ქუთაისის ისტორიულ-ეთნოგრაფიულ მუზეუმში დაცულია ვერცხლის ბარძიმი (საინვ. N 3788), რომელიც ადრე ნიკორწმიდის ეკლესიას ეკუთვნოდა
ბარძიმი (საინვენტარო N 3788), ვერცხლით მოჭედილი, სიმაღლე 19,3 სმ. შემოსულია 1926 წ. ნიკორწმიდის ეკლესიიდან.
ხატის შერჩენილი აქვს ქვედა აშიის მარცხენა მხარე (მარჯვენა ნაწილი დაკარგულია), რომელზეც მოთავსებულია სამსტრიქონიანი დაზიანებული ასომთავრული წარწერა:
ბარძიმის ფეხის ქვედა ნაწილში 13 სტრიქონიანი მხედრული წარწერაა:
ქ. ჩვენ ცვა ფარვანთა მინდობილმან თქვენმან ხელმწიფემა დადიანმა პატრონმა ლევან თქვენ ქუთათისა და პალაისტომის ღთისა მშობელსა შამოგწირეთ ბარძიმი ესე მას ჟამსა ოდეს შევებენით მეფესა ბაღდადსა ქ. გაგვემარჯვა მაშინ ომში და...[1] სულისა ჩვენისა საოხად.
ბარძიმის ფეხის წახნაგოვან ნაწილზე მხედრული წარწერაა:
ქ. მე ცოდვილმა მხევალმა ღთისამა გამდელმა ბატონიშვილის ნარინ დავითისმა სილდასტან შემოგწირეთ ბარძიმი ესე რაჭას უდაბნოს სულისა ჩემისა საოხად.
მ. ნიკოლეიშვილი ლევან დადიანის წარწერას ბაღდადის ბრძოლის (1636 წ.) ახლო ხანებით ათარიღებს, ხოლო სილდასტანის წარწერა კი 1740 წლის შემდეგაა შესრულებული.