Ala jëuna
Ala jëuna.
Sureghes M. d. T.
Nëus jon pa bel plan,
Y se dajon pa la man.
Plu plan che nëus jon,
Y plu bon che se ulon.
Bela ne n'ieste,
Roba ne n'este,
Fé ne n te n seste,
Y nsci restereste.
Ma scebën che te rates
D' vester bela y mpo da catif,
Al plu che te giates
Giaperes ti valif.
Scebën che t'ies bela
Y mpo da ulëi bon,
Al plu che te giapes,
Giaperes n stracion.
Chëles dala dota
Jirà debota,
Ma chëles che ne n'à nia
Stenterà a jì via.
La luna flurësc pa
Sun Ciamp de Pinëi,
Nevic uei avëi,
Ma no zënza ciavëi.
La luna flurësc pa
Sun Cë de droch,
La mutans da dassënn
Fej la jufa da nioch.