A Seniëur Pluan da S. Cristina Don Andrea Pramstrahler

From Wikisource
Jump to navigation Jump to search
A Seniëur Pluan da S. Cristina Don Andrea Pramstrahler
by anonim
grafia moderna

A Seniëur Pluan da S. Cristina Don Andrea Pramstrahler per si Santinuem; ai 30 de Novëmber 1925.


Duta la mutans ie tlo
Cumparides dant a Vo,
Per bincé drët truep de bën,
Per bincé dut chël chʼ ëis gën.

Ch’ ëis da goder cuntentëza,
Te vosc stato alegrëza,
Truep fertuna y sanità,
Te vosc lëures fertunà.

Ch’ ëise gën la jënt da tlo,
Coche duc v’ à nce gën Vo.
Come preve dut l bon
Drët de cuer nëus Ve bincion.

Da n santinuem po iel usanza,
Canche n’ ie tla gran mancanza,
Dëssun dé nce velʼ presënt,
Ch’ un à gën y ie cuntënt.

Y l plu gën, o Seniëur Pluan,
Nëus savon che ëis chëst ann,
No velʼ ciof te n gran buchel,
Ie pu l vedl mo tan bel.

No a Vo vel’ pitl puech,
Ma per n’ autra cossa truep:
Per la ciampanes, ch’ ëis petlà
mënsc ntieres abinà.

Tulëde mbën, Seniëur Pluan
Chesc pueʼ de zech de “bona man”
Dla mutans n pueʼ de cherianza
Y na pitla ricordanza.