[᭑᭔ 14B]
᭔᭑
ᬤᬤᬶᬕᬸᬭᬸᬦᬶᬂᬚᬕᬢ᭄᭞ᬬᬦ᭄ᬓᬲᬶᬤ᭄ᬤᬦ᭄ᬧᬲ᭄ᬧᬲᬶᬜ᭄ᬚᬵᬤᬦ᭄ᬤᬾᬦ᭄ᬫᬮᬸ᭞ᬮᬜ᭄ᬘᬂᬦᬕᬶᬄᬓᬲᬸᬫ᭄ᬩᬸᬗᬂ᭞ᬩᬳᬸᬰᬱ᭄ᬬᬗ᭄ᬕᬯᬾᬧᬮᬶᬂ᭟᭑᭗᭞ᬅᬚ᭄ᬜᬡᬦᬾᬲᬬᬦ᭄ᬲᬯᬢ᭄᭞ᬬᬦᬶᬂᬘ᭄ᬦᬶᬂᬫ᭄ᬩ᭄ᬬᬓ᭄ᬢᬳᬂᬳ
ᬯᬓ᭄ᬰᬓ᭄ᬢᬶ᭞ᬬᬦ᭄ᬳᬶᬤᬵᬲᬂᬲᬸᬩᬵᬧᬸᬢᬸᬲ᭄᭞ᬚᭀᬄᬲᬯᬢ᭄ᬧᬢᬶᬲᬫ᭄ᬩᬢ᭄᭞ᬳᬧᬵᬩ᭄ᬯᬶᬦ᭄ᬗᭀᬮᬲ᭄ᬜᬘᬤ᭄ᬗ᭄ᬕᬯᬾᬩᬸᬳᬸᬢ᭄᭞ᬭᬾᬄᬲᬶᬤᬵᬲᬸᬩᬵᬫᬳᬶᬗ᭄ᬕᬮ᭄᭞ᬧ᭄ᬢᭂᬂᬧᬶᬢᬸᬦᬾᬤᬶᬳᬢᬶ᭟᭑᭘᭞
ᬓᬾᬢᭀᬓᬢᬢ᭄ᬯᬦ᭄ᬤᬶᬰᬶᬯᬵ᭞ᬢᬢ᭄ᬯᬦ᭄ᬩᬸᬤ᭄ᬥᬵᬢ᭄ᬯᬭᬫᬩᬶᬦᬬᬦ᭄ᬓᬶᬓᬶᬢ᭄᭞ᬫᬢᬶᬢᬶᬲ᭄ᬫᬗᬮᬶᬄᬳᬬᬸ᭞ᬤᬾᬤᬵᬢ᭄ᬯᬄᬧᬗ᭄ᬮᬓ᭄ᬱᬡᬦ᭄᭞ᬧᬤᬶᬗᭂᬳᬂᬳᬧᬂᬘ᭄ᬦᬶᬂᬢᬢᬲ᭄ᬢᬳᬸ᭞ᬩᬧᬵᬜᬤ᭄ᬬᬫᬶᬤᬃᬢ᭄ᬣᬬᬂ᭞ᬧ
ᬢᬶᬓᬲᬾᬩ᭄ᬲᬶᬓ᭄ᬩᭂᬲᬶᬓ᭄᭟᭑᭙᭞ᬓᬯᬶᬢ᭄ᬩᬦ᭄ᬩᬧᬵᬦᬃᬢ᭄ᬣᬬᬂ᭞ᬢᬢ᭄ᬯᬩᬸᬤ᭄ᬥᬵᬫᬲᬶᬄᬯ᭄ᬓᬲᬶᬂᬧᬶᬳᬶᬢ᭄᭞ᬤᬤ᭄ᬯᬯᬦ᭄ᬢᬄᬦᬾ ᬓᬲᬸᬫ᭄ᬩᬸᬂ᭞ᬅᬥ᭄ᬯᬬᬵᬥ᭄ᬯᬬᬚ᭄ᬜᬡᬵ᭞ᬧᬫᬸᬕᭂᬳᬦ᭄ᬧᬢᬶᬢᬶᬲᬾᬩᬓᬢ᭄ᬦᬸᬚᬸ᭞
[᭑᭕ 15A]
ᬲᬂᬳ᭄ᬳ᭄ᬬᬂᬥᬶᬯᬵᬭᬸᬧᬵᬢᬸᬗ᭄ᬕᬮ᭄᭞ᬳᬥᬶᬩᬸᬤ᭄ᬥᬵᬓᬧᬭᬩᬶᬦ᭄᭟᭒᭐᭞ᬫᬸᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬓᬲᬶᬦᬳᬂ᭞ᬅᬁᬅᬄᬳᭂᬦ᭄ᬢᭀᬯᬶᬚᬓ᭄ᬱᬭᬤ᭄ᬯᬂᬩ᭄ᬲᬶᬓ᭄᭞ᬤᬶᬫᬸᬮᬵᬓᬦ᭄ᬝᬳᬸᬫᬸᬲ᭄᭞ᬤᬤ᭄ᬯᬰᬵᬲ᭄ᬢ᭄ᬭᬜᬢᬸᬗ᭄ᬕᬮ᭄᭞
ᬲᬹᬃᬬ᭄ᬬᬘᬦ᭄ᬤ᭄ᬭᬲᬗ᭄ᬓᬦ᭄ᬯᬶᬘᬳ᭄ᬬᬦᬾ ᬫ᭄ᬢᬸ᭞ᬩᬚ᭄ᬭᬲᬢ᭄ᬯᬩᬚ᭄ᬭᬚ᭄ᬜᬡ᭞ᬳᬶᬤᬵᬯᬦ᭄ᬢᬄᬢᬸᬯᬶᬳᬩ᭄ᬲᬶᬓ᭄᭟᭒᭑᭞ᬤᬶᬦᬶᬱ᭄ᬓᬮᬵᬳᬶᬤᬵᬓᬹᬘᬧ᭄᭞ᬲᬶᬤ᭄ᬥᬶᬯᬓ᭄ᬬᬧᬭᬶᬧᬹᬃᬡ᭄ᬦ᭄ᬦᬵᬮᬗ᭄ᬕᭂᬂᬳᬰᬶᬄ᭞ᬳᬸᬭᬶᬧᬶᬂᬚᬕᬢ᭄ᬧᬶᬢᬸ᭠
ᬳᬸ᭞ᬧ᭄ᬭᬲᬶᬤᬵᬲᬗ᭄ᬓᬦ᭄ᬧᬭᬦ᭄᭞ᬧ᭄ᬢᭂᬂᬧᬶᬢᬸᬫᬮᬵᬧᬢᬦᬾᬍᬩᬸᬃ᭞ᬬᬦ᭄ᬲᬸᬩᬵᬳᬶᬤᬵᬗ᭄ᬯᬶᬰᬾᬱ᭞ᬗᬦᬸᬢ᭄ᬮᬶᬂᬦᬶᬂᬳᬚᬶ᭟᭒᭒᭞ᬲᭂᬗ᭄ᬓᬵᬯᬦ᭄ᬢᬄᬩᬦ᭄ᬗᬸᬧᬫ᭄ᬬᬂ᭞ᬧᬳᬗ᭄ᬕᬬᬦ᭄ᬳᬶᬤᬵᬤᬳᬢᬶᬂ
ᬲᬶᬗᬶᬤ᭄᭞ᬢᬸᬯᬶᬰᬵᬲ᭄ᬢ᭄ᬭᬳᬗ᭄ᬕᭀᬲᬸᬮᬸᬄ᭞ᬳᬧᬦ᭄ᬫ᭄ᬭᬕᬵᬦᬶᬱ᭄ᬓᬮᬵ᭞ᬧᬳᭂᬓ᭄ᬚᭀᬄᬢᬸᬯᬶ᭠ᬧᬳᭂᬓ᭄ᬢᭀᬂᬩᬓᬢ᭄ᬲᭂᬦ᭄ᬢᬸᬄ᭞ᬬᭀᬕᬶᬰ᭄ᬯᬭᬦᬾᬦᬫ᭄ᬩᭂᬢᬂ᭞ᬫ᭄ᬩᬸᬗᭂᬗᬂᬳᬶᬥᭂᬧ᭄ᬫᬢᬶᬢᬶᬲ᭄᭟᭒᭓᭞ᬚᭀᬄ
Page:Bali-lontar-gaguritan-kadhyatmikan-01-350ppi.pdf/15
Jump to navigation
Jump to search
This page has been proofread.
