ពិលាបនៃផ្លូវមួយ
Jump to navigation
Jump to search
ខ្លឹមសារ[edit]
ឱះឱអញអើយ កើតជារូបហើយ មានឈ្មោះឧត្តម អ្នកស្រុកគេហៅ ថាឧកញ៉ាអ៊ំ នាមចតុស្ដម្ភ ដែលធំក្រៃលែង។ គ្មានគេឧបត្ថម្ភ រក្សាថែទាំ ដូចគេដូចឯង គឺគេមិនស្បិត គិតតុបគិតតែង កម្មអ្វីតែឯង ឥតគេអាសូរ។ ហេតុតែកំព្រា ធន់ក្ដៅរងា ក៏មិនអាចថ្ងូរ លោកអើយអាណិត ជួយគិតជួយគូរ ឲ្យបានកៅស៊ូ គ្របដណ្ដប់ផង។ លំអរូបខ្ញុំ ប្រយោជន៍ដល់ក្រុម រាជការទេហោង សូមលោកអាណិត ជួយគិតខ្ញុំផង ឲ្យបានដូចប៉ង ប្រាថ្នានៃខ្ញុំ។ ឱលោកអ្នកណា មានចិត្តជ្រះថ្លា នឹងការសុខុម សូមលោកខំគិត បើអាណិតខ្ញុំ បើលោកមិនសម ក៏វ្ហីទៅចុះ។ ខ្ញុំក៏ទ្រាំក្សត់ លោកក៏ទ្រាំអត់ តាមកម្មផងមនុស្ស អកុសលទាំងខ្ញុំ ទាំងលោកទៅចុះ គ្មានគេអនុគ្រោះ បន្ទោសនរណា។