A]
ᬦ᭄ᬳᬶᬢ᭄ᬭᬶᬓᬮᬵ᭞ᬅᬢᬶᬢᬵᬦᬵᬕᬢᬵᬮᬯᬸᬢ᭄᭞ᬢᬢᬲ᭄ᬢᭂᬓᬾᬦ᭄ᬯᬶᬢᬵᬫᬡ᭞ᬓᬾᬢᭀᬘᬳᬶᬳᬗ᭄ᬕᭀᬲᬦ᭄ᬅᬚ᭄ᬜᬡᬦ᭄ᬳᬶᬤᬵ᭟᭗᭕᭞ᬕ᭄ᬮᬭᬶᬦ᭄ᬩᬦ᭄ᬤᬶᬬᬦᬵᬬᭀᬕ᭄ᬕ᭞ᬧᬕᭂᬳᬂᬳᬶᬥᭂᬧ᭄ᬫᬫ᭄ᬩᭂᬲᬶᬓ᭄᭞ᬉᬥᬦᬵᬳᬗ᭄ᬕᭀ
ᬦ᭄ᬮᬭᬧ᭄ᬦ᭄᭞ᬢᬢ᭄ᬓᬮᬫᬧᬲᬸᬓ᭄ᬯᬸ᭞ᬘᬳᬶᬗ᭄ᬭᬱᬵᬚ᭄ᬭᭀᬦᬶᬂᬫᬦᬄ᭞ᬮᬶᬯᬢ᭄ᬰᬸᬘᬷᬳᬶᬥᭂᬳᬾᬕᬮᬂᬗᬧᬥᬂ᭟᭗᭖᭞ᬭᬶᬓᬮᬵᬓᬧ᭄ᬭᬡᬦ᭄ᬢᬶᬓᬵ᭞ᬪᬝᬭᬫᬦᬶᬢᬄᬤᬤᬶ᭞ᬤᬤ᭄ᬯᬳᬯᬓᬾᬩ᭄ᬮᬲ᭄
᭞ᬦᬾᬳᬩ᭄ᬲᬶᬓ᭄ᬫᬗᬫ᭄ᬩᬄᬢᬸᬳᬸᬦ᭄᭞ᬩ᭄ᬯᬦ᭄ᬳᬩ᭄ᬲᬶᬓ᭄ᬫᬗᬯᬗᬯᬂ᭞ᬳᬧᬦ᭄ᬧᬶᬳᬶᬢ᭄ᬓᭀᬢ᭄ᬢᬫᬦ᭄ᬢᬫᬦᬾᬓᬹᬘᬧ᭄᭟᭗᭗᭞ᬢᬫᬦ᭄ᬳᬬᬸᬦᬾᬮᬮᬶᬫᬵ᭞ᬳᬚ᭄ᬜᬲᬭᬷᬓᬤᬦᬶᬦ᭄᭞ᬳᬧᬂᬘᬳᬶᬢᬢᬲ᭄ᬦᬯᬂ᭞
ᬤᬶᬧᬫ᭄ᬭᬕᬢ᭄ᬧᬘᬂᬚᬸᬚᬸᬃ᭞ᬲᬗ᭄ᬓᬦ᭄ᬢᬶᬮᬶᬗᬂᬤᬶᬗᭂᬳᬂ᭞ᬢᬹᬃᬦ᭄ᬕᭂᬲᬶᬦ᭄ᬯᬗ᭄ᬰᬮ᭄ᬓᬓᬶᬦ᭄ᬫᬶᬥᬃᬢ᭄ᬣ᭟᭗᭘᭞ᬲᬸᬩᬦᬾᬳᬳ᭄ᬬᬲ᭄ᬫᬲᬸᬘ᭄ᬬᬦ᭄᭞ᬲᬗ᭄ᬳ᭄ᬬᬂᬳᬬᬸᬓᬧᭂᬦ᭄ᬥᬓᬶᬦ᭄᭞ᬩᬳᬦ᭄ᬳᬗ᭄ᬰᬵᬧᬸᬢᬶᬄᬲᬦ᭄ᬢᬓ᭄᭞ᬦᬸᬶᬚᬸᬶ [ 12 ][᭑᭑ 11B]
᭑᭑
ᬳᬸᬢᬸᬲᬦ᭄ᬳᬶᬤᬵᬳ᭄ᬬᬂᬳᬕᬸᬂ᭞ᬳᬶᬦᬵᬕᬫ᭄ᬯᬳᬶᬢᬸᬮᬓ᭄᭞ᬦᬸᬚᬸᬩ᭄ᬯᬶᬦ᭄ᬓᬧᬤ᭄ᬫᬵᬯᬗᬶᬕᬸᬫᬦᬵ᭟᭗᭙᭞ᬳᬗ᭄ᬰᬦᬾᬳᬾᬗ᭄ᬕᬮ᭄ᬳᬚᬳᬦ᭄᭞ᬫᬓ᭄ᬩ᭄ᬭᬸᬃᬬᬫᬮᬶᬗ᭄ᬕᬶᬳᬶᬦ᭄᭞ᬢᬦ᭄ᬤ᭄ᬫᬥᬾᬭᬯᬸᬄᬦᬧᬓ᭄᭞ᬤᬶᬫᬹᬭᬶᬂ
ᬕᬸᬦᬸᬂᬫᬾᬭᬸ᭞ᬲᬺᬕᭂᬧ᭄ᬤᬶᬢᬸᬓᬘᬯᬶᬲᬂ᭞ᬲᬃᬯ᭄ᬯᬩ᭄ᬘᬶᬓ᭄ᬤᬶᬢᬫᬦ᭄ᬲᬦ᭄ᬢᬸᬦ᭄ᬫᭀᬢ᭄ᬢᬫᬵ᭟᭘᭐᭞ᬲᬧ᭄ᬢᬵᬋᬱᬶᬦᬾᬤᬶᬰ᭄ᬯᬃᬕ᭄ᬕᬦ᭄᭞ᬫᬓᬸᬫ᭄ᬧᬸᬮ᭄ᬦᬧᬓ᭄ᬫᬮᬶᬗ᭄ᬕᬶᬄ᭞ᬦᬗ᭄ᬓᬶᬮᬶᬦ᭄ᬳᬶᬤᬵᬪᬝᬭᬫᬵᬲᬹᬓ᭄ᬱ᭄ᬫᬮᬸᬢᬸᬃ᭞ᬫ
ᬗᬸᬜ᭄ᬘᬭᬂᬲᬗ᭄ᬳ᭄ᬬᬂᬯᬾᬥᬵ᭞ᬦᬸᬳᬸᬦ᭄ᬳᬰᬶᬄᬦᬢᬓᬶᬦ᭄ᬱ᭄ᬯᬾᬘ᭄ᬙᬦ᭄ᬪᬝᬭ᭟᭘᭑᭟ᬑᬁᬭᬂᬭᬶᬂᬰᬄᬳᭀᬰᬢ᭄ᬦᬫᬄ᭞ᬤᬾᬯᬵᬧᬭᬫᬵᬰᬶᬯᬵᬥᬶ᭞ᬫᬓᬵᬳᬶᬦᬶᬱ᭄ᬝᬦᬶᬂᬚᬕᬢ᭄᭞ᬲᬓᬮᬵᬦᬶᬱ᭄ᬓᬮᬵᬢᬸᬳᬸ᭞ᬲᬭᬷᬲ
ᬭᬷᬦᬶᬂᬓᬫᭀᬓ᭄ᬱᬦ᭄᭞ᬧᬺᬱᬶᬤᬵᬮᬶᬢ᭄ᬯᬦ᭄ᬢᬄᬫ᭄ᬭᬕᬵᬲᬗ᭄ᬓᬦ᭄ᬧᬭᬦ᭄᭟᭘᭒᭞ᬳᬯ᭄ᬬᬧᬮᬵᬦᬶᬃᬯᬶᬓᬵᬭ᭞ᬲᬭᬷᬲᬭᬷᬦᬶᬂᬧᬗᬶᬱ᭄ᬝᬶ᭞ᬓᭀᬢ᭄ᬢᬫᬦ᭄ᬰᬵᬲ᭄ᬢ᭄ᬭᬳᭀᬗ᭄ᬓᬭ᭞ᬭᬵᬳᭀᬢ᭄ᬢᬫᬬᬦ᭄ᬭᬶᬂᬳᬕᬸᬂ᭞ᬪᬝᬭᬯᬶ
[᭑᭒ 12A]
ᬰᬾᬱᬦᬶᬢᬄ᭞ᬕᬦᬮᬮᬶᬢ᭄ᬢᬸᬫᬸᬲᬶᬂᬓᬚᬕᬢ᭄ᬢᬶᬕᬵ᭟᭘᭓᭞ᬓᬾᬢᭀᬧᬗᬲ᭄ᬣᬯᬦ᭄ᬳᬶᬤᬵ᭞ᬯᬵᬢᭂᬓ᭄ᬋᬱᬶᬦᬾᬫᬳᬸᬚᬶ᭞ᬲᬗ᭄ᬓᬦᬶᬂᬳ᭄ᬬᬂᬘᬢᬹᬃᬯᬾᬥᬵ᭞ᬗᬲ᭄ᬢᬸᬗ᭄ᬓᬭᬵᬗᬍᬫ᭄ᬜᬸᬫ᭄ᬩᬸᬂ᭞ᬗᬦᬹᬢ᭄ᬓᬾᬦ᭄ᬫᬸᬜᬶᬦ᭄ᬢᬗᬸ᭠
ᬭᬦ᭄᭞ᬦᬩᬸᬄᬮᬶᬦ᭄ᬤᬶᬳᬶᬩᬺᬳ᭄ᬫᬭᬗᬶᬲᭂᬧ᭄ᬱ᭄ᬓᬃ᭟ᬧᬗ᭄ᬓᬸᬃ᭟᭑᭞ᬧᬗ᭄ᬓᬸᬃᬳᬗ᭄ᬕᭀᬦ᭄ᬗᬮᬶᬦ᭄ᬢᬶᬳᬂ᭞ᬯᬶᬥ᭄ᬬᬥᬭᬵᬳᭂᬳᬶᬥ᭄ᬬᬥᬭᬶᬦᬾᬳᬸᬫᬶᬓ᭄᭞ᬧᬥᬵᬫᭂᬦ᭄ᬤᬓ᭄ᬲᬗ᭄ᬳ᭄ᬬᬂᬳᬬᬸ᭞ᬗᬲ᭄ᬢᬸᬢᬶᬗᬬᬸᬪᬕ᭄ᬬ᭞ᬫᬜᬫ᭄ᬩ᭄ᬭᬫᬵᬭᬶᬂ
ᬳᬶᬤᬵᬲᬂᬩᬸᬫᬭᬭᬯᬸᬄ᭞ᬗᬢᬸᬭᬶᬦ᭄ᬕᭂᬮᬶᬲ᭄ᬫᬸᬗ᭄ᬕᬳᬦ᭄᭞ᬭᬶᬂᬩᬮᬾᬫᬡᬶᬓᬾᬳᬰ᭄ᬭᬷ᭟᭒᭞ᬤᬾᬦᬵᬳᬶᬂᬯᬶᬢ᭄ᬓᬕᬸᬫᬦᬬᬂ᭞ᬧᬲᬗ᭄ᬕ᭄ᬭᬳᬦ᭄ᬍᬗᭂᬗᬾᬬᬦ᭄ᬲᬶᬦᬶᬧᬶ᭞ᬯᬯᬗᬸᬦᬦ᭄ᬲᬃᬯ᭄ᬯᬮ᭄ᬳᬸᬂ᭞ᬫᬹᬧᬵ
ᬘᬶᬭᬵᬲᬲᭀᬘᬦ᭄᭞ᬭᬵᬢ᭄ᬦᬵᬫᬡᬶᬓ᭄ᬓᭀᬢ᭄ᬢᬫᬦᬾᬧᬸᬢᬶᬄᬫᬸᬮᬸᬲ᭄᭞ᬫᬶᬰ᭄ᬭᬦ᭄ᬳᬶᬥ᭄ᬧᬾᬗᬯᬲ᭄ᬯᬲ᭄᭞ᬢ᭄ᬮᬕᬵᬓᭂᬫ᭄ᬩᬭᬾᬫᬗᬧᬶᬢ᭄᭟᭓᭞ᬫᬶᬲᬶᬢᬸᬜ᭄ᬚᬸᬂᬩᬸᬗ᭄ᬳᬵᬯᬃᬡ᭄ᬦ᭞ᬧᬸᬢᬶᬄᬫᬶᬳᬶᬓ᭄ᬮᬯᬾᬬ [ 13 ][᭑᭒ 12B]
᭑᭒
ᬦᬾᬤ᭄ᬯᬗ᭄ᬓᬢᬶᬄ᭞ᬘᬳ᭄ᬬᬳᬸᬮᬶᬤᬶᬢᬸᬫ᭄ᬢᬸ᭞ᬢᬦ᭄ᬪᬶᬦᬵᬲᬹᬃᬬ᭄ᬬᬘᬦ᭄ᬤ᭄ᬭ᭞ᬓ᭄ᬜᬃᬓ᭄ᬜᬃᬧ᭄ᬢᭂᬂᬍᬫᬄ᭞ᬳᬯᬵᬓ᭄ᬱᬭᬸ᭞ᬘᬳ᭄ᬬᬦ᭄ᬢᬫᬦᬾᬗᬯᬦᬂ᭞ᬅᬚ᭄ᬜᬵᬲᬭᬶᬦᬾᬓᬧᬦ᭄ᬤᬶ᭟᭔᭞ᬲᬗ᭄ᬳ᭄ᬬᬂᬳᬬᬸᬯᬦᬦ᭄ᬢᬭ
᭞ᬗ᭄ᬭᬗ᭄ᬲᬸᬓ᭄ᬧᬳ᭄ᬬᬲ᭄ᬯᬸᬲᬾᬫᬋᬱᬶᬓᬺᬲᬶᬓ᭄᭞ᬫᬪᬸᬱᬡᬲᬃᬯ᭄ᬯᬗᭂᬫ᭄ᬧᬸᬃ᭞ᬫᬤᬩ᭄ᬤᬩ᭄ᬮᬦ᭄ᬢᬲ᭄ᬫᬸᬗ᭄ᬕᬄ᭞ᬓᬧᬺᬲᬤᬵᬳᬾᬲᬸᬩᬵᬓᬮᬗ᭄ᬓᬸᬂ᭞ᬫᬹᬱ᭄ᬧᬵᬗ᭄ᬭᬡᬰᬶᬓᬵᬫ᭄ᬬᭀᬕ᭄ᬕᬵ᭞ᬦᬸᬳᬸᬃᬲᬗ᭄ᬳ᭄ᬬᬂ
ᬧᬰᬹᬧᬢᬶ᭟᭕᭞ᬬᬜ᭄ᬘᬳᬶᬲᬥ᭄ᬬᬓᬢᬶᬢᬄ᭞ᬲᬶᬤ᭄ᬥᬵᬗᬶᬭᬂᬓᬢᬫ᭄ᬦ᭄ᬅᬚ᭄ᬜᬲᬭᬷ᭞ᬘᬳᬶᬫᬯᬓ᭄ᬲᬸᬩᬵᬫᬸᬮᬸᬲ᭄ᬫᭀᬮᬶᬄᬰᬸᬤ᭄ᬥᬵᬧ᭄ᬭᬢᬶᬱ᭄ᬝᬵ᭞ᬧᬧᬵᬓ᭄ᬮᬾᬱᬦ᭄ᬤᬾᬯᬾᬓᬾᬫᬦ᭄ᬤᬤᬶ
ᬮᬸᬢᬸᬃ᭞ᬳᭀᬜᬋᬱᬶᬤᬵᬮᬸᬓᬢ᭄᭞ᬩᬳᬦ᭄ᬢᬶᬃᬣᬵᬲᬜ᭄ᬚᬶᬯᬡᬶ᭟᭖᭞ᬪᬝᬭᬢ᭄ᬯᬶᬢ᭄ᬯᬄᬮᬸᬕ᭄ᬭᬳᬵ᭞ᬢ᭄ᬓᬾᬜ᭄ᬘᬳᬶᬮᬦ᭄ᬲᬸᬩᬵᬦᬶᬰ᭄ᬪᬯᬵᬦᬶᬢᬶ᭞ᬢ᭄ᬯᬭᬗᬶᬢᬸᬂᬤᬾᬯᬾᬓ᭄ᬢᬸᬬᬸᬄ᭞ᬮᬕᬯᭀᬮᭀᬕ
[᭑᭓ 13]
ᬲ᭄ᬲᬳ᭄ᬬᬲ᭄᭞ᬫᬗᬫ᭄ᬩᬳᬶᬦ᭄ᬢᬸᬲ᭄ᬢᬲ᭄ᬳᬮᬲ᭄ᬕᬸᬦᬸᬂᬲᭂᬫ᭄ᬧᬸᬢ᭄᭞ᬢ᭄ᬯᬭᬗᬶᬢᬸᬂᬳᬮᬲ᭄ᬚᬸᬭᬂ᭞ᬩᬩ᭠ᬓ᭄ᬩᭂᬮᬸᬃᬢᬦ᭄ᬤᬸᬲᬶᬦ᭄᭟᭗᭞ᬳᬶᬲᬓ᭄ᬱᬡᬲᬗ᭄ᬳ᭄ᬬᬂᬰᬶᬯᬵ᭞ᬲᬶᬲᬸᬫᬧᬕ᭄ᬭᬩᬶᬦᬾᬕᬸᬧᬸᬄᬤᬤᬶ᭞ᬳ
ᬗ᭄ᬰᬦᬾᬫᬳᭂᬓᬂᬮᬯᬸᬢ᭄᭞ᬳᭂᬦ᭄ᬢᭀᬫᬓᬵᬧᬮᬶᬗ᭄ᬕᬶᬳᬦ᭄᭞ᬩᬦ᭄ᬲᬂᬓᬮᬶᬄᬜ᭄ᬚᬸᬚᬸᬄᬳᬓᬰᬦᬾᬲᬸᬳᬸᬂ᭞ᬫᬧᬢ᭄ᬭᬡᬳᬸᬗᬦ᭄ᬧᬥ᭄ᬫᬵ᭞ᬫᬮᬯᬾᬬᬦ᭄ᬲᬶᬬᬸᬩ᭄ᬲᬶᬓ᭄᭟᭘᭞ᬕᬶᬫ᭄ᬧᭂᬲ᭄ᬩᬦ᭄ᬓᬓᬶ᭠
ᬜᬶᬧ᭄ᬢᬬᬂ᭞ᬯᬗ᭄ᬲᬶᬢ᭄ᬧᬳᬶᬢ᭄ᬲᬭᬶᬦ᭄ᬢᬢ᭄ᬯᬦᬾᬚᬵᬢᬷ᭞ᬓᬭᬸᬭᬸᬄᬯᬦ᭄ᬢᬄᬓᬳᬸᬚᬸ᭞ᬜᬦ᭄ᬳᬶᬤᬵᬲᬂᬲᬸᬚᬦᬵ᭞ᬧᬗᬼᬩᬸᬭᬦ᭄ᬫᬮᬵᬧᬢᬓᬦᬾᬕᬶᬦ᭄ᬢᬸ᭞ᬳᬗ᭄ᬭᬩ᭄ᬤᬦ᭄ᬳᬶᬧᬸᬦᬃᬪᬯᬵ᭞ᬫᭀᬓ᭄ᬱᬓᬭ
ᬡᬦᬾᬬᬗ᭄ᬕᬶᬄ᭟᭙᭞ᬳᬶᬗᭂᬢᬂᬓᬸᬤᬵᬳᬶᬗᭂᬢᬂ᭞ᬧ᭄ᬭᬕᬢ᭄ᬓᬾᬢᭀᬓᬓᬶᬗᬮᬳᬶᬦ᭄ᬚᬦᬶ᭞ᬳ᭄ᬤᬩᬵᬲ᭄ᬧᬸᬍᬲ᭄ᬩᬮᬸᬩᬸᬄ᭞ᬧᬸᬧᬸᬢᬾᬫᬧᬯᬭᬄ᭞ᬲᬂᬫᬭᬕᬵᬮᬶᬗ᭄ᬲᬶᬃᬫᬦᬶᬗ᭄ᬕᬮᬶᬦ᭄ᬮᬯᬸᬢ᭄᭞ᬚᬕ᭄ᬫᬸᬱ᭄ᬡᬵ [ 14 ][᭑᭒ 12B]
᭑᭒
ᬢᬦ᭄ᬧᬳᬫ᭄ᬩᭂᬗᬦ᭄᭞ᬩᬧᬵᬦ᭄ᬢᭂᬦ᭄ᬫᬕᬾᬕᬲ᭄ᬤᬤᬶ᭟᭑᭐᭞ᬩᬗᬸᬦ᭄ᬲᬗᭀᬩ᭄ᬗᭀᬂᬲᬯᬢ᭄᭞ᬦᬄᬓᬗ᭄ᬕᭀᬩᭀᬓᬾᬳᬶᬘ᭄ᬦᬶᬂᬗᭂᬦᭂᬳᬶᬦ᭄᭞ᬳᬶᬧ᭄ᬬᬦ᭄ᬩᬧᬦᬾᬩᬮᬸᬩᬸᬄ᭞ᬦᬸᬢᬸᬭᬂᬲᬹᬓ᭄ᬱ᭄ᬫᬮᬬᬵ᭞ᬬᭀᬕᬢᬢ᭄ᬯ
ᬩᬸᬤ᭄ᬥᬵᬧᬘᬭᬱᬵᬧᬢᬸᬄ᭞ᬬᬦ᭄ᬢᬦ᭄ᬳᬤᬵᬲᬶᬳᬶᬂᬤᬾᬯᬵ᭞ᬳᭀᬗ᭄ᬤᬸᬕᬵᬲᬶᬤᬵᬢ᭄ᬧᬸᬓᬶᬦ᭄᭟᭑᭑᭞ᬧᬶᬢᬸᬯᬶᬓᬮᭀᬯᬲᭂᬗ᭄ᬓᬵ᭞ᬤᬵᬧᬶᬲᬦ᭄ᬘ᭄ᬦᬶᬂᬳ᭄ᬫᭂᬤ᭄ᬗᬸᬮᬄᬫᬸᬭᬸᬓᬶᬦ᭄᭞ᬯᬰᬡᬦᬾᬩᬓᬮ᭄ᬮᬫ᭄ᬧᬸᬃ᭞ᬢ᭄ᬯᬭ
ᬗ᭄ᬕᭂᬮᬄᬧᬕᬶᬲ᭄ᬬᬦ᭄᭞ᬧ᭄ᬭᬕᬢ᭄ᬧᬬᬸᬘ᭄ᬦᬶᬂᬤᬤᬶᬩᬗ᭄ᬓᬾᬦ᭄ᬩᬗ᭄ᬓᬸᬂ᭞ᬢ᭄ᬯᬭᬳᬤᬵᬫᬗᭂᬜᬾᬦᬂ᭞ᬳᬢᬸᬢ᭄ᬳᬶᬤᬸᬧ᭄ᬫᬯᬓ᭄ᬫᬢᬶ᭟᭑᭒᭞ᬘ᭄ᬦᬶᬂᬩᬧᬵᬲᭂᬲᭂᬤ᭄ᬧᬶᬲᬦ᭄᭞ᬫᬶᬢ᭄ᬓᭂᬢᬶᬦ᭄ᬤᬵᬫᬼᬤ᭄ᬫᬮᬸᬫᬩᬺᬰᬶᬄ᭞ᬬᬦ᭄ᬢᬦ᭄ᬲᬸᬩᬵᬩ
ᬓᬢ᭄ᬳᬕᬸᬫ᭄᭞ᬦᬾᬧᬘᬂᬧᬢᬶᬢᬶᬲᬂ᭞ᬦᬸᬢᬸᬭᬂᬓᬾᬯᬾᬄᬧᬥᬡ᭄ᬥᬦᬾᬫᬵᬃᬢ᭄ᬢᬶᬧᬸᬢᬸᬲ᭄᭞ᬢᬢᬲ᭄ᬯᬶᬓᬦ᭄ᬫᬦᬶᬓᬲᬂ᭞ᬢᬶᬓᬲ᭄ᬢᬶᬓᬲᬾᬫᬩᬺᬰᬶᬄ᭟᭑᭓᭞ᬬᬦ᭄ᬤᬶᬰᬶᬯᬵᬓᬲᬫ᭄ᬩᬢᬂ᭞ᬬᬫᬵᬢ᭄ᬯᬄᬦᬷᬬᬫᬵᬩ᭄ᬭ
[᭑᭓ 13A]
ᬢ᭄ᬢᬓᬧᬸᬚᬶ᭞ᬤᬶᬩᬸᬤ᭄ᬥᬵᬮᬾᬦ᭄ᬓᬹᬘᬧ᭄ᬤᬶᬢᬸ᭞ᬓᬤᬤᬶᬦ᭄ᬤᬰᬰᬶᬮᬵ᭞ᬧᬭᬶᬫᬷᬢᬵᬫᬾ᭠ᬯᭂᬄᬘ᭄ᬦᬶᬂᬤᬵᬓᬤᬸᬭᬸᬲ᭄᭞ᬗᬫ᭄ᬧᬳᬂᬢᬸᬤᬸᬄᬰᬵᬲ᭄ᬢ᭄ᬭ᭞ᬚᬢ᭄ᬮᬩᬸᬄᬤᬤᬶᬜᬘ᭄ᬦᬶᬂ᭟᭑᭔᭞ᬲᭀ
ᬓ᭄ᬗ᭄ᬭᬫ᭄ᬩᬂᬫᬚᬧᬫᬦ᭄ᬢ᭄ᬭ᭞ᬢᭀᬦ᭄ᬤᬾᬦ᭄ᬦᬧᬓ᭄ᬲᬲᬢ᭄ᬳᬫ᭄ᬩᬸᬮ᭄ᬫᬜᬫ᭄ᬧᬶᬓ᭄᭞ᬚ᭄ᬯᬭᬶᬫᬵᬧᬶᬩᬸᬓᬵᬧᬸᬢᬸᬲ᭄᭞ᬧᬬᬸᬢᬶᬓᬲᬾᬓᬦ᭄ᬤᬲ᭄᭞ᬦᬵᬗ᭄ᬳᬶᬂᬩᬧᬵᬲᬶᬂᬜᬦ᭄ᬲᬓᬾᬂᬜᬘᬤ᭄ᬮᬓᬸ᭞ᬳᬦ
ᬓᬾᬫᬶᬤᭂᬧ᭄ᬫᬭᬃᬬ᭄ᬬᬦ᭄᭞ᬤ᭄ᬫᭂᬦ᭄ᬤᬤᬶᬩᬸᬗᬦ᭄ᬩᬶᬩᬶᬄ᭟᭑᭕᭞ᬧᬩᭂᬢᬦᬾᬦ᭄ᬢᭀᬗᬯᬦᬂ᭞ᬫᬧᬸᬶᬓᬶᬦ᭄ᬲᬭᬸᬩᬵᬦ᭄ᬦᬫ᭄ᬧᬾᬦ᭄ᬲᬂᬳ᭄ᬬᬂᬳᬚᬶ᭞ᬓᬭᬡᬕᬢ᭄ᬬᬂᬫᬳᬸᬭᬸᬓ᭄᭞ᬳᬧᬂᬦᬯᬂᬗᬗ᭄ᬳᬯᬓ᭄᭞
ᬯᬦ᭄ᬢᬄᬳᭂᬦ᭄ᬢᭀᬘ᭄ᬦᬶᬂᬓᬩ᭄ᬭᬢᬂᬫᬕᬸᬭᬸ᭞ᬤᬵᬳᬶᬚᬸᬗ᭄ᬤᬸᬫ᭄ᬧᬭᬬᬂ᭞ᬤᬾᬯᬾᬓ᭄ᬫᬮᬸᬳᬧᬂᬧᬲᬶ᭟᭑᭖᭞ᬧᬦᬯᬗᬾᬜᬮᬶᬯ᭄ᬕᬂ᭞ᬬᬾᬦ᭄ᬢ᭄ᬯᬄᬳ᭄ᬦᬸᬘ᭄ᬦᬶᬂᬮᬯᬸᬢ᭄ᬓᬢᬮᬶᬦᬶᬦ᭄᭞ᬩᬳᬳᬚᬸᬫ᭄ᬦᬕᬶᬄᬕᬸᬕᬸ᭞ [ 15 ][᭑᭔ 14B]
᭔᭑
ᬤᬤᬶᬕᬸᬭᬸᬦᬶᬂᬚᬕᬢ᭄᭞ᬬᬦ᭄ᬓᬲᬶᬤ᭄ᬤᬦ᭄ᬧᬲ᭄ᬧᬲᬶᬜ᭄ᬚᬵᬤᬦ᭄ᬤᬾᬦ᭄ᬫᬮᬸ᭞ᬮᬜ᭄ᬘᬂᬦᬕᬶᬄᬓᬲᬸᬫ᭄ᬩᬸᬗᬂ᭞ᬩᬳᬸᬰᬱ᭄ᬬᬗ᭄ᬕᬯᬾᬧᬮᬶᬂ᭟᭑᭗᭞ᬅᬚ᭄ᬜᬡᬦᬾᬲᬬᬦ᭄ᬲᬯᬢ᭄᭞ᬬᬦᬶᬂᬘ᭄ᬦᬶᬂᬫ᭄ᬩ᭄ᬬᬓ᭄ᬢᬳᬂᬳ
ᬯᬓ᭄ᬰᬓ᭄ᬢᬶ᭞ᬬᬦ᭄ᬳᬶᬤᬵᬲᬂᬲᬸᬩᬵᬧᬸᬢᬸᬲ᭄᭞ᬚᭀᬄᬲᬯᬢ᭄ᬧᬢᬶᬲᬫ᭄ᬩᬢ᭄᭞ᬳᬧᬵᬩ᭄ᬯᬶᬦ᭄ᬗᭀᬮᬲ᭄ᬜᬘᬤ᭄ᬗ᭄ᬕᬯᬾᬩᬸᬳᬸᬢ᭄᭞ᬭᬾᬄᬲᬶᬤᬵᬲᬸᬩᬵᬫᬳᬶᬗ᭄ᬕᬮ᭄᭞ᬧ᭄ᬢᭂᬂᬧᬶᬢᬸᬦᬾᬤᬶᬳᬢᬶ᭟᭑᭘᭞
ᬓᬾᬢᭀᬓᬢᬢ᭄ᬯᬦ᭄ᬤᬶᬰᬶᬯᬵ᭞ᬢᬢ᭄ᬯᬦ᭄ᬩᬸᬤ᭄ᬥᬵᬢ᭄ᬯᬭᬫᬩᬶᬦᬬᬦ᭄ᬓᬶᬓᬶᬢ᭄᭞ᬫᬢᬶᬢᬶᬲ᭄ᬫᬗᬮᬶᬄᬳᬬᬸ᭞ᬤᬾᬤᬵᬢ᭄ᬯᬄᬧᬗ᭄ᬮᬓ᭄ᬱᬡᬦ᭄᭞ᬧᬤᬶᬗᭂᬳᬂᬳᬧᬂᬘ᭄ᬦᬶᬂᬢᬢᬲ᭄ᬢᬳᬸ᭞ᬩᬧᬵᬜᬤ᭄ᬬᬫᬶᬤᬃᬢ᭄ᬣᬬᬂ᭞ᬧ
ᬢᬶᬓᬲᬾᬩ᭄ᬲᬶᬓ᭄ᬩᭂᬲᬶᬓ᭄᭟᭑᭙᭞ᬓᬯᬶᬢ᭄ᬩᬦ᭄ᬩᬧᬵᬦᬃᬢ᭄ᬣᬬᬂ᭞ᬢᬢ᭄ᬯᬩᬸᬤ᭄ᬥᬵᬫᬲᬶᬄᬯ᭄ᬓᬲᬶᬂᬧᬶᬳᬶᬢ᭄᭞ᬤᬤ᭄ᬯᬯᬦ᭄ᬢᬄᬦᬾ ᬓᬲᬸᬫ᭄ᬩᬸᬂ᭞ᬅᬥ᭄ᬯᬬᬵᬥ᭄ᬯᬬᬚ᭄ᬜᬡᬵ᭞ᬧᬫᬸᬕᭂᬳᬦ᭄ᬧᬢᬶᬢᬶᬲᬾᬩᬓᬢ᭄ᬦᬸᬚᬸ᭞
[᭑᭕ 15A]
ᬲᬂᬳ᭄ᬳ᭄ᬬᬂᬥᬶᬯᬵᬭᬸᬧᬵᬢᬸᬗ᭄ᬕᬮ᭄᭞ᬳᬥᬶᬩᬸᬤ᭄ᬥᬵᬓᬧᬭᬩᬶᬦ᭄᭟᭒᭐᭞ᬫᬸᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬓᬲᬶᬦᬳᬂ᭞ᬅᬁᬅᬄᬳᭂᬦ᭄ᬢᭀᬯᬶᬚᬓ᭄ᬱᬭᬤ᭄ᬯᬂᬩ᭄ᬲᬶᬓ᭄᭞ᬤᬶᬫᬸᬮᬵᬓᬦ᭄ᬝᬳᬸᬫᬸᬲ᭄᭞ᬤᬤ᭄ᬯᬰᬵᬲ᭄ᬢ᭄ᬭᬜᬢᬸᬗ᭄ᬕᬮ᭄᭞
ᬲᬹᬃᬬ᭄ᬬᬘᬦ᭄ᬤ᭄ᬭᬲᬗ᭄ᬓᬦ᭄ᬯᬶᬘᬳ᭄ᬬᬦᬾ ᬫ᭄ᬢᬸ᭞ᬩᬚ᭄ᬭᬲᬢ᭄ᬯᬩᬚ᭄ᬭᬚ᭄ᬜᬡ᭞ᬳᬶᬤᬵᬯᬦ᭄ᬢᬄᬢᬸᬯᬶᬳᬩ᭄ᬲᬶᬓ᭄᭟᭒᭑᭞ᬤᬶᬦᬶᬱ᭄ᬓᬮᬵᬳᬶᬤᬵᬓᬹᬘᬧ᭄᭞ᬲᬶᬤ᭄ᬥᬶᬯᬓ᭄ᬬᬧᬭᬶᬧᬹᬃᬡ᭄ᬦ᭄ᬦᬵᬮᬗ᭄ᬕᭂᬂᬳᬰᬶᬄ᭞ᬳᬸᬭᬶᬧᬶᬂᬚᬕᬢ᭄ᬧᬶᬢᬸ᭠
ᬳᬸ᭞ᬧ᭄ᬭᬲᬶᬤᬵᬲᬗ᭄ᬓᬦ᭄ᬧᬭᬦ᭄᭞ᬧ᭄ᬢᭂᬂᬧᬶᬢᬸᬫᬮᬵᬧᬢᬦᬾᬍᬩᬸᬃ᭞ᬬᬦ᭄ᬲᬸᬩᬵᬳᬶᬤᬵᬗ᭄ᬯᬶᬰᬾᬱ᭞ᬗᬦᬸᬢ᭄ᬮᬶᬂᬦᬶᬂᬳᬚᬶ᭟᭒᭒᭞ᬲᭂᬗ᭄ᬓᬵᬯᬦ᭄ᬢᬄᬩᬦ᭄ᬗᬸᬧᬫ᭄ᬬᬂ᭞ᬧᬳᬗ᭄ᬕᬬᬦ᭄ᬳᬶᬤᬵᬤᬳᬢᬶᬂ
ᬲᬶᬗᬶᬤ᭄᭞ᬢᬸᬯᬶᬰᬵᬲ᭄ᬢ᭄ᬭᬳᬗ᭄ᬕᭀᬲᬸᬮᬸᬄ᭞ᬳᬧᬦ᭄ᬫ᭄ᬭᬕᬵᬦᬶᬱ᭄ᬓᬮᬵ᭞ᬧᬳᭂᬓ᭄ᬚᭀᬄᬢᬸᬯᬶ᭠ᬧᬳᭂᬓ᭄ᬢᭀᬂᬩᬓᬢ᭄ᬲᭂᬦ᭄ᬢᬸᬄ᭞ᬬᭀᬕᬶᬰ᭄ᬯᬭᬦᬾᬦᬫ᭄ᬩᭂᬢᬂ᭞ᬫ᭄ᬩᬸᬗᭂᬗᬂᬳᬶᬥᭂᬧ᭄ᬫᬢᬶᬢᬶᬲ᭄᭟᭒᭓᭞ᬚᭀᬄ [ 16 ][᭑᭕ 15B]
᭑᭕
ᬓᬧᭀᬩᬧᬵᬜᬶᬤᬬᬂᬫᬶᬢᬸᬢᬸᬭᬶᬦ᭄ᬘ᭄ᬦᬶᬂᬫᬸᬗ᭄ᬕ᭄ᬯᬶᬂᬓᬚᬵᬢᬷᬦ᭄᭞ᬓᬢᬢ᭄ᬯᬦ᭄ᬩᬸᬤ᭄ᬥᬵᬦᬾᬢᬸᬳᬸᬳᬧᬦ᭄ᬢ᭄ᬯᬭᬵᬘᬘᬶᬳ᭄ᬦ᭞ᬩ᭄ᬯᬢ᭄ᬧᬦᬯᬂᬩᬧᬵᬓᭀᬢᬫᬦᬶᬂᬮᬓᬸ᭞ᬓᬫᬳᭀᬤᬬᬦᬶᬂᬘᬶᬢ᭄ᬢ᭞ᬭᬾᬄᬩᬧᬵ
ᬦᬸᬯᬓ᭄ᬤᬓᬶ᭟᭒᭔᭞ᬦᬾᬳᬤᬵᬮᬮᬯᬢ᭄ᬰᬵᬲ᭄ᬢ᭄ᬭ᭞ᬓᬓ᭄ᬢᬸᬲᬦ᭄ᬫᬲᬗ᭄ᬓᬦ᭄ᬢᬢ᭄ᬯᬫᬲᬶᬄ᭞ᬫᬳᬬᬡᬩᬸᬤ᭄ᬥᬵᬮᬓᬸ᭞ᬦ᭄ᬢᭀᬫᬸᬮᬵᬓᬕ᭄ᬮᬭᬂ᭞ᬫᬓᬵᬲᬸᬮᬸᬄᬧᬗᬜ᭄ᬘᬦ᭄ᬳᬯᬓ᭄ᬮᬸᬫᬓᬸ᭞ᬫᬗᬼᬓᬲᬂᬫᬦ᭄ᬢ᭄ᬭᬦ
ᬬᬵ᭞ᬫᬥᬓ᭄ᬘ᭄ᬦᬶᬂᬓᬳᬸᬗ᭄ᬕ᭄ᬯᬦᬶᬦ᭄᭟᭒᭕᭞ᬳᬶᬤᬵᬲᬂᬳ᭄ᬬᬂᬲᬶᬦᬫᬬᬵ᭞ᬦᬾᬓᬭᬸᬭᬸᬄᬢᬹᬃᬓᬳᬱ᭄ᬝᬶᬢᬶᬲᬳᬶ᭞ᬦᬵᬗ᭄ᬳᬶᬂᬳᬧᬂᬫ᭄ᬗᬵᭂᬫᬮᬸ᭞ᬤᬵᬲᬸᬩᬮᬦ᭄ᬫᬗᬯᬕ᭄᭞ᬭᬾᬄᬤᬶᬳᬶᬥᭂᬧ᭄ᬫᬺᬢ᭄ᬣᬯᬶᬱ᭄ᬬ
ᬦᬾᬫᬢᬫ᭄ᬩᬸᬦ᭄᭞ᬬᬦ᭄ᬘ᭄ᬦᬶᬂᬩᬶᬲᬫ᭄ᬩᭂᬮᬲᬂ᭞ᬫᬭᬵᬓᬹᬘᬧ᭄ᬫᬢᬶᬢᬶᬲ᭄᭟᭒᭖᭞ᬤᬾᬦᬶᬂᬲᬂᬳ᭄ᬬᬂᬫᬦ᭄ᬢ᭄ᬭᬦᬵᬬ᭞ᬓ᭄ᬭᬸᬭᬵᬯᬶᬰᬾᬱᬵᬳᬶᬤᬵᬫᬗᬺᬲ᭄ᬋᬲᬶᬦ᭄᭞ᬫ᭄ᬩᬜ᭄ᬘᬦᬾᬦ᭄ᬫᬗ᭄ᬕᬯᬾᬩᬸᬳᬸᬢ᭄᭞ᬬᬦ᭄
[᭑᭖ 16A]
ᬘ᭄ᬦᬶᬂᬓᬲᬸᬲᬸᬧᬦ᭄᭞ᬩᬳᬦ᭄ᬯᬶᬱ᭄ᬬᬦᬸᬚᬸᬦᬾᬫᬸᬭᬸᬓᬶᬦ᭄ᬢᬸᬢᬸᬃ᭞ᬫᬢᬶᬢᬶᬲ᭄ᬓᭀᬢ᭄ᬢᬫᬦ᭄ᬩᬸᬤ᭄ᬥᬵ᭞ᬫᬧᬦ᭄ᬧᬭᬵᬫᬃᬣᬧᬶᬗᬶᬢ᭄᭟᭒᭗᭞ᬤᬾᬯᬶᬧ᭄ᬭᬚ᭄ᬜᬵᬧᬭᬶᬫᬷᬢᬵ᭞ᬳᬶᬤᬵᬰᬶᬯᬶᬳᬲ᭄ᬢ᭄ᬣᬯᬵᬢᭀᬪᬓ᭄ᬢᬶᬦᬶᬦ᭄᭞ᬧᬶᬮᬶᬄ
ᬮᬸᬕ᭄ᬭᬳᬵᬯᬶᬱᬶᬓ᭄ᬳᬬᬸ᭞ᬫᬧᬷᬘ᭄ᬘᬵᬓᬦᬶᬃᬫᬮᬦ᭄᭞ᬳᬗᬦ᭄ᬫᬢᬺᬳᬗ᭄ᬕᭀᬧᬗ᭄ᬮᬸᬓᬢᬦ᭄ᬍᬢᬸᬄ᭞ᬧᬮᬚᬳᬶᬦ᭄ᬧ᭄ᬢᭂᬂᬍᬫᬄ᭞ᬲᬳᬶᬗᬧ᭄ᬢᬶᬯ᭄ᬮᬲ᭄ᬳᬲᬶᬄ᭟᭒᭘᭞ᬫᬫᬭᬶᬰᬸᬤ᭄ᬥᬵᬫ᭄ᬩᬸᬦ᭄ᬢᬲᬂ᭞ᬢ᭄ᬭᬶᬓᬬᬦᬾᬫᬦ᭄ᬓᭂ
ᬢ᭄ᬤᬶᬳᬯᬓ᭄ᬘ᭄ᬦᬶᬂ᭞ᬢ᭄ᬓᭂᬓᬂᬫᬢᬶᬢᬶᬲ᭄ᬫᬗ᭄ᬕᬸᬕᬸ᭞ᬢᭀᬲᬂᬳ᭄ᬬᬂᬫᬦ᭄ᬢ᭄ᬭᬦᬵᬬ᭞ᬫᬗ᭄ᬤᬾᬦ᭄ᬚ᭄ᬦᭂᬓ᭄ᬫᬺᬢ᭄ᬣᬦᬾᬤᬶᬳᬶᬤᭂᬧ᭄ᬓᬸᬓᬸᬄ᭞ᬤᬲᬭᬶᬦ᭄ᬧᬶᬢᬸᬗᬦᬼᬕᬵ᭞ᬢ᭄ᬬᬕᬵᬮᬕᬯᬦᬾᬲᬳᬶ᭟᭒᭙
᭞ᬤᬦᬵᬳᬲᬶᬄᬯ᭄ᬭᬸᬳᬶᬂᬰᬃᬫ᭄ᬫᬵ᭞ᬢᭀᬳᭂᬫ᭄ᬩᬦᬶᬦ᭄ᬓᬯ᭄ᬬᬓ᭄ᬢᬶᬬᬜᬘ᭄ᬦᬶᬂ᭞ᬲᬭᬶᬦ᭄ᬮᬓ᭄ᬱᬡᬦᬾᬫᬸᬮᬸᬲ᭄᭞ᬲᬢ᭄ᬲᭀᬘᬵᬯᬶᬦ᭄ᬥᬸᬰᬭᬵ᭞ᬧ᭄ᬭᬲᬶᬤᬵᬧᬢᬶᬢᬶᬲ᭄ᬓᭀᬢ᭄ᬢᬫᬦᬶᬂᬫᬸᬗ᭄ᬓᬸᬂ᭞ᬳᬫ᭄ᬩᬸ [ 17 ][᭑᭖ 16B]
᭑᭖
ᬦ᭄ᬢᭀᬳᬸᬧᬫ᭄ᬬᬂᬩᬧᬵ᭞ᬩᬸᬤ᭄ᬥᬵᬢᬢ᭄ᬯᬦᬾᬓᬧᬸᬚᬶ᭞᭓᭐᭞ᬳᬤᬵᬩᬧᬵᬫ᭄ᬩᬳᬦ᭄ᬲᬢ᭄ᬯ᭞ᬓᬗ᭄ᬕᬶᬢᬂᬩᬦ᭄ᬓᬯᬶᬰ᭄ᬯᬭᬵᬗᬹᬦᬶ᭞ᬫᬓᬵᬓᬯᬶᬦ᭄ᬤᬤᬶᬢᬸᬢᬸᬃ᭞ᬲᬢ᭄ᬯᬓᬶᬤᬸᬂᬯᬶᬭᬫᬵ᭞ᬤᬶᬢᬸᬫᬸᬗ᭄ᬕᬸᬄ
ᬲᬂᬲᬸᬩᬵᬧᬸᬢᬸᬲᬶᬂᬧᬸᬢᬸᬲ᭄᭞ᬳᬶᬤᬵᬲᬗ᭄ᬓᬦᬶᬰ᭄ᬭᬾyᬳᬰᬦ᭄᭞ᬥᬹᬄᬥᬹᬄᬓ᭄ᬢᬶᬮ᭄ᬢᬦ᭄ᬧᬢᬦ᭄ᬤᬶᬂ᭟᭓᭑᭞ᬭᬾᬄᬯᬸᬲ᭄ᬯᬶᬪᬸᬳᬂᬅᬚ᭄ᬜᬦᬵ᭞ᬢᬦ᭄ᬓᬢᬫᬦ᭄ᬰᬸᬓᬵᬤᬸᬓᬵᬩᬸᬯᬶᬦ᭄᭞ᬰ᭄ᬯᬃᬕ᭄ᬕᬦᬵᬭ
ᬓᬦᬾᬧᬢᬸᬄ᭞ᬳ᭄ᬦᭂᬂᬦᬶᬂᬤᬶᬓᬳᬦᬦ᭄᭞ᬧᬹᬚᬵᬬᭀᬕᬫᬦ᭄ᬢ᭄ᬭᬢᬧᬵᬩ᭄ᬭᬢ᭄ᬢᬢᬸᬢᬸᬃ᭞ᬢ᭄ᬯᬭᬩᬸᬯᬶᬦ᭄ᬢᭀᬓᬩ᭄ᬯᬢᬂ᭞ᬓᬭᬡᬲᭂᬗ᭄ᬓᬵᬗᭂᬜ᭄ᬘᬳᬶᬦ᭄᭟᭒᭒᭞ᬓᬾᬢᭀᬘ᭄ᬦᬶᬂᬓᬯᬗ᭄ᬰᬮᬂ᭞ᬫᬶᬮᬸᬩᬧᬵ
ᬦᬾᬚᬦᬶᬩᬸᬗᬵᭂᬂᬧᬮᬶᬂ᭞ᬗ᭄ᬭᬱᬤᬾᬯᬾᬓ᭄ᬧᬢᬶᬓᬘᬸᬄ᭞ᬚ᭄ᬯᬭᬶᬦᬶᬦ᭄ᬤᬵᬫᬦᬸᬮᬓ᭄᭞ᬓᬯᬶᬰᬭᬵᬫᬦᬃᬢ᭄ᬣᬮᬶᬢ᭄ᬦᬶᬂᬯᬸᬯᬸᬲ᭄᭞ᬤᬕᬶᬂᬰᬵᬲ᭄ᬢ᭄ᬭᬫᬳᭀᬢ᭄ᬢᬫᬵ᭞ᬫᬥᬓ᭄ᬢ᭄ᬯᬭᬫᬦᬸᬮᬳᬶᬦ᭄
[᭑᭗ 17A]
᭟᭓᭓᭞ᬢ᭄ᬓᬵᬚᬦᬶᬩᬧᬵᬗ᭄ᬭᬱᬵ᭞ᬘᭀᬤᭀᬃᬮᬜ᭄ᬘᬂᬤᬾᬬᬾᬓ᭄ᬳᬾᬦ᭄ᬢᬾᬂᬘ᭄ᬭᬶᬓ᭄ᬩᭂᬗᬶᬮ᭄᭞ᬳᬶᬗᭂᬢ᭄ᬩᭀᬕ᭄ᬩᭀᬕᬾᬦᬾᬫᬮᬸ᭞ᬧᬗᬓᬸᬤᬾᬯᬾᬓ᭄ᬧ᭄ᬭᬚ᭄ᬜᬦ᭄᭞ᬫᬵᬧᬶᬢᬢᬲ᭄ᬤᬕᬶᬂᬰᬵᬲ᭄ᬢ᭄ᬭᬕᬫ᭄ᬫᬢᬸᬢᬸᬃ᭞ᬫᬵ
ᬯᬓ᭄ᬓᬍᬩᬸᬳᬶᬂᬤᭀᬱᬵ᭞ᬧᬦᬵᬯᬗᬾᬢ᭄ᬯᬭᬚᬢᬶ᭟᭓᭔᭞ᬘ᭄ᬦᬶᬂᬦᬄᬓᬸᬤᬵᬳᬶᬗᭂᬭᬂ᭞ᬫᬦᬸᬱᬦᬾᬧᬫᬸᬧᬸᬢ᭄ᬫᬸᬮᬵᬫᬢᬶ᭞ᬦᬵᬗ᭄ᬳᬶᬂᬫᬯᬓ᭄ᬧᬥᬵᬢᬦ᭄ᬤ᭄ᬭᬸᬄ᭞ᬦ᭄ᬢᭀᬓᭀᬦᬾᬫᬢᬓᬸᬢᬂ
ᬮᬫ᭄ᬧ᭄ᬬᬲᬦ᭄ᬩᬧᬵᬫᬲᬶᬄᬢ᭄ᬯᬭᬵᬗ᭄ᬕᬸᬕᬸ᭞ᬳᬤᬵᬓᭀᬦᬾᬲᬂᬳ᭄ᬬᬂᬢᬶᬢᬄ᭞ᬩᬢᭂᬓ᭄ᬢᬺᬱ᭄ᬡᬦᬾᬜᬸᬲᬸᬧᬶᬦ᭄᭟᭓᭕᭞ᬳᬓᬸᬤᬵᬲᬦ᭄ᬳᬸᬭᬶᬧ᭄ᬚᬦ᭄ᬫᬵ᭞ᬲᬶᬤᬵᬓᬾᬘ᭄ᬦᬶᬂᬩᬓᬮ᭄ᬫᬦ᭄ᬧᬸᬓᬶᬦ᭄᭞ᬓᬥᬃ
ᬫ᭄ᬫᬦ᭄ᬳᬯᬓᬾᬢᬸᬳᬸ᭞ᬳᬭᬶᬧ᭄ᬳᬓ᭄ᬤᬧ᭄ᬓᬶᬮᬢ᭄᭞ᬲᬂᬳ᭄ᬬᬂᬥᬃᬫ᭄ᬫᬵᬚᬵᬢᬷᬯᬦ᭄ᬢᬄᬮᬦᬵᬭᬸᬭᬸᬄ᭞ᬲᬗ᭄ᬓᬦ᭄ᬓᬧᬸᬕᭂᬄᬩᬦ᭄ᬓᬃᬫ᭄ᬫᬵ᭞ᬓ᭄ᬭᬡᬚ᭄ᬫᭂᬢᬂᬧᬸᬭᬸᬓᬶᬦ᭄᭞᭓᭖᭞ᬦᬄᬘ᭄ᬦᬶᬂᬤᬷᬗᬦᬾᬲᬥ᭄ᬬ᭞ᬓᬦᬸ [ 18 ][᭑᭗ 17B]
᭑᭗
ᬕ᭄ᬭᬳᬵᬩᬳᬦ᭄ᬪᬝᬭᬯᬶᬤ᭄ᬥᬶ᭞ᬋᬱᭂᬧ᭄ᬓᬾᬦ᭄ᬧᬶᬢᬸᬤᬸᬄᬕᬸᬭᬸ᭞ᬦᬾᬤᬶᬳᬯᬓ᭄ᬗᬯᬦᬂ᭞ᬲᬶᬤ᭄ᬥᬵᬫᬢ᭄ᬭᬅᬚ᭄ᬜᬡᬦ᭄ᬩᬸᬤ᭄ᬥᬵᬦᬾᬧᬗ᭄ᬕᬸᬄ᭞ᬩᬦ᭄ᬓᭀᬢ᭄ᬢᬫᬦ᭄ᬳᬗ᭄ᬓᭀᬲᬦ᭄᭞ᬲᬂᬳ᭄ᬬᬂᬫᬦ᭄ᬢ᭄ᬭᬦᬵᬬᬲᬶᬤ᭄ᬥᬶ
᭟᭓᭗᭟ᬑᬁᬩᬚ᭄ᬭᭀᬥᬓᬵᬑᬁᬉᬁᬅᬄ᭞ᬳᬗ᭄ᬕᭀᬦ᭄ᬩᬧᬵᬤᬲᬃᬚᬦᬶᬗᬯᬶᬢᬶᬦ᭄᭞ᬲᬸᬪᬵᬕ᭄ᬬᬲᬶᬤᬵᬫᬳᬸᬦ᭄ᬤᬸᬓ᭄᭞ᬓᬮᬶᬄᬦᬸᬦᬲ᭄ᬮᬸᬕ᭄ᬭᬳᬵ᭞ᬓᬾᬦ᭄ᬰᬶᬰᬓ᭄ᬬᬲᬶᬗ᭄ᬳᬵᬳᬶᬦᬶᬲ᭄ᬢᬶᬦᬶᬂᬢᬦᬹ᭞ᬪ
ᬝᬭᬰ᭄ᬭᬷᬯᬾᬭᭀᬘᬡ᭞ᬫᬥᬓ᭄ᬳᬶᬤᬵᬫᬗ᭄ᬭᬕᬦᬶᬦ᭄᭟᭓᭘᭞ᬲᬂᬳ᭄ᬬᬂᬧᬜ᭄ᬘᬢᬝᬕᬝ᭞ᬩᬸᬤᬵᬳᬶᬤᬵᬫ᭄ᬭᬕᬳᬸᬭᬶᬧᬶᬂᬪᬸᬫᬶ᭞ᬧᬸᬭᬸᬱᬵᬯᬶᬰᬾᬱᬵᬅᬦᬸ᭞ᬪᬭᬮᬶᬤᬾᬯᬶᬭᬚ᭄ᬜᬧᬭᬶ
ᬫᬶᬢᬵ᭞ᬫᬳᬗ᭄ᬕᬵᬕᬶᬤᬵᬧᬻᬥᬦᬵᬯᬶᬪᬸᬄ᭞ᬯ᭄ᬢᬸᬳᬸᬮᬶᬳᬢ᭄ᬭᬶᬭᬢ᭄ᬦ᭞ᬩᬸᬤ᭄ᬥᬵᬥᬃᬫ᭄ᬫᬲᬗ᭄ᬕᬵᬍᬯᬶᬄ᭟᭓᭙᭞ᬰᬓ᭄ᬬᬫᬸᬦᬷᬮᭀᬓᬾᬰ᭄ᬯᬭᬵ᭞ᬩᬚᬺᬧᬡᬷᬧᬧᬰᬶᬄᬳᬶᬤᬵᬩ᭄ᬯᬶᬦ᭄᭞ᬲᬂᬳ᭄ᬬᬂᬭᬵ
[᭑᭘ 18A]
ᬢ᭄ᬦᬢ᭄ᬭᬬᬓᬮᬸᬩ᭄᭞ᬚᬦᬶᬩᬧᬵᬜᬢ᭄ᬯᬬᬂ᭞ᬲᬓᬩ᭄ᬲᬶᬓ᭄ᬫᬶᬫᬶᬢᬦ᭄ᬲᬗ᭄ᬓᬦᬾᬫ᭄ᬢᬸ᭞ᬤᬤᬶᬧᬵᬜ᭄ᬘᬢᬝᬕᬝ᭞ᬧᬗᭂᬭᬂᬘ᭄ᬦᬶᬂᬤᬶᬳᬢᬶ᭟᭔᭐᭞ᬅᬥ᭄ᬯᬬᬵᬚ᭄ᬜᬦᬵ᭞ᬬᬦ᭄ᬫᬢ᭄ᬫᬸᬳᬶᬤᬵᬤ
ᬤᬶᬳᬩ᭄ᬲᬶᬓ᭄᭞ᬲᬂᬳ᭄ᬬᬂᬥᬶᬯᬵᬭᬹᬧᬯ᭄ᬢᬸ᭞ᬳᬘᬶᬦ᭄ᬢ᭄ᬬᬢᬬᬵᬭᬹᬧᬵᬘᬳ᭄ᬬᬕᬮᬂᬳᬧᬥᬂᬢᬾᬚᬦᬾᬫᬸᬭᬸᬩ᭄᭞ᬧᬭᬶᬧᬹᬃᬡ᭄ᬦᬲᬓ᭄ᬱᬢ᭄ᬘᬳ᭄ᬬᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬦᬾᬗᬩᭀᬩᬶᬦ᭄᭟᭔᭑᭞
ᬬᭀᬕᬶᬰ᭄ᬯᬭᬦᬾᬜᬶᬦᬳᬂ᭞ᬳᬶᬤᬵᬯ᭄ᬢᬸᬳᬸᬮᬶᬦᬾᬤᬤ᭄ᬯᬚᬵᬢᬷ᭞ᬧᬮᬸᬗ᭄ᬕᬸᬳᬦ᭄ᬯᬦ᭄ᬢᬄᬫᬵᬦᬹᬢ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬅᬤ᭄ᬤᬸᬱᬵ᭞ᬭᬾᬄᬜᬶᬤᬬᬂᬲᬸᬩᬵᬳᬯᭀᬃᬩᬋᬂᬕᬧᬸᬮ᭄᭞ᬳᬫᭀᬭᬶᬂᬗ᭄ᬳ᭄ᬬᬂᬳᬥᬶ
ᬩᬸᬤ᭄ᬥᬵ᭞ᬦᬶᬃᬩ᭄ᬪᬡᬘᬶᬦ᭄ᬢ᭄ᬬᬓᬳᬸᬗ᭄ᬲᬶ᭟᭔᭒᭞ᬳᬸᬮᬶᬳᬩ᭄ᬲᬶᬓ᭄ᬗᭂᬫ᭄ᬩᬲᬂ᭞ᬳ᭄ᬦᬾᬢᬢ᭄ᬮᬸᬅᬚ᭄ᬜᬡᬳᬶᬢᬸᬗᬶᬦ᭄᭞ᬰ᭄ᬭᬶᬰᬓ᭄ᬬᬫᬸᬦᬶᬧᬜ᭄ᬚᬸᬫᬸ᭞ᬓᬧᬶᬂᬭᭀᬮᭀᬓᬾᬰ᭄ᬯᬭ᭞ᬩᬚ᭄ᬭᬧᬡᬶᬕ᭄ᬦᭂᬧ᭄ᬚᬢ᭄ᬮᬸᬓᬵ [ 19 ][᭑᭘ 18B]
᭑᭘
ᬲᬸᬗ᭄ᬲᬸᬂ᭞ᬳᬲ᭄ᬢᬶᬢᬶᬫᬸᬚᬵᬪᬝᬭ᭞ᬢ᭄ᬭᬶᬭᬵᬢ᭄ᬦᬢ᭄ᬭᬬᬓᬳᬶᬲ᭄ᬢᬶ᭟᭔᭓᭞ᬤᬶᬰᬶᬯᬵᬢᬢ᭄ᬯᬓᬳᬸᬘᬧ᭄᭞ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱᬳᭂᬦ᭄ᬢᭀᬓᬧᬸᬚᬶ᭞ᬩᬸᬤ᭄ᬥᬵᬥᬃᬫ᭄ᬫᬲᬗ᭄ᬕᬵᬧᬢᬸᬄ᭞ᬤᬶᬰᬶᬯᬵᬢ᭄ᬯᬅᬉᬫ
᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭᬫᬲᬶᬄᬢᬢ᭄ᬮᬸ᭞ᬲᬫᬾᬦ᭄ᬯᬦ᭄ᬢᬄᬭᬵᬪᬶᬦᬵᬩᬾᬤᬵᬯᬓ᭄ᬬᬢᬸᬗ᭄ᬕᬮ᭄ᬰ᭄ᬭᬸᬢᬶ᭟᭔᭔᭞ᬢ᭄ᬭᬶᬬᬓ᭄ᬱᬭᬦᬾᬤᬶᬩᬸᬤ᭄ᬥᬵ᭞ᬑᬁᬅᬄ᭠
ᬤᬶᬰᬯᬵᬗᬦᬹᬢ᭄᭞ᬳᬶᬘ᭄ᬦᬶᬂᬳᬧᬂᬢᬢᬲ᭄᭞ᬩᬸᬯᬶᬦ᭄ᬚᬦᬶᬩᬧᬵᬗᬮᬦ᭄ᬢᬸᬭᬂᬜᬫ᭄ᬩᬸᬂ᭞ᬗ᭄ᬕᬮᬶᬄᬗᬕᬸᬫ᭄ᬦᬾᬮᬮᬶᬫ᭞ᬲᬂᬳ᭄ᬬᬂᬧᬜ᭄ᬘᬢᬝᬕᬝᬶ᭟᭔᭕᭞ᬲᬂᬳ᭄ᬬᬂᬰᬢ᭄ᬬᬫᬸᬦᬶᬳᬸᬘᬧ᭄᭞ᬫ
ᬗᬤᬓᬂᬦ᭄ᬢᭀᬯᬾᬭᭀᬘ᭄ᬘᬡᬵᬥᬶ᭞ᬰ᭄ᬭᬶᬮᭀᬓᬾᬰ᭄ᬯᬭᬢ᭄ᬯᬄᬯᬶᬪᬸᬄ᭞ᬳᬸᬮᬶᬢᬗᬦ᭄ᬗᭂᬫ᭄ᬩᬲᬂ᭞ᬰ᭄ᬭᬶᬭᬵᬢ᭄ᬦᬲᬫ᭄ᬪᬯᬵᬧᬭᬩᬾᬓᬳᬸᬘᬧ᭄ᬓᬯᬸᬯᬸᬲ᭄᭞ᬢ᭄ᬗᬦ᭄ᬓᬶᬯ᭄ᬯᬵᬗ᭄ᬯᬵᬗᬯ᭄ᬢᬸᬯᬂᬰ᭄ᬭᬶᬰᬫᬶᬢᬵ
[᭑᭙ 19A]
ᬪᬵᬓᬧᬸᬚᬶ᭟᭔᭖᭞ᬰ᭄ᬭᬶᬩᬚ᭄ᬭᬧᬡᬶᬗᭂᬫ᭄ᬩᬲᬂ᭞ᬰ᭄ᬭᬶᬅᬓ᭄ᬱᭀᬪ᭄ᬬᬫ᭄ᬯᬄᬰ᭄ᬭᬶᬅᬫᭀᬕ᭄ᬖᬵᬲᬶᬤ᭄ᬥᬶ᭞ᬬᬮᬶᬫᬚᬗ᭄ᬓᭂᬧ᭄ᬓᬧᬶᬕᬸᬂ᭞ᬢ᭄ᬗᬄᬰ᭄ᬭᬶᬯᬾᬭᭀᬘ᭄ᬘᬡ᭞ᬦᬾᬓᬲᬫ᭄ᬩᬢ᭄ᬧᬜ᭄ᬘᬓ᭄ᬱᬭᬩᬸᬤ᭄ᬥᬵᬢᬸᬳᬸ᭞ᬅᬄᬢ᭄ᬭᬁᬳ᭄ᬭᬶᬄ
ᬉᬁᬅᬄᬓᬳᬸᬘᬧ᭄᭞ᬓᬾᬢᭀᬓᬢᬢ᭄ᬯᬜᬘ᭄ᬦᬶᬂ᭟᭔᭗᭞ᬧᬜ᭄ᬘᬓ᭄ᬱᬭᬦᬾᬦᬤᬶᬰᬶᬯᬵ᭞ᬲᬩᬢᬅᬇᬯᬶᬚᬓ᭄ᬱᬭᬲᬦ᭄ᬤᬶ᭞ᬦᬫᬰᬶᬯᬵᬬᬓᬯᬸᬯᬸᬲ᭄᭞ᬧᬜ᭄ᬘᬩ᭄ᬭᬳ᭄ᬫᬵᬤᬶᬰᬶᬯᬵ᭞ᬬᬦ᭄ᬤᬶᬩᬸᬤ᭄ᬥᬵᬦ
ᬫᬩᬸᬤ᭄ᬥᬵᬬᬓᬲᬸᬫ᭄ᬩᬸᬂ᭞ᬬᬵᬪᬶᬦᬾᬓᬵᬢᬸᬗ᭄ᬕᬮ᭄ᬳᬶᬓᬵ᭞ᬤᭀᬂᬜᭂᬦ᭄ᬤᬤ᭄ᬯᬯᬶᬤ᭄ᬥᬶᬩᬸᬯᬶᬦ᭄᭟᭔᭘᭞ᬧᬜ᭄ᬘᬲ᭄ᬓᬡ᭄ᬥᬵᬤᬶᬩᬸᬤ᭄ᬥᬵ᭞ᬧᬜ᭄ᬘᬢᬦ᭄ᬫᬢ᭄ᬭᬤᬶᬰᬶᬯᬵᬗ᭄ᬕᬸᬕ᭄ᬯᬦᬶᬦ᭄᭞ᬳ᭄ᬤᬘ᭄ᬦᬶᬂᬩᬸᬗᭂᬂᬩᬶᬗᬸᬂ᭞ᬫᭀᬯᭀᬲᬂ
ᬰᬶᬯᬵᬩᬸᬤ᭄ᬥᬵ᭞ᬢᬸᬯᬶᬧᬢᬸᬄᬫᬲᬗ᭄ᬓᬦ᭄ᬢᬸᬗ᭄ᬕᬮ᭄ᬧᬯ᭄ᬢᬸ᭞ᬳᬸᬮᬶᬲᬗ᭄ᬳ᭄ᬬᬂᬯᬶᬤ᭄ᬥᬶᬯᬵᬰ᭞ᬦᬄᬓᬸᬤᬵᬳᬶᬗᭂᬢᬂᬘ᭄ᬦᬶᬂ᭞᭔᭙᭞ᬲᬂᬳ᭄ᬬᬂᬩᬸᬤ᭄ᬥᬵᬦᬸᬲ᭄ᬫᬭᬡ᭞ᬲᬂᬳ᭄ᬬᬂᬑᬁᬰᬭᬵᬲᬲᬫᬾᬦᬾᬘ᭄ᬦᬶᬂ᭞ᬰᬶᬯᬵᬩᬸᬤ᭄ᬥᬵ [ 20 ][᭑᭙ 19B]
᭑᭙
ᬤᬤᬶᬕᬧᬸᬮ᭄᭞ᬧᬭᬪ᭄ᬬᬂᬅᬥ᭄ᬯᬵᬫᬸᬓᬵ᭞ᬅᬃᬤ᭄ᬥᬵᬘᬦ᭄ᬤ᭄ᬭᬘᬦ᭄ᬤ᭄ᬭᬦᬵᬥᬢᬸᬂᬢᬸᬗᬾᬫᬢ᭄ᬫᬸ᭞ᬰᬸᬦ᭄ᬬᬢᬬᬵᬫᬯᬶᬢ᭄ᬲᬗ᭄ᬓᬦ᭄᭞ᬢᬶᬃᬢ᭄ᬣᬧᬯᬶᬢ᭄ᬭᬦᬾᬰᬸᬘ᭄ᬘᬶ᭟᭕᭐᭞ᬅᬁᬅᬄᬯᬶᬚᬵᬓ᭄ᬱᬭᬩᬸᬤ᭄ᬥᬵ᭞ᬑᬁᬓᬭᬵ
ᬲᬸᬫᬸᬗ᭄ᬲᬸᬂᬤᬶᬰᬶᬯᬵᬓᬧᬦ᭄ᬤᬶ᭞ᬮᬫ᭄ᬩᬂᬲᬗ᭄ᬓᬦ᭄ᬧᬭᬦ᭄ᬫᬸᬮᬸᬲ᭄᭞ᬳᬸᬭᬶᬧᬶᬂᬲᬃᬯ᭄ᬯᬪᬯᬵ᭞ᬓᬧᬢᬶᬢᬶᬲ᭄ᬩᬵᬦ᭄ᬧᬭᬯᬶᬓᬸᬦᬾᬧᬸᬢᬸᬲ᭄᭞ᬗᬾᬜ᭄ᬘᭂᬧ᭄ᬦᬸᬚᬸᬓᬍᬧᬲᬦ᭄᭞ᬢᭀᬓᭀᬢ᭄ᬢᬫᬦ᭄ᬢᬢ᭄ᬯᬘ᭄ᬦᬶᬂ᭟᭕᭑᭞
ᬚᬦᬶᬩᬧᬵᬗ᭄ᬭᬱᬧᬶᬲᬦ᭄᭞ᬓᬲ᭄ᬯᬾᬘ᭄ᬙᬵᬦ᭄ᬩᬳᬦ᭄ᬳᬶᬤᬵᬲᬂᬳ᭄ᬬᬂᬓᬯᬶ᭞ᬲᬶᬤᬵᬜᬶᬤᬬᬂᬫᬦᬸᬧ᭄ᬢᬸᬧ᭄᭞ᬗ᭄ᬭᬶᬜ᭄ᬘᬶᬬᬂᬫᬸᬗ᭄ᬕ᭄ᬯᬶᬂᬢᭂᬫ᭄ᬩᬂ᭞ᬧᬳᬶᬘᬦ᭄ᬳᬶᬤᬵᬓᬓ᭄ᬬᬂᬘᬳᬶᬦᬾᬫᬮᬸ᭞ᬤᬸᬫᬤᬓ᭄ᬢᬦ᭄ᬓᬧᬶᬳᬮᬂ᭞ᬘ᭄ᬦᬶᬂᬜᬸᬲᬸᬧᬂ
ᬤᬶᬳᬢᬶ᭟᭕᭒᭞ᬤᬵᬫ᭄ᬮᬶᬳᬶᬦ᭄ᬳᬸᬗ᭄ᬕ᭄ᬯᬦ᭄ᬳᬯᬓ᭄᭞ᬢᬢᬫ᭄ᬬᬦ᭄ᬲᬓᬶᬂᬳᬶᬤᬵᬲᬂᬫᬗᬃᬤ᭄ᬥᬶ᭞ᬲᬭᬶᬦ᭄ᬢᬢ᭄ᬯᬦᬾᬫᬯ᭄ᬢᬸ᭞ᬳᬸᬮᬶᬤᬶᬰᬶᬯᬩᬸᬤ᭄ᬥᬵ᭞ᬦᬸᬳᬤᬵᬦ᭄ᬢᭀᬧ᭄ᬢᬶᬓ᭄ᬭᬳᬱ᭄ᬬᬧᬫᬸᬧᬸᬢ᭄᭞ᬢᭀᬦ᭄ᬤᬾᬦ᭄ᬩ
[᭒᭐ 20A]
ᬧᬵᬫᬶᬥᬃᬢ᭄ᬣᬬᬂ᭞ᬧ᭄ᬮᬶᬄᬩᬧᬵᬚᬢ᭄ᬦᬸᬮᬢᬶᬦ᭄᭟᭕᭓᭞ᬬᬦ᭄ᬢᬦ᭄ᬲᬸᬩᬵᬓᬮᬸᬕ᭄ᬭᬳᬵᬢ᭄ᬯᬭᬩᬦᬶ᭠ᬜᬶᬦᬳᬂᬯᬶᬢ᭄ᬓᬚᬵᬢᬶᬦ᭄᭞ᬤᬕᬶᬂᬧ᭄ᬢᬶᬓᬦᬾᬩᬳᬸ᭞ᬓ᭄ᬭᬡᬵᬘ᭄ᬦᬶᬂSᬳᬳᬢᬂ᭞ᬳᬫ᭄ᬩᭂᬓ᭄ᬢᭀᬦᬾᬧ᭄ᬮ
ᬚᬳᬶᬦ᭄ᬫᬮᬸ᭞ᬫᬗ᭄ᬤᬾᬦᬾᬕᬸᬭᬸᬲᬸᬰ᭄ᬭᬸᬱ᭞ᬬᬦ᭄ᬢᬦ᭄ᬓᬾᬢᭀᬘ᭄ᬦᬶᬂᬧ᭄ᬮᬶᬄ᭟᭐᭟ᬲᬶᬦᭀᬫ᭄᭟᭑᭞ᬲᬶᬦᭀᬫ᭄ᬳᬗ᭄ᬕᭀᬦ᭄ᬫᬦᬸᬢᬸᬕᬂ᭞ᬧᬶᬢ᭄ᬓᭂᬢ᭄ᬩᬧᬦᬾᬘ᭄ᬦᬶᬂ᭞ᬲᭂᬲᭂᬤ᭄ᬩᬸᬓᬵᬫᬓ᭄ᬤᭂᬳᬂ᭞ᬳᬧᬂᬘ᭄ᬦᬶᬂᬫᬦ᭄ᬤᬕᬶᬗᬶᬦ᭄
᭞ᬧᬗᬶᬤᬶᬄᬩᬧᬵᬗ᭄ᬯᬶᬤ᭄ᬥᬶ᭞ᬫᬯᬓ᭄ᬦᬸᬩᬧᬵᬦᬾᬳᬶᬤᬸᬧ᭄᭞ᬤᬵᬫᬋᬦ᭄ᬫ᭄ᬦᬓᭀᬦᬂ᭞ᬘᭀᬮᬄᬢᬶᬓᬲᬾᬫᬓᬶᬃᬢ᭄ᬢᬶ᭞ᬳᬗ᭄ᬕᭀᬲᬸᬮᬸᬄᬤᬲᬃᬗᬸᬮᬄᬓᬉᬢ᭄ᬢᬫ᭄᭟᭒᭞ᬬᬤ᭄ᬬᬦ᭄ᬩᬧᬵᬓ᭄ᬯᬂᬧᬦᬯᬂ
᭞ᬜᬳᬢᬂᬲᬯᬤᬶᬯᬤᬶ᭞ᬓ᭄ᬥᭂᬂᬮᭀᬪᬦᬾᬫᬧ᭄ᬬᬦᬓ᭄᭞ᬲᬓᬵᬲᬶᬤ᭄ᬥᬦ᭄ᬩᬗᭂᬢᬸᬭᬶᬦ᭄᭞ᬫᬗ᭄ᬤᬾᬭᬳᬬᬸᬮᬭᬶᬲ᭄᭞ᬩᬶᬲᬲ᭄ᬢ᭄ᬯᬭᬦ᭄ᬤᬶᬬᬦ᭄ᬤᬶᬬᬸ᭞ᬳᬶᬧ᭄ᬬᬦᬓ᭄ᬱᬮᬄᬧᬭᬵ᭞ᬩᬧᬵᬫᬶᬬᬸ᭠ [ 21 ][᭒᭐ 20B]
᭒᭐
ᬓᬳᬗ᭄ᬓᭀᬲᬶᬦ᭄᭞ᬓᬦ᭄ᬤᬸᬂᬓ᭄ᬩᬸᬲ᭄ᬫᬮᬩ᭄ᬮᬪᬶᬤᬸᬧ᭄ᬳᬶᬤᬸᬧ᭄᭟᭓᭞ᬯᬮᬶᬓᬦ᭄ᬳᬶᬧᬸᬦ᭄ᬳᬶᬧ᭄ᬬᬦᬓ᭄᭞ᬢᬼᬩ᭄ᬫᬗ᭄ᬕᬕ᭄ᬯᬦᬶᬦ᭄ᬳᬚᬶ᭞ᬫᬢᬺᬱᬶᬤ᭄ᬥᬵᬫᬦᬧᬓᬂ᭞ᬤᬕᬶᬂᬢᬸᬢᬸᬃᬗ᭄ᬕᬯᬾᬓᬶᬃᬢ᭄ᬢᬶᬳᭀ᭞ᬲᬸᬓ᭄
ᬲ᭄ᬫᬦ᭄ᬩᬧᬦᬾᬫᬶᬭᬶᬩ᭄᭞ᬓᬶᬘ᭄ᬘᬦ᭄ᬯᬳ᭄ᬬᬸᬤᬶᬫᬹᬃᬕᬸᬦᬸᬂ᭞ᬫᬳᬵᬫᬾᬭᬸᬫᭀᬢ᭄ᬢᬫᬵ᭞ᬓᬾᬢᭀᬳᬸᬧᬫᬶᬜᬓᬸᬶᬘ᭄ᬦᬶᬂ᭞ᬳ᭄ᬤᬜᭂᬗ᭄ᬕᬸᬄᬩᬧᬵᬜᬓᬶᬢᬶᬦ᭄ᬲᬦ᭄ᬢᬦᬵ᭟᭔᭞ᬧᬸᬢ᭄ᬭᬲᬰᬡᬗᬸ
ᬘᬧᬂ᭞ᬕᬫ᭄ᬫᬵᬢᬢ᭄ᬯᬦᬾᬓᬵᬦᬹᬢᬶᬦ᭄᭞ᬧ᭄ᬬᬦᬓ᭄ᬪᬓ᭄ᬢᬶᬫᬓᬯᬶᬢᬦ᭄᭞ᬢᬸᬩᬥᬄᬩ᭄ᬢᬾᬦ᭄ᬓᬳᬮᬶᬄ᭞ᬦ᭄ᬢᭀᬲᬳᬶᬧᬳᬸᬭᬸᬓᬶᬦ᭄᭞ᬉᬢ᭄ᬢᬫᬧᬶᬢ᭄ᬯᬶᬦᬾᬍᬢᬸᬄ᭞ᬯᬶᬤ᭄ᬥᬶᬯᬦ᭄ᬢᬄᬫᬦᬶ
ᬢᬄ᭞ᬳᬯᬂᬢᬶᬢᬳᬾᬬᬦ᭄ᬘ᭄ᬦᬶᬂ᭞ᬢ᭄ᬯᬭᬢᬓᬸᬢ᭄ᬢ᭄ᬓᬾᬦᬾᬫᬸᬮᬵᬢᬓᬸᬢᬂ᭟ᬪᬕ᭄ᬬᬘ᭄ᬦᬶᬂᬲᬶᬤ᭄ᬥᬵᬗᬩᬦᬂ᭞ᬯᬭᬄᬧᭀᬮᭀᬲ᭄ᬢ᭄ᬯᬄᬬᬸᬚᬢᬶ᭞ᬲᬲᭀᬮᬄᬓᬩᬶᬲᬦᬼᬩ᭄ᬬᬦ᭄᭞ᬢ᭄ᬓᬾ
[᭒᭑ 21A]
ᬦᬶᬂᬳ᭄ᬦᬾᬫᬗᬃᬤ᭄ᬥᬶ᭞ᬳᭂᬦ᭄ᬢᭀᬧᬗᭂᬦ᭄ᬢᬲ᭄ᬤᬤᬶ᭞ᬫᬮᬦ᭄ᬓᬯᬶᬢᬦᬾᬍᬩᬸᬃ᭞ᬉᬢ᭄ᬢᬫᬦᬶᬂᬧᬗᭂᬦ᭄ᬢᬲ᭄᭞ᬚᭀᬄᬧᬭᬵᬳᬤᬵᬦᬦ᭄ᬤᬶᬗᬶᬦ᭄᭞ᬓᬧᬶᬭᬸᬭᬸᬄᬤᬶᬚᬬᬦ᭄ᬢᭀᬂᬳᬤᬵᬧᬥ᭟᭖᭞ᬤᬶᬯ
ᬳ᭄ᬬᬲᬶᬤ᭄ᬥᬵᬪᬓ᭄ᬢᬶᬬᬂ᭞ᬧᬶᬢ᭄ᬓᭂᬢ᭄ᬩᬧᬦᬾᬘ᭄ᬦᬶᬂ᭞ᬲᬦ᭄ᬢᬦᬵᬢᬸᬦᬧᬦᬯᬂ᭞ᬲᭀᬭᬦ᭄ᬢᭂᬓᬾᬦ᭄ᬦᬾᬫᬗᬃᬤ᭄ᬥᬶ᭞ᬓᬧᬶᬂᬭᭀᬲᭀᬯᬦ᭄ᬓᬶᬃᬢ᭄ᬣᬶ᭞ᬓᬮᬯᬲᬦ᭄ᬗ᭄ᬕᬯᬾᬮᬫ᭄ᬧᬸᬃ᭞ᬯᬗ᭄ᬰᬵᬢᬸᬭᬸᬦᬦ᭄ᬧᬸᬦᬄ᭞ᬧ᭄ᬮᬶᬄᬩᬵ
ᬦ᭄ᬩᬩᬦᬂᬪᬓ᭄ᬢᬶ᭞ᬓᬾᬦ᭄ᬮᬮᬸᬃᬩᬧᬵᬘᬳᬶᬢ᭄ᬯᬄᬗᬯᬦᬂ᭟᭗᭞ᬲᬶᬗ᭄ᬓᬵᬫᬗᬩᬦᬂᬳᬯᬓ᭄᭞ᬤᬶᬫᬲᬦ᭄ᬕᬸᬫᬶᬦᬾᬓᬮᬶ᭞ᬢ᭄ᬯᬭᬫᬗ᭄ᬕᭂᬄᬲᬶᬤᬵᬮᬦᬵ᭞ᬥᬃᬫ᭄ᬫᬦᬾᬓᬢᬶᬦ᭄ᬤᬶᬄᬲᬳᬶ᭞ᬳᬶᬥᭂᬧ᭄ᬚᬦ᭄ᬫᬦᬾᬕᬸ
ᬜ᭄ᬚᬶᬄ᭞ᬓᬕᭀᬤᬵᬩᬵᬦ᭄ᬧ᭄ᬢᭂᬂᬧᬶᬢᬸ᭞ᬩᬲ᭄ᬫ᭄ᬩ᭄ᬯᬢᬂᬅᬃᬢ᭄ᬣᬓᬫᬵ᭞ᬥᬃᬫ᭄ᬫᬦ᭄ᬳᬯᬓᬾᬳᭂᬗ᭄ᬲᬧᬶᬦ᭄᭞ᬯ᭄ᬢᬸᬢᬦ᭄ᬤ᭄ᬭᬸᬄᬦ᭄ᬤᬸᬮᬫᬾᬦᬾᬢᬶᬤᭀᬂᬲᬚᬵ᭟᭘᭞ᬬᬦ᭄ᬘ᭄ᬦᬶᬂᬢ᭄ᬯᬭᬵᬦᬸᬳᬸᬢᬂ᭞ᬧᬳᬶᬍᬄᬕᬸᬫᬶ [ 22 ][᭒᭑ 21B]
᭒᭑
ᬦᬾᬓᬮᬶ᭞ᬲᬶᬦᬄᬧᬘᬂᬓᬩ᭄ᬬᬦᬦ᭄᭞ᬓᬲᬯᬸᬲᬯᬸᬓᬳᬶᬫ᭄ᬧᬶᬢ᭄᭞ᬓᬘᬘᬤ᭄ᬓᬕᬶᬗᬦ᭄᭞ᬢ᭄ᬯᬭᬳᬤᬵᬜᬦ᭄ᬗᬮᬶᬗᬸ᭞ᬲᬗ᭄ᬓᬦ᭄ᬯᬲ᭄ᬧᬤᬵᬩ᭄ᬯᬢᬂ᭞ᬳᬶᬥᭂᬧ᭄ᬢ᭄ᬯᬭᬵᬓᬢᬮᬶᬦᬶᬦ᭄᭞ᬭᬯᭀ
ᬲ᭄ᬮᬓᬸᬳᬢᬸᬢ᭄ᬓᬮᬄᬩᬵᬦ᭄ᬓᬧᬓ᭄ᬱᬵ᭟᭙᭞ᬳᬫᬸᬦ᭄ᬢᭀᬩᬧᬵᬗᬫ᭄ᬩᬭᬂ᭞ᬫᬧᬦ᭄ᬲᬸᬩᬵᬫᬗ᭄ᬭᬱᬦᬶᬦ᭄᭞ᬓᬾᬯᭂᬄᬫᬗᬮᬶᬄᬲ᭄ᬮᬕᬦ᭄᭞ᬳᭂᬗ᭄ᬓᬾᬦ᭄ᬩᭂᬦᭂᬄᬳᭂᬂᬓᬾᬦ᭄ᬧ᭄ᬮᬶᬄ᭞ᬬᬦ᭄ᬢ᭄ᬯᬭᬵᬘ᭄ᬦᬶᬂᬗ᭄ᬕᬶᬲᬶ᭞ᬥᬃᬫ᭄ᬫ
ᬲᬢᭀᬲᬦᬾᬕᬸᬕᬸ᭞ᬤᬷᬥᭂᬧ᭄ᬮᭀᬕᬲ᭄ᬮᬕᬯᬵ᭞ᬗᬩᬦᬂᬳᬯᬓ᭄ᬫᬓᬶᬃᬢ᭄ᬢᬶ᭞ᬢ᭄ᬯᬭᬩᬸᬳᬸᬂᬤᬾᬯᬾᬓᬾᬜ᭄ᬩᬸᬭᬶᬦ᭄ᬚᬸᬭᬂ᭟᭑᭐᭞ᬩᬧᬵᬤᬲ᭄ᬲᬸᬩᬵᬦᬯᬂ᭞ᬧᬳᬾᬓᬦ᭄ᬤᬬᬦᬾᬚᬳᬶᬮ᭄᭞ᬚᬦ᭄ᬫ
ᬦᬾᬤ᭄ᬫᭂᬦ᭄ᬜᬘᬤ᭄᭞ᬲᬫᬃᬧᬵᬩᭂᬢᬳᬾᬲᬶᬮᬶᬩ᭄᭞ᬫᬧᬶᬥᬃᬫ᭄ᬫᬵᬳᬶᬯᬲᬶᬦ᭄᭞ᬓᬚᬢᬾᬦᬢ᭄ᬯᬭᬢᬸᬳᬸ᭞ᬳᭂᬗ᭄ᬱᬧ᭄ᬢᭂᬓᬾᬦ᭄ᬯᬰᬡᬵ᭞ᬗᬦᬹᬢ᭄ᬓᬾᬦ᭄ᬤᬶᬓ᭄ᬘᬧ᭄ᬳᬚᬶ᭞ᬩᬲ᭄ᬓᬤᬸᬭᬸᬲ᭄ᬩᬶᬓ
[᭒᭒ 22A]
ᬲᬾᬗᬸᬮᬳᬂᬳᬯᬓ᭄᭟᭑᭑᭞ᬚᬦ᭄ᬫᬦᬾᬓᬾᬢᭀᬧᬲᬚᬵ᭞ᬫᬯᬓ᭄ᬩᬾᬚᬸᬮᬶᬢᬼᬗᬶᬲᬶᬦ᭄᭞ᬥᬬᬦᬾᬩ᭄ᬮᬶᬕ᭄ᬫᬍᬜᬤ᭄᭞ᬩᬢᭂᬓ᭄ᬩᬵᬦ᭄ᬳᬗ᭄ᬓᭀᬲᬦ᭄ᬕᬸᬫᬶ᭞ᬜᬾᬦ᭄ᬢ᭄ᬯᬭᬫᬼᬤ᭄ᬗᬮᬶᬄ᭞ᬓᬲᬶ
ᬤ᭄ᬥᬾᬦ᭄ᬳᬧᬂᬓᬳᬶᬦ᭄ᬢᬸ᭞ᬳᬶᬥᭂᬧᬾᬫᬶᬭᬶᬲᬢᬢ᭞ᬢᬶᬫ᭄ᬧᬮ᭄ᬢᬸᬳᬸᬤᬾᬦ᭄ᬕᬶᬜ᭄ᬚᬳᬶᬦ᭄᭞ᬫᬗ᭄ᬤᬾᬩᬸᬄᬯᬮᬶᬓ᭄ᬢᭂᬧᬾᬦ᭄ᬤᬬᬦ᭄ᬕᭂᬮᬄ᭟᭑᭒᭞ᬲᬗᭂᬢ᭄ᬩᬦ᭄ᬩᬧᬵᬦᬦ᭄ᬤ᭄ᬭᬸᬳᬂ᭞ᬤᬾᬯᬾᬓ᭄ᬩᬧᬵᬓᬚ
ᬳᬷᬦ᭄᭞ᬓᭂᬜ᭄ᬘᬮᬦ᭄ᬳᬚᬸᬫ᭄ᬳᬚᬸᬫᬦ᭄᭞ᬓ᭄ᬩᬸᬲ᭄ᬤᬬᬸᬄᬳᬦᬶᬤᬸᬲᬶᬦ᭄ᬫ᭄ᬩ᭄ᬯᬢᬂᬫᬗᬸᬮᬄᬓᬶᬃᬢ᭄ᬢᬶ᭞ᬯᬲ᭄ᬢᬸᬮᬳᬸᬢ᭄ᬩᬸᬜ᭄ᬘᬸᬮ᭄ᬳᬕᬸᬂ᭞ᬧᬢᬶᬢᬶᬲ᭄ᬳᭂᬫ᭄ᬧ᭄ᬯᬲ᭄ᬓᬦ᭄ᬤᬲ᭄᭞ᬧᬗᬶᬦ᭄ᬢᬸᬦᬾᬢ᭄ᬯᬭᬫᬷᬭᬶᬩ᭄᭞ᬲᬲᬢ᭄ᬢᬮᬸᬄᬜ
ᬫ᭄ᬩᬸᬳᬦ᭄ᬢᭀᬂᬩᬓᬢ᭄ᬧᬮᬃ᭟᭑᭓᭞ᬦᬺᬲᬗ᭄ᬰᬵᬗᬸᬮᬳᬂᬳᬯᬓ᭄᭞ᬢᭀᬓᬧᬳᬸᬢᬸᬢᬦᬾᬚᬦᬶ᭞ᬤᬾᬯᬾᬓ᭄ᬯᬦ᭄ᬢᬄᬓᬯᬶᬰᬾᬱᬵ᭞ᬩᬵᬦ᭄ᬭᬚᬄᬢᬫᬄᬜᬸᬲᬸᬧᬶᬦ᭄᭞ᬢᭀᬂᬲᬶᬤ᭄ᬥᬵᬩᬵᬦ᭄ᬫ [ 23 ][᭒᭒ 22B]
᭒᭒
ᬲ᭄ᬧᬲᬶᬦ᭄᭞ᬯᬶᬤ᭄ᬥᬶᬢ᭄ᬯᬭᬮᬯᬸᬢ᭄ᬕᬸᬕᬸ᭞ᬫᬸᬜᬶᬬᬂᬢ᭄ᬯᬭᬳᬤᬵ᭞ᬢᬦ᭄ᬧᬪᬸᬓ᭄ᬢᬶᬢᬦ᭄ᬧᬲᬓ᭄ᬱᬶ᭞ᬗᬮᬶᬄᬳᬮᬸᬄᬓᭀᬢ᭄ᬢᬫᬦ᭄ᬤᬾᬯᬾᬓᬾᬓᬸᬢᬦ᭄᭟᭑᭔᭞ᬚᬦᬶᬧᬫᬸᬃᬢ᭄ᬢᬸᬦ᭄ᬓᬮᬵ᭞ᬯᬢᭂ
ᬓ᭄ᬤᬾᬯᬵᬧᬢᬶᬲᬶᬮᬶ᭞ᬜ᭄ᬚᬸᬚᬸᬃᬗᬸᬗ᭄ᬲᬶᬫᬬᬵᬧᬥ᭞ᬗᭂᬗ᭄ᬓᭂᬳᬂᬭᬕᬵᬫᬜᬗᬶᬤ᭄᭞ᬓᬧᬶᬮᬬᬸᬫᬮᬳᬶᬩ᭄᭞ᬪᬸᬭᬸᬪᬸᬝᬵᬓᬮᬵᬦᬸᬢᬸᬕ᭄᭞ᬜᬦ᭄ᬲᭂᬗᬶᬢᬾᬓᬮᬶᬯᬢ᭄᭞ᬯᬶᬤ᭄ᬥᬶᬢ᭄ᬯᬭᬫᬦ᭄ᬥᬸᬫᬶᬦ᭄
᭞ᬓᬫᬡ᭄ᬥᬮᬸᬯᬶᬃᬣᬵᬫᬺᬢ᭄ᬣᬦᬾᬉᬢ᭄ᬢᬫᬵ᭟᭑᭕᭞ᬯᬦ᭄ᬢᬄᬳᬶᬧᬸᬦ᭄ᬢᭀᬫᬓᬤᬵ᭞ᬫᬦᬸᬱᬦᬾᬫ᭄ᬮᬸᬧᬮᬶᬂ᭞ᬤᬾᬯᬵᬚᬦᬶᬫᬦᬶᬓᬮᬵ᭞ᬲᬮᬵᬕᭂᬦ᭄ᬢᬶᬢ᭄ᬯᬭᬵᬗ᭄ᬕᬶᬮᬶᬲ᭄᭞ᬧᬢᬶᬢᬶᬲ᭄ᬭᬸᬫ᭄ᬩᬾᬲᬳᬶ
᭞ᬧᬢᬶᬓᭂᬧ᭄ᬕ᭄ᬧᬢᬶᬧᬦ᭄ᬢᬸᬃ᭞ᬮᬓ᭄ᬱᬡᬭᬶᬓᬢ᭄ᬦᬧᬓ᭄᭞ᬘᬡ᭄ᬥᬮᬵᬬᭀᬦᬶᬬᬸᬲᬸᬧᬶᬦ᭄᭞ᬤᬶᬧᬫᬸᬧᬸᬢ᭄ᬲᬭᬶᬢᬸᬢᬸᬭᬾᬫᬢᬶᬗ᭄ᬕᬮ᭄᭟᭑᭖᭞ᬬᬤᬶᬦ᭄ᬓᬾᬢᭀᬓᬯᬗ᭄ᬲᬮ᭞ᬤᬵᬘ᭄ᬦᬶᬂᬫᬋᬦ᭄ᬫᬸᬭᬸ
[᭒᭓ 23A]
ᬓᬶᬦ᭄᭞ᬘᬘᭂᬫ᭄ᬧᭂᬤ᭄ᬩᬧᬵᬳᬶᬗᭂᬢᬂ᭞ᬲᬗᬶᬦ᭄ᬫᬸᬗᬸᬄᬤᬶᬧᬗᬯᬶ᭞ᬲᬳᬢᬂᬳᬗ᭄ᬕᭀᬓᬦ᭄ᬢᬶ᭞ᬩ᭄ᬓᭂ᭠ᬮᬂᬲᬢᬸᬗ᭄ᬕᬸᬳᬶᬤᬸᬧ᭄᭞ᬩᬧᬵᬯ᭄ᬓᬲ᭄ᬧᬺᬘᬬᬵ᭞ᬢ᭄ᬯᬄᬘ᭄ᬦᬶᬂᬲᬫ᭄ᬧᬸᬭᬦ᭄ᬯᬶᬤ᭄ᬥᬶ᭞ᬬᬦ᭄ᬫᬗᬸᬕᬸᬲᬗ᭄ᬳ᭄ᬬᬂᬥᬃᬫ᭄ᬫᬵ
ᬢᭀᬯᬶᬰᬾᬱᬵ᭟᭑᭗᭞ᬧ᭄ᬭᬕᬢ᭄ᬩᬳᬦ᭄ᬫᬗ᭄ᬭᬜ᭄ᬘᬦᬵ᭞ᬭᬤᬶᬢᬿᬤᬶᬦᬵᬦ᭄ᬫᭀᬦᬶᬲ᭄᭞ᬯᬭᬶᬕᬵᬧᬗ᭄ᬮᭀᬂᬧᬶᬂᬲᬗ᭄ᬳᬵ᭞ᬫᬥᬸᬫᬰᬵᬰᬰᬶᬄᬦᬫ᭄ᬧᬶ᭞ᬇᬰᬓᬵᬲᬶᬬᬩᬗ᭄ᬲᬶᬧ᭄᭞ᬳᬸᬮᬸᬂᬤᬰᬮᬶ
ᬫᬵᬦᬗ᭄ᬕᬸ᭞ᬧᬗ᭄ᬭᬶᬜ᭄ᬘᬶᬦ᭄ᬳᬶᬓᬢᬸᬦᬦ᭄᭞ᬲᬸᬭᬵᬥᬃᬫ᭄ᬫᬵᬫᬸᬜ᭄ᬚᬸᬓ᭄ᬤᬾᬰᬶ᭞ᬫᬥᬓ᭄ᬮᬦᬸᬲ᭄ᬥᬶᬕ᭄ᬖᬵᬬᬸᬱᬵᬫᬓ᭄ᬮᬦ᭄ᬢᬲ᭄᭟᭐᭟ᬕᬢ᭄ᬭᬸᬄᬭᬢᬸᬳᬬᬸᬢ᭄ᬓᬮᬮᬶᬲᬦ᭄ᬭᬶᬗ᭄ᬓᬳ᭄ᬬᬸᬦ᭄᭞ᬗ᭄ᬕᬯᬾᬩᬶᬗᬸᬂᬢᬸᬢ᭄ᬬᬂᬧᬮᬶᬂ
᭞ᬩᬦ᭄ᬩᭂᬮᬶᬕ᭄ᬘ᭄ᬮᬶᬳᬾᬫᬸᬧᬸᬢ᭄᭞ᬦᬾᬦ᭄ᬢᭂᬦ᭄ᬤᬤᬶᬳᬶᬭᬶᬂᬲᬳᬶ᭞ᬫᬾᬄᬧᭂᬧᭂᬲᬦ᭄ᬢᬶᬢ᭄ᬬᬂᬧᭀᬘᭀᬮ᭄᭟᭒᭞ᬦᬧᬶᬓ᭄ᬭᬡᬭᬢᬸᬩᬲ᭄ᬓᬓᬾᬳᬦ᭄ᬮᬓᬸ᭞ᬘᬶᬗᬓ᭄ᬳᬶᬮᬶᬗᬂᬧᬶᬦᭂᬳᬶᬦ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬲᬦᬾ [ 24 ][᭒᭓ 23B]
᭒᭓
ᬲᬵᬫ᭄ᬧᬸᬦ᭄᭞ᬓᬢ᭄ᬓᬾᬂᬫᬗ᭄ᬓᬾᬫᬜᬶᬓᬶ᭞ᬧᬕᭂᬄᬗᬶᬭᬶᬂᬩ᭄ᬘᬶᬓ᭄ᬓᬯᭀᬦ᭄᭟᭓᭞ᬢᬦ᭄ᬤ᭄ᬭᬸᬄᬲᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬭᬶᬂᬳᬶᬭᬢᬸ᭞ᬦᬧᬶᬲᬶᬫᬓᬤᬵᬕᬸᬲ᭄ᬢᬶ᭞ᬫᬫ᭄ᬕᬢ᭄ᬢᬺᬱ᭄ᬡᬳᬸᬮᬗᬸᬦ᭄᭞ᬢᬦᬶᬓᬾ
ᬫᭀᬗ᭄ᬕᬮᬂᬯᬗ᭄ᬲᬶᬢ᭄᭞ᬧᬶᬢᬸᬤᬸᬄᬫᬃᬕ᭄ᬕᬶᬧᬮᬓᭀᬦ᭄᭟᭔᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬧᬓᬶᬮᬶᬂᬦᬸᬚᬸᬦᬾᬩᬶᬗᬸᬂ᭞ᬫᬗᭂᬦᬂᬭᬢᬸᬦᬶᬗ᭄ᬕᬮᬶᬦ᭄᭞ᬮᬸᬗ᭄ᬳᬵᬗᬮᬗ᭄ᬮᬗ᭄ᬓᬸᬮᬗᬸᬦ᭄᭞ᬓᬗᭂᬦ᭄ᬭᬭ?ᬳᬶᬲ᭄ᬧᬤᬶ
ᬤᬶᬳᬶ᭞ᬳᬸᬬᬂᬳᭀᬲᬄᬦᬾᬮᬾᬂᬕᭀᬭᭀᬓ᭄᭟᭕᭞ᬚ᭄ᬭᬢ᭄ᬚᭂᬭᬶᬢ᭄ᬫᬦ᭄ᬤᬸᬮᬫᬾᬭᬕᬦ᭄ᬳᬶᬭᬢᬸ᭞ᬭᬯᬸᬄᬫᬮᬶᬄᬓᬸᬤᬵᬕ᭄ᬮᬶᬲ᭄᭞ᬢᬶᬢ᭄ᬬᬂᬫᬲᭀᬲᭀᬢ᭄ᬭᬶᬂᬳᬢᬹᬃ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫᬓ᭄ᬮᬶᬤ᭄
᭞ᬢᬢ᭄ᬯᬶᬬᬦ᭄ᬚᬕᬜᭀᬓᭀᬃ᭟᭖᭞ᬯᬦ᭄ᬢᬄᬚᬢᬶᬓᬧᭀᬢᬶᬢ᭄ᬬᬂᬚᬦ᭄ᬫᬲᬤᬸᬕ᭄᭞ᬯᬗ᭄ᬰᬵᬦᬷᬘ᭄ᬘᬵᬢᬦ᭄ᬧᬕᬸᬤᬶᬂ᭞ᬘᬘᬵᬘᬸᬘᬵᬲᬫᬾᬦ᭄ᬳᬶᬧᬸᬦ᭄᭞ᬧᬗ᭄ᬓᬄᬕ᭄ᬯᬭᬶᬫᬼᬤ᭄ᬜᬦ᭄ᬤᬶᬂ᭞ᬭᬢᬸᬫ
[᭒᭔ 24A]
ᬮᬶᬗ᭄ᬕᬶᬄᬩᬶᬦᭀᬩᭀᬢ᭄᭟᭗᭞ᬬᬦ᭄ᬢᬦ᭄ᬳᬕᬾᬳᬶᬭᬢᬸᬧᬶᬗᬦᬦ᭄ᬭᬯᬸᬄ᭞ᬩᭀᬬᬫᬫ᭄ᬧᬸᬄᬢᬶᬢ᭄ᬬᬂᬕᬸᬲ᭄ᬢᬶ᭞ᬫᬗᬦ᭄ᬤᭂᬕ᭄ᬫᬦᬳᬾᬩᬶᬗᬸᬂ᭞ᬓᬧᬗ᭄ᬮᬸᬄᬢᬹᬃᬧᬢᬶᬤᬮᬶᬄ᭞ᬫ᭄ᬤᬮ᭄ᬭᬯᭀᬲᬾᬗᬭᬾ
ᬫᭀᬦ᭄᭟᭘᭞ᬲᬢ᭄ᬓᬾᬮᬗᬦ᭄ᬓᬫᬶᬫᬶᬢᬦ᭄ᬲ᭄ᬓᬃᬳᬭᬸᬫ᭄᭞ᬯᬶᬚᬬᬵᬓᬸᬲᬸᬫᬵᬍᬯᬶᬄ᭞ᬭᬢᬸᬲᬭᬶᬦᬶᬂᬧᬶᬢᬸᬤᬸᬄ᭞ᬯᬦ᭄ᬢᬄᬧᬵᬢᬹᬢ᭄ᬓᬲᬸᬗ᭄ᬓᭂᬫᬶᬦ᭄ᬜᬦ᭄ᬲᬂᬫᭀᬮᬶᬳᬶᬂᬓᬮᬗᭀᬦ᭄᭟᭙᭞
ᬢᭂᬫ᭄ᬩᬂᬕᬢ᭄ᬭᬸᬄᬗᬗ᭄ᬕᬾᬦ᭄ᬢᬶᬢ᭄ᬬᬂᬭᬶᬂᬧᬫᬸᬧᬸᬢ᭄᭞ᬫᬓᬾᬮᬶᬂᬤᬾᬯᬾᬓᬾᬧᬮᬶᬂ᭞ᬓᬧᬮᬶᬗᬂᬩᬳᬦ᭄ᬢᬸᬤᬸᬄ᭞ᬍᬳᬦ᭄ᬳᬯᬓᬾᬫ᭄ᬩᬓᬦᬶᬦ᭄᭞ᬓᬃᬫ᭄ᬫᬵᬨᬮᬦᬾᬓᬩᬯᭀᬲ᭄᭟᭑᭐᭞ᬦᬾ
ᬗᬯᬦ᭄ᬗ᭄ᬲᬶᬤᬵᬳᬦ᭄ᬲᬶᬤᬦᬾᬭᬢᬸ᭞ᬬᬓᬮᬵᬭᬢᬸᬫᬦ᭄ᬫ᭄ᬧᬶ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬩᬸᬤᬸᬄ᭞ᬫᬼᬤ᭄ᬜᬸᬮᬶᬗ᭄ᬮᬶᬂᬳᬶᬕᬸᬲ᭄ᬢᬶ᭞ᬫᬧᬦ᭄ᬯᬶᬩᬹᬄᬳᬶᬂᬓᬳᬬᭀᬦ᭄᭞᭑᭑ᬫ᭄ᬳᬲᬶᬂᬚᬮᬦ᭄ᬲᬶᬂᬫᬃ [ 25 ][᭒᭔ 24B]
᭒᭔
ᬕ᭄ᬕᬶᬦᬶᬦ᭄ᬓᬧᬕ᭄ᬓᭂᬧᬸᬕ᭄᭞ᬫᬢᬶᬧᬦ᭄ᬢᬸᬃᬚᭂᬫ᭄ᬧ᭄ᬮᬂᬚᭂᬫ᭄ᬧ᭄ᬮᬶᬂ᭞ᬳᬯᬓ᭄ᬤᬤᬶᬩᬩᬓ᭄ᬩᭂᬮᬸᬃ᭞ᬫᬲᬶᬄᬢ᭄ᬯᬭᬲᬶᬤ᭄ᬥᬵᬧᬗ᭄ᬕᬶᬄ᭞ᬭᬾᬄᬭᬢᬸᬓᬮᬶᬯᬢ᭄ᬫᬶᬤᬵ᭟᭑᭒᭞ᬯᬦ᭄ᬢᬄᬫᬶᬫ᭄ᬧᬲ᭄ᬳᬩᬦᬦ᭄ᬢᬶᬢ᭄ᬬᬗᬾᬲᬵ
ᬫ᭄ᬧᬸᬦ᭄᭞ᬫᬫᬸᬢᬶᬄᬫᬕ᭄ᬦᬶᬂᬕ᭄ᬦᬶᬂ᭞ᬫᬾᬄᬓᬢᬫ᭄ᬩᬢ᭄ᬘᬭᬩᬸᬤᬸᬄ᭞ᬦᬧᬶᬫᬮᬶᬄᬦᬾᬫ᭄ᬩᭀᬬᬦᬶᬦ᭄᭞ᬦᬫ᭄ᬩᬢ᭄ᬢᬶᬢ᭄ᬬᬂᬚᬦ᭄ᬫᬩ᭄ᬮᭀᬕ᭄᭟᭑᭓᭞ᬫᬧᬶᬫᬧᬶᬲᬶᬤ᭄ᬥᬵᬦᬵᬗ᭄ᬳᬶᬂᬢ᭄ᬯᬭᬜᬸᬓᬸᬄ᭞ᬳᬶᬭᬢᬸᬦᬶ
ᬓᬾᬫᬶᬚᬶᬮ᭄ᬓ᭄ᬭᬡᬵᬢᬸᬢ᭄ᬬᬂᬩᬸᬗᭂᬂᬩᬶᬦᬸᬂ᭞ᬦᬧᬶᬲᬾᬳᬗ᭄ᬕᬾᬦ᭄ᬗᬸᬮᬢᬶ᭞ᬫᬗ᭄ᬥᬲᬶᬤᬵᬜᬍᬩᭀᬗ᭄ᬓᭀᬢ᭄᭟᭑᭔᭞ᬭᬢᬸᬭᬯᬸᬄᬧᬘᬂᬓᬲᬶᬯᬶᬲᬸᬗ᭄ᬲᬸᬂ᭞ᬓᬲᬸᬗ᭄ᬓᭂᬫᬶᬦ᭄ᬩᬶᬮᬂᬯ᭄ᬗᬶ᭞ᬫᬓᬭᭀ
ᬦ᭄ᬲᬶᬄᬫᬸᬮᬕ᭄ᬓᬳ᭄ᬬᬸᬦ᭄᭞ᬲᬧᬸᬦᬶᬓᬳᬸᬧᬤᬶ᭞ᬯ᭄ᬗᬶᬭᬳᬶᬦᬵᬢᬦ᭄ᬲᬯᭀᬲ᭄᭟᭑᭕᭞ᬢᬦᬢ᭄ᬯᬲ᭄ᬫᬧᬶᬓᬤᬾᬦ᭄ᬮᬯᬸᬢ᭄ᬩᬕᬸᬲ᭄᭞ᬧᬢᬶᬍᬲᬾᬩ᭄ᬯᬢᬂᬲᬳᬶ᭞ᬬᬾᬦ᭄ᬗᬭᬱᬵᬤᬾᬓ᭄ᬮᬘᬸᬃ
[᭒᭕ 25A]
᭞ᬢᬸᬦᬵᬮᬫ᭄ᬧᬄᬢᬸᬦᬵᬓᬾᬃᬢ᭄ᬢᬶ᭞ᬜᬦ᭄ᬤᬂᬭᬢᬸᬯᬸᬯᬲ᭄ᬫᭀᬩᭀᬲ᭄᭟᭑᭖᭞ᬭᬢᬸᬤᭂᬗ᭄ᬕᬶᬫᬾᬄᬫᬾᬳᬦ᭄ᬢᬶᬢ᭄ᬬᬂᬢᭀᬂᬤᬸᬭᬸᬲ᭄᭞ᬫᬦᬳᬾᬋᬱ᭄ᬓᬲᬸᬭᬓᬶᬦ᭄᭞ᬫᬫ᭄ᬩᬳᬶᬦ᭄ᬢᬶᬢᬶᬦᬾᬩᬸᬳᬸᬓ᭄᭞ᬫᬧᬵ
ᬗᬜ᭄ᬘᬦ᭄ᬢᬶᬳᬶᬂᬳᬮᬶᬢ᭄᭞ᬭᬾᬄᬢᬓᬸᬢ᭄ᬢᬶᬢ᭄ᬬᬂᬫᬥᭂᬧᭀᬮ᭄᭟᭑᭗᭞ᬯᬾᬦ᭄ᬢᭂᬦ᭄ᬳᭀᬮᬲ᭄ᬫᬢᬸᬚᬸᬯᬶᬦ᭄ᬫᬃᬕ᭄ᬕᬵᬳᬕᬸᬂ᭞ᬲᬦᬾᬧᬘᬂᬢᬸᬳᬸᬢ᭄ᬫᬗ᭄ᬓᬶᬦ᭄᭞ᬗᬸᬗ᭄ᬲᬶᬧᬸᬭᬶᬦ᭄ᬳᬶᬭᬢᬸ᭞ᬭᬶᬂᬧᬫᬸᬧᬸᬢ᭄ᬦᬾᬦ᭄ᬢᭂᬦ᭄ᬧᬗ᭄ᬕᬶᬄ᭞
ᬦᬶᬓᬵᬓ᭄ᬭᬡᬵᬢᬶᬢ᭄ᬬᬂᬢᬸᬫᭀᬦ᭄᭟᭑᭘᭞ᬓᬢᬸᬚᬸᬭᬢᬸᬦᬾᬭᬶᬳᬶᬦ᭄ᬫᬧᬶᬢᬸᬤᬸᬄ᭞ᬫᬗ᭄ᬤᬢᬶ᭠ᬢ᭄ᬬᬂᬦᬦ᭄ᬢᭀᬲ᭄ᬳᬸᬕᬶ᭞ᬭᬢᬸᬯᬦ᭄ᬢᬄᬚᬕᬵᬭᬯᬸᬄ᭞ᬫᬓᬵᬧᬦᭂᬕ᭄ᬢᭂᬕ᭄ᬧᬕᬱ᭄ᬝᬶ᭞ᬫᬦᬳᬾᬦᬾᬮᭀᬩᬩ᭄ᬮᭀ
ᬕ᭄᭟᭑᭙᭞ᬕᬸᬗᬵᬫ᭄ᬧᬸᬭᬵᬳᬶᬤᬵᬤᬦᬾᬢᬶᬢ᭄ᬬᬂᬫᬵᬢᬹᬃ᭞ᬭᬶᬂᬳᬦᬓᬾᬮᬶᬦ᭄ᬢᬂᬧᬮᬶᬂ᭞ᬫᭀᬓᬓ᭄ᬗᬗ᭄ᬕᭂᬦ᭄ᬓᬤᬶᬫᬗ᭄ᬕᬸᬄ᭞ᬓᬳᬬᭀᬦ᭄ᬳᬶᬭᬢᬸᬦᬾ ᬍᬯᬶᬄ᭞ᬓᬦ᭄ᬤᬸᬕᬶᬩ᭄ᬗᭀᬂᬫᬦᭀᬕᭀᬕ᭄᭟᭒᭐ [ 26 ][᭒᭕ 25B]
᭒᭕
᭞ᬩᬢᬸᬧᬭᬲ᭄ᬓᬳᬸᬓᬶᬃᬭᬹᬧᬬᬂᬲᬸᬗ᭄ᬲᬸᬂ᭞ᬩᬾᬬᬳᬶᬦ᭄ᬳᬓᬸᬤᬂᬓ᭄ᬝᬶ᭞ᬲᬸᬤ᭄ᬥᬶᬓᬾᬭᬢᬸᬫᬮᬸᬗ᭄ᬕᬸᬄ᭞ᬭᬶᬢᬳᬸᬮᬦᬾᬫᬳᬸᬓᬶᬃ᭞ᬫᬵᬓᬸᬯᬗ᭄ᬕᬶᬳᬂᬓᬾᬫᬯᬾᬦ᭄᭟᭒᭑᭞ᬲᬧᬸᬦᬶᬓᬵᬭᬢᬸᬧᬤᬕᬶᬗᬦ᭄ᬳᬶ᭠
ᬧᬸᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬮᬶᬄ᭞ᬧᬢᬶᬕᬩᬕ᭄ᬧᬢᬶᬲᭂᬗ᭄ᬕᬸᬄ᭞ᬲᬫ᭄ᬩᬶᬦ᭄ᬳᬦ᭄ᬓᬾᬬᬦ᭄ᬢᭂᬦᬶ᭠ᬦ᭄᭞ᬕ᭄ᬮᬳᬾᬚᬸᬫᬄᬳ᭄ᬬᬩᭀᬃᬩᭀᬃ᭟᭒᭒᭞ᬜᬦ᭄ᬤᬂᬫᬮᬶᬄᬯᬾᬢᭂᬦ᭄ᬫᬫᬾᬦ᭄ᬢᭀᬲ᭄ᬫᬗᬫ᭄ᬩᬸᬮ᭄᭞ᬭᬾᬄ
ᬳᬶᬭᬢᬸᬤᬲᬃᬤ᭄ᬫᬶᬢ᭄᭞ᬲᬸᬮᬶᬢ᭄ᬲᭂᬗ᭄ᬓᬵᬓ᭄ᬦᬶᬭᬸᬭᬸᬄ᭞ᬬᬦ᭄ᬢᬦ᭄ᬤᬲᬭᬶᬦ᭄ᬲᬸᬪᬓ᭄ᬢᬶ᭞ᬲ᭄ᬯᬾᬘ᭄ᬘᬬᬦ᭄ᬫᬗ᭄ᬤᭀᬄ᭟᭒᭓᭞ᬯᬾᬦ᭄ᬢᭂᬦ᭄ᬭᬭᬶᬲ᭄ᬫᬗᬺᬋᬄᬳᬕᬸᬦᬸᬂᬕᬸᬦᬸᬂ᭞ᬲᬦᬾᬳᬩᭀᬢ᭄ᬢᬸᬭᬶᬕ᭄ᬍᬗᬶᬢ᭄
᭞ᬲᬸᬕᬶᬄᬭᬵᬚᬩ᭄ᬭᬡᬯᬶᬪᬸᬄ᭞ᬬᬯᬶᬲᬂᬩᬮᬾᬫᬳᬸᬓᬶᬃ᭞ᬩᬗ᭄ᬕᬵᬫᬦᬳᬾᬩᬲ᭄ᬩᭀᬕ᭄ᬩᭀᬕ᭄᭟᭒᭔᭞ᬥᬹᬄᬤᬾᬯᬬᬸᬗᬸᬤ᭄ᬬᬂᬧᬮᬶᬗᬾᬓᬤᬸᬭᬸᬲ᭄᭞ᬤᬢᬵᬤᬢᬵᬩᬓᬢ᭄ᬳᬮᬶᬄ᭞
[᭒᭖ 26A]
ᬤᬾᬯᬵᬬᬸᬲᭂᬗ᭄ᬓᬵᭂᬓᬢ᭄ᬧᬸᬓ᭄᭞ᬳᬯᬦᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢ᭄ᬯᬭᬤ᭄ᬫᭂᬦ᭄ᬮᬶᬬᬸᬭᬯᭀᬲ᭄᭟᭒᭕᭞ᬳᬦᬓ᭄ᬜᬘᬤ᭄ᬯᬾᬦ᭄ᬢᭂᬦ᭄ᬫᬮᬶᬄᬗᬍᬫ᭄ᬜᬸᬫ᭄ᬩᬸᬂ᭞ᬬᬦᬶᬂᬢᬍᬓ᭄ᬢᭂᬧᬶᬦᭂᬳᬶᬦ᭄᭞ᬫᬓᬵᬓ
ᬮᬶᬄᬲᬫᬶᬧᬸᬬᬸᬂ᭞ᬳᬶᬭᬢᬸᬫᬸᬮᬵᬩᬲ᭄ᬮᬮᬶᬲ᭄᭞ᬭᬾᬄᬢᬶᬢ᭄ᬬᬂᬳᬶᬯᬂᬢᬹᬃᬩ᭄ᬮᭀᬕ᭄᭟᭒᭖᭞ᬫᬗ᭄ᬕᬸᬕᬸᬦᬶᬦ᭄ᬧᬲᬸᬦᬵᬦ᭄ᬳᬶᬤᬕᬂᬫᬥᬸ᭞ᬫᬦᬶᬲ᭄ᬭᬯᭀᬲ᭄ᬫᬗ᭄ᬮᬾᬤᬗᬶᬦ᭄᭞ᬫᬦ᭄ᬤᬫ᭄ᬩᬢᬂᬧᬲᬢᬶᬭᬯᬸᬄ᭞
ᬳᬭᬢᬸᬚᬕᬵᬦᬸᬭᭀᬦᬶᬦ᭄᭞ᬭᬶᬂᬥᬰᬦ᭄ᬲ᭄ᬧᬶᬲᬶᬓ᭄ᬮᭀᬦᬤ᭄᭟᭒᭗᭞ᬧᬫᬸᬧᬸᬢᬾᬢᬶᬢ᭄ᬬᬂᬭᬸᬕᬶᬚᬶᬦᬄᬤᬸᬫᬸᬦ᭄᭞ᬬᬦᬶᬓᬵᬫᬥᬸᬦᬾᬩ᭄ᬘᬶᬓ᭄᭞ᬫᬯᭀᬭᬦ᭄ᬭᬶᬂᬫᬶᬜᬓ᭄ᬤᬸᬬᬸᬂ᭞ᬘᬘᭀ
ᬮᬾᬓ᭄ᬕᬸᬡᬧᬯᬾᬲ᭄ᬢ᭄ᬭᬶ᭞ᬫᬗ᭄ᬤᬾᬦᬾᬢᬶᬢ᭄ᬬᬂᬓᬚᭀᬭᭀᬕ᭄᭟᭒᭘᭞ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄ᬢᬸᬗ᭄ᬕᬂᬢᬸᬗ᭄ᬕᬶᬂᬧᬢᬶᬭᬗ᭄ᬲᬸᬓ᭄᭞ᬓᭀᬘᬧ᭄ᬦᬶᬓᬵᬋᬓᭀᬩ᭄ᬘᬶᬓ᭄᭞ᬓᬳᬗ᭄ᬕᬾᬦ᭄ᬰᬭᬡᬤᬸᬫᬸᬦ᭄᭞ᬫᬗ᭄ᬤ [ 27 ][᭒᭖ 26B]
᭒᭖
ᬳᬭᬢᬸᬫᬯᬮᬶ᭞ᬫᬦ᭄ᬢᬸᬓ᭄ᬫᬮᬶᬄᬤᬶᬧᬢᬸᬭᭀᬦ᭄᭟᭒᭙᭞ᬳᬥᬸᬄᬭᬢᬸᬳᬾᬫᭂᬂᬲᬦ᭄ᬢᬶᬢ᭄ᬧᬂᬓᬮᬗ᭄ᬓᬸᬂ᭞ᬩᬲ᭄ᬳᬓᬾᬳᬾᬫᬗᬸᬧᬤᬶ᭞ᬦᬧᬶᬓ᭄ᬭᬡᬲᬫᬶᬩᬸᬜ᭄ᬘᬸᬮ᭄᭞ᬭᬢᬸᬢ᭄ᬯᬭᬫᬦ᭄ᬤᬕᬶᬗᬶ
ᬦ᭄᭞ᬧ᭄ᬦᬸᬦᬲ᭄ᬳᬦᬓᬾᬧᭀᬘᭀᬮ᭄᭞ᬤᬤᭀᬲ᭄ᬘᭂᬦ᭄ᬤᭂᬢ᭄ᬧᬶᬢᬸᬗᬦ᭄ᬢᬶᬢ᭄ᬬᬗᬾᬭᬢᬸ᭞ᬦᬮᬮᬸᬫᬫᭂᬗ᭄ᬓᬸᬂᬲᬳᬶ᭞ᬫᬕᭂᬳᬂᬦᬾᬫᬸᬮᬵᬕᬸᬕᬸ᭞ᬯᬗ᭄ᬲᬶᬢ᭄ᬓᭂᬢᬾᬭᬶᬳᬶᬦ᭄᭞ᬜᬓ᭄ᬬᬩ᭄ᬘᬶᬓ᭄ᬜᬓ᭄ᬬ
ᬓᬯᭀᬦ᭄᭟᭓᭑᭞ᬓᭂᬫ᭄ᬩᬸᬮᬦ᭄ᬢᬶᬢ᭄ᬬᬗᬾᬯᬦ᭄ᬢᬄᬢ᭄ᬯᬭᬮᬶᬬᬸ᭞ᬲᬸᬲᬢ᭄ᬬᬪᬓ᭄ᬢᬶᬭᬶᬂᬕᬸᬲ᭄ᬢᬶ᭞ᬦ᭄ᬤᬸᬮᬫᬾᬲᬳᬸᬗ᭄ᬕᬸᬦ᭄ᬳᬶᬤᬸᬧ᭄᭞ᬧᬶᬤᬦ᭄ᬚᬵᬳᬶᬭᬢᬸᬳᬰᬶᬄ᭞ᬕᬸᬫᬦᬵᬢᬶᬢ᭄ᬬᬂᬫᬗᬦ᭄ᬢᭀᬲ᭄᭟᭓᭒
᭞ᬕᬸᬗᬵᬫ᭄ᬧᬸᬭᬵᬢᬶᬢ᭄ᬬᬂᬫᬲᬲᬸᬫ᭄ᬩᬃᬕᬸᬬᬸ᭞ᬤᭀᬄᬳᬧᭀᬢᬼᬓ᭄ᬤᬶᬳᬢᬶ᭞ᬲᬶᬭᬧᬸᬭᬦ᭄ᬫᬩ᭄ᬯᬢ᭄ᬲᬶᬬᬸ᭞ᬚᬶᬦᬄᬭᬶᬗ᭄ᬕᬶᬢ᭄ᬫᬓᬼᬦ᭄ᬢᬶᬂ᭞ᬫᬗ᭄ᬕᬲᬮ᭄ᬬᬤᬶᬦ᭄ᬫᬗᭂᬘᭀᬓ᭄᭟᭓᭓᭞ᬳᬬᬫ᭄ᬢᬶᬢ᭄ᬬᬂᬓ᭄ᬮᬸᬲ᭄ᬳᬶ
[᭒᭗ 27A]
ᬧᬸᬦ᭄ᬧᬸᬢᬶᬄᬫᬸᬮᬸᬲ᭄᭞ᬓᭀᬧᬶᬂᬩᬭᬓ᭄ᬫᬢᬵᬧᬸᬢᬶᬄ᭞ᬲᬶᬓ᭄ᬱᬶᬧᬲᬚᬵᬫᬓᬶᬩᬸᬮ᭄᭞ᬩᬭᬓ᭄ᬜᭂᬦ᭄ᬤᬶᬄᬩᬸᬓᬵᬭᬗ᭄ᬰᬶ᭞ᬢᬸᬫ᭄ᬩᬸᬳᬦ᭄ᬭᬶᬂᬩᬢᬸᬩᭀᬮᭀᬂ᭟᭓᭔᭞ᬬᬦᬶᬂᬓᬯᭀᬦ᭄ᬲᭀᬲᭀᬢ᭄ᬢᬶᬢ᭄ᬬᬂ
ᬲᬸᬳᬸᬤ᭄ᬗᬸᬭᬸᬂ᭞ᬬᬦᬶᬂᬧᭀᬮᬶᬄᬲᬧᬸᬦᬧᬶ᭞ᬩᬾᬩᬾᬲ᭄ᬓᬾᬭᬭᬶᬲ᭄ᬫᬳᬢᬸᬢ᭄᭞ᬳᬸᬭᬸᬗᬦ᭄ᬓᬸᬦᬶᬗ᭄ᬳᬵᬩ᭄ᬘᬶᬓ᭄᭞ᬢᭀᬢᭀᬲ᭄ᬜᬃᬘ᭄ᬘᬵᬩᭀᬬᭀᬓᬯᭀᬦ᭄᭟᭓᭕᭞ᬚ᭄ᬜ᭄ᬕᬄᬲᬦ᭄ᬢᬶᬢ᭄ᬬᬂᬫᬫᬦᬄᬤᬶᬫᬸᬧᬸᬢ᭄
᭞ᬗᬦ᭄ᬢᭂᬦᬂᬭᬢᬸᬦᬾᬫᬗ᭄ᬓᬶᬦ᭄᭞ᬓᬲᬸᬗ᭄ᬲᬸᬂᬓᬕᬸᬬᬸ᭞ᬓᬢᬾᬫ᭄ᬩᬾᬭᬂᬩᬶᬭᬂᬩᬶᬮᬂᬫᬃᬕ᭄ᬕᬶ᭞ᬢ᭄ᬯᬭᬫᬶᬮᬶᬄᬩᬓᬮ᭄ᬢᭀᬗᭀᬲ᭄᭟᭓᭖᭞ᬗᬮᬶᬗ᭄ᬕᬬᬂᬮᬶᬗ᭄ᬕᬶᬄᬳᬶᬭᬢᬸᬦᬾᬮᬸᬳᬸᬂ᭞ᬲᭀᬓ᭄ᬗ᭄ᬕ᭄ᬭᬭᬶ᭠
ᬬᭂᬂᬦ᭄ᬤᬶᬦ᭄ᬦ᭄ᬤᬶᬂᬳᬳᬶ᭞ᬮᬮᬶᬬᬢ᭄ᬲᬶᬤᬵᬗᬮᬶᬤ᭄ᬭᬸ᭞ᬫᬢᬶᬲ᭄ᬩᬸᬮᬦ᭄ᬤᬶᬮᬗᬶᬢ᭄᭞ᬧᬶᬤᬦ᭄ᬓᬾᬧ᭠ᬘᬂᬫᬘ᭄ᬧᭀᬮ᭄᭟᭓᭗᭞ᬳᬶᬧᬸᬦ᭄ᬳᬮᬶᬢ᭄ᬗᬸᬤ᭄ᬬᬂᬘᬶᬄᬘᬶᬄᬤᬤᭀᬲ᭄ᬮᬶᬬᬸ᭞ᬦᬾᬦ᭄ᬢᭂᬦ᭄ᬓᬾᬧᬸᬗ᭄ᬓᬸᬃᬗᭀᬩᭂᬢᬶ [ 28 ][᭒᭗ 27B]
᭒᭗
ᬦ᭄᭞ᬘᬶᬗᬓ᭄ᬳᭀᬫ᭄ᬩᬓᬾᬗᬮᬸᬮᬸᬦ᭄᭞ᬗ᭄ᬕ᭄ᬭᬸᬤᬸᬕ᭄ᬲ᭄ᬯᬭᬦ᭄ᬳᬶᬧᬸᬦ᭄ᬢᬶᬢᬶᬃ᭞ᬦ᭄ᬤᬓᭂᬧ᭄ᬫᬗᬜᬸᬤᬂᬗᭀᬭᭀᬲ᭄᭟᭓᭙᭞ᬦᬵᬗ᭄ᬳᬶᬂᬲᭂᬗ᭄ᬓᬵᬲᬸᬮᬶᬢ᭄ᬚᬕᬢᬸᬧ᭄ᬢᬸᬧ᭄᭞ᬯᬶᬭᬾᬄᬲᬫᬶᬗᬓᬸᬭᬶᬭᬶᬄ᭞ᬧᬸᬮᬶᬄ
ᬢ᭄ᬕᬓ᭄ᬮᬸᬗ᭄ᬕᬸᬄᬯᬶᬪᬸᬄ᭞ᬲᬸᬕᬶᬄᬅᬃᬣᬵᬳ᭄ᬫᬲ᭄ᬫᬡᬶᬓ᭄᭞ᬧᬸᬦᬶᬓᬵᬗᬯᬦᬂᬩᭀᬕ᭄ᬩᭀᬕ᭄᭟᭔᭐᭞ᬭᬭᬶᬲ᭄ᬯ᭄ᬢᬸᬫᬦᬳᬾᬳᬫ᭄ᬧᬄᬓᬤᬸᬭᬸᬲ᭄᭞ᬫᬓ᭄ᬚᬂᬤᬤᬶᬩᭀᬬᬳᬶᬦ᭄᭞ᬢᬶᬫ᭄ᬧᬮᬾᬓᬤᬾᬦᬂ
ᬰᬢ᭄ᬭᬸ᭞ᬰᬢ᭄ᬭᬸᬦᬾᬲᬳᬶᬢᬫ᭄ᬧᭂᬓᬶᬦ᭄᭞ᬦ᭄ᬥᬕᬭᬶᬂᬭᬢᬸᬓᬤ᭄ᬭᭀᬧᭀᬦ᭄᭟᭐᭚᭐᭚ᬧᬹᬄᬕᬶᬦᬥ᭚᭑᭞ᬳᬦᬓᭀᬚᬭᬶᬂᬅᬓ᭄ᬱᬭ᭞ᬲᬭᬬᬹᬯᬓ᭄ᬬᬓᬂᬧᬦᬸᬚᬶ᭞ᬲᬶᬧ᭄ᬢᬦᬶᬂᬅᬕᬫ᭄ᬫ
ᬋᬓᭀ᭞ᬭᬶᬂᬲᬶᬭᬲᬂᬧᬭᬵᬚᬸᬭᬸ᭞ᬫᬓᬤᬶᬭᬶᬂᬲᬗᬓᬺᬢ᭄ᬣ᭞ᬧ᭄ᬭᬪᬸᬫᬮᬶᬄ᭞ᬲᬵᬂᬳᬧ᭄ᬭᬶᬄᬳᬵᬬ᭄ᬯᬦᬶᬂᬚᬕᬢ᭄᭟᭒᭞ᬪᬸᬄᬧᬤᬵᬳᬾᬗ᭄ᬘᬲᬶᬭ᭞ᬬᬦ᭄ᬯᬸᬲ᭄ᬳᬶᬗᬚᬾᬦᬦ᭄ᬮᬶᬗ᭄ᬕᬶᬄ᭞ᬤᬾᬭᬲᬂᬫᬯᬵᬂ
[᭒᭘ 28A]
ᬭᬵᬢ᭄ᬋᬓᭀ᭞ᬳᬬ᭄ᬯᬢᬩᬸᬘᬾᬘᬾᬃᬮᬸᬫᬸᬄ᭞ᬓᬸᬭᬂᬧ᭄ᬭᬶᬓ᭄ᬱᬵᬮ᭄ᬯᬶᬄᬓ᭄ᬭᭀᬤᬵᬰᬤᬸᬓ᭄ᬳᬸᬤᬶ᭠ᬗᬸᬧᬬᬾᬂᬓᬯᬸᬮᬦᬶᬭ᭟᭓᭞ᬳᬫᬶᬥᬶᬓ᭄ᬤ᭄ᬭᬸᬯᬾᬦᬶᬂᬭᭀᬯᬂ᭞ᬯᬤ᭄ᬯᬓᬂᬳᬱ᭄ᬝᬶᬝᬶᬩᬓ᭄ᬢᬶ᭞ᬬᬦ᭄ᬲᬶ
ᬭᬫᬗ᭄ᬓᬦᬵᬋᬓᭀ᭞ᬢᬶᬦᬶᬮᬃᬤᬾᬩᬮᬦᬶᬧᬸᬦ᭄᭞ᬮᬦ᭄ᬲᬓᬾᬳᬶᬂᬓᬤᬂᬯᬃᬕ᭄ᬕᬵ᭞ᬤᬾᬦ᭄ᬬᬦ᭄ᬳᬫ᭄ᬭᬶᬄ᭞ᬢᬦ᭄ᬯ᭄ᬭᬸᬳᬶᬂᬢᬢᬵᬧᬭᬸᬗ᭄ᬕ᭄ᬯᬦ᭄᭟᭔᭞ᬲᬦ᭄ᬳᬦ᭄ᬭᬸᬲ᭄ᬲᬶᬭᬫᬗ᭄ᬓᬦᬵ᭞ᬳᬓ᭄ᬯᬾᬄᬩᬾᬦ᭄ᬤᬦᬶᬂᬭ
ᬫ᭄ᬓᬓᬶ᭞ᬫᬦ᭄ᬤᬯᬵᬳᬸᬧᬬᬵᬋᬓᭀ᭞ᬢᬦ᭄ᬮᬾᬦ᭄ᬳᬶᬫ᭄ᬩᬦ᭄ᬬᬧᬸᬦᬶᬓᬸ᭞ᬫᬶᬦᬵᬓ᭄ᬦᬾᬂᬧᬜ᭄ᬘᬶᬂᬇᬓᬵ᭞ᬮᬮ᭄ᬬᬾᬂᬳᬸᬭᬶᬧ᭄᭞ᬳᬧᬦ᭄ᬳᬢ᭄ᬭᬶᬂᬧᬗᬦ᭄ᬓᬶᬦᬸᬂ᭟᭕᭞ᬫᬗ᭄ᬓᬦᬵᬭᬶᬂᬮᬭ᭄ᬯᬦ᭄ᬮᬭ᭄ᬯᬦ᭄᭞ᬳᬭᬶᬂᬧᬦᬵᬮᬸ
ᬧᬾᬂᬳᬸᬭᬶᬧ᭄᭞ᬓᬤᬶᬧᬓ᭄ᬱᬶᬓ᭄ᬦᬾᬂᬧᬶᬓᬢ᭄᭞ᬮᬶᬮᬂᬭᬶᬂᬳᬸᬭᬶᬧᬾᬇᬲᬸ᭞ᬫᬓᬵᬤᭀᬦ᭄ᬳᬶᬢ᭄ᬭᬶᬂᬧᬗᬺᬗᬵ᭞ᬓ᭄ᬭᬫᬤᬤᬶ᭞ᬧᬤᬵᬳᬧᬸᬧᬸᬢᬦ᭄ᬧᬢ᭄ᬬ᭟᭖᭞ᬢᬦ᭄ᬲᬶᬫ᭄ᬧᬂᬓᬤᬶᬓᬸᬮᬸᬫᬵ᭞ᬧᬓ᭄ᬱ [ 29 ][᭒᭘ 28B]
᭒᭘
ᬦ᭄ᬬᬳᬜᬢ᭄ᬯᬭᬶᬄ᭞ᬢᬦ᭄ᬬᬸᬦ᭄ᬧᬢ᭄ᬬᬦᬶᬭᬋᬓᭀ᭞ᬢᬦ᭄ᬳᬫᬗ᭄ᬕᬶᬄᬫᬺᬢ᭄ᬣᬵᬳᬶᬓᬸ᭞ᬫᬗ᭄ᬓᬵᬓᬯᬰᬶᬢᬾᬂᬰᬲ᭄ᬢ᭄ᬭᬵ᭞ᬬᬦ᭄ᬲᬂᬳᬚᬶ᭞ᬳᬫᬓ᭄ᬱᬓᭂᬯᬤ᭄ᬯᬦᬶᬭᬵ᭟᭗᭞ᬳᬧᬦ᭄ᬯᬸᬲ᭄ᬓᬋᬗ᭄ᬳᬵᬭᬶᬂᬭᬵᬢ᭄᭞ᬢᭀ
ᬳᬶᬂᬯ᭄ᬬᬯ᭞ᬳᬭᬓᬓᬶ᭞ᬳᬶᬓᬵᬧᬶᬦᬓᬵᬤᬓ᭄ᬱᬶᬦᬵ᭞ᬭᬶᬂᬲᬶᬭᬵᬧᬭᬵᬳᬸᬫᬢᬸᬢᬸ᭞ᬓᬮᬶᬗᬦᬶᬭᬲᬵᬂᬓᬺᬢ᭄ᬣ᭞ᬫᬵᬯᬾᬂᬪᬹᬫᬶ᭞ᬲᬢ᭄ᬳᬫᬸᬚ᭄ᬚᬵᬲᬶᬭᬾᬗ᭄ᬓᬦᬵ᭟᭘᭞ᬳᬧᬦ᭄ᬲᬂᬩ᭄ᬭᬳ᭄ᬫᬵᬡᬓ
ᬮ᭄ᬧᬵ᭞ᬫᬦ᭄ᬢ᭄ᬭᬦ᭄ᬲᬶᬭᬵᬢᬢ᭄ᬯᬕᬫᬶ᭞ᬲᬵᬂᬧ᭄ᬭᬪᬹᬧᬶᬦᬓᬵᬥᬃᬫ᭄ᬫᬵ᭞ᬲᬗ᭄ᬳ᭄ᬬᬂᬰᬲ᭄ᬢ᭄ᬭᬕᬫ᭄ᬫᬇ᭠ᬓᬸ᭞ᬓᬗ᭄ᬓᭂᬦ᭄ᬚᬧᬵᬫᬦ᭄ᬢ᭄ᬭᬦᬶᬭ᭞ᬗᬭᬦ᭄ᬚᬧᬶ᭞ᬲᬸᬓ᭄ᬦᬸᬓ᭄ᬱ᭄ᬫᬾᬂᬅᬦ᭄ᬢᭂᬯᬺᬥᬬᬵ᭟᭙᭞ᬇᬓᬂᬳᬶᬗᬭᬦ
ᬦ᭄ᬫᬦ᭄ᬢ᭄ᬭ᭞ᬤᬸᬓᬭᬸᬗ᭄ᬯᬾᬂᬮ᭄ᬬᬦ᭄ᬓᬓᬶ᭞ᬓᬕ᭄ᬧᬶᬦᬸᬚ᭄ᬚᬵᬦᬶᬭᬋᬓᭀ᭞ᬲᬫ᭄ᬩᬢᬶᬂᬓᬮᬭᬦ᭄ᬳᬶᬓᬸ᭞ᬬᬗ᭄ᬓᭂᬜ᭄ᬘᬭᭀᬦ᭄ᬬᬇᬓᬵ᭞ᬓᬧᬶᬂᬓᬮᬶᬄ᭞ᬤᬃᬱᬦᬦ᭄ᬬᬫᬸᬗ᭄ᬕ᭄ᬯᬶᬂᬭᬾᬓᬵ᭟᭑᭐᭞ᬫᬓᬵᬓᭂᬫ᭄ᬩᬂᬫ
[᭒᭙ 29A]
ᬦᬄᬰᬹᬤ᭄ᬥᬵ᭞ᬫᬓᬵᬩᬜᬸᬘᬶᬢ᭄ᬢᬵᬳ᭄ᬦᬶᬂ᭞ᬓᬂᬭ᭄ᬬᬗ᭄ᬓᭂᬦᬂᬢᬨᬋᬓᭀ᭞ᬢ᭄ᬧᭂᬢᬶᬂᬢᬢᬶᬧᬸᬦᬶᬓᬸ᭞ᬫᬓᬵᬕᬸᬦᬸᬂᬳᬶᬓᬸᬂᬳᬯᬓ᭄᭞ᬋᬗ᭄ᬓᭂᬤ᭄ᬦᬾᬯᬸᬲ᭄ᬩᬶᬦᬩᬤ᭄ᬢᬾᬓᬂᬫᬮᬵ᭟᭑᭑᭞ᬫᬓᬵᬋ
ᬱᬶᬰᬹᬩᬸᬤᬶᬦ᭄ᬢ᭞ᬫᬓᬵᬤ᭄ᬗᭂᬦ᭄ᬳᬗᭂᬦ᭄ᬳᬗᭂᬦ᭄ᬓᬓᬶ᭞ᬳᬧ᭄ᬯᬶᬢᬂᬳᬚ᭄ᬜᬡᬋᬓᭀ᭞ᬲᬫᬶᬤ᭄ᬥᬵ᭞ᬲᬗ᭄ᬕᬃᬦᬾᬓᬶ᭞ᬲᬂᬳ᭄ᬬᬂᬲᬩ᭄ᬥᬵᬳᬭᬦᬶᬓᬵ᭟᭑᭑᭞ᬲᬂᬳ᭄ᬬᬂᬉᬭᬶᬧ᭄ᬫᬓᬵᬲᬓ᭞ᬧᬸᬲ᭄ᬳᬯᬸᬲ᭄ᬢᬂᬩᬬᬸᬄᬓᬓᬶ᭞ᬫᬓᬵᬕ
ᬮᬃᬘᬤᬸᬲᬓ᭄ᬢ᭄ᬬ᭞ᬲᬦᬓ᭄ᬳᬶᬓᬵᬢᬂᬓᬯ᭄ᬭᬸᬄ᭞ᬦ᭄ᬤᬦ᭄ᬳᬸᬗ᭄ᬕ᭄ᬯᬦᬦᬶᬂᬳᬫᬸᬚ᭄ᬚᬵ᭞ᬲᬸᬓ᭄ᬱ᭄ᬫᬵᬚᬢ᭄ᬢᬶ᭞ᬭᬶᬂᬢᬼᬗᬶᬂᬳᬢᬶᬦ᭄ᬦᬶᬭ᭟᭑᭒᭞ᬧᬶᬦᬓᬵᬲᬧᬸᬢᬾᬦᬵᬕ᭄ᬢᬢ᭄ᬯᬵ᭞ᬫᬓᬵᬩᬸᬱᬦᬵᬢᬂᬥᬦ᭄ᬢᬶ᭞ᬫᬓᬵᬢ᭄ᬓᭂᬦ᭄ᬲᬂᬗ᭄ᬳ᭄ᬬᬂᬥᬃ
ᬫ᭄ᬫᬵ᭞ᬫᬓᬵᬥᬃᬫ᭄ᬫᬵᬳᬸᬚᬃᬢᬸᬳᬸ᭞ᬫᬓᬵᬯᬱ᭄ᬝᬩᬸᬤᬶᬥᬃᬫ᭄ᬫᬵ᭞ᬫᬓᬵᬤᬺᬯᬾ᭞ᬲᬂᬳ᭄ᬬᬂᬢᬬᬵᬳ᭠ᬭᬦᬶᬭ᭟᭑᭓᭞ᬭᬶᬳᬶᬥᭂᬧ᭄ᬧᬓᭂᬓᭂᬲᬦ᭄ᬢᭂ᭞ᬓᬂᬓᬸᬜ᭄ᬘᬶᬢ᭄ᬕᬸᬳᬶᬂᬳᬢᬶ᭞ᬮᬄᬮᬦᬵᬤᬾᬦᬶᬭᬋᬓᭀ᭞ᬳ [ 30 ][᭒᭙ 29B]
᭒᭙
ᬗᬸᬕ᭄ᬯᬦᬶᬢᬸᬢᬸᬃᬳᬬᬸ᭞ᬳᬬ᭄ᬯᬤᬹᬃᬚ᭄ᬚᬦᬵᬫᬳᬶᬗ᭄ᬲᬵ᭞ᬬᬢᬓᬓᬶ᭞ᬳᬶᬓᬂᬳᬶᬗᬭᬦᬦ᭄ᬢᬨ᭟᭑᭔᭞ᬢᬦ᭄ᬤᬾᬦᬶᬂᬫᬭᬭᬶᬂᬯᬦᬵ᭞ᬫ᭄ᬯᬂᬭᬶᬂᬲ᭄ᬕᬭᬵᬉᬓᬶᬃ᭞ᬳᬦ᭄ᬫᬸᬫᭀᬓ᭄ᬱᬵᬢᬦ᭄ᬧᬤᭀᬦ᭄᭞ᬢᬦ᭄ᬤᬾᬦᬶᬂᬳᬫᬗᬦ᭄ᬤᬸᬓᬸ
ᬢ᭄᭞ᬳᬦ᭄ᬲᬶᬤᬵᬬᬦ᭄ᬢᬦ᭄ᬢᭂᬧᭂᬢ᭄ᬝᬵ᭞ᬓᬮᬶᬂᬦᬾᬓᬶ᭞ᬢᬦ᭄ᬤᭀᬄᬓᬤᬂᬲᬂᬳᬓᬺᬢ᭄ᬣᬵ᭟᭑᭕᭞ᬭᬶᬂᬳᬫ᭄ᬩᭂᬓ᭄ᬚᬸᬕᬵᬢᬦ᭄ᬕᬶᬦ᭄ᬤᬮ᭄᭞ᬦ᭄ᬤᬶᬲᬵᬯ᭄ᬭᬸᬄᬳᬦᬵᬫᬮᬶᬄ᭞ᬓᬲᬢ᭄ᬬᬦ᭄ᬧᬶᬦᬓᬵᬭᬾᬡᬵ᭞ᬧᬶᬝᬢᬂᬳᬚ᭄ᬜ
ᬡᬇᬓᬸ᭞ᬓᬂᬥᬃᬫ᭄ᬫᬵᬧᬶᬦᬓᬵᬩ᭄ᬭᬢᬵ᭞ᬓᬾᬃᬢ᭄ᬢᬶᬓᬓᬶ᭞ᬧᬶᬦᬓᬵᬳᬭᬶᬦ᭄ᬢᬵᬳᬶᬓᬵ᭟᭑᭖᭞ᬲᬦ᭄ᬢᬵᬧᬶᬦᬓᬵᬳᬶᬲ᭄ᬢ᭄ᬭᬶᬦ᭄ᬢᬵ᭞ᬳᬶᬓᬂᬓ᭄ᬱᬫᬵᬢᬺᬦᬾᬓᬶ᭞ᬳᬫ᭄ᬩᭂᬓ᭄ᬢᬵᬓᬤᬗᬾᬋᬓᭀ᭞ᬅᬗ᭄ᬓᬭᬵᬧᬶᬦᬓᬲ
ᬢ᭄ᬭᬸ᭞ᬳᬸᬢ᭄ᬱᬳᬵᬧᬶᬦᬓᬵᬤᬺᬯᬾᬬᬵ᭞ᬍᬫᬄᬓᬓᬶ᭞ᬳᬶᬓᬵᬧᬶᬦᬓᬵᬤᬸᬄᬓᬦ᭄ᬢᬵ᭞᭑᭗ᬫ᭄ᬕᭂᬍᬂᬢᬵᬧᬶᬦᬓᬵᬧᬧᬵ᭞ᬦᬶᬃᬫ᭄ᬫᬮᬵᬧᬶᬦᬓᬵᬰ᭄ᬯᬃᬕ᭄ᬕᬶ᭞ᬢᬫᬄᬢᬧᬶᬦᬓᬵᬤᬸᬶᬮᬸᬶᬮᬭᬵ᭞ᬭᬚᬄᬯ
[᭓᭐ 30B]
ᬮ᭄ᬯᬶᬯᬮ᭄ᬯᬶᬳᬶᬓᬸ᭞ᬳᬶᬓᬂᬲᬢ᭄ᬯᬵᬫᬓᬵᬫᬃᬕ᭄ᬕᬵ᭞ᬳᬘᬾᬢ᭄ᬝᬦᬶ᭞ᬳᬶᬓᬵᬢᬧᬶᬦᬓᬵᬤᬶᬮᬄ᭟᭑᭘᭞ᬦᬶᬃᬪᬦᬵᬧᬶᬦᬓᬵᬕᬺᬳᬵ᭞ᬢᬹᬃᬯ᭄ᬬᬧᬤ᭄ᬥᬵᬢᬸᬃᬯᬦ᭄ᬦᬾᬓᬶ᭞ᬧᬶᬦᬢ᭄ᬗᭂᬢᬓᭂᬦᬺᬓᭀ᭞ᬮᬄᬤᬾᬦ᭄ᬳᬯᬲᬶᬧ
ᬗ᭄ᬭᬸᬗᬸ᭞ᬫ᭄ᬯᬂᬳᬯᬲᬶᬂᬧᬫᬸᬮᬢ᭄᭞ᬓᬂᬲᬱ᭄ᬝ᭄ᬭᬓᬶ᭞ᬯᬶᬚᬦᬶᬂᬓᬺᬢ᭄ᬣᬯ᭄ᬬᬯᬭ᭟᭑᭙᭞ᬫᬓᬵᬧᬜᬶᬭᬢ᭄ᬦᬶᬂᬢᭀᬬᭀ᭞ᬢᬹᬃᬦ᭄ᬦᬶᬂᬧᬗ᭄ᬭᬸᬧᬓ᭄ᬦ᭄ᬬᬢ᭄ᬯᬶ᭞ᬯᬸᬲᬶᬦᬸᬭᬢᬓᭂᬦᬺᬓᭀ᭞ᬬᬢᬲᬂᬳ᭄ᬬᬂᬲᬩ᭄ᬥᬵᬳᬶᬓᬸ᭞ᬳᬸᬫ᭄ᬕᬶ
ᬮᬾᬂᬲᬾᬯᬮᬵᬧᬢᬺ᭞ᬗ᭄ᬓᬦᬵᬓᬓᬶᬲᬶᬤ᭄ᬥᬵᬫᭂᬦ᭄ᬢᬲ᭄ᬓᬂᬯ᭄ᬯᬂᬤᬾᬦ᭄ᬬ᭟᭒᭐᭞ᬤᬾᬦᬶᬂᬲᬩ᭄ᬥᬵᬲᬗ᭄ᬳᬓᬺᬢ᭄ᬣᬵ᭞ᬲᬵᬂᬫᬯᬂᬭᬵᬣᬶᬓᬵᬲᬶᬗ᭄ᬕᬶᬄ᭞ᬫᬾᬗᭂᬢ᭄ᬭᬶᬂᬕᬯᬾᬦ᭄ᬬᬋᬓᭀ᭞ᬓᬤᬶᬓᭀᬚᬃᬭᬸᬫᬸᬳᬸᬦ᭄᭞ᬳᭂᬦ᭄ᬢ
ᬲ᭄ᬦ᭄ᬬᬲᬓᬭᬶᬂᬲᬩ᭄ᬥᬵ᭞ᬲᬗ᭄ᬳᬲᬩ᭄ᬥᬵ᭞ᬲᬗ᭄ᬳᬓᬺᬢ᭄ᬣᬶ᭞ᬳᬕᬯᬾᬦ᭄ᬬᬳᬮᬵᬳᬬᬸ᭟᭒᭑᭞ᬲᬶᬭᬲᬂᬭᬸᬫᬓ᭄ᬱᬾᬂᬚᬕᬢ᭄᭞ᬲᬹᬂᬳᬸᬗ᭄ᬕ᭄ᬯᬦ᭄ᬭᬶᬂᬫᬯ᭄ᬬᬥᬶ᭞ᬲᬦ᭄ᬳᬮᬵᬕᬯᬾᬦ᭄ᬬᬋᬓᭀ᭞ᬢᭂᬫ᭄ᬯᬦᬶᬂᬥᬡ᭄ᬥᬵᬮᬦ᭄ᬮᬫ᭄ᬧᬸᬲ᭄᭞ᬬ [ 31 ][᭓᭐ 30B]
᭓᭐
ᬦ᭄ᬳᬬᬸᬕᬯᬾᬦ᭄ᬬᬓᬸᬦᬵ᭞ᬲᬶᬦᬫ᭄ᬧᭀᬮᬶᬄ᭞ᬳᬦᬗ᭄ᬕᬧᬵᬥᬡ᭄ᬥᬵᬳᬶᬓᬵ᭟᭒᭒᭞ᬮᬦ᭄ᬲᬲᬶᬦᬤ᭄ᬬᬦᬶᬭ᭞ᬓᬂᬧᬶᬦᬋᬩᬸᬢᬦ᭄ᬗᬸᬦᬶ᭞ᬫᬗ᭄ᬓᬦᬵᬓ᭄ᬭᬫᬦ᭄ᬬᬋᬓᭀ᭞ᬬ᭄ᬯᬕᬕᬓ᭄ᬗᬯᬾᬦᭂᬦ᭄ᬓᬸᬦ᭄ᬢᬸᬮ᭄᭞ᬲᬂ
ᬓ᭄ᬱᭂᬧᬦ᭄᭞ᬲᬗ᭄ᬳᬓᬺᬢ᭄ᬣᬵ᭞ᬫᬯᬵᬩᬸᬫᬶ᭞ᬳᬬ᭄ᬯᬵᬓᬂᬫ᭄ᬦᬂᬤᬤ᭄ᬬᬵᬮᬄ᭟᭒᭓᭞ᬳᬦᬵᬓᭀᬚᬃᬤᬾᬳ᭄ᬬᬂᬰᬵᬲ᭄ᬢ᭄ᬭ᭞ᬋᬗᭂᬦ᭄ᬢᬵᬧᬧᬦᬶᬂᬲᬓ᭄ᬱᬶ᭞ᬲᬓ᭄ᬱᬶᬓᬂᬫᬳᬤ᭄ᬯᬋᬓᭀ᭞ᬧᬶᬦᬓ᭄ᬱᬵᬤᬾᬳ᭄ᬬᬂᬪ᭄ᬭᬸ
ᬦᬾᬓᬸ᭞ᬲᬾᬯᬸᬲᬢᬸᬲ᭄ᬢᬳᬸᬦ᭄ᬦᬶᬓᬵ᭞ᬦᬳᭂᬦ᭄ᬱ᭄ᬤᬶᬄ᭞ᬩᬶᬦ᭄ᬩᭂᬤ᭄ᬦᬕ᭄ᬕᬵᬲᬳᬰ᭄ᬭ᭟᭒᭔᭞ᬤᬤᬶᬩᬸᬗ᭄ᬓᬳᬶᬭᬲᬂᬳ᭄ᬬᬂ᭞ᬧᬃᬯ᭄ᬯᬢ᭄ᬣᬵᬫᬾᬭᬸᬲᬶᬗ᭄ᬕᬶᬄ᭞ᬲᭀᬃᬲᬧ᭄ᬢᬨᬢᬮᬵᬋᬓᭀ᭞ᬫᬗ᭄ᬓᬦᬵᬓᬧᬧᬦ᭄ᬳᬶᬧᬸ
ᬦ᭄᭞ᬲᬓ᭄ᬱᬶᬮᬶᬜᭀᬓ᭄ᬗᬦ᭄ᬳᬶᬓ᭞ᬫᬗ᭄ᬓᬵᬓᬓᬶ᭞ᬧᬶᬢ᭄ᬓᭂᬢᬶᬂᬰᬵᬲ᭄ᬢ᭄ᬭᬕᬫ᭄ᬫᬵ᭟᭒᭕᭞ᬮᬄᬫᬗ᭄ᬓᬵᬧᬭᬶᬲᬫᬧ᭄ᬢᬵ᭞ᬲᬶᬮᬦᬶᬂᬭᬢᬸᬮᬶᬦ᭄ᬯᬶᬄ᭞ᬮᬯᬦ᭄ᬲᬂᬓᬺᬢ᭄ᬣᬵᬤᬶᬓ᭄ᬱᬶᬢ᭄ᬣᬵ᭞ᬫᬶᬯᬄᬧᬺᬪᭀᬥᬡ᭄ᬥᬵᬦ᭄ᬳᬶᬧᬸ
[᭓᭑ 31A]
ᬦ᭄᭞ᬫᬗ᭄ᬓᬾᬯᬶᬱ᭄ᬞᬭᬦᬵᬫ᭄ᬯᬄ᭞ᬫᬹᬃᬤ᭄ᬥᬵᬤᬾᬰᬶ᭞ᬲᬶᬦᭀᬫᬦ᭄ᬳᬗᬫᭀᬂᬲ᭄ᬓᬵ᭟᭐᭟ᬲᬶᬦᭀᬫ᭄᭟᭑᭞ᬢᬸᬮᬸᬲᬧᬸᬦᬂᬘᬭᬶᬢ᭄ᬣᬵ᭞ᬢᬢᬓ᭄ᬭᬫᬦᬶᬂᬯᭀᬂᬤᬾᬰᬶ᭞ᬥᬃᬫ᭄ᬫᬦᬶᬂᬳᬗᬫᭀᬂᬲ᭄ᬓᬵ᭞ᬬᬦ᭄ᬲᬶᬭᬳ
ᬳ᭄ᬬᬸᬦᬵᬓᬃᬤ᭄ᬥᬶ᭞ᬓᬢᬺᬧ᭄ᬢᬶᬦᬶᬂᬲ᭄ᬓᬵᬲᬫᬶ᭞ᬮᬄᬢᬓᬯ᭄ᬭᬸᬄᬳᬧᬸᬦᬶᬓᬸ᭞ᬧᬺᬢᬫᬯᬭᬳᬦᬵ᭞ᬳᬯᬓ᭄ᬢᬭᬸᬫᬸᬳᬸᬦ᭄ᬓᬓᬶ᭞ᬫᬭᬶᬂᬳᬬᬸᬦᬶᬂᬳᬗ᭄ᬕᬵᬲᬭᬶᬭᬵ᭟᭒᭞ᬳᬬᬸᬦᬶᬂᬳᬗ᭄ᬕᬵᬲᬭᬶᬭᬵ᭞ᬯ᭄ᬭᬸᬄ᭠
ᬦᬶᬂᬦᬬᬵᬧᭂᬄᬦᬶᬂᬳᬢᬶ᭞ᬭᬶᬂᬭᬲᬦᬶᬂᬩᬸᬤ᭄ᬥᬶᬓᬺᬢ᭄ᬣᬵ᭞ᬓᬧᬶᬂᬭᭀᬦ᭄ᬬᬯ᭄ᬭᬸᬳᬶᬂᬫᬮᬶᬄ᭞ᬭᬶᬓᬮᬶᬗᬦ᭄ᬬᬦ᭄ᬳᬶᬓᬶ᭞ᬢ᭄ᬭᬸᬚᬸᬂᬯᬸᬦ᭄ᬓᬮ᭄ᬳᬭᬦᬶᬧᬸᬦ᭄᭞ᬩᬩᬢᭀᬦᬶᬂᬢ᭄ᬭᬚ᭄ᬯᬦᬵ᭞ᬤᬾᬦ᭄ᬧᬰ᭄ᬘᬢᬸᬫᬶᬫ᭄ᬩᬸᬲᬫᬶ᭞ᬳᬮᬵᬳ
ᬬᬸ᭞ᬲᬮᬄᬓ᭄ᬦᬵᬩᭀᬣᬤᬗᬦ᭄᭟᭓᭞ᬓᬧᬶᬂᬢ᭄ᬭᬶᬦᬶᬓᬯ᭄ᬭᬸᬄᬳᬦᬵ᭞ᬲ᭄ᬧᬢ᭄ᬓᬮᬯᬦ᭄ᬧᬢᬶᬢᬶᬲ᭄᭞ᬲᬶᬓᬸᬲᬶᬓᬸᬤᬸᬮᬸᬭᬦ᭄ᬬ᭞ᬢᬦ᭄ᬤᭀᬳᬶᬂᬰᬭᬶᬭᬦᬾᬓᬶ᭞ᬧᬦ᭄ᬳᬮᬵᬳᬳᬸᬦᬶᬓᬶ᭞ᬢᬦ᭄ᬧᬲᬳᬶᬂᬳᬗ᭄ᬕᬦᬶ [ 32 ][᭓᭑ 31B]
ᬧᬸᬦ᭄᭞ᬯ᭄ᬢᬸᬯᬮᬶᬫᬭᬶᬂᬲᬩ᭄ᬥᬵ᭞ᬫᬃᬫ᭄ᬫᬦᬶᬂᬢᬦ᭄ᬓᬮᬾᬦ᭄ᬓᬓᬶ᭞ᬢᬶᬗ᭄ᬓᬄᬳᬶᬧᬸᬦ᭄ᬥᬃᬫ᭄ᬫᬵᬦᬶᬂᬳᬗᬫᭀᬂᬲ᭄ᬓᬵ᭟᭔᭞ᬮᬯᬦ᭄ᬰᬶᬮᬵᬦᬶᬂᬳᬓᬺᬢ᭄ᬣᬵ᭞ᬏᬓᬯᬓ᭄ᬬᬩᬶᬦᬵᬰ᭄ᬭᬸᬢ᭄ᬢᬶ᭞ᬧᬓᬸᬓᬸᬳᬾᬚᬢᬶᬢᬸᬗ᭄ᬕᬮ᭄᭞ᬩᬶᬦᬵ
ᬧᬦᬫ᭄ᬩᬸᬢᬾᬳᬸᬕᬶ᭞ᬯᬶᬭᬲᬦ᭄ᬜᬦᬾᬢᬸᬗ᭄ᬕᬶᬮ᭄᭞ᬲᬸᬓᬵᬤᬸᬓ᭄ᬓᭀᬳᬮᬵᬳᬬᬸ᭞ᬲᬮᬄᬓᬮᬯᬦ᭄ᬓ᭄ᬦᬵ᭞ᬫᬗ᭄ᬓᬦᬵᬭᬶᬂᬲ᭄ᬓᬵᬓᬓᬶ᭞ᬚᬢᬶᬦᬶᬓᬵ᭞ᬓ᭄ᬭᬫᬵᬧᬶᬥᬃᬢ᭄ᬢᬦ᭄ᬬᬦᬶᬳᬦ᭄᭟᭕᭞ᬥᬃᬫ᭄ᬫᬦᬾᬳᬭ
ᬦᬾᬢᬦ᭄ᬫᬃ᭞ᬢᬦ᭄ᬮᬸᬧᬵᬢᬦ᭄ᬮᬮᬶᬫᬮᬶᬄ᭞ᬳᬗᬫᭀᬂᬫᬗ᭄ᬭᬱᬦᬦᬵ᭞ᬮᬫᬓᬦ᭄ᬬᬲᬶᬤ᭄ᬥᬵᬓ᭄ᬦᬶ᭞ᬤᬾᬦ᭄ᬗᬸᬮᬳᭂᬓᭂᬦᬶᬓᬶ᭞ᬫᬓ᭄ᬭᬡᬵᬫᭀᬮᬶᬮᬶᬂᬲᬤ᭄ᬬᬸᬄ᭞ᬧᬢᭂᬄᬧᬢᬸᬳᬶᬂᬲ᭄ᬓᭂᬳᭂ᭞ᬯᬶᬫᬗᬭᬦ᭄ᬯᬶᬯᬶᬚᬶᬦᬶᬂ᭞
ᬢᬸᬗ᭄ᬕᬮ᭄ᬳᬶᬓᬸ᭞ᬗᬭᬭᬦᬶᬂᬭᬭᬲᬦ᭄ᬓᬸᬦᬂ᭟᭖᭞ᬲᬵᬳᬶᬢᬫᬗᬭᬦ᭄ᬢᬸᬗ᭄ᬕᬮ᭄᭞ᬓᬺᬢ᭄ᬣᬵᬧᬶᬢ᭄ᬕᭂᬲᬶᬂᬓᬓᬶ᭞ᬧᬗᬸᬦ᭄ᬳᬬᬸᬲᬤᬵᬓᬵᬮᬵ᭞ᬤᬤᬶᬯ᭄ᬭᬸᬳᬵᬫᬸᬮᬦᬶᬂᬯ᭄ᬯᬶᬢ᭄᭞ᬯᬶᬚᬶᬦᬶᬂᬭᬭᬱᬦᬶᬂ᭞ᬲ᭄ᬓᬵᬓᬕ᭄ᬳᬤᬤ᭄ᬬ
[ 32A]
ᬳᬬᬸ᭞ᬫᬗ᭄ᬓᬦᬵᬥᬃᬫᬦᬶᬂᬲ᭄ᬓᬵᬳᭂ᭞ᬳᬗᬫᭀᬂᬲ᭄ᬓᬵᬢᬦ᭄ᬧᬶᬗ᭄ᬕᬶᬂ᭞ᬤᬾᬦᬵᬓᬤᬶ᭞ᬳᬸᬤᬦ᭄ᬳᬫᬺᬢᬦᬶᬂᬩ᭄ᬯᬦᬵ᭟᭗᭞ᬲᬤᬵᬓᬮᬵᬕᬶᬦᬸᬦ᭄ᬢᬸᬭᬦ᭄᭞ᬲᬃᬯ᭄ᬯᬵᬢᬸᬢᬸᬃᬰᬶᬮᬵᬬᬸᬓ᭄ᬢᬶ᭞ᬭᬸᬫᭂᬲᭂᬧᬶᬂᬲ᭄ᬓᬵᬦᬶᬭ᭞ᬫ
ᬓᬤᬲᬃᬧᬸᬦ᭄ᬬᬦᬾᬓᬶ᭞ᬭᬶᬂᬲ᭄ᬓᬵᬦᬶᬭᬓᬓᬶ᭞ᬫᬓᬵᬳᬸᬧᬵᬚᬶᬯᬦᬶᬧᬸᬦ᭄᭞ᬇᬓᬂᬳᬶᬦᬭᬦᬦ᭄ᬲᭂᬧᭂᬢ᭄᭞ᬯ᭄ᬭᬸᬄᬫ᭄ᬦᭂᬭᬓ᭄ᬦᬓᬓᬶ᭞ᬳᬢᬶᬦᬶᬂᬯ᭄ᬯᬂ᭞ᬲ᭄ᬓᬵᬓᬂᬫᬓᬫ᭄ᬩᭂᬓᬫ᭄ᬩᭂᬓ᭄ᬘᬶᬤᬺ᭚᭐᭚ᬧᬸᬧᬸᬢ᭄᭚᭐
᭚ᬧᬸᬦᬶᬓᬶᬧᬗᬯᬶᬦ᭄ᬳᬶᬤᬵᬫᬤᬾᬳᭀᬓᬕᬾᬚᬾᬮ᭄ᬧ᭄ᬘᬓ᭄ᬫᬸᬗ᭄ᬕᬯᬵᬭᬶᬂᬲᬲᬓ᭄ᬫᬕ᭄ᬭᬶᬬᬵᬭᬶᬂᬫᭀᬜ᭄ᬚᭀᬔᬶᬤᬵᬲᬫ᭄ᬧᬸᬦ᭄ᬫ᭄ᬬᬂ᭟᭐᭟ᬫᬗ᭄ᬓᬶᬦ᭄ᬓᬢ᭄ᬥᬸᬦ᭄ᬳᭀᬮᬶᬄᬳᬶᬤᬵᬜᭀᬫᬦ᭄ᬳᬮᬶ
ᬢ᭄ᬫᬕ᭄ᬭᬶᬬᬵᬭᬶᬂᬕ᭄ᬭᬶᬬᬵᬢ᭄ᬗᬄᬩᬸᬤ᭄ᬥᬵᬓ᭄ᬮᬶᬂ᭞ᬤᬸᬓ᭄ᬧᬸᬧᬸᬢ᭄ᬳᬜᬸᬭᬢ᭄᭞ᬭᬶᬂᬯᬾ᭞ᬰ᭞ᬧᭀᬦ᭄᭞ᬯᬭᬳᬸᬕᬸ᭞ᬣᬶᬣᬶ᭞ᬧᬂ᭞ᬧᬶᬂ᭞᭖᭞ᬰᬰᬶᬄ᭞᭓᭞ᬭᬄ᭞᭙᭞ᬢᭂᬂ᭞᭑᭒᭞ᬇᬰᬓᬵ᭞᭑᭙᭑᭗᭞ [ 33 ][᭓᭒ 32B]
᭟ᬯᬃᬱᬳᬶᬦ᭄ᬤᭀᬦᬾᬲ᭄ᬬ᭞ᬢᬂ᭞᭑᭖᭞ᬲᬾᬧ᭄ᬢᭂᬫ᭄ᬩᭂᬃ᭞᭑᭙᭙᭕᭟ᬑᬁᬲᬫᬵᬲᬫ᭄ᬧᬹᬃᬡ᭄ᬦᬵᬩ᭄ᬬᭀᬦᬫᬄ᭞ᬑᬁᬰᬦ᭄ᬝᬶ᭞ᬰᬦ᭄ᬝᬶ᭞ᬰᬦ᭄ᬝᬶᬑᬁ᭟᭐᭟᭐᭟