A Iacun

From Wikisource
Jump to navigation Jump to search
A Iacun  (1921)  by Leo Runggaldier
ladin Gherdeina
grafia moderna

A Iacun.

Iacun ne scassova nia i pëires,
I pëires ne tumova nia ju.
Pona iesi jic a tò l cian a morder Iacun;
L cian ne murdova nia Iacun.
Po iesi jic a tò n ram a ti dé al cian.
Po l ram ne ti dajova nia al cian.
Po iesi jic a tò l fuech a brujé l ram.
Po l fuech ne brujova nia l ram.
Po iesi jic a tò l’ ega a destudé l fuech.
Po l’ ega ne destudova nia l fuech
Po iesi jic a tò l bo a bever l’ ega.
Po l bo ne buvova nia l’ ega.
Po iesi jic a tò l beché a mazé l bo
Po l beché ne mazova nia l bo.
Po iesi jic a tò l malan.
Po Iacun scassova i pëires, i pëires tumova ju.
L cian murdova Iacun, l ram ti dajova al cian.
L fuech brujova l ram, l’ ega destudova l fuech.
L bo buvova l’ ega, l beché mazova l bo,
Y l malan cialova pro.