ჩუენ, ღმრთივ-გუირგუინოსანმან მეფეთ-მეფემან პატრონმან სვიმეონ, ესე წყალობის წიგნი და ნიშანი შეგიწყალეთ და გიბოძეთ თქუენ, ჩუენთა ერდგულთა ყმათა: საგინასშვილსა ზურაბს, აღათანგელს და შანშეს.
მას ჟამსა, ოდეს წყალობა გიყავით და გიბოძეთ თქუენი კერძი სამართლიანი სოფელი ჩხიქვთა, სოფელი სთონეთი და სოფელი მაწევანი და სოფელი კალდო მისითა სამართლიანითა სამზღვრითა მთით ბარამდე, უკლებლად თქუენთვის გვიბოძებია.
გქონდეს და გიბედნიეროს ღმერთმან ჩუენსა ერთგულად სამსახურსა შინა. აწე, გიბძანებთ საბარათიანოსა მოურავნო და მელიქნო, ვინ გინდა-ვინ იყვნეთ, მერმე, რაც ამ ფარვანაშიგა მამულები სწერია, საგინასშვილის ზურაბისა და მისის ძმებისათვის გვიბოძებია. თქუენცა დაანებეთ და ნუ ეცილებით.
დაიწერა ნიშანი და ბრძანება ესე ქორონიკონს სჟდ, ღვინობისთვის ერთსა, ხელითა კარისა ჩუენის მწიგნობრის აღათანგისძის ნავროზისითა.
ამის მეორე პირზე თათრული წერია.