*ირო ჸუდეს მუს მულახექ

by მამანტი კვირტია

please do not remove empty parameters (see the template documentation).

*ირო ჸუდეს მუს მულახექ by მამანტი კვირტია

მამანტი კვირტია. "კვიმატი" 2001წ.ხ118.

ირო ჸუდეს მუს მულახექ
კოც ვაუხვილჷქჷნი,
ართ „ოსურიშ“ თხილუას
ამარი ქიგიოდინჷქჷნი.

ინა სი ვაგათხილე დო
ტყურათ დღას ოდინუა,
გოცაცინით გააღვინჯე,
გვალო ვიშო ორტინუა.

ბრელი გამიგონებუნა
ოსური გაღვინჯებული,
ოსურც თინა დაკირანც
ქომონჯი რდას რგებული.

ტერიშ მახორობასჷ რე
ოსური კოჩიშ ძღანძღალი,
ოსურიში თხილუას
ვეშქიდანც მარგალი.

საონჯღორო ოღალჷ რე
ჩალაში გიოხარგალი,
იში ჸუდეს ვათინჷნც
ოტახჷ დო ფარგალი.