ᠴᡳᠩ ᠸᡝᠨ ᡴᡳ ᠮᡝᠩ ᠪᡳᡨ᠌ᡥᡝ/ᡧᡠᡨᡠᠴᡳᠨ

From Wikisource
Jump to navigation Jump to search

This page contains Manchu script. If it is not displayed, click here.

此頁面包含滿文。若無法顯示,請點擊這裡

Ere afaha de manju hergen bi. Tuwame muterakūci ere afaha de dosireo.



← ᠴᡳᠩ ᠸᡝᠨ ᡴᡳ ᠮᡝᠩ ᠪᡳᡨᡥᡝ ᠴᡳᠩ ᠸᡝᠨ ᡴᡳ ᠮᡝᠩ ᠪᡳᡨᡥᡝ
ᡧᡠᡨᡠᠴᡳᠨ
長白 舞格 壽平
→ ᡠᠵᡠᡳ ᡩᡝᠪᡨᡝᠯᡳᠨ
ᡝᠵᡝᠮᡝ
ᠸᠠᠵᡳᡥᠠ᠈
ᠠᠴᠠᠪᡠᡵᡝ
ᡠᠨᡩᡝ᠉


ᡧᡠᡨᡠᠴᡳᠨ᠈
ᠴᡳᠩ ᠸᡝᠨ ᡴᡳ ᠮᡝᠩ ᠪᡳᡨᡥᡝ ᠰᡝᡵᡝᠩᡤᡝ᠈ ᠮᡳᠨᡳ ᡤᡠᠴᡠ ᡧᡝᠣ ᡦᡳᠩ ᠰᡳᠶᠠᠨ ᡧᡝᠩ ᠨᡳ ᡶᡳᠰᡝᠮᠪᡠᠮᡝ ᠠᡵᠠᡶᡳ᠈ ᠪᠣᠣᡳ ᡨᠠᠴᡳᡴᡡ ᡩᡝ ᡨᠠᠴᡳᠪᡠᡥᠠᠩᡤᡝ᠈ ᡝᡩᡝ ᠰᡠᠮᡝ ᠰᡳᠨᡩᠠᡥᠠ ᠨᡳᡴᠠᠨ ᡤᡳᠰᡠᠨ᠈ ᡠᡩᡠ ᡠᠮᡝᠰᡳ ᠮᡠᠸᠠ ᠴᡳᠩᡤᡳᠶᠠ ᠪᡳᡨᡥᡝ᠈ ᡨᡝᠨᡳ ᡨᠠᠴᡳᡵᡝ ᡠᡵᠰᡝ ᠪᡝ ᠨᡝᡳᠯᡝᠮᡝ ᡠᠯᡥᡳᠶᡝᠨ ᡳ ᡳᠪᡝᠪᡠᡵᡝ ᡩᡝ ᠮᡳᠴᡳᡥᡳᠶᠠᠨ ᠴᡳ ᡧᡠᠮᡳᠨ ᡩᡝ ᡩᠣᠰᡳᠨᠠᡵᠠ᠈ ᡤᠣᡵᠣ ᠶᠠᠪᡠᡵᡝ ᡩᡝ ᡥᠠᠨᠴᡳ ᠴᡳ ᡩᡝᡵᡳᠪᡠᡵᡝ ᡤᡡᠨᡳᠨ ᡨᡝᠪᡠᡴᡝᠪᡳ᠈ ᡨᡝᡵᡝ ᠠᠩᡤᠠᠯᠠ ᡨᡠᡴᡨᠠᠨ ᠶᠠᡵᡥᡡᡩᠠᠮᡝ ᡨᠠᠴᡳᠪᡠᡵᡝ ᡩᡝ᠈ ᡝᠨᡨᡝᡴᡝ ᡤᡝᡨᡠᡴᡝᠨ ᡳᠯᡝᡨᡠ ᠪᡳᡨᡥᡝ ᠸᠠᡴᠠ ᠣᠴᡳ᠈ ᡳᠨᡠ ᠰᠠᡵᠠ ᡠᠯᡥᡳᡵᡝ ᡩᡝ ᠮᠠᠩᡤᠠ ᠣᠮᠪᡳ᠈ ᡝᡵᡝ ᠸᠠᡵᡤᡳᠶᠠᠨ ᡳ ᠠᠵᡳᡤᠠᠨ ᡨᠠᠴᡳᡵᡝ ᡠᡵᠰᡝᡳ ᠰᡠᠴᡠᠩᡤᠠ ᡩᠣᠣᠪᡠᡵᡝ ᠠᡩᠠ ᡩᡠᡴᠠ ᡩᠣᠰᡳᠮᠪᡠᡵᡝ ᡩᠣᡴᠣ ᠵᡠᡤᡡᠨ ᡴᠠᡳ᠈ ᠪᡳ ᡴᡝᠮᡠᠨᡳ ᠰᡳᠶᠠᠨ ᡧᡝᠩ ᠨᡳ ᡝᡵᡝᠪᡝ ᠵᠠᡶᠠᡶᡳ ᠠᠴᡳᡤᠠᠨ ᡠᡵᠰᡝ ᠪᡝ ᡨᠠᠴᡳᠪᡠᡥᠠ ᠪᡝ ᡨᡠᠸᠠᠴᡳ᠈ ᠮᠠᠵᡳᡤᡝ ᠰᡠᡵᡝᡴᡝᠨ ᡠᠯᡥᡳᠴᡠᠩᡤᠠ ᡠᡵᠰᡝ ᠣᠴᡳ ᡨᠠᠴᡳᠮᡝ ᠪᡳᠶᠠᠯᠠᠮᡝ ᠪᠠᡳᠪᡠᡵᠠᡴᡡ ᡠᡨᡥᠠᡳ ᡥᡡᠯᠠᠮᡝ ᠠᡵᠠᠮᡝ ᠮᡠᡨᡝᠮᠪᡳ ᠰᡝᡵᡝ ᠠᠩᡤᠠᠯᠠ᠈ ᠵᡳᠯᠠᡤᠠ ᠮᡠᡩᠠᠨ ᡤᡝᡨᡠᡴᡝᠨ ᠪᠣᠯᡤᠣ᠈ ᡥᡝᡵᡤᡝᠨ ᡳ ᠵᡳᠵᡠᠨ ᡨᠣᠪ ᡨᠣᠨᡩᠣ ᠣᠵᠣᡵᠠᡴᡡᠩᡤᡝ ᠠᡴᡡ᠈ ᠶᠠᠯᠠ ᡝᠮᡤᡝᡵᡳ ᡨᠠᠴᡳᡶᡳ ᠴᠠᠯᠠᠪᡠᡵᡝ ᠵᡝᠴᡠᡥᡠᠨᠵᡝᡵᡝ ᡩᡝ ᡳᠰᡳᠨᠠᡵᠠᡴᡡ ᠣᠮᠪᡳ ᡶᡠᠯᡝᡥᡝ ᠪᡝ ᡨᠣᠪ ᠰᡝᡤᡳᡤᠠ ᠪᡝ ᠪᠣᠯᡤᠣ ᠣᠪᡠᡵᡝ ᡤᡡᠨᡳᠨ ᠠᠮᠪᡠᠯᠠ ᠪᡳᠰᡳᡵᡝ ᡩᠠᡩᡝ᠈ ᡤᡝᠯᡳ ᡤᡠᠩ ᡨᡠᠰᠠ ᠪᡝ ᡥᡡᡩᡠᠨ ᠣᠵᠣᡵᠣ ᡶᡝᡵᡤᡠᠸᡝᠴᡠᡴᡝ ᠪᠠᠪᡳ᠈ ᠪᡳ ᠠᡳᡶᡳᠨᡳ ᠵᡳᠰᡝ ᠪᡝ ᡤᠠᡳᡶᡳ ᡶᠣᠯᠣᠪᡠᡶᡳ ᡨᡝᠨᡳᡴᡝᠨ ᡨᠠᠴᡳᡵᡝ ᡠᡵᠰᡝ ᡩᡝ ᡩᡠᡵᡠᠨ ᡨᡠᠸᠠᡴᡡ ᠣᠪᡠᡴᡳ ᠰᡝᠮᡝ ᠪᠠᡳᡥᠠᡩᡝ᠈ ᠰᡳᠶᠠᠨ ᡧᡝᠩ ᠣᡥᠠᡴᡡ ᡥᡝᠨᡩᡠᡥᡝᠩᡤᡝ᠈ ᡝᡵᡝ ᠪᡳᡨᡥᡝ ᠰᡝᡵᡝᠩᡤᡝ᠈ ᠮᡳᠨᡳ ᠪᠣᠣᡳ ᠵᡠᠰᡝ ᠪᡝ ᡨᠠᠴᡳᡥᡳᠶᠠᠮᡝ᠈ ᡶᠠᡴᠠᠰᡳᡴᠠᠨ ᡳ ᡤᠠᠮᠠᠮᡝ ᠠᡵᠠᡥᠠᠩᡤᡝ᠈ ᠰᡠᡥᡝᠩᡤᡝ᠈ ᠶᠣᠣᠨᡳ ᠪᡠᠶᠠ ᠴᠠᠯᡤᠠᡵᡳ ᡤᡳᠰᡠᠨ ᠮᡠᠸᠠ ᠠᠯᠪᠠᡨᡠ ᡶᡳᠶᠠᠨ ᠠᡴᡡᠩᡤᡝ᠈ ᡶᠣᠯᠣᠪᡠᠴᡳ ᠪᠠᠰᡠᠴᡠᠨ ᠠᡴᡡ ᠰᡝᠮᡝᠣ ᠰᡝᡥᡝ ᠪᡳᡥᡝ᠈ ᠪᡳ ᡩᠠᡥᡡᠨ ᡩᠠᡥᡡᠨ ᡳ ᡥᡡᠰᡠᡨᡠᠯᡝᠮᡝ ᠪᠠᡳᡵᡝ ᠵᠠᡴᠠᡩᡝ ᡨᡝᠨᡳ ᠪᠠᡥᠠᡶᡳ ᠠᠴᠠᠪᡠᠮᡝ ᡶᠣᠯᠣᠪᡠᡥᠠ ᠠᡩᠠ ᠠᠵᡳᡤᠠᠨ ᡨᠠᠴᡳᡵᡝ ᡠᡵᠰᡝ ᡩᡝ᠈ ᠠᡳᠨᠴᡳ ᠠᠮᠪᡠᠯᠠ ᠨᡳᠶᡝᠴᡝᠴᡠᠨ ᡨᡠᠰᠠ ᠣᠵᠣᡵᠣ ᠪᠠ ᠪᡳᡩᡝᡵᡝ᠉
ᡥᠠᡳᠨᠯᡳᠶᠠᠰᡠᠨ ᡨᠣᠪ ᡳ ᠵᠠᡴᡡᠴᡳ ᠠᠨᡳᠶᠠ ᠨᡳᠶᡝᠩᠨᡳᠶᡝᡵᡳ ᠰᠠᡳᠨ ᡳᠨᡝᠩᡤᡳ᠈ ᡯᡠ ᠵᡠᠩ ᡨᠠᠩ ᠨᡳ ᠪᠣᠣᡳ ᡝᠵᡝᠨ᠈ ᠴᡳᠩ ᠮᡳᠩ ᠶᡠᠸᠠᠨ ᠠᡵᠠᡥᠠ᠉

清文啓蒙 乃吾友壽平先生 著述 以課家塾者也 其所註 漢語 雖甚淺近 然開蒙 循序 由淺 入深 行遠自邇之寓意焉 況廸之初 非此曉暢之文 亦難領會 誠幼學之初筏 入門之捷徑也 予嘗目睹先生以此課蒙 而稍能穎悟者學不匝月 即能書誦 且音韻比劃 莫不明切端楷 一讀不致錯誤 大有正本清源之義 更見功効捷速之妙 久欲請稿刊刻 以為初學津梁 而先生不許曰 此本庭訓小子 設法而作 所註皆係俚言鄙語 麤俗不丈 付之梨棗 不無詒誚乎 予力請再三 始獲校梓 其於初學之士 大有裨益云
雍正庚戌孟春之朔日 作忠堂主人 程明遠題