ချိုချိုသာသာ ပြောကြမယ်
Jump to navigation
Jump to search
သင်ခန်းစာ (၂၅)
ချိုချိုသာသာ ပြောကြမယ်[edit]
စကားချိုသာ ပြောဆိုပါ
သူဌေးသားသုံးဦးသည် ငှက်ပျောသီးလှည်း မောင်းလာသော ဦးကြီးတစ်ယောက်နှင့် ဆုံမိကြသည်။
ပထမသူဌေးသားက “ဟဲ့ ခြံစိုက်သမား ငါ့ကို ငှက်ပျောသီး နည်းနည်းပေးစမ်း”ဟု ပြောသည်။ ဦးကြီးက မကောင်းသော ငှက်ပျောသီးတစ်ဖီး ပေးလိုက်သည်။
ဒုတိယသူဌေးသားက “ ဦးလေး ငါ့ကို ငှက်ပျောသီး .. ပေးပါ”ဟု ပြောသည်။ ဦးကြီးက ငှက်ပျောသီးပိန်ပိန်တစ်ဖီး ပေးလိုက်သည်။
တတိယသူဌေးသားက “ ဦးလေးကြီးခင်ဗျာ .... ကျွန်တော့်ကိုလည်း ပေးပါဦး”ဟု ချိုချိုသာသာ ပြောသည်။ ဦးကြီးက အကောင်းဆုံး ငှက်ပျောသီးတစ်ဖီးကို ပေးလိုက်လေတော့သည်။
အလှဆုံး[edit]
စကားပြောဆို ချိုချိုသာ၊ သမီး အလိမ္မာ။
(စကားပြောဆို ချိုချိုသာ၊ သားသား အလိမ္မာ။)
ယဉ်ကျေးသူမှာ မျက်နှာပြုံး၊ သမီးအလှဆုံး။
(ယဉ်ကျေးသူမှာ မျက်နှာပြုံး၊ သားသား အလှဆုံး)။