བཙན་པོ་རིམ་བྱུང་གི་ལོ་རྒྱུས།/ལེའུ་བདུན་པ།

From Wikisource
Jump to navigation Jump to search
བཙན་པོ་རིམ་བྱུང་གི་ལོ་རྒྱུས།
ལེའུ་བདུན་པ།

328 ༇ བཙན་པོ་ཁྲི་འདུས་སྲོང་། །སྐུ་ཆུང་ནས་གཞོན་གྱིས་ཀྱང་། །ཕག་རྒོད་ལ་བཤན་གྱྀས་མཛད། གཡག་རྒོད་སྒྲོག་དུ་བཅུག། །

329 སྟགི་རྣ་བ་ལ་བཟུང་བ་ལ་སྩོགས་པའ། །ཐུགས་སྒམ་བ་འྀ་སྟེང་དུ། སྐུ་རྩལ་ཆེད་པོས་བསྣན་ཏེ། མྱྀ་དང་མྱི་འདྲའ་བར་འཕགྶ་་

330 པས། །ཉྀ་ངོག་རྒྱལ་པོ་ཐམས་ཆད་དང་། འབངས་མགོ་ནག་པྱོགས་ཀྱིས། མཚན་བླ་དགས་འཕྲུལ་གྱི་རྒྱལ་པོ་ཞེས་

331 བཏགསྟེ། བཀའ་མཆིད་ཀྱི་དཔེར་བརྗོད་དོ། །མཁར་ལ་སྩོགས་པ་བློན་པོ་ཁ་ཆིག་གློ་བ་འདྲྀང་ན། །ཐུགས་སྒམ་བ་དྔ། །

332 དབུ་རྨོག་བརྩན་པོས་གཉེར་ནས། །གློ་བ་རྀངས་པ་ཐམས་ཆད་བཀྱོན་ཕབ་སྟེ། །པྱག་ན་ཆབ་སྲིད་སྔོན་བས་ཀྱང་

333 མཐོ། །དྲུ་གུ་ལ་སྩོགས་སྟེ་ཉྀ་ངོག་གཞན་འབངས་སུ་བཀུག་ཅིང་། དཔྱའ་ཕབ་པ་དང་། མཁར་སྲ་བ་ཕབ།

334 ཡུལ་པྱུག་པོ་བཅོམ་སྟེ་ཆབ་སྲིད་ལེགས་པ་མང་པོ་ནི་འདི་འི་ནང་དུ་མ་གཐོགས་། འུང་གྀ་འོག་དུ་འཇང་

335 ལ་ཆབ་སྲིད་མཛད་དེ་མྱྭ་དཀར་པོ་དཔྱའ་ཕབ། མྱྭ་ནག་པོ་འབངསུ་བཀུག་པ་ལ་སྩོགསྟེ།

336 རྒྱལ་པོ་འདི་ལས་། དབུ་རྨོག་བརྩན་ཞིང། ཆབ་སྲྀད་མཐའ་སྐྱེས་པ་ནྀ་སྔན་ཆད་གདུང་རབས་ཀྱིས་

337 མ་མཛད་དོ། །

338 ༇ རྒྱལ་པོ་ཁྲི་ལྡེ་གཙུག་བརྩན་གྱྀ་རིང་ལ། །རྗེད་གཤྀན་ཆིས་(ཚིས)འཇམ་སྟེ། མྱྀ་ཡོངས་ཀྱིས་སྐྱྀད་དོ། །བློན་ཆེ་སྟག་སྒྲ་

339 ཁོང་ལོད་དང་། རྗེ་བློན་མོལ་ནས། །རྒྱལ་པོ་ཞབས་ཀྱྀས་བཙུགས་ཏེ། །རྒྱ་ལ་ཆབ་སྲིད་མཛད་ན། །རྒྱ་འི་

340 མཁར་ཀྭ་ཅུ་ལ་སྩོགས་པ་ཕབ་སྟེ་། །དེ་ཙམ་ན་རྒྱ་འི་སྲིད་ཆེས་ནས། །བྱང་ཕྱོགས་ཀྱི་དྲུ་གུ་ཀུན་ཀྱང་འདུས་ལ། །

341 ཏ་ཟྀག་ལ་ཐུག་པ་མན་ཆད་རྒྱ་འྀ་ཁམས་སུ་གཐོགས་སྟེ་། །རྒྱ་འྀ་ནོར་མང་པོ་སྟོད་པྱོགས་སུ་འདོན་པ་རྣམས། །ཀྭ་

342 ཅུ་ན་ཚོགས་བྱས་པ་ལས། །ཐམས་ཆད་བོད་ཀྱིས་ཕབ་སྟེ་བཞེས་པས། །བླར་ཡང་དཀོར་མང་པོ་བརྙེས། ། །འབངྶ་

343 མགོ་ནག་པོས་ཀྱང་། རྒྱ་དར་བཟང་པོ་ཁྱབ་པར་ཐབ་བོ། །ལྷོ་པྱོགས་ཀྱི་སྨད་ན་འཇང་དུམ་མྱྭ་དཀར་པོ་ཞེས

344 བྱ་བ་འི་རྒྱལ་པོ་སྡེ་མྱྀ་ཅུང་བ་ཞིག་འདུག་པ། རྒྱལ་པོ་ཐུགས་སྒམ་པོ་འི་རླབས་དང་ཐབས་ཀྱིས་བཀའ་སྩལ་ཏེ།

345 མྱྭ་འྀ་རྒྱལ་པོ་ཀག་ལ་བོང་ཞེས་བྱ་བ། །འབངས་སུ་པྱག་འཚལ་ནས། ཐབས་གཅུང་སྩལ་ཏེ། མྱི་མང་གྀ་

346 སྣོན་བཏབ། ཡུལ་ཆེ་འྀ་ནི་འདབ་བསྐྱེད་དོ། །འཇང་གྀ་རྒྱལ་པོ་བོད་ཀྱི་འབངས་སུ་བཞེས་པས། །རྒྱ་འྀ་ཆབ་སྲིད་

347 ལ་ཡང་ཤྀན་དུ་དམའ་ཞྀང་། མྱྀ་བདེ་བར་བྱས་སྰོ། །འཇང་མྱྭ་འྀ་རྒྱལ་པོ་ལྟ་ཞྀག་རྒྱ་ལ་ལྟ་ལྟ་བ་ལས། །རྒྱ་རྗེས་

348 དགྲར་བླངསྟེ། ། །བཙན་པོ་ཁྲྀ་ལྡེ་གཙུག་བརྩན་གྱི་ཞ་སྔར་གློ་བ་ཉེ་ནས། །རྒྱ་ཡུལ་ཕབ་ཀྱིས་ནྀ་ཡུལ་དང་། །

349 མཁར་དུ་བཆས་ཏེ་པུལ། །གཡུལ་སྤྲད་ཀྱིསནྀ། རྒྱ་བཙོན་ལུག་ལྟར་བསྐྱངས་སོའ། །འུང་ནས་བཙན་པོ་

350 ཁྲྀ་ལྡེ་གཙུག་བརྩན་གྱི་ཞ་སྔར། །ཕང་དང་གྀ་ཁང་མོ་ཆེར་། །ཀག་ལ་བོང་གི་བློན་པོ། དྭན་ཅུང་ཀོག

351 པྱག་འཚལ་བ་འྀ་ཚེ། །བཙན་པོ་རྗེས་འབངས་ཀྱིས་མགུར་བླངས་པ་འྀ་ཚིག་ལ། །དགུང་སྔོ་ནི་བདུན་རིམ་

352 གྱྀ། །ལྷ་ཡུལ་ནི་གུང་དང་ནས། །ལྷ་སྲས་ནྀ་མྱི་འི་མགོན། མྱྀ་ཡུལ་ནྀ་ཐམས་ཆད་དང་། མྱི་མཚུངས་

353 ནྀ་མྱི་འདྲའ་སྟེ། །ཡུལ་མཐོ་ནི་ས་གཙང་བས། །བོད་ཡུལ་ནྀ་གཤང(གཤམ)དུ་གཤེགས། མྱྀ་ཡུལ་ནྀ་ཡུན་ཀྱི་

354 རྒྱལ་། །ཆོས་བཟང་ནྀ་གཙུག་ཆེ་བས། །རྒྱལ་པྲན་ནྀ་ཀུན་ཀྱང་འདུམ། །ན་ནིང་གི་གཞེ་ནིང་སྔ། །ཆབ་

355 ཆབ་ནྀ་མ་གཞུག་ནས། ལ་བོང་ནི་རྗེ་དང་སྐོལ། བློ་ཆེ་ནི་དཀྱེལ་མཁས་ལ། །རྒལ་མཁས་ནི།

356 ཁོང་དཔའ་བས། །རྒྱ་རྗེ་ནྀ་བསམ་ལང་ལ། དགྲའ་བཞེར་ནྀ་གཡུལ་སྤྲད་ཅིང་། །དགྲ་ཟྀན་ནྀ་གསར་

357 སྤངས་པས། །སྲྀད་ཀྱི་ནི་མགོ་བཟུང་ཞྀང་། ཕ་སྐྱབས་ནྀ་སྡུག་བཙལ་པའ། །ལྷ་སྲས་ནི་བཙན་ལ་

358 བཙལ། །ལྷ་སྲས་ནྀ་གཙུག་ཆེ་ལ་། །ཆོས་བཟང་ནྀ་རྗེད་གཤིན་ཞྀང་བཀའ་དྲང་ནྀ་གསུང་རྟག་ལའ།

359 ལ་བོང་ནྀ་སྲིད་གསོལ་བྰ། མྱྀ་སྲྀད་ནྀ་ལྷས་མཛད་ཀྱིས། སྲྀད་ཆེ་ནི་མཐའར་མྱི་འགྱུར། ལ་བོང་ནྀ་རྗེ་དང་

360 སྐོལ། དཔའ་འྀ་ནི་ལས་བྱས་པའ། །རྒྱ་མཁར་ནྀ་མཐོའ་བཤིག་ཅིང་། རྒྱ་འབངས་ནྀ་མང་བསྡུས་ནས།

361 ཡུལ་དང་ནྀ་སྡེར་བཆསྟེ། བོད་ཡུལ་ནི་ཐིལ་དུ་བགྱིས། ཡར་ཏེ་ནྀ་གནམ་ཡང་དགྱེས། མར་ཏེ་ནི་ས་ཡང་

362 དགའ། ལ་བོང་ནི་རྗེ་དང་སྐོལ། ཇེ་ཉེ་ནྀ་ཇེ་ཉེ་འོ། ལྷ་ཉེ་ནི་གུང་དང་ཉེ། ཇེ་བརྟན་ནྀ་ཇེ་བརྟན་ན་། ཤམ་པོ་ནི་གཉན་

363 ལ་བརྟན། དྀ་རིང་ནི་སང་ལྟ་ན་། ཅུང་ཀོག་ནྀ་དཔོན་དང་གཡོག་། གནམ་ས་ནྀ་ཡིད་སྦྱོར་བ། ན་བུན་ནི་ལྷ་འི་

364 སྦུབས། འགེང་གང་ནྀ་ཀུན་ལ་དཔེན། །སྔ་བསུས་ནྀ་པྱིས་བསྐྱལ་ཞྀང། ཀླུ་བླངས་ནྀ་བྲོ་བརྡུངས་པའ། དགོས

365 ཀྱིས་ནྀ་རིམ་གྲོ་བགྱིའ། །