Allgemeines plattdeutsches Volksbuch/Up 'n Ollendeil

Uns beiden kümmt dei olle Dag!
   Wi sitten vuller Pliten!*)
Un wenn man ok noch woll wat mag,
   Man kann et nich mihr biten!
Doch jere Minsch hett sine Pin, —
   Et künn mit uns vel leger sien.

Ein Glück noch is, wie kän't uns gaut,
   Ganz wunnergaut verdrägen,
Un ok dei jungen Lüde daut
   Ehr Bestes, uns tau hegen!
Un geiht et ok woll eins verkihrt,
   So sünd wi uns doch leif un wierth.

Sünst hebben wi ok keine Noth —
   Wi brukt uns nicht tau quälen —
Wi mütt't vör unse täglich Brod
   Man mit dei Kinner spelen.
Un dat is uns ein wahr Plaisir
   As wenn man sülwen jung werr' wir!

So kän't wi hier up unse Art
   Noch ganz vergnäuglich leben!
So lange Gott uns so bewahrt
   Kän't wi uns lichte geben!
Un wenn 't uns hier mal nich geföllt,
   Denn denken wi an jene Welt,

*) Alte Schäden.