သိမ်မျိုးစုံမဟာဋီကာ/ဗဒ္ဓအဇ္ဈောတ္ထရဏာဒိဋီကာ
| ←၁၂၇။ သတ္တဗ္ဘန္တရာဇ္ဈောတ္ထရဏာဒိဋီကာ | သိမ်မျိုးစုံမဟာဋီကာကျမ်း by ၁၂၈။ ဗဒ္ဓအဇ္ဈောတ္ထရဏာဒိဋီကာ |
၁၂၉။ အတိဂမ္ဘီရသင်္ကရ ဒေါသဋီကာ→ |
ဂါမနှင့် ဗဒ္ဓသိမ်ဖြစ်သော ခဏ္ဍသိမ် မဟာသိမ်တို့မှာ နိဿယ နိဿိတဖြစ်သောကြောင့် အဇ္ဈောတ္ထရဏ -သမ္ဘေဒ-သင်္ကရဒေါသ သုံးပါးလုံးမရှိ။ ထို့ကြောင့် မဟာဝါအဋ္ဌကထာနှာ (၃၂၅)၌ ဟေဋ္ဌာ ပါသာဒေ ကိတ္တေန္တေဟိပိ ဘိတ္တိ စ ရုက္ခထမ္ဘာ စ န ကိတ္တေတဗ္ဗာ -အစ ရှိသော စကားကိုမိန့်သတည်း၊ ဗဒ္ဓချင်းသင်္ကရဒေါသစသည်ရှိသော်လည်း တစ်ဘက်ဘက်၌ တည်၍ တစ်ခုတည်းစည်းဝေး၍ နုတ်လျှင် ဝဂ်မဖြစ် ကျွတ်၏။ သီမာမာဠကေ -စသော အဋ္ဌကထာ၊ သာရတ္ထဒီပနီဋီကာထောက်။
သတ္တဗ္ဘန္တရသိမ်နှင့် ဗဒ္ဓသိမ်ရောယှက်ရာ၌လည်းကောင်း၊ ဗဒ္ဓသိမ် နှင့် သတ္တဗ္ဘန္တရသိမ် ရောယှက်ရာ၌လည်းကောင်း၊ ဗဒ္ဓသိမ်နှင့် ဥဒကုက္ခေပသိမ် ရောယှက်ရာ၌လည်းကောင်း အဇ္ဈောတ္ထရဏ သမ္ဘေဒ သင်္ကရ - ဒေါသသုံးပါးလုံး သင့်ရာ၏။
ထိုစကားကို ချဲ့ဦးအံ့-သတ္တဗ္ဘန္တရသိမ်အဖြစ်ဖြင့် တစ်သင်းသော သံဃာ ကံပြုနေဆဲအခါ အတောင်လေးရာအတွင်း ဌာနလောက်က ထိုသတ္တဗ္ဘန္တရသိမ်ကိုလွှမ်းမိုး၍ ရောစပ်၍လည်းကောင်း၊ သစ်ပင် စသည်ရောစပ်၍လည်းကောင်း ဗဒ္ဓသိမ် သမုတ်ခဲ့သော် ၎င်းသုံးပါး သော ဒေါသအတွက် ထိုဗဒ္ဓသိမ်ပျက်၏။ ရှေးအခါ ဗဒ္ဓသိမ်သမုတ်ခဲ့ဖူးသော ရွာ,နိဂုံး,မြို့ ,ဇနပုဒ်သည် နောင်အခါ ပျက်စီး၍ တောနယ် ဖြစ်လေ၏။ ထိုဗဒ္ဓသိမ်ရှိဖူးရာ သတ္တဗ္ဘန္တရ သိမ်အဖြစ်ဖြင့် ကံပြုရာ၌လည်း ထိုသုံးပါးသော ဒေါသအတွက် သတ္တဗ္ဘန္တရကံ ပျက်ရာ၏။ ယင်းတို့၌ သင်္ကရဒေါသမှာ ဗဒ္ဓသိမ် ဟောင်း၍ သံဃာရှိလျက် မသိမ်းသော်သာ ပျက်ရာ၏။
သတ္တဗ္ဘန္တရဗဒ္ဓအဇ္ဈောတ္ထရဏာဒိဋီကာ ပြီး၏။