Anpezo
Jump to navigation
Jump to search
ANPEZO
Fraceschi
No t' éi desmenteà
O me Anpezo bel
Śirà éi duto 'l mondo
Ma son po senpre chel
Vedù éi bela crodes
Valades, gran zitas
Ma el paradis terestre
Tu, solo tu te 'l as
Se ciata da pì partes
Fosc calche fedel sen
Ma pì che a ti Anpezo
No s' i po portà ben
Anche coi straniere
Se passa dei biei dis
Ma in te, o bel Anpezo
S' à senpre el paradis
Su ra to patria tera
Cresciù 'l é chel prin fior
Che rende a dute cuante
Un tremolà del cuor
E là chel santo siolo
M' à senpre consolà
Canche 'l Signor desgrazies
Dal zielo el m' à mandà
Se anche son pì parte
Intrà al forestier
Te resta a ti Anpezo
duto el me pensier
Che chel che dal straniero
Ió éi vedù de bel
'L é solo na cornisc
Par t' incassà śoiel.