საჸოროფო (მამანტი კვირტია)

From Wikisource
Jump to navigation Jump to search
please do not remove empty parameters (see the template documentation).
საჸოროფო (მამანტ კვირტია)
by მამანტი კვირტია
მამანტი კვირტია. "კვიმატი" 2001 წ.ხ 17.

ართი დროში ჸოროფაქჷ, ასე ქაშამიჸოთ ხეშა,
დო თინერო აკობჭოფუ, ღურა მისხუნ სიცოცხლეშა.
დუდიგიმე გილვოჩვაგა, მუთაქ მაღოლინუ თეშა
ანწი მუ დროშჲ ჸოროფა რე, მინჲ ბკუსა, მინჲ ბქეშა
ვადმათხინუ მუთუნითჷ, ინობთხოზჷ ნძეში ნძეშა...

ჸოროფა არძო ართი ვა რე, ჩქიმი ვემიჭარე შხვაშა,
გურკიზისჷ ჭვალი მიღუ, გიშმოჸოთჷ ხასილაშა,
გური გაჭირებულჲ მაფუ, ტყები ვემკომიტებჷ ღვაშა,
მალი წყარი მუს მოხვარჷ, დუსუ იბშქვიდუა ზღვაშა,
ჩხომეფჲ დობძირძონუნა დო ძვალსჷ გეკარღვანა ძგაშა.
                                                    
1934 წ.